A naaŋmɩn-ƴèr-manɛ Oze sɛbɛ 14:6 - A SƐB-SÕW

⁶ A Ɩsɩrayɛl zie a, ɩ̃ na ɩ na mɛ̃ ɓɩɛlʋ a, ʋ na pu na mɛ̃ mɔ̃-puuru kãw bɛ na bʋɔlɛ lisɩ a, ʋ na tɛ n nyɩgɛ mɛ̃ Libã tẽw tuw tɩɩr a.

A naaŋmɩn-ƴèr-manɛ Oze sɛbɛ 14:6 ပူးပေါင်းရင်းမြစ်များ

Yele-za-pɛr-tib 27:27

A Zakɔb tɩ taw na ta nyɔw ʋ weri. A Ɩzaakɩ tɩ wõ n a Zakɔb kparɩ nyũu, ɛ́ ƴɛ̀r a nɔ-vla ƴãw ʋ à ŋá: «Nyɛ̃, a ɩ̃ bidɛb nyũu ɩ na mɛ̃ púo a Sore na maalɩ a nyũu a.

Sɛb-sõw yielu 128:3

A fʋ pɔw na ɩ na mɛ̃ divɛ̃ tɩ-wɔna a, a fʋ yir pʋɔ, ɛ́ a fʋ bidɛbr na jil koli a laa a ɩ mɛ̃ olivʋ tɩ-pɔlɛ a.

Sɛb-sõw yielu 52:8

A nɩ-mɩn na nyɛ̃ na, zɔrɛ dɛ̃bɩ̃ɛ, bɛ na laar ʋ na yere nɩ:

Sɛb-sõw yielu 92:12

Ɩ̃ nyɛ̃ nɩ a ɩ̃ dɔ̃ dem bɛ na zɛb tʋ̃ɔ́ a, ɩ̃ wone nɩ a nɩ-faar na ìr'ɩ mɛ̃ a zɛbr a.

Ɩzayi 27:6

A nɩdaar na waar a, a Zakɔb bʋʋrɛ na tɛ n nyɩgɛ, a Ɩsɩrayɛl bʋʋrɛ na tɛ n pɩrmɛ ɛ́ pu, bɛ na paal'ɩ a tẽ-daa nɩ a bɛ wɔmɛ.

Ɩzayi 35:2

A póru pʋɔ mɔ̃-puuru, a pu pàw ʋ, ʋ cɩlɛ ƴawr'ɩ, ŋmɩɛr'ɩ nʋ̃ɔ̀ cɛlsɩ! A Sore kʋ̀ ʋ nɩ a Libã tan vɩɛlʋ, a Karmɛl tãw nɩ a Saron tɩ̃tal dɛpaalʋ. Lɛ n'a bɛ na nyɛ̃ a Sore yúor-vɩɛlʋ-danʋ, a tɩ Naaŋmɩn dɛpaalʋ.

Ɩzayi 66:14

Nyɩ na nyɛ̃ na, a nyɩ socir na cɩlɛ na, a nyɩ kɔbɛ na lɛb'a kpɛmɛ mɛ̃ mʋ̃ɔ saa na wa ƴãw a.» A Sore na ɩ n a ʋ tõ-tõ-biir bãw a ʋ kpɛnʋ, ɛcɛ ʋ na wul'ɩ a ʋ suur a ʋ dɔ̃ dem.

Zeremi 11:16

Ɩ̃ tɩ kʋ̀ bɛ nɩ yúor: “Olivʋ tɩɛ na tɛr va-sɛblɛ kʋralɛ ɛ́ a ʋ wɔmɛ vɩɛl vɩɛl a.” Ɛcɛ damnʋ na dam kpɛ̃w kpɛ̃w za a pʋɔ, ɩ̃ ƴãw nɩ vũu a ʋ váar, ɛ́ a ʋ wuli kar kar.»

A naaŋmɩn-ƴèr-manɛ Oze sɛbɛ 6:3

Nyɩ ɩ tɩ ƴãw fãw bãw a Sore. A ʋ waa bɛ tɛr bʋnʋ mɛ̃ zi-wɛl-paala a ɩ, ʋ na wa n a tɩ zie mɛ̃ a saa a, mɛ̃ a sɩ̃ɛ-kpɛ-paala saa na mɩ́ wa bur a tẽw a.»

Matie 13:31

A Yeezu tɩ lɛb'a lɔb zʋkpar kãw kʋ̀ bɛ: «A tẽ-vla Naalʋ ŋmɛ̃ na mɛ̃ seneve bir nɩr kãw na bʋ̀r a ʋ púo pʋɔ a.

Zã 15:1

«Mãa n'ɩ a divɛ̃ tɩ-sɩza ɛ́ a ɩ̃ Sãà n'ɩ a divɛ̃ tɩ-kʋ́ɔrɛ.

Filib 4:18

Mɔ̃ mɩ̀, ɩ̃ tɛr'ɩ bom za a na sɛw k'ɩ̃ɩ tɛr a, ɛ́ tɛr dɔwlɩ mɩ̀. Bom bɛ cɛ m ɛ, ɩ̃ na páw a bom ʋl nyɩ na kʋ̀ a Epafoditɩ k'ʋʋ wa kʋ̀ m a. A ɩ na mɛ̃ parfɛ̃ na nyùur vla vla a, ɛ́ ɩ bàwr na nʋmɛ a Naaŋmɩn zie ʋ sàw de a.