A naaŋmɩn-ƴèr-manɛ Oze sɛbɛ 2:7 - A SƐB-SÕW

⁷ Sɩza n'a, a bɛ mã kʋɔr'ɩ ʋ tʋɔra, a ʋl na dɔw bɛ a, tone nɩ vĩ tome. Ʋ mɩ́ tɩ yel'a: Ɩ̃ na zɔrɛ na tuur a ɩ̃ sɛnbɛ, a bɛl na kʋ̀rɛ mɛ̃ a dipɛ̃ nɩ a kʋ̃ɔ a, a pi-kɔblʋ pɛnɛ nɩ a lɛ̃ fomie pɛnɛ a, a kãá nɩ a divɛ̃ a.

A naaŋmɩn-ƴèr-manɛ Oze sɛbɛ 2:7 ပူးပေါင်းရင်းမြစ်များ

2 Bibie za yel-manɩ 28:23

ʋ tɩ maal'ɩ bagɛ kʋ̀ a Damasɩ tẽw ŋmɩmɛ na tɩ zɛb tʋ̃ɔ́ ʋ a, ɛ́ yel: «A Asiiri tẽw na-mɩnɛ ŋmɩmɛ n'a sõwne bɛ. A na ɩ lɛ a, ɩ̃ mɩ̀ na maal'ɩ bagɛ kʋ̀ a, k'aa tʋ̃ɔ́ mɩ̀ sõw mɛ̃.» Ɛcɛ a ŋmɩmɛ á ŋá n'a nɩ̃ɛ ɩ ʋlɛ nɩ a Ɩsɩrayɛl nɩbɛ za lo.

Sɛb-sõw yielu 116:7

A fɛr'a k'ɩ̃ɩ ɓãá ɩ̃ mɩŋa, a Sore na maalɩ mɛ̃ vla a ƴãw.

Ɩzayi 30:16

Nyɩ yere na: «Aɩ, tɩ na zɔm'ɩ wie zɔ n.» Ãà, nyɩ na zɔ na. Nyɩ mɩ̀ cãà na yere: «A tɩ wie na gárɛ nɩ fɔ̃w fɔ̃w.» Ãà, a bɛlɩ dem na diwr nyɩ a na zɔrɛ nɩ fɔ̃w zuo lɛ!

Zeremi 14:22

A nɩ-bʋʋr-yoru ŋmɩn-bɛlɛbɛlɛ pʋɔ a, been be n be na tʋ̃ɔ́ ɩ kɛ̀ saa wa a? A salom tɛɛ za n'ʋ mɩ́ bɛr a kʋ̃ɔ a siw ɩ? Fʋ̃ʋ bɛ n'ɩ a Sore tɩ Naaŋmɩn ɛ? A fʋ ƴãw n'a tɩ ƴãw a tɩ tɩɛrʋ, bʋ̃ʋ n'ʋ vɛ̃, fʋ̃ʋ n'ʋ maalɛ à á ŋá za.»

Zeremi 2:2

«Cen tɩ ƴɛ̀r à ŋá a Zerizalɛm tẽw nɩbɛ zie: À ŋá n'a a Sore yere: Ɩ̃ cãà na bãwnɩ a lɛ fʋ na tɩ ŋmɛ̃ a koro za a. Fʋ na tɩ ɩ a pɔwsɩrale a, fʋ tɩ tu m'a. Fʋ na tɩ ɩ a ɩ̃ ƴãw-nɩ-yúor a, fʋ tɩ nɔnɛ mɛ̃ na! Fʋ tɩ tuur mɛ̃ nɩ a wɛja-kpalɛ pʋɔ, tẽsɔw zu bom za na bɛ bule a.

Zeremi 2:28

Ɛcɛ, ɩ̃ na sɔw nyɩ na: “A nyɩ ŋmɩmɛ nyɩ na maalɩ a wa?” A ìr, alɛ na na tʋ̃ɔ́ faa nyɩ a lɛn daar nyɩ nãà wa be a kpɩɛrʋ pʋɔ a! Bʋ̃ʋ n'ʋ vɛ̃, Zuda nɩbɛ ɛ, a nyɩ ŋmɩmɛ yãwmɛ na mɛ̃ a nyɩ tẽ-bɛrɛ a!”

Zeremi 2:36

Nyɛ̃ lɩɛrʋ fʋ na mɩ́ lɩɛrɩ a fʋ kpɛ-ta-tɔ mɔlɛ lɛ a! Ɛcɛ fʋ nyɛ̃ nɩ vĩ a Eziptɩ tẽw mɛ̃ a lɛ fʋ na tɩ nyɛ̃ a vĩ a Asiiri tẽw a.

