A naaŋmɩn-ƴèr-manɛ Oze sɛbɛ 2:20 - A SƐB-SÕW

²⁰ A ʋlɩ bibir nɛ a, mãa nɩ a wɛ-dʋn, a saa-zu lili nɩ a tẽsɔw bʋ̃-vuri na maal'ɩ wõ-taa a ɩ̃ nɩ-bʋʋrɛ ƴãw. Ɩ̃ na kár'ɩ a tam nɩ a zɛbr-sɔ-kpɛ̃ɛ bɛr, ɛ́ sãw a za bɛr, a kʋ̃ cãà a tẽw pʋɔ ɩ, ɩ̃ɩ na sàw na k'aa ɩ̃ nɩbɛ mɩ́ ɓãá ƴãw gúre.

A naaŋmɩn-ƴèr-manɛ Oze sɛbɛ 2:20 ပူးပေါင်းရင်းမြစ်များ

Yele-za-pɛr-tib 9:10

nɩ a bʋ̃-vʋʋrɩ za na be a nyɩ zie a: a lili, a yir dʋn, a wɛ-dʋn, a al na lãw nɩ nyɩ yi a gbor-kpɛ̃ɛ pʋɔ a, nɩ a al za na na be a tẽw zu a pùorí a.

Ɩzayi 2:4

Ʋ na mɩ́ dɩ n a ƴɛ̀rʋ kʋ̀ nɩ-bʋʋrɛ na tɛr taw-taa a, ʋ na mɩ́ bãw nɩ nɩ-bʋʋr-yaga yele kʋ̀ bɛ. Bɛ na mɩ́ de nɩ a bɛ zɛbr-sɔ-bɛrɛ zuw maal'ɩ kue, ɛ́ de a bɛ kafine maal'ɩ sɔ-nɔ-gori. Tẽw kãw kʋ̃ mɩ́ lɛb ŋmãa nɩ tẽw kãw zɛbr ɛ, nɩr kʋ̃ lɛb cãà zanɛ zɛbr zɛbrʋ ɛ.

Ɩzayi 62:4

Bɛ kʋ̃ cãà bʋɔlɛ fʋ “Tẽ-kpɛ̃ɛ bɛ na zawrɩ bɛr a ɩ”, bɛ kʋ̃ lɛb por a fʋ tẽw “Tẽw na sãw ʋ za a ɩ”. Bɛ na nɩ̃ɛ na bʋɔlɛ fʋ “Sore nʋ̃ɔ̀”, ɛ́ por a fʋ tẽw “Pɔw na kul sɩr vla a”. Bʋ̃ʋ n'ʋ vɛ̃, fʋ na sɩrɩ na ɩ a Sore nʋ̃ɔ̀, ɛ́ a fʋ tẽw na tɛr'ɩ sɩr.

Zeremi 24:7

Ɩ̃ na kʋ̀ bɛ nɩ yã na na sõw bɛ bɛ bãw mɛ̃ a. Sɩza, mãa n'ɩ a Sore, bɛ na lɩɛb'ɩ a ɩ̃ nɩbɛ, ɩ̃ɩ ɩ a bɛ Naaŋmɩn. Bɛ na lɛb'a wa a ɩ̃ zie nɩ a bɛ pʋɔ za.

Zeremi 30:10

«A fʋ̃ʋ, Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, a Sore n'ʋ yere. Pʋl-vʋ̃ɔ ta tɛr fʋ ɛ, fʋ̃ʋ, a sãàkʋm-kʋra na n'ɩ Zakɔb a. Ɩ̃ na faa fʋ nɩ a tẽ-zãánɩ pʋɔ, ɛ́ faa a fʋ bibiir a tẽw ʋl pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom ɛ́ bɛ bãw damnʋ ɛ. Ɛ́ nɩr za kʋ̃ lɛb ƴãw fʋ dɛ̃bɩ̃ɛ ɩ.

Zeremi 32:41

A ɩ̃ nʋ̃ɔ̀ n'ɩ ɩ̃ na na paalɩ bɛ nɩ yel-vɩɛlɩ a. Nɩ yel-mɩŋa, ɩ̃ na ɩ na bɛ tɛ nyɩgɛ a tẽw ŋa pʋɔ. Ɩ̃ na ɩ n a lɛ nɩ a ɩ̃ socir za, nɩ a ɩ̃ sɩ́ɛ za.»

Zeremi 9:24

A Sore yere na: Bibir na vɩɛ na ɩ̃ na ìr a bɛlɩ dem na ŋma a yɛɛ tɛwr a ƴãw,

Ezekɩɛl 16:62

Zerizalɛm i, ɩ̃ na maal'ɩ fʋ nɩ wõ-taa, lɛ n'a fʋ na bãw kɛ́ mãa n'ɩ a Sore.

