A naaŋmɩn-ƴèr-manɛ Oze sɛbɛ 14:2 - A SƐB-SÕW

² Ɩsɩrayɛl i, lɛb wa a Sore fʋ Naaŋmɩn zie. Bʋ̃ʋ n'ʋ vɛ̃, a fʋ sãwna n'a ɩ fʋ ŋmɛ gbɛ́r lo.

A naaŋmɩn-ƴèr-manɛ Oze sɛbɛ 14:2 ပူးပေါင်းရင်းမြစ်များ

2 Samɩɛl 12:13

Lɛ n'a a Daviir tɩ yel a Natan: «Ɩ̃ maal'ɩ yel-bier sãw a Sore.» A Natan tɩ sɔw nɩ a Daviir à ŋá: «A Sore mɩ̀ dɩ n a fʋ yel-bier suur kʋ b, fʋ kʋ̃ kpi ɛ.

2 Samɩɛl 24:10

A Daviir na tɩ sɔ́r a nɩbɛ à ŋá baar'a, pʋ̀lá tɩ vʋ̃ɔ ʋ na. Ʋ tɩ yel'ɩ a Sore: «Yel-bier-kpɛ̃ɛ n'ʋ ɩ̃ maalɩ. Ɛcɛ ƴɛrɛŋa a, Sore e, dɩ a ɩ̃ sãwna suur kʋ̀ m, bʋ̃ʋ n'ʋ vɛ̃, ɩ̃ sɩrɩ na tõ dãbol-tome.»

A Zɔb sɛbɛ 7:21

Fʋ kʋ̃ tʋ̃ɔ́ de a ɩ̃ nɩ-gaara ɩb bɛr a baar ɛ? Fʋ kʋ̃ tʋ̃ɔ́ dɩ a ɩ̃ sãwna suur kʋ̀ m ɛ? Mãa n'ɩ ŋan gã uuru pʋɔ, fʋ̃ʋ wa bɔblɛ bɔbr mɛ̃ a lɛn daar a, ɩ̃ kʋ̃ cãà ɩ.

Sɛb-sõw yielu 119:108

Sore e, sàw de a ɩ̃ puoru mɛ̃ de-kʋ̀b bom a, ɛ́ zanɩ nɩ mɛ̃ a lɛ fʋ na dɩ a ƴɛ̀rʋ yel a.

Sɛb-sõw yielu 50:14

Nɩ̃ɛ ɩ a fʋ barka puoru ɩ bàwr fʋ maalɩ kʋ̀ m, a mãa fʋ Naaŋmɩn, ír a nɛ́ɛ fʋ na kõ a ɩ̃ zie a, mãa na ɩ Naaŋmɩn-na-do-saa-bɛ-pɩɛl-a.

Sɛb-sõw yielu 51:16

Naaŋmɩn i, Naaŋmɩn ɩ̃ faarɛ ɛ, faa mɛ̃ a kũu pʋɔ, ɩ̃ɩ na manɛ nɩ a lɛ fʋ na faa mɛ̃ a.

Sɛb-sõw yielu 51:17

Sore e, yuo a ɩ̃ nʋɔr, ɩ̃ tʋ̃ɔ́ danɛ fʋ.

Ɩzayi 44:22

A fʋ nɩ-gaara ɩ-ɩrɩ a, ɩ̃ ɩ na a bɔr mɛ̃ zũzuwr a, ɛ́ a fʋ sãwna baarɩ mɛ̃ ulu a. Lɛb wa a ɩ̃ zie, ɩ̃ ɩ n a fʋ ya-diere.»

Ɩzayi 6:7

Ʋ tɩ tɔ n nɩ a ɩ̃ nʋɔr ɛ́ yel à ŋá: «A bom ŋa na dɛ tɔ a fʋ nɔgbãbie a, bɛ de nɩ a fʋ sãwna bɛr a baarɩ, bɛ dɩ n a fʋ yel-bier suur kʋ̀ b.»

Zeremi 3:12

Cen tɩ cɩɩrɛ a ƴɛ̀r-bie á ŋá bɛrɛ a saa-pɛrɩ́-gʋba-lowr: “Lɛb wa, fʋ̃ʋ Ɩsɩrayɛl a tɩɛrʋ na lɩɛbɛ a! Ɩ̃ kʋ̃ cãà sãw niwn ƴãw fʋ ɛ. Sɩza, ɩ̃ ɩ n bá na-bɛ-lɛbr-pùor a, ɩ̃ bɛ tɛrɛ nɩ fʋ suur kʋralɛ ɩ, mãa n'ʋ yel, a mãa, a Sore.

A naaŋmɩn-ƴèr-manɛ Oze sɛbɛ 12:7

«A na ɩ à ŋá a, a fʋ̃ʋ a, fʋ na lɛb'a wa a fʋ Naaŋmɩn zie, taa lɛbr pùor ɛ, cere dẽdẽ, ɛ́ ƴãw a fʋ tɩɛrʋ a fʋ Naaŋmɩn ƴãw kʋralɛ.»

A naaŋmɩn-ƴèr-manɛ Oze sɛbɛ 5:5

A Ɩsɩrayɛl nyʋ̀ʋ́r'a yere a ʋ sãwna. A Ɩsɩrayɛl nɩ a Efarayim ŋmɩɛr'ɩ gbɛ́ɛ a bɛ sãwna ƴãw. A Zuda mɩ̀ lãw nɩ bɛ na ŋmɩɛr a gbɛ́ɛ.