Zeremi 3:1

A Sore yel'a: A ɩ mɛ̃ dɛb zawr'ɩ a ʋ pɔw bɛr, ʋ yi a ʋ zie tɩ kul dɛb-yũo a, ʋ tɛr'ɩ sɔ́r na lɛb kul a pɔw ŋa a? Ʋ̃ʋ'hʋ̃! A tẽw na dɛw nɩ ʋ za. Ɛcɛ a fʋ̃ʋ a, Ɩsɩrayɛl i, fʋ tõ n pɔw-yɛm tome nɩ nɩ-yaga ɛ́ bɔbr kɛ́ fʋ lɛb wa a ɩ̃ zie! A Sore n'ʋ yel.

Zeremi 31:18

Ɩ̃ sɩrɩ na wõ a Efarayim tẽw nɩbɛ na kone zɛbr yere nɩ a: “Sore e, fʋ kpãa tɩ nɩ faa faa, mɛ̃ a lɛ bɛ na mɩ́ dɔwrɩ nadɛr-pɔl na bɛ sàwr cere a. Ɛcɛ ɩ tɩ lɛb wa a fʋ zie, kɛ̀ tɩ tʋ̃ɔ́ sɩrɩ lɛb wa a fʋ zie. Bʋ̃ʋ n'ʋ vɛ̃, a fʋ̃ʋ a, Sore e, fʋ̃ʋ n'ɩ a tɩ Naaŋmɩn.

Zeremi 31:32

Ʋ kʋ̃ ŋmɛ̃ mɛ̃ a ʋl ɩ̃ na tɩ maal'ɩ a bɛ sãàkʋm-kore, a lɛn daar ɩ̃ na tɩ nyɔw bɛ a nũú k'ɩ̃ɩ ɩ bɛ yi a Eziptɩ tẽw pʋɔ a ɩ. A wõ-taa ʋl a, bɛ sãw ʋ na bɛr, a mãa na saa tɩ n'ɩ a bɛ zu-sob a. A mãa, a Sore, mãa n'ʋ yere.

Zeremi 44:17

Tɩ na ɩ n a lɛ za tɩ na yel a. Tɩ na nyɩw nɩ tɩ-suur-zɔ̃-na-nyùur-vla-vla-a, de nɩ divɛ̃ kʋ̀ a ŋmɩn-pɔw Asɩtarte, a salom pɔw-nãà, mɛ̃ a lɛ tɩ na ɩ wa tɔ a ka a, a tɩɩm tɛɛ za, a tɩ sãà mɩnɛ, a tɩ na-mɩnɛ nɩ a tõ-tõ-bi-bɛrɛ, a Zuda tẽ-bɛrɛ pʋɔ nɩ a Zerizalɛm sɛ́ɛ zu a. A lɛn daar a, tɩ tɩ tɛr'ɩ bʋ̃-dɩrɩ a man, ɛ́ tɩ vʋʋrɛ nʋ̃ɔ̀ pʋɔ bɛ bãw kpɩɛrʋ ɛ.

Ezekɩɛl 16:18

Fʋ pàw a na nɩ a fʋ kpar-mawrɩ. Fʋ de nɩ a ɩ̃ kãá nɩ a ɩ̃ tɩ-suur-zɔ̃-na-nyùur-vla-vla-a kʋ̀ a.

Ezekɩɛl 16:8

A tɩ kɔwr'a ɩ̃ɩ lɛb cen tɔl pɩɛlɩ fʋ, Zerizalɛm i. Ɩ̃ tɩ jɩ́r fʋ na kaa nyɛ̃ fʋ ta a dɛb nɔ̃wfʋ. Lɛ n'a ɩ̃ tɩ dɔl a ɩ̃ kpar-kpɛ̃ɛ a fʋ zu k'ɩ̃ɩ pàw a fʋ ƴã-gã-kpãkpol. Ɩ̃ tɩ pɔ n nɩ a ɩ̃ nyɔ-vʋʋrʋ k'ɩ̃ɩ na be n a fʋ ƴãw kʋ̃ lɛb pùor ɛ, ɛ́ maal'ɩ fʋ wõ-taa. Lɛ n'a fʋ tɩ be a ɩ̃ ƴãw, a mãa Sore Naaŋmɩn n'ʋ yel.

Ezekɩɛl 20:32

Nyɩ yel'a: Tɩ bɔbr'a kɛ́ tɩ ɩ mɛ̃ a nɩ-bʋʋr-yoru a, mɛ̃ a tẽ-yoru nɩbɛ a, tɩ bɔbr'a kɛ́ tɩ maalɛ tɩɩr nɩ kʋsɛbɛ. Ɛcɛ a lɛ nyɩ na tɩɛr'a kʋ̃ ɩ ɛ.

