A naaŋmɩn-ƴèr-manɛ Oze sɛbɛ 13:2 - A SƐB-SÕW

² A ƴɛrɛŋa mɩ̀ a, bɛ cãà na maalɛ a yel-bier: bɛ nyɩlɛ nɩ salm-zɩɛ maalɛ nɩ bome, bɛ nyɩlɛ nɩ salm-zɩɛ maalɛ nɩ tɩbɛ, nɩ a bɛ bãwfʋ, nɩsaal bʋ̃-maalɩ n'ɩ à á ŋá za. Ɛcɛ a al ƴãw n'a bɛ mɩ́ yel: «A fɛr'a kɛ́ tɩ maalɩ bàwr kʋ̀ a!» Nɩsaalbɛ pãa mɩ́ wa nyɔw nadeli kɔ́rɛ mɔwrɛ, nyɩ maal'a ŋmɛ ɛ!

A naaŋmɩn-ƴèr-manɛ Oze sɛbɛ 13:2 ပူးပေါင်းရင်းမြစ်များ

1 Na-mɩnɛ 19:18

Ɛcɛ ɩ̃ na bɛr'ɩ Ɩsɩrayɛl nɩbɛ túr ayopõi (7 000) bɛ cãà vʋʋrɛ, a bɛl za nãà bɛ wa gbĩ dume a ŋmɩn Báàl niŋé a, ɛ́ bɛ nyɔw a ʋ dasuli weri a.»

2 Bibie za yel-manɩ 28:13

Bɛ tɩ yel bɛ na: «Nyɩ ta wa n a nɩ-pàwrɩ bɛ ŋa a ka ɩ! Nyɩ na ɩ na tɩ tɛr sãwna kpɛ̃ɛ a Sore zie. A tɩ sãwna tɩbrɛ na zuo baarɩ, ɛ́ a Sore nyɛ̃ nɩ a Ɩsɩrayɛl suur, nyɩ bɔbr'a kɛ́ nyɩ ɩ a tɩ sãwna ʋ lɛb bãw tɩbrɛ dɔwlɩ bɩɩ?»

2 Bibie za yel-manɩ 33:23

Ɛcɛ ʋ bɛ sàw a ʋ sãwna a Sore niŋé ɩ, mɛ̃ a lɛ a ʋ sãà Manase na tɩ ɩ a. Ʋ nɩ̃ɛ na maalɩ yel-bebe yaga yaga zuo ʋ.

Sɛb-sõw yielu 2:12

Nyɩ ƴãwnɛ ʋ, alɛ bɛ ɩ lɛ, ʋ nãà mab'a nyɛ̃ suur nyɩ kpi a sɔ́r zu, bʋ̃-bile blã, ɛ́ a ʋ suur mɩ́ 'lere na mɛ̃ vũu a. Zu-nʋ̃ɔ̀ dem'ɩ a bɛlɩ dem za na zɔrɛ kpɩɛr a ʋ naayir a!

Ɩzayi 1:5

Nyɩn lowr'a bɛ na lɛb ŋmɛ nyɩ, nyɩɩm na cãà gaarɩ a? A zu ɩ n natɩɛ ʋ za, a socir za ɩ n bàal.

Ɩzayi 30:1

A Sore yere na: Nyɛ̃ baw-bio na páw nyɩ a, nyɩɩm bibi-gaarɩ i! Nyɩ cɔbrɛ nɩ ɩb na bɛ yi a ɩ̃ zie a, kɛ́ nyɩ ɩ. Nyɩ maalɛ nɩ wõ-taar mãa na bɛ n'ʋ ƴãw nyɩ a tɩɛrʋ a. À ŋá n'a nyɩ mɩ́ maalɩ yel-bier dɔwlɩ yel-bier zu.

Ɩzayi 44:11

Bɛlɩ dem za na tu a a, bɛ na nyɛ̃ nɩ vĩ. A nuru tõ-tonbɛ na maalɛ a a, bɛ ɩ n nɩsaalbɛ tɛwr! Bɛ ɓã taa bɛ za, bɛ yi àr: dɛ̃bɩ̃ɛ na nyɔw bɛ na ɛ́ vĩ ɩrɛ bɛ za.

Ɩzayi 45:20

Nyɩɩm na cɛ a nɩ-bʋʋrɛ sɔgɔ a, nyɩ ɓã taa wa, nyɩ lãw taw pɩɛlɩ. A bɛlɩ dem na tuo a bɛ dàa tɩɩb ɛ́ puore ŋmɩn na kʋ̃ tʋ̃ɔ́ faa bɛ a, bɛ bɛ bãw bom za ɩ.

