A naaŋmɩn-ƴèr-manɛ Oze sɛbɛ 2:15 - A SƐB-SÕW

¹⁵ A bibie al ʋ na zɔ tu a Báàl mɩnɛ pùor a, ɩ̃ na ɩ na ʋ ya a za. Ʋ mɩ́ tɩ maal'ɩ bàwr kʋ̀ a. Ʋ mɩ́ tɩ ƴãw nɩ a ʋ bamɛ nɩ a ʋ pɩ̃ɛmɛ zɔrɛ tuur'ɩ a ʋ sɛnbɛ, ɛ́ mɩ́ tɩ yiiri mɛ̃ bɛr, a Sore n'ʋ yere.

A naaŋmɩn-ƴèr-manɛ Oze sɛbɛ 2:15 ပူးပေါင်းရင်းမြစ်များ

1 Na-mɩnɛ 16:31

Ʋ cɔwr'ɩ a Nevatɩ bidɛb Zerobowam yel-bebe, a bɛ saal'ʋ ɛ, ʋ kul Zezabɛl, Sɩdɔ̃ tẽw dem nãà, Ɛtɩbaal, pɔwyaa, ɛ́ puori a ŋmɩn Báàl, gbĩ dume a ʋ niŋé.

Sɛb-sõw yielu 106:12

Lɛ n'a bɛ tɩ sàw de a lɛ a Naaŋmɩn na yel a, ɛ́ tɩ yieli danɩ nɩ ʋ.

Sɛb-sõw yielu 129:1

Zerizalɛm dob daar yielu. Bɛ dɔwrɩ mɛ̃ nɩ yaga a ɩ̃ pɔ̀lʋ daarɩ́ za, — a Ɩsɩrayɛl, ʋ lɛb yel:

Ɩzayi 65:10

A Saron tɩ̃tal na lɩɛb'ɩ píir àrʋ zie, ɛ́ a Akɔɔr fʋɔla lɩɛbɩ nadʋʋra a ɩ̃ nɩbɛ na na bɔ m a ƴãw.

Ɩzayi 65:21

A ɩ̃ nɩbɛ na ŋmarɛ nɩ yie kpɩɛr, bɛ na sɛlɛ nɩ divɛ̃ tɩɩr ɛ́ dɩrɛ a wɔmɛ.

Zeremi 2:1

A Sore tɩ ƴɛ̀r'ɩ a ɩ̃ zie à ŋá:

Zeremi 2:2

«Cen tɩ ƴɛ̀r à ŋá a Zerizalɛm tẽw nɩbɛ zie: À ŋá n'a a Sore yere: Ɩ̃ cãà na bãwnɩ a lɛ fʋ na tɩ ŋmɛ̃ a koro za a. Fʋ na tɩ ɩ a pɔwsɩrale a, fʋ tɩ tu m'a. Fʋ na tɩ ɩ a ɩ̃ ƴãw-nɩ-yúor a, fʋ tɩ nɔnɛ mɛ̃ na! Fʋ tɩ tuur mɛ̃ nɩ a wɛja-kpalɛ pʋɔ, tẽsɔw zu bom za na bɛ bule a.

Zeremi 29:11

A mãa, a Sore, ɩ̃ bãw nɩ a yele al ɩ̃ na tɩɛrɛ a nyɩ ƴãw a, ɩ̃ɩ yere na kʋ̀rɛ nyɩ: kpɩɛrʋ yele bɛ n'a ɩ̃ tɩɛrɛ ɩ, nʋ̃ɔ̀ yele n'a. Ɩ̃ bɔbr'a k'ɩ̃ɩ kʋ̀ nyɩ nɩdaar nyɩ na na ƴãw a nyɩ tɩɛrʋ a ʋ ƴãw a.

Zeremi 3:4

Ɛ́ ƴɛrɛŋa fʋ sʋ̃ɔmɩ sàw kone cɔwr mɛ̃ yere: «Ɩ̃ sãà, fʋ̃ʋ ɩ̃ pɔ̀lʋ daarɩ́ bá a!» Fʋ sowre nɩ fʋ tʋɔra:

Zeremi 32:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “A tẽw ŋa pʋɔ a, a nɩbɛ na lɛb'a dàar yie, póru nɩ divɛ̃ tɩɩr póru.”»