Ezekɩɛl 23:12

A ʋ socir tɩ nɔ̃w nɩ a ʋ kpɛ-pɩɛl dem yaga za, a Asiiri tẽw dem. Tõ-tõ-bi-bɛrɛ nɩ ƴɛ̀r-dɩrbɛ na mɩ́ su kpar-vɩɛlɩ vɩɛlɩ a tɩ nɛbɛ. Bɛ tɩ ɩ n wi-zɔm-karɩ, bɛ za pɔlbili, ɛ́ pɔ̀l bɛ mɩ́ nyɛ̃ kpiir lore.

Ezekɩɛl 23:22

Alɛ n'a so a mãa Sore Naaŋmɩn, ɩ̃ yere à ŋá kʋ̀rɛ fʋ: Ɩ̃ na dɔ n a fʋ sɛnbɛ ƴãw fʋ, a bɛl fʋ na tɛr lɛɛ tɩ jewre a. Ɩ̃ na ɩ na bɛ yi a ziir za wa ɓã taa a fʋ ƴãw.

Ezekɩɛl 23:4

A yeepuul-kpɛ̃ɛ yúor tɩ dɩ na kɛ́ Ohola, ɛ́ a bile yúor dɩ kɛ́ Oholiba. A dãw-niwn sob a, Samaari n'ʋ, ɛ́ a bile ɩ Zerizalɛm. Ɩ̃ tɩ kul'ɩ bɛ za ayi, ɛ̀ bɛ dɔw dɛbli nɩ powli kʋ̀ m.

A naaŋmɩn-ƴèr-manɛ Oze sɛbɛ 1:2

A ƴɛ̀rʋ a Sore na ƴãw a Oze ƴɛ̀r kʋ̀ a ʋ nɩ-bʋʋrɛ a tib zie n'ɩ a ka. A Sore tɩ yel'ɩ a Oze: «Cen tɩ de ŋmɩmɛ maalʋ-ziir pɔw-yɛm, dɔw nɩ ŋmɩmɛ maalʋ-ziir pɔw-yɛm bibiir. Bʋ̃ʋ n'ʋ vɛ̃, a tẽw nɩbɛ na zawrɩ a mãa Sore bɛr a, pɔw-yɛm ɩ-ɩrɩ tɛɛ za n'a bɛ ɩrɛ.»

A naaŋmɩn-ƴèr-manɛ Oze sɛbɛ 13:6

Fʋ na dɛ wa tarɛ a mʋ̃ɔ 'wɔbrʋ zie a, fʋ 'wɔb'ɩ a mʋ̃ɔ tɩw, ɛ́ fʋ na wa tɩw baar'a, fʋ ɩrɛ nɩ pɔ̀l-ɩb, alɛ n'a so fʋ yiiri mɛ̃ bɛr.

A naaŋmɩn-ƴèr-manɛ Oze sɛbɛ 14:1

A Samaari tẽw dem na ya n a san, bɛ na gaarɩ zawrɩ a bɛ Naaŋmɩn bɛr a ƴãw. Zɛbr-sɔ-kpɛ̃ɛ na kʋ bɛ na, bɛ na nɛb'ɩ a bɛ bi-pɩɩlɛ kʋ, ɛ́ wɛr a bɛ pɔw-pée.

A naaŋmɩn-ƴèr-manɛ Oze sɛbɛ 2:16

Mãa n'ʋ na bɔ ʋ, ɩ̃ na lɛb'a tɛr ʋ kpɛ n a wɛja-kpalɛ pʋɔ tɩ ƴɛ̀r'ɩ ʋ.

A naaŋmɩn-ƴèr-manɛ Oze sɛbɛ 5:13

A Efarayim nyɛ̃ nɩ a ʋ bàalʋ, ɛ́ a Zuda nyɛ̃ a ʋ gbõtor. Efarayim cen nɩ a Asuur zie, ʋ tõ n nɩbɛ a na-kpɛ̃ɛ zie. Ɛcɛ, a nãà ŋa kʋ̃ tʋ̃ɔ́ sanɩ nyɩ ɛ, ʋ kʋ̃ tʋ̃ɔ́ ɩ a nyɩ gbõtor ɓãá ɩ, Efarayim yir dem i!

A naaŋmɩn-ƴèr-manɛ Oze sɛbɛ 5:15

«A Sore yere na: Ɩ̃ na tɔlɛ na cere, ɩ̃ na lɛb'a cen a ɩ̃ beba zie, ɛ́ gù bɛ wa tɩ sàw kɛ́ bɛ sãw na, ɛ́ bɔbr a ɩ̃ niwn. A bɛ kpɩɛrʋ pʋɔ a, bɛ na ìr'a bɔbr mɛ̃.»