Ɩzayi 46:6

Nɩbɛ bɛ mɩnɛ mɩ́ cir'ɩ a salm-zɩɛ na be a bɛ vʋɔra pʋɔ a, bɛ mɩ́ ker'ɩ a salm-pla nɩ bʋ̃-kera, bɛ mɩ́ ya n salm-nyɩlɛ k'ʋʋ maalɩ ŋmɩn kʋ̀ bɛ, bɛ gũune a ŋmɩn ŋa niŋé, puore ʋ.

Ɩzayi 46:8

Nyɩ bãwnɩ à á ŋá ɛ́ ƴãw fãw! Nyɩ tɩɛrɩ a kaa, nyɩɩm nɩsaal-gaarɩ i!

Zeremi 10:4

Bɛ mɩ́ ƴãw ʋ nɩ salm-zɩɛ bɩɩ salm-pla ʋ vɩɛl. Bɛ mɩ́ de nɩ pĩi-bie nɩ 'hama kpa nɩ ʋ k'ʋʋ taa damnɛ ɩ.

Zeremi 10:8

A nɩbɛ bɛ ŋa bol'ɩ bɛ za, been bɛ cɛ ɩ. A bɛ ŋmɩmɛ á ŋá kʋ̃ tʋ̃ɔ́ zanɩ nɩ bɛ bom ɛ, dàar ŋmɩmɛ n'a.

Zeremi 8:5

Ɛ́ bʋ̃ʋ n'ʋ so a Zerizalɛm nɩbɛ na tuli a sɔ́r a, cãà zawrɩ a ɩ̃ tub? A nɩbɛ bɔbr'ɩ a bɛ ŋmɩn-bɛlɛbɛlɛ á ŋá tuotuo, bɛ zawr'a na lɛb wa a ɩ̃ zie.

A naaŋmɩn-ƴèr-manɛ Oze sɛbɛ 10:1

Divɛ̃ tɩɩr púo na vɩɛl, ɛ́ a tɩɩr wɔnɛ yaga a tɩ n'ɩ a Ɩsɩrayɛl. Ɛcɛ a lɛ a tɩɩr na tɩ wɔnɛ yaga a, lɛ n'a ʋ mɩ̀ tɩ mɩɛr a bàwr-maal-kube dɔwlɛ cere nɩ, lɛ n'a ʋ mɩ̀ tɩ wobr a kʋsɛbɛ tele nɩ pɔ̀lʋ.

A naaŋmɩn-ƴèr-manɛ Oze sɛbɛ 10:5

Dɛ̃bɩ̃ɛ nyɔw nɩ a Samaari tẽw dem a Bɛtɩ-Awɛn tẽw nadele ƴãw, bɛ màwr bɛ za. Bʋ̃ʋ n'ʋ vɛ̃, a ʋ nɩbɛ nɩ a ʋ bàwr-maalbɛ maalɛ nɩ ko-kpɛ̃ɛ a ʋ ƴãw. Ƴɛrɛŋa bɛ na nyɔw ʋ cen nɩ zi-zãána a, bɛ na tʋ̃ɔ́ na cáarɛ a ʋ yúor na tɩ yi a.

A naaŋmɩn-ƴèr-manɛ Oze sɛbɛ 11:2

Ɛcɛ a pùorí, a lɛ ɩ̃ na nɩ̃ɛ mɩ́ tɩ bʋɔlɛ bɛ a n'a, bɛ mɩ́ lɛb bãw ƴãw fãw cere zãánɛ nɩ mɛ̃. Bàál mɩnɛ nɛbɛ bɛ maalɩ bàwr kʋ̀, ɛ́ nyɩw de-kʋ̀b bome ƴãw tɩbɛ nɩsaal na pɛnɩ a.

A naaŋmɩn-ƴèr-manɛ Oze sɛbɛ 11:6

Zɛbr na be n a bɛ ten pʋɔ, zɛbr na sãw nɩ a bome al na gù bɛ a bɛr, ɛ́ sãw bom za bɛr, a lɛ bɛ na tɩɛrɩ a na bɛ vɩɛl a ƴãw.

