A naaŋmɩn-ƴèr-manɛ Oze sɛbɛ 2:21 - A SƐB-SÕW

²¹ Ɩsɩrayɛl ɩ, ɩ̃ na ƴãw nɩ fʋ nɩ yúor na bɛ tɛr lɩɛb-bɛrʋ a. Mɩnʋ nɩ yel-na-tu-sɔr-a pʋɔ n'a, ɩ̃ na ƴãw nɩ fʋ a yúor. Nɔ̃wfʋ nɩ su-ɓaarʋ pʋɔ n'a, ɩ̃ na ƴãw nɩ fʋ a yúor.

A naaŋmɩn-ƴèr-manɛ Oze sɛbɛ 2:21 ပူးပေါင်းရင်းမြစ်များ

Ɩzayi 55:10

A saa nɩ a sa-pupure mɩ́ yi n a salom zu lo. Ɛcɛ a bɛ mɩ́ lɛb cen a be ɛ́ bɛ bur a tẽw ɛ, ɛ́ bɛ ɩ k'ʋ wɔ̃ wɔmɛ ɩ, ɛ́ bɛ ɩ a bʋ̃-bie a bul ɛ. À ŋá n'a a bʋ̃-bʋʋrɛ mɩ́ be be a bʋrʋ ƴãw, ɛ́ bʋ̃-dɩrɩ be be a dɩb ƴãw.

Ɩzayi 62:4

Bɛ kʋ̃ cãà bʋɔlɛ fʋ “Tẽ-kpɛ̃ɛ bɛ na zawrɩ bɛr a ɩ”, bɛ kʋ̃ lɛb por a fʋ tẽw “Tẽw na sãw ʋ za a ɩ”. Bɛ na nɩ̃ɛ na bʋɔlɛ fʋ “Sore nʋ̃ɔ̀”, ɛ́ por a fʋ tẽw “Pɔw na kul sɩr vla a”. Bʋ̃ʋ n'ʋ vɛ̃, fʋ na sɩrɩ na ɩ a Sore nʋ̃ɔ̀, ɛ́ a fʋ tẽw na tɛr'ɩ sɩr.

Ɩzayi 62:5

Mɛ̃ a lɛ pɔlbile na mɩ́ kul pɔwsɩrale a, lɛ n'a a sob nɛ na lɛb mɩɛr fʋ a na ɩ a fʋ sɩr. Mɛ̃ a lɛ pɔw-sãan na mɩ́ ƴãw a ʋ sɩr nʋ̃ɔ̀ a, lɛ n'a fʋ na ƴãw a fʋ Naaŋmɩn nʋ̃ɔ̀.

Ɩzayi 65:24

Bɛ kʋ̃ mɩ́ bʋɔlɩ sɛr ɛ, ɩ̃ɩ sɔw bɛ. Bɛ kʋ̃ mɩ́ ƴɛ̀r baar ɛ, ɩ̃ɩ wõ a bɛ ƴɛ̀rʋ.

Ezekɩɛl 36:29

Ɩ̃ na ír nyɩ na bɛr a nyɩ dɛwr za pʋɔ. Ɩ̃ kʋ̃ lɛb bɛr a kɔ̃ lo a nyɩ zu ɛ, ɛcɛ, ɩ̃ na ɩ n a ble bul wɔ̃ yaga za.

A naaŋmɩn-ƴèr-manɛ Oze sɛbɛ 14:7

A ʋ wuli na vore na cere, ʋ na vɩɛl'a nyɩwrɛ mɛ̃ olivʋ tɩɛ a, ɛ́ nyùur mɛ̃ Libã tẽw parfɛ̃ a.

Zowɛl 2:19

ɛ́ sɔw a bɛ puoru à ŋá: «Ɩ̃ na lɛb'a kʋ̀ nyɩ a ble, a divɛ̃ nɩ a kãá. Nyɩ na tɩ tɩw a na. Ɩ̃ kʋ̃ lɛb sàw towtow nyɩ ɩ nɩ-ɩ-laarɩ a nɩ-bʋʋr-yoru sɔgɔ ɩ.

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Zakari 8:12

Ɩ̃ na ƴãw nɩ ƴã-ɓaarʋ a tẽw zu: a divɛ̃ tɩɩr na mɩ́ wɔ̃ na, a tẽsɔw bʋ̃-kʋ́ɔrɩ na mɩ́ maal'a, sa-bɛrɛ na yi n a salom zu lo. Ɩ̃ na kʋ̀ n a maalʋ á ŋá za, a ɩ̃ nɩ-bʋʋrɛ nɩbɛ bɛl na cɛ a.

Zakari 8:8

Ɩ̃ na ɩ na bɛ yi a be lɛb wa wa kpɩɛr a Zerizalɛm. Bɛ na ɩ n a ɩ̃ nɩ-bʋʋrɛ, ɩ̃ɩ ɩ a bɛ Naaŋmɩn. Ɩ̃ na dɩrɛ nɩ naalʋ a bɛ zu, nɩ yel-mɩŋa nɩ mɩnʋ.»

Malasɩ 3:10

Nyɩ wa n a nyɩ bʋ̃-tɛrɩ ziir pie sob ʋ za, a bʋ̃-bini dĩó, kɛ̀ bʋ̃-dɩrɩ mɩ́ be a ɩ̃ yir-kpɛ̃ɛ pʋɔ kʋralɛ. A mãa, a Sore kpɛnʋ-za-sob, mãa n'ʋ yere: nyɩ ɩ m kaa a ka lowr ɛ́ nyɛ̃, mãa bɛ wa yuo a salom kʋ̃ɔnɩ kʋ̀ nyɩ a, mãa bɛ wa paalɩ nyɩ nɩ maalʋ tɩ gʋ̀r bɛr a.

Malasɩ 3:11

Ɩ̃ na tanɩ nɩ a sãsowe bɛr, a ta lɛ 'wɔb a nyɩ bʋ̃-kʋ́ɔrɩ ɛ, a ta ɩ a nyɩ divɛ̃ tɩɩr a bɛ wɔnɛ ɩ. Mãa n'ʋ yere à à ŋá kʋ̀rɛ nyɩ, mãa, a Sore kpɛnʋ-za-sob.

Matie 6:33

Nyɩ mɩ́ de niwn bɔbr a Naaŋmɩn Naalʋ nɩ a ʋ nyɔ-vʋʋr-vla, ʋʋ na kʋ̀ nyɩ nɩ a al za na báa cɛ a dɔwlɩ.

Ʋrɔm 8:32

Ʋ bɛ jɩɩrɩ a ʋl mɩŋa Bie bɛr ɛ, ʋ nɩ̃ɛ na de ʋ tɩr bɛ kʋ a tɩ za ƴãw: ŋmɩŋmɩn za n'a ʋ kʋ̃ kʋ̀ tɩ bom za zawla lãwnɩ a ʋ Bie?