A naaŋmɩn-ƴèr-manɛ Oze sɛbɛ 6:6

Nɔ̃wfʋ n'a mɩ́ pɛlɩ a ɩ̃ pʋɔ, bagɛ bɛ n'a ɩ, ɛ́ nyɩ na bãw k'ɩ̃ɩ ɩ n Naaŋmɩn a vɩɛl'a zuo a nyɩw-a-za-bàwr.»

Zowɛl 2:17

A bàwr-maalbɛ na tone a Sore a, bɛ kone a Ŋmɩn-yir-kpɛ̃ɛ pʋɔ, a zawle nɩ a bàwr-maal-kuur cará. Bɛ lɔbr nuru zɛlɛ nɩ a Naaŋmɩn à ŋá: «Sore e, zɔ a fʋ nɩ-bʋʋrɛ nɩbaalʋ, ta ɩ a fʋ nɩbɛ nyɛ̃ vĩ ɛ, ta sàw nɩ-bʋʋr-yoru wa ɩrɛ tɩ laar yere nɩ: “Nyɩnɛ n'a a bɛ Naaŋmɩn be?”»

Zonasɩ 2:9

A bɛlɩ dem na zɔrɛ tuur a ŋmɩn-bɛlɛbɛlɛ a, bɛ mɩ́ zawrɛ nɩ a bɛ faafʋ bɛrɛ.

Zakari 3:4

A malkɩ tɩ ƴãw nɩ a nɩbɛ na bɩɛlɛ ʋ a, bɛ yaa a kpar-dɛgɛ bɛr ʋ. Al pùorí ʋ yel a Zozue: «Ɩ̃ de nɩ a fʋ sãwna bɛr a baarɩ, ɛ́ na su b cuw kparɩ.»

Matie 7:11

A nyɩɩm na ɩ nɩ-faar a, nyɩmɛ wa bãw bʋ̃-vɩɛlɩ mɩ́ kʋ̀ a nyɩ bibiir a, ŋmɩŋmɩn za n'a a nyɩ Sãà na be a tẽ-vla pʋɔ a, kʋ̃ kʋ̀ bʋ̃-vɩɛlɩ zuo lɛ, a bɛlɩ dem na zɛlɛ ʋ a?

Luka 11:13

A lɛ pʋɔ, nyɩɩm na ɩ nɩ-faar a, nyɩmɛ wa bãw bʋ̃-vɩɛlɩ mɩ́ kʋ̀ a nyɩ bibiir a, ŋmɩŋmɩn za n'a a nyɩ Sãà na be a tẽ-vla pʋɔ a, kʋ̃ kʋ̀ a Vʋʋrʋ Sõw a bɛlɩ dem na zɛlɛ ʋ a?»

Luka 18:13

Ɛcɛ a zuru-yar-diere ʋl tɩ àr'a zãá, ɛ́ bɛ tɩ sàw na dʋɔ zu ɛ, ɛ́ tɩ lɔbr nɩbaal-nuru yere nɩ: “Naaŋmɩn i, zɔ ɩ̃ nɩbaalʋ, mãa na ɩ yel-bebe sob a.”

Zã 1:29

A dãw-bio daarɩ́, a Zã tɩ nyɛ̃ nɩ a Yeezu na waar a ʋ zie a, ɛ́ tɩ yel: «Nyɩ nyɛ̃ a Naaŋmɩn pele na íre a tẽ-daa yel-bier bɛrɛ a.

Ʋrɔm 11:27

Ɛ́ a Wõ-taa n'ɩ ŋa ɩ̃ na na maal'ɩ bɛ, a lɛn daar ɩ̃ nãà wa ír a bɛ yel-bebe bɛr a.»

2 Timote 1:9

A Naaŋmɩn faa tɩ na, ɛ́ bʋɔlɩ tɩ nɩ bʋɔl-sõw. Ɛcɛ a bɛ kaar mɛ̃ a tɩ ɩ-vɩɛlɩ n'a so ɩ, a ʋ pʋ-tɩɛrʋ nɩ a ʋ maalʋ na tu a lɛ a n'a so. A maalʋ ŋa a, a Kɩrɩta Yeezu n'ʋ ʋ kʋ̀ n tɩ, ɛ́ a dɩta-pɛ-yome za wa bãw be.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Ebre 10:4

Bʋ̃ʋ n'ʋ vɛ̃, nadɛɛ nɩ bʋrɩ zɩ̃ɩ kʋ̃ tʋ̃ɔ́ ír yel-bebe bɛr towtow ɛ.

Ebre 13:15

Tɩ tu a Yeezu maalɛ danʋ bàwr kʋralɛ kʋ̀rɛ a Naaŋmɩn, a pɛr lɛ kɛ́ danʋ na yire nɛ́ɛ na íre a ʋ yúor a pʋɔ.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

1 Zã 1:7

Ɛcɛ tɩmɛ wa cere a cãà pʋɔ mɛ̃ a Naaŋmɩn mɩŋa na be a cãà pʋɔ a, tɩ lãw nɩ taa ɛ́ a ʋ Bie Yeezu Kɩrɩta zɩ̃ɩ pɛ́wr'ɩ yel-bier za dɛwr bɛrɛ tɩ.

1 Zã 3:5

Ɛcɛ nyɩ bãwnɩ a na, a Kɩrɩta wa na k'ʋʋ wa ír a yel-bebe bɛr, ɛcɛ ʋl bɛ maalɩ yel-bier ɛ.