A naaŋmɩn-ƴèr-manɛ Oze sɛbɛ 14:3

Nyɩ tɛr ƴɛ̀r-bie á ŋá taabɛ lɛb wa n a Sore zie: «Fʋ mɩ́ de nɩ sãwna za bɛr a baarɩ, sàw de a bom nɛ na vɩɛl a. A tɩ nʋɔr ƴɛ̀rʋ n'a tɩ na de maal'ɩ bàwr kʋ̀ b, nadeli bɛ n'a ɩ.

A naaŋmɩn-ƴèr-manɛ Oze sɛbɛ 2:8

Lɛ so, a mãa Sore, ɩ̃ na fur'ɩ a ʋ sɔ́r nɩ gʋʋr, ɩ̃ na de nɩ bom gàr pàw nɩ ʋ, ɛ́ ʋ kʋ̃ lɛb nyɛ̃ a ʋ sɛ́ɛ ɩ.

A naaŋmɩn-ƴèr-manɛ Oze sɛbɛ 4:17

A Efarayim nɩbɛ nɩ tɩbɛ n'a lãwnɛ, nyɩ bɛr bɛ!

A naaŋmɩn-ƴèr-manɛ Oze sɛbɛ 8:4

Bɛ zɩɩl'ɩ a bɛ na-mɩnɛ ɛ́ bɛ sowri mɛ̃ bom ɛ. Bɛ kaa na ír a bɛ niw-dierbɛ ɩ̃ɩ bɛ bãwnɩ a ɩ. A bɛ salm-pla nɩ a bɛ salm-zɩɛ n'a bɛ de maal'ɩ a tɩbɛ a bɛl mɩŋa loba ƴãw.

A naaŋmɩn-ƴèr-manɛ Oze sɛbɛ 8:5

Samaari tẽw dem i, a nyɩ nadele ɩrɛ mɛ̃ nɩ kɔkɔrʋ. Nyɩ ɩ na a ɩ̃ suur ìr. Debor'a a na tɩ ta, nyɩ na kʋ̃ tʋ̃ɔ́ bɛ tɛr a sãwna a?

A naaŋmɩn-ƴèr-manɛ Oze sɛbɛ 8:6

Ɩsɩrayɛl tẽw n'a ʋ yi, bʋ̃-maalɛ kãw n'ʋ maalɩ ʋ, ʋ bɛ ɩ Naaŋmɩn ɛ. Ʋ̃ʋ, a Samaari tẽw nadele na ŋmɛr'a yaarɩ pɩrɩsɩsɩ.

Sɔr-nɛ́ɛ 32:14

Ɛ́ ƴɛrɛŋa, a nyɩɩm, yel-bebe dem bʋʋrɛ bɛ ŋa, nyɩ bɔbr kɛ́ nyɩ tu a nyɩ sãà mɩnɛ gbɛ́ɛ, ɩ a Sore suur lɛb ìr a Ɩsɩrayɛl nɩbɛ ƴãw!

Ʋrɔm 11:4

Ɛcɛ bʋ̃ʋ n'ʋ a Naaŋmɩn sɔw ʋ? «Ɩ̃ cãà na bɛr nɩbɛ túr-ayopõi (7 000) a ɩ̃ ƴãw, a bɛl na bɛ gbĩ dume a tɩɩb na dɩ kɛ́ Báàl a niŋé a.»

Ʋrɔm 2:5

A fʋ zu-kpɛnʋ ƴãw, nɩ fʋ na yel kɛ́ fʋ kʋ̃ lɩɛbɩ a fʋ ɩb a, fʋ cɔbrɛ nɩ dɔwrʋ na ta dɔwrʋ a a fʋ mɩŋa ƴãw, gùre nɩ a Naaŋmɩn suur bibir nɩ a ʋ ƴɛ̀rʋ maalʋ na tu yel-mɩŋa a bibir nãà wa vɩɛ a,

2 Timote 3:13

Ɛ́ a nɩ-faar nɩ a nɩ-bɛlbɛ a, ɩ-faar'a bɛ na ɩrɛ dɔwlɛ cere nɩ, tule nɩ a bɛ taabɛ ɛ́ tule a bɛl tɛɛ za.

1 Samɩɛl 10:1

A Samɩɛl tɩ de nɩ a kãá nɩ a kole ʋ na tɩ tɛr a, cir ƴãw a Sawul zũú, ɛ́ nyɔw ʋ weri ɛ́ yel: «A Sore tɔr za bɛ n'ʋ ka a nũu ƴãw fʋ, kɛ́ fʋ ɩ a ʋ nɩ-bʋʋrɛ nɩ-kpɛ̃ɛ ɩ?