A naaŋmɩn-ƴèr-manɛ Oze sɛbɛ 12:3 - A SƐB-SÕW

³ A Sore maalɛ nɩ nɩ a Zuda nɩbɛ ƴɛ̀rʋ. Ʋ na ƴãw na a Zakɔb manɩ a ʋ cenu pɛr, ʋ na dɔwr'ʋ na sɛw nɩ a ʋ ɩ-ɩrɩ.

A naaŋmɩn-ƴèr-manɛ Oze sɛbɛ 12:3 ပူးပေါင်းရင်းမြစ်များ

Yele-za-pɛr-tib 25:26

A ʋ yɛb tɩ yi na tu, a ʋ nũu fɩɩrɩ a Ezawu gbɛnacʋ̃ʋn tɛr, bɛ por ʋ Zakɔb. A Ɩzaakɩ tɩ tɛr'ɩ yome lɩz'a ata a bɛ dɔwfʋ daar.

2 Na-mɩnɛ 17:18

Lɛ n'a a Sore tɩ nyɛ̃ nɩ a Ɩsɩrayɛl nɩbɛ suur yaga za, ɩ bɛ cen zãá nɩ ʋ. A Zuda dɔwlʋ yõ n'ʋ tɩ cãà be.

2 Na-mɩnɛ 17:20

Alɛ n'a so a Sore tɩ zawrɩ a Ɩsɩrayɛl nɩbɛ za bɛr. Ʋ tɩ siwri bɛ na, bɛr bɛ kʋ̀ a nɩ-farbɛ, ɛ́ wa baa diw bɛ bɛr zãá nɩ ʋ.

2 Na-mɩnɛ 17:23

A Sore bɛ wa tɩ cãà bɔbr k'ʋʋ mɩ́ nyɛ̃ bɛ a ʋ niŋé ɩ, ɛ́ ƴãw bɛ diw bɛ cen nɩ Asiiri tẽw, bɛ cãà nɩ a be nɩ dɩ̃a. À à ŋá n'a a Sore tɩ tu a lɛ ʋ na ƴãw a ʋ ƴɛ̀r-manbɛ, ʋ tõ-tõ-biir, yel a.

Zeremi 2:9

Lɛ so ɩ̃ na cãà tɛr'ɩ nyɩ ƴɛ̀rʋ ɛ́ tɛr'ɩ a nyɩ bibiir mɩ̀ bibiir ƴɛ̀rʋ. A Sore n'ʋ yel.

Ezekɩɛl 7:3

Ƴɛrɛŋa a, a nyɩ yele nʋɔr kʋ na: a ɩ̃ suur na ìr'ɩ a nyɩ zu. Ɩ̃ na dɩ n nyɩ nɩ ƴɛ̀rʋ tu n a nyɩ ɩb, ɛ́ ƴãw nyɩ ya a nyɩ ɩb na bɛ maal'ɩ wob a san.

Ezekɩɛl 7:8

A na man ka a, ɩ̃ na bɛr'ɩ ƴɛrɛŋa a ɩ̃ su-tʋlʋ kpãkpã ʋ ìr a nyɩ zu, ɩ̃ na bɛr ʋ na ʋ tõ a ʋ pʋ-tɩɛr-tome tɩ ɓɩɩlɩ. Ɩ̃ na dɩ n nyɩ nɩ ƴɛ̀rʋ tu n a nyɩ ɩb, ɛ́ ƴãw nyɩ ya a nyɩ ɩb na bɛ maal'ɩ wob a san.

A naaŋmɩn-ƴèr-manɛ Oze sɛbɛ 4:1

A Sore dɩrɛ nɩ nɩ a tẽw dem ƴɛ̀rʋ. Ɩsɩrayɛl nɩbɛ ɛ, nyɩ bɛr wõ a lɛ a Sore na yere a: «Yel-mɩŋa nɩ tɔ-nɔ̃wfʋ bɛ cãà a tẽw pʋɔ ɩ. Nɩr za bɛ cãà bãw a mãa Naaŋmɩn ɛ.

A naaŋmɩn-ƴèr-manɛ Oze sɛbɛ 4:9

A bom nɛ na na ɩ a ɩ̃ nɩ-bʋʋrɛ a, ʋl tɔr za n'ʋ na ɩ a bàwr-maalbɛ. Ɩ̃ na dɔwrɩ bɛ na a bɛ cenu na bɛ vɩɛl a ƴãw, ɩ̃ na yáa nɩ a bɛ ɩ-faar san.

Amɔsɩ 2:4

À ŋá n'a a Sore yere: «A Zuda tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na zawrɩ a ɩ̃ wulu bɛr, ɛ́ bɛ sàw de a ɩ̃ nɛ-ƴãwnɩ a, bɛ na ɩ a ŋmɩn-bɛlɛbɛlɛ a bɛ sãàkʋm mɩnɛ na tɩ tuur a bɔr bɛ bɛr a,

Mise 6:2

Nyɩɩm tan ɩ, nyɩ bɛrɛ wone, nɩ nyɩɩm tẽsɔw pɛ́ɛ na bɛ be na dam a: a Sore tɛr'ɩ nɩ a ʋ nɩbɛ ƴɛ̀rʋ, ʋ sowre nɩ yele a Ɩsɩrayɛl nɩbɛ.

Ʋrɔm 9:11

Ɛcɛ Naaŋmɩn mɩ́ kaa na ír a nɩbɛ tu n a lɛ ʋ na cɔbrɩ a yele bin a: a ʋ kaa-íru mɩ́ tu n a bʋɔlʋ ʋ na bʋɔlɛ bɛ a, ʋ bɛ mɩ́ tu a bɛ ɩ-ɩrɩ ɛ. A Naaŋmɩn na bɔbr k'ʋʋ wul k'aa lɛ ʋ na cɔbrɩ a yele bin a, a gã nɩ kʋralɛ a, ʋ tɩ yel'ɩ a Erebeka, a lɛn daar a ʋ yɩbr na bɛ tɩ dɔw sɛr, ɛ́ mɩ̀ bɛ tɩ maalɩ vla bɩɩ faa sɛr a: «A kpɛ̃ɛ na ɩ n a bile tõ-tone.»