A naaŋmɩn-ƴèr-manɛ Oze sɛbɛ 13:14 - A SƐB-SÕW

¹⁴ Ɩ̃ɩ pãa na faa bɛ a kpɩmɛ tẽw nuru pʋɔ ɔ? Ɩ̃ pãa na piw bɛ tɛr bɛ ta kpi e? Kũu u, a fʋ zɛbr bome ɩ n ŋmɩn? Kpɩmɛ tẽw i, a fʋ fãw na kʋrɛ a ɩ n ŋmɩn? Nɩbaalʋ zɔba kãw za bɛ cãà a ɩ̃ zie ɩ.

A naaŋmɩn-ƴèr-manɛ Oze sɛbɛ 13:14 ပူးပေါင်းရင်းမြစ်များ

A Zɔb sɛbɛ 33:24

ʋ zɔrɛ a ʋ nɩbaalʋ ɛ́ yel a Naaŋmɩn: «Ta bɛr ʋ ʋ siw a bɔw-zɩɛ pʋɔ ɩ, ɩ̃ nyɛ̃ nɩ sã-ya a ʋ ƴãw» a,

A Zɔb sɛbɛ 41:22

A ʋ púor ɩ n pime nyãnyãa, ʋ mɩ́ nya n a mɛ̃mɛrɛ tɔl'ɩ mɛ̃ kur-jajaa a.

Sɛb-sõw yielu 16:10

Bʋ̃ʋ n'ʋ vɛ̃, fʋ kʋ̃ bɛr a ɩ̃ sɩ́ɛ a kpɩmɛ tẽw pʋɔ ɩ, fʋ kʋ̃ sàw a mãa, fʋ nɩ-nɔna, ɩ̃ nyɛ̃ a bɔw-zɩɛ ɩ.

Sɛb-sõw yielu 30:3

Sore ɩ̃ Naaŋmɩn i, ɩ̃ kõ na bʋɔlɩ fʋ, ɛ́ fʋ sanɩ mɛ̃.

Sɛb-sõw yielu 49:15

Bɛ pàw bɛ na mɛ̃ píir a, a kpɩmɛ tẽw, a kũu n'ɩ a bɛ cɩ̃ɩnɛ. — A nɩ-mɩn na dɩrɛ nɩ naalʋ a bɛ zu. — A bɛ dasule na bɔr'ɩ fɔ̃w fɔ̃wlɛ, a kpɩmɛ tẽw n'ʋ na ɩ a bɛ kpɛb zie.

Sɛb-sõw yielu 49:16

Ɛcɛ a Naaŋmɩn na ya na ír mɛ̃ a kpɩmɛ tẽw pʋɔ, sɩza n'a ʋ na de m'a. Tɛw-àrʋ

Sɛb-sõw yielu 71:20

Fʋ ɩ na k'ɩ̃ nyɛ̃ kpɩɛrʋ nɩ yel-faar yaga. Ɛcɛ fʋ na wa na lɛb wa kʋ̀ m a nyɔ-vʋʋrʋ, wa ɩ k'ɩ̃ lɛb yi a yàa-bɔw pʋɔ.

Sɛb-sõw yielu 86:13

Fʋ sɩrɩ na nɔnɛ mɛ̃ bɛ dɩ vuo ɩ, fʋ ír mɛ̃ nɩ a kpɩmɛ tẽw bɔw-zulu pʋɔ.

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Ɩzayi 26:19

Ɩ̃ nɩbɛ ɛ, a nyɩ kũuni na lɛb'a vʋʋrɛ, bɛ na lɛb a ìr àr. A bɛlɩ dem na gã a tanɛ pʋɔ a, na ìr'a ŋmɩɛr nʋ̃ɔ̀ cɛlsɩ. A Sore na ɩ na cãà ɓɩɛlʋ lo a nyɩ zu, ɛ́ a tẽsɔw ɩ a kũuni lɛb vʋʋrɛ.