Ezekɩɛl 16:8

A tɩ kɔwr'a ɩ̃ɩ lɛb cen tɔl pɩɛlɩ fʋ, Zerizalɛm i. Ɩ̃ tɩ jɩ́r fʋ na kaa nyɛ̃ fʋ ta a dɛb nɔ̃wfʋ. Lɛ n'a ɩ̃ tɩ dɔl a ɩ̃ kpar-kpɛ̃ɛ a fʋ zu k'ɩ̃ɩ pàw a fʋ ƴã-gã-kpãkpol. Ɩ̃ tɩ pɔ n nɩ a ɩ̃ nyɔ-vʋʋrʋ k'ɩ̃ɩ na be n a fʋ ƴãw kʋ̃ lɛb pùor ɛ, ɛ́ maal'ɩ fʋ wõ-taa. Lɛ n'a fʋ tɩ be a ɩ̃ ƴãw, a mãa Sore Naaŋmɩn n'ʋ yel.

Ezekɩɛl 34:25

Ɩ̃ na maal'ɩ nɩ a ɩ̃ dʋn ƴã-ɓaarʋ wõ-taa, ɩ̃ɩ na ɩ n a wɛ-dʋn bɔr a tẽw pʋɔ. Lɛ n'a a ɩ̃ dʋn na tʋ̃ɔ́ kpɩɛr'ɩ ƴã-ɓaarʋ a wɛja-kpalɛ pʋɔ, ɛ́ ganɛ a tuwr pʋɔ.

Ezekɩɛl 34:27

A tɩɩr na mɩ́ wɔ̃ n wɔmɛ, a tẽsɔw na mɩ́ tɩr'ɩ a ʋ bʋ̃-dieri. Ŋa za na mɩ́ vʋʋrɛ nɩ nɩ ƴã-ɓaarʋ a tẽw pʋɔ. Ɩ̃ na kár'ɩ bom za na dine a ɩ̃ nɩ-bʋʋrɛ nɩbɛ a bɛr. Ɩ̃ na faa bɛ nɩ a bɛlɩ dem na ƴãwnɛ bɛ a gbãgbaalʋ pʋɔ a nuru pʋɔ. A lɛn daar a, bɛ na bãw na kɛ́ mãa n'ɩ a Sore.

Ezekɩɛl 38:23

À ŋá n'a ɩ̃ na wul a nɩ-bʋʋrɛ za k'ɩ̃ɩ sɩrɩ na ɩ Naaŋmɩn, ɛ́ bɛ na bãw na kɛ́ mãa n'ɩ a Sore.»

A naaŋmɩn-ƴèr-manɛ Oze sɛbɛ 13:4

Ɛ́ a mãa a, a Eziptɩ tẽw yib daar za n'a ɩ̃ ɩ a Sore fʋ Naaŋmɩn, fʋ bɛ lɛb tɛr Naaŋmɩn a bɛ ɩ a mãa n'ʋ ɛ, faarɛ kãw za bɛ be be ƴãw pʋɔ a ɩ̃ ƴãw ɛ.

A naaŋmɩn-ƴèr-manɛ Oze sɛbɛ 2:19

Ɩ̃ na ɩ n a Báàl mɩnɛ yée bɔr a ʋ nʋɔrɩ́, ɛ́ bɛ kʋ̃ cãà pore a yée á ŋá yúor mɩ̀ ɛ.

A naaŋmɩn-ƴèr-manɛ Oze sɛbɛ 6:6

Nɔ̃wfʋ n'a mɩ́ pɛlɩ a ɩ̃ pʋɔ, bagɛ bɛ n'a ɩ, ɛ́ nyɩ na bãw k'ɩ̃ɩ ɩ n Naaŋmɩn a vɩɛl'a zuo a nyɩw-a-za-bàwr.»

Levitɩ mɩnɛ 26:5

A nyɩ zie a, nyɩ na mɩ́ va n a bʋ̃-varɩ tɩ ta n a divɛ̃ tɩɩr wɔmɛ pɔrʋ daar, ɛ́ pɔr a divɛ̃ tɩɩr wɔmɛ tɩ ta n a bʋ̀rʋ daar. A bʋ̃-dɩrɩ na mɩ́ ʋr'a, ɛ́ nyɩ ɓãá ƴãw kpɩɛr a tẽw.

Levitɩ mɩnɛ 26:6

Ɩ̃ na ƴãw nɩ ƴã-ɓaarʋ a tẽw pʋɔ: nyɩmɛ wa gã a, bom bɛ waar wa damnɛ nyɩ ɛ. Ɩ̃ na ɩ na a dʋ̃-faar bɔr a tẽw pʋɔ. Nɩr bɛ waar wa ŋmaarɛ nɩ nyɩ zɛbr ɛ.

Mise 4:3

Ʋ na mɩ́ dɩ n a ƴɛ̀rʋ kʋ̀ nɩ-bʋʋr-yaga na tɛr taw-taa a, ʋ na mɩ́ bãw nɩ yele kʋ̀ ten na tɛr fãw a, alɛ saa zãá a. A na mɩ́ de nɩ a zɛbr-sɔ-bɛrɛ zuw maal'ɩ kue, ɛ́ de a kafine maal'ɩ sɔ̀rʋ. Tẽw kãw kʋ̃ mɩ́ lɛb ŋmãa nɩ tẽw kãw zɛbr ɛ, nɩr kʋ̃ lɛb cãà zanɛ zɛbr zɛbrʋ ɛ.

