A naaŋmɩn-ƴèr-manɛ Oze sɛbɛ 2:1 - A SƐB-SÕW

¹ Bibir kãw, a Ɩsɩrayɛl bibiir na yãwmɛ na mɛ̃ kʋ̃ɔ-kpɛ̃ɛ nʋɔr biire bɛ na kʋ̃ tʋ̃ɔ́ manɩ, ɛ́ kʋ̃ tʋ̃ɔ́ sɔ́r a. Ɛ́ a be a Naaŋmɩn na tɩ yere kʋ̀rɛ bɛ: «Nyɩ bɛ ɩ ɩ̃ nɩ-bʋʋrɛ ɩ», be n'a ʋ na bʋɔlɛ bɛ: «Naaŋmɩn na vʋʋrɛ a bibiir.»

A naaŋmɩn-ƴèr-manɛ Oze sɛbɛ 2:1 ပူးပေါင်းရင်းမြစ်များ

Yele-za-pɛr-tib 22:17

k'ɩ̃ɩ na maalɩ fʋ nɩ yaga za, ɩ a fʋ bʋʋrɛ bɛ yɛ̀r yãwmɛ mɛ̃ a saa ŋmar-bie nɩ a kʋ̃ɔ-kpɛ̃ɛ nʋɔr biire a. A fʋ bʋʋrɛ na mɩ́ zɛb'a de a bɛ dɔ̃ dem tẽ-bɛrɛ.

Zeremi 31:33

A Sore cãà na yere: Nyɛ̃ a wõ-taa ʋl ɩ̃ na na maal'ɩ a Ɩsɩrayɛl nɩbɛ a lɛn daar a: Ɩ̃ na ƴãw nɩ a ɩ̃ wulu a bɛ pʋ̃ɔmɩ za, ɩ̃ na sɛb a na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Zeremi 32:38

Bɛ na lɛb'a ɩ a ɩ̃ nɩbɛ, ɩ̃ɩ ɩ a bɛ Naaŋmɩn.

Zeremi 51:5

Bʋ̃ʋ n'ʋ vɛ̃, a bɛ tẽw paal'ɩ a sãwfʋ bɛ na ɩ sãw a Ɩsɩrayɛl Naaŋmɩn na ɩ sõw a. Ɛcɛ a Ɩsɩrayɛl nɩ a Zuda bɛ bɔr a bɛ Naaŋmɩn, a Sore kpɛnʋ-za-sob, bɛr ɛ.

Ezekɩɛl 11:20

Lɛ n'a nyɩ na tuur a wulu ɩ̃ na kʋ̀ nyɩ a, nyɩ na maal'a ɩrɛ a ɩ̃ nɛ́ɛ ƴãw, ɛ́ sàwr a. Nyɩ na ɩ n a ɩ̃ nɩ-bʋʋrɛ, ɩ̃ɩ ɩ a nyɩ Naaŋmɩn.

Ezekɩɛl 36:11

A ziir za a, a nɩbɛ nɩ a dʋn na lɛb'a yãwmɛ. Nyɩ na tɛr'ɩ bibiir, nyɩ na yãwmɛ na. A tẽw na lɛb'a tɛr nɩbɛ mɛ̃ a koro za a, ɛ́ a nyɩ tɛra na zuo nɩ a dãwdãw dem. Lɛ n'a nyɩ na bãw kɛ́ mãa n'ɩ a Sore.

Ezekɩɛl 36:28

Lɛ n'a nyɩ na kpɩɛr a tẽw ʋl ɩ̃ na kʋ̀ a nyɩ sãàkʋm-kore a. Nyɩ na ɩ n a ɩ̃ nɩ-bʋʋrɛ, ɩ̃ɩ ɩ a nyɩ Naaŋmɩn.

Ezekɩɛl 37:27

Ɩ̃ na kpɩɛr'ɩ a nyɩ sɔgɔ. Ɩ̃ na ɩ n a nyɩ Naaŋmɩn ɛ́ nyɩ ɩ a ɩ̃ nɩ-bʋʋrɛ.

A naaŋmɩn-ƴèr-manɛ Oze sɛbɛ 2:2

A Zuda bibiir nɩ a Ɩsɩrayɛl bibiir na lɛb'a ɓã taa ɩ been, bɛ na kaa na ír nɩ-kpɛ̃ɛ been, ɛ́ bɛ na so nɩ a tẽw. Bʋ̃ʋ n'ʋ vɛ̃, a Izireyɛl bibir na ɩ n bibi-kpɛ̃ɛ.

A naaŋmɩn-ƴèr-manɛ Oze sɛbɛ 2:23

A ʋlɩ bibir nɛ a, a Sore n'ʋ yere, ɩ̃ na maal'ɩ a salom pʋ-tɩɛrʋ, ɛ́ a salom maalɩ a tẽsɔw pʋ-tɩɛrʋ.

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

2 Korɛ̃tɩ 4:1

Su-ɓaarʋ zũú na n'a a Naaŋmɩn kʋ̀ tɩ a tõ-nʋɔr ŋa a, alɛ so tɩ bɛ be na bàl bɛr ɛ.

1 Timote 1:13

a mãa na tɩ dãw sãwnɛ a ʋ yúor, dɔwrɛ ʋ ɛ́ tʋʋr ʋ a. Bɛ-bãwfʋ n'a tɩ so à á ŋá za ɩ̃ na tɩ ɩrɛ a, a naaŋmɩn-sàw-deb bɛ tɩ be a ɩ̃ zie ɩ. Ɛcɛ, a Naaŋmɩn zɔ n ɩ̃ nɩbaalʋ.

1 Pɩɛr 2:10

Nyɩɩm na bɛ tɩ ɩ a ʋ nɩ-bʋʋrɛ a, ƴɛrɛŋa a, nyɩ ɩ n a Naaŋmɩn nɩ-bʋʋrɛ. Nyɩɩm na bɛ tɩ páw a ʋ su-ɓaarʋ a, ƴɛrɛŋa a, nyɩ páw ʋ na.