Zeremi 15:6

A Sore yere na: Fʋ̃ʋ n'ʋ zawrɩ mɛ̃ bɛr, lɩɛbɩ zikur cɔw mɛ̃. A lɛ n'a ɩ̃ ìr a fʋ ƴãw k'ɩ̃ɩ sãw fʋ bɛr, bʋ̃ʋ n'ʋ vɛ̃, ɩ̃ zɔ n a nɩbaalʋ lɛɛ tɩ bàl.

Zeremi 20:16

A nɩr ŋa, ʋ ŋmɛ̃ taa nɩ a tẽ-bɛrɛ a Sore na sãw bɛr a baarɩ a. A biɓaara a, ʋ mɩ́ wone kon cɛlsɩ, ɛ́ a mʋ̃tɔ̃-tuo ʋ wone zɛbr cɛlsɩ!

Zeremi 31:35

À ŋá n'a a Sore yere: Ãa n'ʋ mɩ́ ƴãw a mʋ̃tɔ̃w k'ʋʋ caalɛ a bibir? Ãa n'ʋ mɩ́ yel a cuw nɩ a ŋmar-bie k'aa caalɛ a tɩ̃ɩsɔw? Ãa n'ʋ mɩ́ dam a kʋ̃ɔ-kpɛ̃ɛ ƴãw a kʋ̃ɔ-mie ɩrɛ gɔmɛ? A Sore, a kpɛnʋ-za-sob'ʋ, a ʋ yúor'ɩ a lɛ.

Ezekɩɛl 37:9

Lɛ n'a a Sore tɩ yel mɛ̃: «Nɩsaal bie e, ƴɛ̀r a vʋʋrʋ zie a ɩ̃ yúor ƴãw, yel ʋ à ŋá: “Vʋʋrʋ ʋ, à ŋá n'a a Sore Naaŋmɩn yere kʋ̀rɛ fʋ: Yi a tẽw lõbowe anaar wa fu a kũuni á ŋá zu a lɛb vʋʋrɛ.”»

A naaŋmɩn-ƴèr-manɛ Oze sɛbɛ 6:2

ɛ́ lɛb kʋ̀ tɩ a nyɔ-vʋʋrʋ. Bibie ayi, bibie ata ƴãw, ʋ na ɩ na tɩ lɛb ìr, be a ʋ zie vʋʋrɛ.

A naaŋmɩn-ƴèr-manɛ Oze sɛbɛ 7:10

A Ɩsɩrayɛl nyʋ̀ʋ́r, alɛ n'a yere a ʋ sãwna. Ɛcɛ bɛ bɛ lɛbr waar a Sore bɛ Naaŋmɩn zie ɩ. À á ŋá za na saa ta bɛ a, bɛ bɛ bɔbr a Sore ɩ.

Malasɩ 3:6

«A mãa Sore, ɩ̃ bɛ lɩɛbɛ ɩ. Ɛcɛ a nyɩɩm a, nyɩ cãà na ɩ a Zakɔb bibiir.

Sɔr-nɛ́ɛ 23:19

Naaŋmɩn bɛ ɩ nɩsaal na ŋmarɛ ziri ɛ, nɩsaal bie a tɩɛrʋ na mɩ́ lɩɛbɛ a bɛ n'ʋ ɛ. Ʋ na tʋ̃ɔ́ na yel ɛ́ bɛ ɩ ɛ? Ʋ na tʋ̃ɔ́ na ƴɛ̀r ƴɛ̀rʋ ɛ́ bɛ tu ɛ?

Ʋrɔm 11:15

A bɛ vɩrɩ-bɛrʋ wa ɩ a Naaŋmɩn nɩ a tẽ-daa lɛb kpɛ taa a, a pãa na ŋmɛ̃ n ŋmɩn a lɛn daar ʋ nãà wa lɛb de bɛ a? A na sɩrɩ na ɩ kũu pʋɔ bɛ na yi kpɛ nyɔ-vʋʋrʋ pʋɔ a!

