A naaŋmɩn-ƴèr-manɛ Oze sɛbɛ 14:5 - A SƐB-SÕW

⁵ À ŋá n'a a Sore yere: «A Ɩsɩrayɛl na zawrɩ mɛ̃ bɛr a, ɩ̃ na sanɩ nɩ a ʋ sãwna ŋa, ɩ̃ na nɔnɛ ʋ na bɛ dɩ vuo ɩ, a ɩ̃ suur kʋ̃ cãà ìr a ʋ ƴãw ɛ.

A naaŋmɩn-ƴèr-manɛ Oze sɛbɛ 14:5 ပူးပေါင်းရင်းမြစ်များ

2 Samɩɛl 23:4

ŋmɛ̃ na mɛ̃ mʋ̃tɔ̃w na pur caalɩ biɓaara salom na bɛ tɛr zũzuge a. A saa wa wa yʋɔ a, a mʋ̃tɔ̃w tʋlʋ mɩ́ ɩ na a mɔ̃-ɓaar bul yi pàw a tẽw.»

2 Na-mɩnɛ 19:30

A Zuda naalʋ-tẽw nɩbɛ bɛl na na cãà vʋʋrɛ a, na lɛb'a ɩ mɛ̃ tɩɛ na tɛ nyɩgɛ kpɛ tẽw, ɛ́ a wuli tɛr wɔmɛ a.

A Zɔb sɛbɛ 29:19

Ɩ̃ ɩ na mɛ̃ tɩɛ a nyɩgɛ na 'lɔr kʋ̃ɔmɩ́ a, a tɩ̃ɩsɔw ɓɩɛlʋ mɩ́ lo n a ɩ̃ wuli zu.

Sɛb-sõw yielu 133:3

A ɩ na mɛ̃ a Hɛrmɔ̃ tã-kpɛ̃ɛ ɓɩɛlʋ, na lore a Sɩyɔ̃ tan zu a. A be n'a, a Sɩyɔ̃ n'a a Sore tɩrɛ a maalʋ, ʋ tɩrɛ a nyɔ-vʋʋrʋ na bɛ tɛr baarʋ daar a.

Sɛb-sõw yielu 72:16

Ble na ʋr'ɩ a tẽw pʋɔ, a bʋ̃-kʋ́ɔrɩ zuru na zaalɛ a tan zu a na ɩ na mɛ̃ a Libã tẽw tãw tɩɩr na zaalɛ a, ɛ́ a tẽ-bɛrɛ pʋɔ a, a nɩbɛ na vɩɛl'a mɛ̃ a póru pʋɔ mʋ̃ɔ a.

Sɛb-sõw yielu 72:6

Ʋ ɩ mɛ̃ a saa na mɩ́ wa ƴãw a mʋ̃ɔ na lɛb tɔmnɛ a, mɛ̃ a sa-pla na mɩ́ wa bur a tẽw a!

Sɛb-sõw yielu 80:9

Divɛ̃ tɩɛ kãw tɩ be n Eziptɩ tẽw, fʋ tɩ vʋ̃ɔ ʋ nɩ a be, wa diw nɩ-bʋʋr-yoru bɛ ìr ɛ́ fʋ sɛl ʋ.

Sɛb-sõw yielu 92:12

Ɩ̃ nyɛ̃ nɩ a ɩ̃ dɔ̃ dem bɛ na zɛb tʋ̃ɔ́ a, ɩ̃ wone nɩ a nɩ-faar na ìr'ɩ mɛ̃ a zɛbr a.

Sɛb-sõw yielu 92:13

A nɩ-mɩŋa kɛrɛ na mɛ̃ kpãkparmɛ tɩɛ a, ʋ ìre na dúor mɛ̃ Libã tẽw sɛɛdɩr tɩɛ a.

Zʋkpaɩ 19:12

A nãà suur ɩ na mɛ̃ gbẽw ùoru a, ɛcɛ a ʋ nɔ̃wfʋ ɩb ɩ na mɛ̃ ɓɩɛlʋ na mɩ́ siw mʋ̃ɔ zu a.

A Yielu za pʋɔ yiel-vla vla 2:16

Ɩ̃ so nɩ a ɩ̃ nɩ-nɔna, ʋʋ mɩ̀ so m. Ʋ àr'ɩ nɩ a ʋ dʋn a lisɩ mɔ̃-puuru pʋɔ.