A Lãw-mʋɔlɛ 3:21

Ɛcɛ, nyɛ̃ a ʋlɩ bom nɛ ɩ̃ na bɔbr k'ɩ̃ɩ bãwnɩ a, a ʋlɩ bom nɛ na n'ʋ so ɩ̃ na tɩɛrɛ a:

Ezekɩɛl 16:22

Zerizalɛm i, fʋ na tɩ ɩrɛ a ɩb á ŋá na bɛ maal'ɩ wob a, fʋ na tɩ tone a pɔw-yɛm tome á ŋá a, fʋ bɛ tɩ tɩɛrɩ a fʋ pɔ̀lʋ̀ daar ɛ! Fʋ tɩ yiir'ɩ a daar nɛ fʋ na tɩ ɩ ƴã-gã-kpãkpol a, a daar nɛ fʋ na tɩ kpere a fʋ zɩ̃ɩ pʋɔ a.

Ezekɩɛl 16:60

Ɛcɛ mãa a, ɩ̃ na cãà na bãwnɩ a wõ-taa ɩ̃ na tɩ maal'ɩ fʋ a fʋ pɔ̀lʋ̀ daar a, ɩ̃ɩ na ɩ na ʋ lɩɛbɩ wõ-taa na be kʋralɛ a.

Ezekɩɛl 16:8

A tɩ kɔwr'a ɩ̃ɩ lɛb cen tɔl pɩɛlɩ fʋ, Zerizalɛm i. Ɩ̃ tɩ jɩ́r fʋ na kaa nyɛ̃ fʋ ta a dɛb nɔ̃wfʋ. Lɛ n'a ɩ̃ tɩ dɔl a ɩ̃ kpar-kpɛ̃ɛ a fʋ zu k'ɩ̃ɩ pàw a fʋ ƴã-gã-kpãkpol. Ɩ̃ tɩ pɔ n nɩ a ɩ̃ nyɔ-vʋʋrʋ k'ɩ̃ɩ na be n a fʋ ƴãw kʋ̃ lɛb pùor ɛ, ɛ́ maal'ɩ fʋ wõ-taa. Lɛ n'a fʋ tɩ be a ɩ̃ ƴãw, a mãa Sore Naaŋmɩn n'ʋ yel.

Ezekɩɛl 28:25

A mãa Sore Naaŋmɩn yere na: Ɩ̃ na ɩ n a Ɩsɩrayɛl nɩbɛ bɛ yi a nɩ-bʋʋrɛ bɛl sɔgɔ ɩ̃ na diw bɛ yaarɩ a, lɛb wa ɓã taa, ɛ́ à à ŋá n'a ɩ̃ na wul a nɩ-bʋʋrɛ bɛl na cɛ a, kɛ́ mãa n'ɩ a Naaŋmɩn na ɩ sõw a. A Ɩsɩrayɛl nɩbɛ na kpɩɛr'ɩ a bɛ tẽw, a ʋl ɩ̃ na kʋ̀ a ɩ̃ tõ-tõ-bie Zakɔb a.

Ezekɩɛl 28:26

Bɛ na vʋʋrɛ nɩ a be nɩ ƴã-ɓaarʋ, bɛ na mɛ n yie ɛ́ sɛl divɛ̃ tɩɩr. Bɛ na vʋʋrɛ nɩ nɩ ƴã-ɓaarʋ, bʋ̃ʋ n'ʋ vɛ̃, ɩ̃ na dɔwr'ɩ a bɛ kpɛ-pɩɛl dem za nãà wa ɩ bɛ la a. Lɛ n'a bɛ na bãw kɛ́ mãa n'ɩ a Sore, a bɛ Naaŋmɩn.»

A naaŋmɩn-ƴèr-manɛ Oze sɛbɛ 11:1

À ŋá n'a a Sore yere: «A Ɩsɩrayɛl na tɩ ɩ pɔlbile a, ɩ̃ tɩ nɔ̃w ʋ na, ɩ̃ɩ tɩ bʋɔl'ɩ a ɩ̃ bie na tɩ be a Eziptɩ tẽw a.»

