A naaŋmɩn-ƴèr-manɛ Oze sɛbɛ 2:19 - A SƐB-SÕW

¹⁹ Ɩ̃ na ɩ n a Báàl mɩnɛ yée bɔr a ʋ nʋɔrɩ́, ɛ́ bɛ kʋ̃ cãà pore a yée á ŋá yúor mɩ̀ ɛ.

A naaŋmɩn-ƴèr-manɛ Oze sɛbɛ 2:19 ပူးပေါင်းရင်းမြစ်များ

Sɛb-sõw yielu 85:10

A Sore kʋ̃ yaa kɛ́ faa a bɛlɩ dem na zɔrɛ ʋ a ɩ, ɛ́ a ʋ yúor-vɩɛlʋ-danʋ na kpɩɛr'ɩ a tɩ tẽw.

Ɩzayi 1:27

A Sɩyɔ̃ tẽw wa ɩrɛ a lɛ-na-tu-sɔr-a, ʋ na nyɛ̃ nɩ a faafʋ, ɛ́ a mɩnʋ pùor tub'a na faa a ʋ nɩbɛ na na lɩɛbɩ a bɛ ɩb a.

Ɩzayi 54:14

A mɩnʋ n'a na tɩɛ fʋ. Fʋ kʋ̃ cãà zɔrɛ bom za dɛ̃bɩ̃ɛ ɩ, fɛrʋ za na na zãá nɩ fʋ a ƴãw. A dɛ̃bɩ̃-kpɛ̃ɛ na zãá nɩ fʋ na, ʋ kʋ̃ lɛb ta b ɛ.

Ɩzayi 54:5

Bʋ̃ʋ n'ʋ vɛ̃, a sob nɛ na ír fʋ a n'ʋ na ɩ a fʋ sɩr, a sob nɛ a yúor na dɩ k'aa Sore, a kpɛnʋ-za-sob a. A sob nɛ na yarɛ dier fʋ a, a Ɩsɩrayɛl Naaŋmɩn na ɩ sõw a n'ʋ, a sob nɛ bɛ na bʋɔlɛ a “tẽ-daa Sore” a.

Ɩzayi 54:6

A fʋ pʋɔ za tɩ sãw na, mɛ̃ pɔw bɛ na zawrɩ bɛr a. Ɛcɛ a Sore lɛb'a de b. A fʋ Naaŋmɩn yere na: Nɩr na tʋ̃ɔ́ na sɩrɩ zawrɩ a pɔ̀lʋ daar pɔw bɛr ɩ?

Zeremi 4:2

A fʋ pɔb pʋɔ fʋ̃ʋ mɩ́ wa yel: “Ɩ̃ pɔ n nɩ a Sore na vʋʋrɛ a,” ɛ́ a tu a yel-mɩŋa, a lɛ-na-tu-sɔr-a nɩ a mɩnʋ a, a nɩ-bʋʋr-yoru na mɩ́ zɛlɛ na k'ɩ̃ɩ maalɩ bɛ, ɛ́ bɛ na mɩ́ nyʋʋr'ɩ a ɩ̃ ƴãw.

Ezekɩɛl 16:8

A tɩ kɔwr'a ɩ̃ɩ lɛb cen tɔl pɩɛlɩ fʋ, Zerizalɛm i. Ɩ̃ tɩ jɩ́r fʋ na kaa nyɛ̃ fʋ ta a dɛb nɔ̃wfʋ. Lɛ n'a ɩ̃ tɩ dɔl a ɩ̃ kpar-kpɛ̃ɛ a fʋ zu k'ɩ̃ɩ pàw a fʋ ƴã-gã-kpãkpol. Ɩ̃ tɩ pɔ n nɩ a ɩ̃ nyɔ-vʋʋrʋ k'ɩ̃ɩ na be n a fʋ ƴãw kʋ̃ lɛb pùor ɛ, ɛ́ maal'ɩ fʋ wõ-taa. Lɛ n'a fʋ tɩ be a ɩ̃ ƴãw, a mãa Sore Naaŋmɩn n'ʋ yel.