A Yielu za pʋɔ yiel-vla vla 4:5

A fʋ bɩrɛ a za ayi ɩ na mɛ̃ bʋli ayi a, mɛ̃ mɔlʋ bili ayi na ɩ yɩbr, ɛ́ 'wɔbr mʋ̃ɔ lisɩ mɔ̃-puuru pʋɔ a.

Ɩzayi 12:1

Nɩ-bʋʋrɛ bɛ na faa a, nyɩ na yel'ɩ a ʋlɩ bibir nɛ: «Sore e, tɩ puore fʋ nɩ barka. Bʋ̃ʋ n'ʋ vɛ̃, fʋ tɩ nyɛ̃ nɩ tɩ nɩ suur, ɛcɛ a fʋ suur ɓãa na, ɛ́ fʋ mɔwlɛ tɩ.

Ɩzayi 18:4

Bʋ̃ʋ n'ʋ vɛ̃, a Sore ƴɛ̀r'ɩ a ɩ̃ zie à ŋá: «A zie ʋl ɩ̃ na be a, ɩ̃ na zɩ̃ n zoom ɛ́ jɩ́rɛ, mɛ̃ a tʋlʋ na dɩrɛ cãà pʋɔ a, mɛ̃ ɓɩɛlʋ zũzuwr a bʋ̃-dieri-deb tʋlʋ daar a.»

Ɩzayi 26:19

Ɩ̃ nɩbɛ ɛ, a nyɩ kũuni na lɛb'a vʋʋrɛ, bɛ na lɛb a ìr àr. A bɛlɩ dem na gã a tanɛ pʋɔ a, na ìr'a ŋmɩɛr nʋ̃ɔ̀ cɛlsɩ. A Sore na ɩ na cãà ɓɩɛlʋ lo a nyɩ zu, ɛ́ a tẽsɔw ɩ a kũuni lɛb vʋʋrɛ.

Ɩzayi 27:6

A nɩdaar na waar a, a Zakɔb bʋʋrɛ na tɛ n nyɩgɛ, a Ɩsɩrayɛl bʋʋrɛ na tɛ n pɩrmɛ ɛ́ pu, bɛ na paal'ɩ a tẽ-daa nɩ a bɛ wɔmɛ.

Ɩzayi 35:2

A póru pʋɔ mɔ̃-puuru, a pu pàw ʋ, ʋ cɩlɛ ƴawr'ɩ, ŋmɩɛr'ɩ nʋ̃ɔ̀ cɛlsɩ! A Sore kʋ̀ ʋ nɩ a Libã tan vɩɛlʋ, a Karmɛl tãw nɩ a Saron tɩ̃tal dɛpaalʋ. Lɛ n'a bɛ na nyɛ̃ a Sore yúor-vɩɛlʋ-danʋ, a tɩ Naaŋmɩn dɛpaalʋ.

Ɩzayi 44:3

Bʋ̃ʋ n'ʋ vɛ̃, ɩ̃ na cir'ɩ kʋ̃ɔ ƴãw a tẽsɔw kʋ̃ɔ-nyúur na kpɛ a, ɛ́ ɩ bàrʋ zɔ pàw a tẽ-kõw. Ɩ̃ na pɛbl'ɩ a ɩ̃ Vʋʋrʋ a fʋ bibiir zu, ɛ́ ɩ a ɩ̃ maalʋ siw a fʋ bʋʋrɛ zu.

Ɩzayi 45:8

Salom i, bɛr a mɩnʋ ʋ yi a saa-zu be siw mɛ̃ ɓɩɛlʋ a. A zũzuwe, a ɩ ʋ cir mɛ̃ a saa a! A tẽw, ʋ yuo, a faafʋ nyɛ̃ maalʋ ɛ́ a mɩnʋ bul! A mãa, a Sore, mãa n'ʋ ír a bome á ŋá za.»

Ɩzayi 57:18

Ɩ̃ nyɛ̃ nɩ a ʋ ɩb vla vla, ɛcɛ ɩ̃ na sanɩ ʋ na. Ɩ̃ na wul ʋ nɩ a sɔ́r, ɩ̃ na mɔwl'ʋ na. A bɛlɩ dem za na be wahala pʋɔ a,

Ɩzayi 57:19

ɩ̃ na ƴãw nɩ danʋ yielu a bɛ nɛ̃ɛ́.» A Sore yel a: «Ƴã-ɓaarʋ, ʋ be a sob nɛ na zãá a zie, ƴã-ɓaarʋ, ʋ be a sob nɛ na pɩɛlɩ a zie! Sɩza n'a, ɩ̃ na sanɩ nɩ a ɩ̃ nɩbɛ.»

