A naaŋmɩn-ƴèr-manɛ Oze sɛbɛ 12:7 - A SƐB-SÕW

⁷ «A na ɩ à ŋá a, a fʋ̃ʋ a, fʋ na lɛb'a wa a fʋ Naaŋmɩn zie, taa lɛbr pùor ɛ, cere dẽdẽ, ɛ́ ƴãw a fʋ tɩɛrʋ a fʋ Naaŋmɩn ƴãw kʋralɛ.»

A naaŋmɩn-ƴèr-manɛ Oze sɛbɛ 12:7 ပူးပေါင်းရင်းမြစ်များ

Yele-za-pɛr-tib 49:18

Sore e, ɩ̃ tɩ́ɛrɛ na kɛ́ fʋ na faa mɛ̃ na!

Zʋkpaɩ 11:1

A Sore bɛ nɔnɛ a bʋ̃-kera na bɛ tori a ɩ, ɛcɛ ʋ nɔnɛ nɩ tɩbrʋ bʋ̃-mána na tu sɔ́r a.

Zʋkpaɩ 16:11

A Sore bɔbr'a k'aa bʋ̃-keri tori, ɛ́ ʋlɛ n'ʋ ƴãw a lɛ a tɩbrʋ bʋ̃-mánɩ za na ɩ a.

Ɩzayi 3:5

A nɩbɛ na ɩrɛ nɩ taa po-to-fãw-ɩb, ŋa za a ʋ tɔ sob zie: a pɔlbili na dɔwrɛ nɩ a dɛb-nyamɛ, a nɩ-bɛ-tɛr-bir mɩnɛ dɔwrɛ a nɩ-sɩza mɩnɛ.

Ɩzayi 56:1

À ŋá n'a a Sore yere: «Nyɩ ɩrɛ a lɛ-na-tu-sɔr-a, nyɩ tuur a mɩnʋ pùor. Bʋ̃ʋ n'ʋ vɛ̃, a faafʋ ɩ̃ na waar'ɩ a kʋ̃ yaa kɛ́ ta ɩ, ɛ́ nyɩ na nyɛ̃ na k'ɩ̃ɩ bɔbr'ɩ a nyɩ faafʋ.

Ezekɩɛl 16:3

Yel kʋ̀ ʋ a lɛ a mãa Sore Naaŋmɩn na yere a : Kanãa tẽw n'ɩ a fʋ sãàkʋm-kore tẽw, a tẽsɔw ʋl zu fʋ na dɔw a. A fʋ sãà tɩ ɩ n Amoritɩ, ɛ́ a fʋ mã ɩ Hititɩ.

Ezekɩɛl 22:29

A tẽw pʋɔ a ziir za a, fãw nɩ po-to-fãw-ɩb'a a nɩbɛ ɩrɛ. Bɛ zure na, bɛ nɛbr'ɩ a nan dem nɩ a bãbàalbɛ, bɛ dɔwrɛ nɩ a nʋʋrɩ ɛ́ bɛ tuur a mɩnʋ ɛ.

Ezekɩɛl 28:5

A fʋ bãwfʋ a yɛ̀rʋ́ pʋɔ na ɩ kpɛ̃ɛ a zũú, fʋ ɩ na a fʋ naalʋ dɔwlɩ, ɛ́ a tɛra á ŋá ɩ na a fʋ socir ɩ pɔ̀lʋ̀ tɛwr.

A naaŋmɩn-ƴèr-manɛ Oze sɛbɛ 14:2

Ɩsɩrayɛl i, lɛb wa a Sore fʋ Naaŋmɩn zie. Bʋ̃ʋ n'ʋ vɛ̃, a fʋ sãwna n'a ɩ fʋ ŋmɛ gbɛ́r lo.

Zowɛl 2:12

A Sore yere na: «Vuo cãà nɩ be a ɩ̃ zie lɛb-waa ƴãw a ƴɛrɛŋa. Nyɩ lɛb wa a ɩ̃ zie nɩ a nyɩ pʋɔ za: nyɩ tɛr mʋta-tuo, nyɩ kone cire mʋta-kʋ̃ɔ, nyɩ tuo nuru zũú kone nɩ.

Amɔsɩ 2:7

Bɛ mɩ́ nɛ̃ nɩ a bãbàalbɛ mɩɩl'ɩ uuru, ɛ́ zawrɩ na bɛr wõ a nã́w sob a ƴɛ̀rʋ-dɩb zie. Sãà nɩ bie mɩ́ ganɛ nɩ nɩ a pɔwli-been lɩɛrɛ taa, à ŋá n'a bɛ mɩ́ ɩ dɛw a ɩ̃ yo-sõw vɩɛlʋ bɛr.