Ʋrɔm 11:29

Bʋ̃ʋ n'ʋ vɛ̃, a Naaŋmɩn maalʋ nɩ a ʋ bʋɔlʋ bɛ tɛr lɩɛb-bɛrʋ ɛ.

2 Korɛ̃tɩ 5:4

Sɩza n'a, a tɩɩm na be a pɛn-sɛw ŋa pʋɔ a, tɩ kone na mɛ̃ nɩbɛ na tuo tuor ìre nɩ guur a. Tɩ bɛ bɔbr kɛ́ tɩ yaa a tẽw zu ka kpɛb zie bɛr ɛ, tɩ bɔbr'a kɛ́ tɩ su a tẽ-vla pʋɔ dem dɔwlɩ, k'aa nyɔ-vʋʋrʋ vɔl a ʋlɩ bom nɛ na ɩ bʋ̃-kpiira.

Filib 3:21

ʋl na na lɩɛbɩ a tɩ bãbàalʋ ƴã-gamɛ a ŋmɛ̃ taa nɩ a ʋ yúor-vɩɛlʋ-danʋ ƴã-gan, nɩ a fãw ʋ na tɛr na mɩ́ tʋ̃ɔ́ dɩ naalʋ bom za zu a.

1 Tesalonikɩ 4:14

Tɩ sàw na de k'aa Yeezu kpi na ɛ́ lɛb yi a kũu pʋɔ, lɛ n'a tɩ mɩ̀ sàw k'aa bɛlɩ dem na lãw nɩ a Yeezu a bɛ kũu pʋɔ a, Naaŋmɩn na de bɛ na lãw nɩ ʋ.

Zakɩ 1:17

bʋ̃-kʋ̀ra za na bɛ tɛr tɔ a, ƴãw-taa bom za na vɩɛl bɛ cɛ a, saa-zu n'a a yire siwr. Naaŋmɩn zie n'a a yire, ʋl na ɩ a salom zu bʋ̃-caalɩ Íre a, ʋl na bɛ bãw lɩɛbʋ, ɛ́ bɛ lɩɛbɛ kɛ̀ ɓaarʋ lɩɛbɛ tuur a.

Yel-wula 20:13

A kʋ̃ɔ-kpɛ̃ɛ tɩ tɩr'ɩ a ʋ kũuni, a kũu nɩ a kpɩmɛ tẽw mɩ̀ tɩr a kũuni: bɛ tɩ maal'ɩ nɩ bɛ za a ƴɛ̀rʋ tu n a bɛ ɩ-ɩrɩ.

Yel-wula 21:4

Ʋ na fɩɛl'ɩ mʋta-kʋ̃ɔ za bɛr a bɛ mimié. Kũu kʋ̃ lɛb cãà be ɩ, kuor nɩ cɛlsɩ nɩ kpɩɛrʋ kʋ̃ lɛb cãà be ɩ. Bʋ̃ʋ n'ʋ vɛ̃, a koro za zie tɔl'a.»

Yel-wula 6:8

Ɩ̃ tɩ jɩ́r'a nyɛ̃ wur na sɔb mɛ̃ va-sɛbla a. A ʋ zɔmnɛ dɩ na kɛ́ Kũu, ɛ́ a kpɩmɛ tẽw tɩ tuur ʋ. Bɛ tɩ kʋ̀ a nɩ fãw a tẽw ziir anaar sob zu, k'aa kʋrɛ a nɩbɛ nɩ a zɛbr-sɔ-kpɛ̃ɛ, nɩ a kɔ̃, nɩ a bàal-faar nɩ a tẽw zu wɛ-dʋ̃-faar.

1 Samɩɛl 15:29

A Sore na ɩ a Ɩsɩrayɛl yúor-vɩɛlʋ-danʋ a bɛ ŋmarɛ ziri ɛ, bɛ tɛr ƴɛ̀r-nɛ́ɛ ayi mɛ̃ nɩsaal a ɩ.»