Zeremi 3:22

«Bibiir na bɛ tu m a, nyɩ lɛb wa a ɩ̃ zie, ɩ̃ na sanɩ nɩ a nyɩ na-bɛ-tu-m a ɩ-ɩrɩ za!» «Tɩmɛ n'ɩ bɛ ŋa! Tɩ waar'ɩ a fʋ zie, bʋ̃ʋ n'ʋ vɛ̃, a fʋ̃ʋ Sore a, fʋ̃ʋ n'ʋ ɩ a tɩ Naaŋmɩn!

Zeremi 32:41

A ɩ̃ nʋ̃ɔ̀ n'ɩ ɩ̃ na na paalɩ bɛ nɩ yel-vɩɛlɩ a. Nɩ yel-mɩŋa, ɩ̃ na ɩ na bɛ tɛ nyɩgɛ a tẽw ŋa pʋɔ. Ɩ̃ na ɩ n a lɛ nɩ a ɩ̃ socir za, nɩ a ɩ̃ sɩ́ɛ za.»

A naaŋmɩn-ƴèr-manɛ Oze sɛbɛ 6:3

Nyɩ ɩ tɩ ƴãw fãw bãw a Sore. A ʋ waa bɛ tɛr bʋnʋ mɛ̃ zi-wɛl-paala a ɩ, ʋ na wa n a tɩ zie mɛ̃ a saa a, mɛ̃ a sɩ̃ɛ-kpɛ-paala saa na mɩ́ wa bur a tẽw a.»

Mise 5:7

A Ɩsɩrayɛl nɩbɛ na cɛ nɩ-bʋʋr-yoru viiri koli a, na kpɛmɛ na mɛ̃ gbẽw wɛ-dʋn sɔgɔ a, mɛ̃ gbẽw-pɔl píir sɔgɔ a. Be za ʋ na mɩ́ tɔlɛ a, ʋ mɩ́ nyɔwr'ɩ a bome tawr ŋmarɛ, ɛ́ nɩr kʋ̃ tʋ̃ɔ́ faa a, a ʋ zie ɩ.

Mise 7:18

Sore e, ŋmɩn kãw bɛ ŋmɛ̃ taa nɩ fʋ ɛ, fʋ mɩ́ de nɩ a sãwna bɛr a baarɩ, ɛ́ dɩ a yel-bebe suur kʋ̀ a fʋ nɩ-bʋʋrɛ na cɛ bɛ kpi a. Fʋ bɛ mɩ́ nyɛ̃ a suur ʋ ka baarʋ ɛ, a na nʋmɛ a fʋ zie kɛ́ fʋ mɩ́ wul tɩ a fʋ nɔ̃wfʋ a ƴãw.

Matie 6:28

A bʋ̃-suuri ƴãw a, bʋ̃ʋ n'ʋ so nyɩ mɩ́ dɩ tuo tɩɛrɛ? Nyɩ jɩ́r nyɛ̃ a lɛ a póru mɔ̃-puuru na mɩ́ bule ìre a: a bɛ tone wone tuo ɩ, bɛ wóbr pɛnɛ ɩ,

Luka 12:27

Nyɩ nyɛ̃ a mɔ̃-puuru a, a bɛ tɛbr fomie ɛ, bɛ wóbr pɛnɛ ɩ, ɛcɛ mãa n'ʋ yere kʋ̀rɛ nyɩ, a Salomɔ̃ nɩ a ʋ vɩɛlʋ za bɛ tɩ su ta a been kãw za ɩ.

Efɛɛzɩ 3:17

Ʋ sàw a Kɩrɩta kpɩɛr a nyɩ socie pʋɔ. A nyɩ naaŋmɩn-sàwfʋ zũú, nyɩ tɛ nyɩgɛ ɛ́ kpɛmɛ a nɔ̃wfʋ pʋɔ.

Wulu-ayi-sob 32:2

A ɩ̃ wulu, a cire, mɛ̃ saa na waar ƴãwn tɩɩr a, a ɩ̃ ƴɛ̀rʋ, a ƴɛ̀r pàw a ziir mɛ̃ ɓɩɛlʋ na lo pàw mʋ̃ɔ a.