Amɔsɩ 3:9

Nyɩ do a Asɩdɔdɩ tẽw yir-vɩɛlɩ garɛ zu, nɩ a Eziptɩ tẽw yir-vɩɛlɩ vɩɛlɩ garɛ zu lɔb cɛl yel: «Nyɩ ɓã taa a Samaari tan zu, ɛ́ nyɛ̃ yel-fa-bʋʋrɛ nɛ na be a ʋ pʋɔ a, ɛ́ nyɛ̃ lɛ nɩbɛ na dɔwrɛ taa a be a!»

Amɔsɩ 4:1

Nyɩɩm pɔwbɛ na be a Samaari tãw zu ɩ zʋ̃zʋlɛ zʋ̃zʋlɛ mɛ̃ Basan tẽw nĩi a, nyɩ bɛrɛ wone a ƴɛ̀rʋ ŋa: nyɩ nɛbr'ɩ a bãbàalbɛ ɛ́ dɔwrɛ a nɩ-kɔmɛ, ɛ́ yere a nyɩ sɩrbɛ: «Nyɩ de a nyub wa n!»

Amɔsɩ 5:11

«Nyɩ na nɛbr a nɩbaal mɩ́ de a ʋ ble a, a kʋsɛbɛ yir-bɛrɛ á ŋá nyɩ na ŋma a, nyɩ kʋ̃ kpɛ a pʋɔ ɩ. A divɛ̃ tɩ-nʋʋr á ŋá nyɩ na sɛl a, nyɩ kʋ̃ nyũ a divɛ̃ ɩ.

Mise 2:1

Baw-bio dem n'ɩ a bɛlɩ dem na mɩ́ gã a tɩ̃ɩsɔw tɩɛrɩ ɛ́ cɔbrɩ a yel-faa maalʋ a. A zie wa wɛlɛ a, bɛ mɩ́ maal'a, bɛlɛ wa tɛr a fãw a lɛn daar a.

Mise 7:2

Nɩbɛ na tu a Naaŋmɩn a, bɛ cãà a tẽw pʋɔ ɩ, nɩ-mɩŋa bɛ cãà be ɩ. Nɩ-kʋ tɩɛrʋ n'a bɛ za tɛr, yɛb mɩ́ jɩɛrɛ nɩ ʋ yɛb.

Zakari 14:21

A Sore, a Kpɛnʋ-za-sob, na so nɩ a ziduwli za na be a Zerizalɛm nɩ a Zuda tẽw pʋɔ a. A bɛlɩ dem na mɩ́ wa bàwr maalʋ ƴãw a, na mɩ́ de a na dʋw nɩ a nɛn. A daar ŋa wa ta a, yɛ-yɛrɛ kãw za kʋ̃ lɛb be a Sore, a Kpɛnʋ-za-sob, yir-kpɛ̃ɛ pʋɔ ɩ.

Zakari 5:8

A malkɩ tɩ yel mɛ̃ na: «A Faalʋ n'ɩ a pɔw ŋa.» Al pùorí, ʋ lɛb nɛ̃ ʋ ƴãw a zãkpa pʋɔ, ɛ́ lɛb de a pàwra pàw.

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Zã 2:16

ɛ́ yel a bɛlɩ dem na kʋɔrɛ a naŋmamɛ a: «Nyɩ ír à á ŋá za bɛr a ka, ɛ́ ta de a ɩ̃ Sãà yir ʋ lɩɛbɩ yɛ̀rʋ́ yir ɛ!»

Zakɩ 5:4

A tõ-tõ-biir na tõ a nyɩ póru pʋɔ a, nyɩ sɩb'ɩ a bɛ sã-ya. Nɛb-taa na bɛ maal'ɩ wob a n'ʋ! A tõ-tõ-biir na kone a, a bɛ cɛlsɩ lo n a Naaŋmɩn, tẽ-daa za Sore, tobe pʋɔ.

1 Samɩɛl 12:3

Mãa n'ɩ ŋan a Sore nɩ a nyɩ nãà niŋé, mãa wa tɛr sãwna a, nyɩɩm yel: ãa náab'ʋ ɩ̃ zu? Ãa bõw n'ʋ ɩ̃ zu? Ãa n'ʋ ɩ̃ nɛb? Ãa n'ʋ ɩ̃ dɔwrɩ? Ãa n'ʋ ɩ̃ sàw k'ʋ ŋmɛ m nʋɔr nɩ libie k'ɩ̃ɩ sɔwlɩ a ʋ sãwna? Lɛ wa n'a a, ɩ̃ na lɛb'a tɩr bom nɛ za ɩ̃ na de a.»