Zakari 9:10

Ʋ na ír'ɩ a zɛbr-torkori bɛr a Efarayim, nɩ a wie a Zerizalɛm. Ʋ na kár'ɩ a zɛbr tamɛ bɛr. Ʋ na ƴãw nɩ a ƴã-ɓaarʋ a nɩ-bʋʋrɛ pʋɔ, ʋ na so nɩ a zie, kʋ̃ɔ-kpɛ̃ɛ tɩ tɔ n kʋ̃ɔ-kpɛ̃ɛ, a Efaratɩ man tɩ tɔ n a tẽw baarʋ zie.

Matie 11:27

A ɩ̃ Sãà de nɩ bom za kʋ̀ m. Nɩr za bɛ bãw a Bie a bɛ ɩ a Sãà n'ʋ ɛ, ɛ́ nɩr za bɛ bãw a Sãà a bɛ ɩ a Bie n'ʋ ɛ, nɩ ʋlɩ sob a Bie na bɔbr wul ʋ bãw a.

Luka 10:22

«A ɩ̃ Sãà de nɩ bom za ƴãw a ɩ̃ nũú, ɛ́ nɩr za bɛ bãw ãa n'ɩ a Bie a bɛ ɩ a Sãà n'ʋ ɛ, mɛ̃ nɩr za na bɛ bãw ãa n'ɩ a Sãà a bɛ ɩ a Bie n'ʋ a, nɩ sob nɛ a Bie na sàw wul a.»

Zã 17:3

Ɛ́ a nyɔ-vʋʋrʋ na be kʋralɛ a n'ɩ kɛ́ bɛ bãw fʋ, fʋ̃ʋ yõ na ɩ a Naaŋmɩn-sɩza a, ɛ́ mɩ̀ bãw a sob nɛ fʋ na tõ a, a Yeezu Kɩrɩta.

Zã 8:55

Nyɩ bɛ bãw ʋ ɛ, ɛ́ mãa bãw ʋ. Mãa tɩ yere k'ɩ̃ɩ bɛ bãw ʋ a, ɩ̃ nãá ɩ n zir-ŋmarɛ mɛ̃ a nyɩɩm a, ɛcɛ ɩ̃ bãw ʋ na, ɛ́ dier a ʋ ƴɛ̀rʋ.

2 Korɛ̃tɩ 4:6

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

Filib 3:8

Sɩza n'a, ɩ̃ nyɛ̃ a na a ɩ loba, a yel-vla ŋa na zuo bom za a ƴãw: a ɩ̃ Sore Yeezu Kɩrɩta bãwfʋ. A ʋl ƴãw n'a ɩ̃ bɛ lɛb cãà tɛr bom za ɩ, ɛ́ bom za ɩ mɛ̃ sagɛ a, a ɩ̃ zie, k'ɩ̃ɩ tʋ̃ɔ́ páw a Kɩrɩta.

Kɔlɔsɩ 1:10

À ŋá n'a nyɩ na maalɛ a Naaŋmɩn yã-nɔn za, ɛ́ vʋʋrɛ nyɔ-vʋʋrʋ na sɛw taa nɩ ʋ a. Nyɩ na maalɛ nɩ ɩ-vɩɛlɩ bʋʋrɛ bʋʋrɛ za, ɛ́ lɛb bãwnɛ a Naaŋmɩn dɔwlɛ.

2 Timote 1:12

Alɛ n'a so ɩ̃ wone a tuo á ŋá. Ɛcɛ vĩ bɛ ɩrɛ mɛ̃ ɩ, ɩ̃ bãw nɩ sob nɛ ƴãw ɩ̃ na ƴãw a ɩ̃ tɩɛrʋ a, ɩ̃ɩ bɛ bʋ̀nɛ ɩ, ɩ̃ bãwnɩ a na k'ʋʋ tɛr'ɩ fãw na tɛr a bom ʋ na kʋ̀ m k'ɩ̃ɩ tɛlɛ a, tɩ ta n a ƴɛ̀rʋ-maalʋ bibir.

Ebre 8:11

Kãw kʋ̃ mɩ́ lɛb wule a ʋ tẽ-bi-tɔ bɩɩ a ʋ yɛb, yere kʋ̀rɛ ʋ: “Bãw a Sore ɩ”. Bʋ̃ʋ n'ʋ vɛ̃, bɛ za na bãw mɛ̃ na, a bile za zie tɩ ta n a kpɛ̃ɛ za,

1 Zã 4:6

Ɛcɛ a tɩɩm a, Naaŋmɩn so tɩ. Sob nɛ na bãw a Naaŋmɩn a mɩ́ bɛrɛ na wone a tɩ ƴɛ̀rʋ. Ɛ́ sob nɛ a Naaŋmɩn na bɛ so a bɛ mɩ́ bɛrɛ wone a tɩ ƴɛ̀rʋ ɛ. À ŋá n'a tɩ mɩ́ bãw a yel-mɩŋa Vʋʋrʋ nɩ a tulu vʋʋrʋ.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.