A naaŋmɩn-ƴèr-manɛ Oze sɛbɛ 12:13

Zakɔb tɩ zɔ na cen Aram tẽw, ʋ tɩ tõ n pɔw deb ƴãw, ɛ́ a pɔw deb ƴãw ʋ lɩɛbɩ dʋ̃-cɩ̃ɩnɛ.

A naaŋmɩn-ƴèr-manɛ Oze sɛbɛ 12:9

Ɛ́ a Efarayim yere: «Naalʋ tɛwr'a ɩ̃ kpɛ, ɩ̃ bɔ na tɛr a, a ɩ̃ ton za pʋɔ a, yel-bier bɛ ka be ɩ.»

A naaŋmɩn-ƴèr-manɛ Oze sɛbɛ 13:4

Ɛ́ a mãa a, a Eziptɩ tẽw yib daar za n'a ɩ̃ ɩ a Sore fʋ Naaŋmɩn, fʋ bɛ lɛb tɛr Naaŋmɩn a bɛ ɩ a mãa n'ʋ ɛ, faarɛ kãw za bɛ be be ƴãw pʋɔ a ɩ̃ ƴãw ɛ.

A naaŋmɩn-ƴèr-manɛ Oze sɛbɛ 2:12

Ƴɛrɛŋa ʋl a, ɩ̃ na wul'ɩ a ʋ faalʋ a ʋ sɛnbɛ. Nɩr kʋ̃ piw mɛ̃ sɔ́r a lɛ ƴãw ɛ.

Amɔsɩ 9:14

Ɩ̃ lɛb'a maalɛ a ɩ̃ nɩ-bʋʋrɛ ƴãwn: bɛ na lɛb'a mɩɛr a ten al na tɩ sãw a, kɛ́ bɛ kpɩɛr a pʋɔ. Bɛ na sɛl'ɩ divɛ̃ tɩɩr nyúur a divɛ̃. Bɛ na kɔ n zaadɛnɩ dɩrɛ a zaadɛnɩ pʋɔ bome.

Zakari 9:12

Nɩ-pàwrɩ na tɩɛrɛ nɩdaar na vɩɛl a, nyɩ lɛb kul a nyɩ tẽ-kpɛ̃ɛ pʋɔ bɛ na lɛb mɛ a dacine a. Ƴɛrɛŋa a, ɩ̃ yere na kʋ̀rɛ nyɩ: ɩ̃ na maalɩ nyɩ nɩ gb'a ayi, yáa a tuo nyɩ na wõ a san.

Sɔr-nɛ́ɛ 21:17

A lɛ n'a a Ɩsɩrayɛl nɩbɛ tɩ cɛ a yielu ŋa: «A kʋ̃ɔ, a ìr do a bule pʋɔ, ɛ́ bɛ cáarɛ!

Zã 10:9

Mãa n'ɩ a dɩ̃dɔr. Nɩr wa tuur a ɩ̃ zie kpɩɛr a, ʋ na nyɛ̃ nɩ faafʋ. Ʋ na mɩ́ kpɛ na ɛ́ yi, ʋʋ na nyɛ̃ nɩ bʋ̃-dɩrɩ.

Nɩ-toni 14:27

Bɛ na tɩ ta a daadaalɛ a, bɛ bʋɔl'ɩ a Lãw-yir dem ɓã taa, ɛ́ manɩ a yele al za a Naaŋmɩn na tɩ lãw nɩ bɛ maalɩ a, nɩ a lɛ ʋ na yuo a ʋ sàw-deb dɩ̃dɔr kʋ̀ a nɩ-bʋʋr-yoru a.

Zozue 7:26

Bɛ tɩ wob'ɩ kʋsɛbɛ gbõ pàw ʋ, a cãà na nɩ dɩ̃a. Alɛ so a zie nɛ yúor dɩ kɛ́ Akɔɔr bà-fʋɔla wa tɩ tɔ a dɩ̃a. Lɛ n'a a Sore suur tɩ ɓãá.

Ƴɛ̀r-dɩrbɛ 8:34

ɛ́ bɛ yiiri a Sore bɛ Naaŋmɩn bɛr, ʋl na tɩ faa bɛ a bɛ dɔ̃ dem na tɩ viiri koli bɛ a nuru pʋɔ a.