Ezekɩɛl 39:29

Ɩ̃ na kʋ̀ n a ɩ̃ Vʋʋrʋ a Ɩsɩrayɛl nɩ-bʋʋrɛ, ɛ́ kʋ̃ lɛb ŋmɛlɩ kpaar cɔw bɛ towtow ɛ. A mãa Sore Naaŋmɩn n'ʋ yere.»

A naaŋmɩn-ƴèr-manɛ Oze sɛbɛ 14:4

A Asiiri kʋ̃ tʋ̃ɔ́ faa tɩ ɛ, tɩ kʋ̃ do zɔm wur zɛbr ƴãw ɛ, ɛ́ tɩ kʋ̃ lɛb yel a tɩ nuru bʋ̃-maala, k'ʋʋ ɩ n tɩ Naaŋmɩn ɛ. Bʋ̃ʋ n'ʋ vɛ̃, fʋ̃ʋ yõ n'ʋ mɩ́ zɔ a bi-kpieb nɩbaalʋ.»

Zakari 13:2

A Sore, a Kpɛnʋ-za-sob, yere na: «A lɛn daar a, ɩ̃ na ír'ɩ a tɩbɛ za bɛr ɛ́ nɩr kʋ̃ cãà pore a yúor ɛ. Ɩ̃ mɩ̀ na diw nɩ a naaŋmɩn-ƴɛ̀r-man-ziri dem bɛr a tẽw pʋɔ, ɛ́ ɩ nyɩ bɛ cãà nɔnɛ a tɩbɛ maalʋ ɛ.

Zã 3:29

Ʋlɩ sob na so a pɔw-sãan a, ʋlɛ n'ɩ a dɛb-sãan. Ɛ́ a dɛb-sãan bá a, ʋ mɩ́ àr'a kɔw ʋ, bɛrɛ wone a ʋ ƴɛ̀rʋ, ɛ́ a dɛb-sãan kɔkɔr ɩrɛ ʋ nʋ̃ɔ̀ yaga. A ɩ̃ nʋ̃ɔ̀ n'ɩ à ŋà, ʋ vɩɛl'a bɛ cɛ ɩ.

Ʋrɔm 7:4

Ɩ̃ yɛbr i, lɛ n'a a mɩ̀ ŋmɛ̃ a nyɩ zie. A Naaŋmɩn wulu niŋé a, nyɩ ɩ na mɛ̃ nɩ-kũuni a, nyɩ na lãw nɩ a Kɩrɩta a ʋ ƴã-gan pʋɔ a. A na ɩ à ŋá a, nɩ-yũo so nyɩ a ƴɛrɛŋa, a sob nɛ na lɛb yi a kũuni pʋɔ kɛ́ tɩ tʋ̃ɔ́ ɩrɛ ɩ-vɩɛlɩ na nʋmɛ a Naaŋmɩn zie a.

2 Korɛ̃tɩ 11:2

Nyuur na yi Naaŋmɩn zie a ɩrɛ mɛ̃ nɩ a nyɩ ƴãw. Dɛb-been yõ tẽtẽ n'ʋ ɩ̃ ƴãw nɩ nyɩ a yúor, k'ɩ̃ɩ tʋ̃ɔ́ de nyɩ kʋ̀ a Kɩrɩta mɛ̃ pɔwsɩrale na bɛ tɛr dɛwr a.

Yel-wula 21:2

Ɩ̃ɩ tɩ nyɛ̃ nɩ a tẽ-sõw, a Zerizalɛm paala, na yi a Naaŋmɩn zie a salom zu siwr a, ʋ ɩ mɛ̃ pɔw-sãan na ƴãw ʋ pɩ̃ɛmɛ a ʋ sɩr ƴãw a.