A naaŋmɩn-ƴèr-manɛ Oze sɛbɛ 12:2 - A SƐB-SÕW

² Sɛsɛb'ʋ a Efarayim nyúur zawla, saa-pɛrɩ́ sɛsɛb'ʋ ʋ mɩ́ diwr tuur a bibi-ɓil za. Ʋ ŋmarɛ nɩ ziri dɔwlɛ taa, ɛ́ ɩrɛ po-to-fãw-ɩb. Ʋ maal'ɩ wõ-taa nɩ a Asiiri, ɛ́ tɩr kãá kʋ̀ a Eziptɩ tẽw.

A naaŋmɩn-ƴèr-manɛ Oze sɛbɛ 12:2 ပူးပေါင်းရင်းမြစ်များ

2 Na-mɩnɛ 17:4

Ɛcɛ a Oze wa ìr'a bʋ a Asiiri tẽw nãà kʋb ƴãw: ʋ tɩ tõ n nɩbɛ a Eziptɩ tẽw nãà So zie, ɛ́ zawrɩ a yũon za yar tɩrʋ ʋ na mɩ́ tɩ tɩr kʋ̀ a Asiiri tẽw nãà a. A Salmanasaar na wa bãwnɩ a a, ʋ ƴãw na bɛ nyɔw a Oze pàw gaso pʋɔ.

A Zɔb sɛbɛ 15:2

Bãwfʋ na bɛ tɛr pɛr a n'a a yã-bãwnɛ mɩ́ sɔw nɩ a ƴɛ̀rʋ bɩɩ? Sɛsɛb'ʋ ʋ mɩ́ nyũ paalɩ a pée bɩɩ?

Sɛb-sõw yielu 78:36

Ɛcɛ nʋɔr'ʋ bɛ mɩ́ tɩ bɛlɛ nɩ ʋ, a bɛ ƴɛ̀rʋ bɛ mɩ́ tɩ ɩ sɩza ɩ.

Ekilezɩasɩ 5:15

Kpɩɛrʋ kpɛ̃ɛ n'ʋ a ʋ zie, k'ʋʋ yi a tẽw ŋa zu mɛ̃ a lɛ ʋ na wa a. Bʋ̃ʋ n'ʋ ʋ páw a ʋ tome pʋɔ? Zawlalɛ n'a ʋ tõ.

Ɩzayi 10:12

A Sore wa tõ a ʋ ton baarɩ a Sɩyɔ̃ tãw zu nɩ a Zerizalɛm a, ʋ na ìr'ɩ a Asiiri tẽw nãà pɔ̀l-ɩb ƴãw nɩ a jɩ́rʋ ʋ na mɩ́ jɩ́r mɛ̃ nɩr bɛ lɛb ka be pʋɔ a ʋ ƴãw a.

Ɩzayi 10:6

Nɩ-bʋʋrɛ na bɛ tu m'a ƴãw n'a ɩ̃ tõ ʋ, nɩbɛ na kʋrɛ mɛ̃ suur a ƴãw n'a ɩ̃ yel k'ʋʋ cen, tɩ zà ɛ́ wob a bɛ na-bome, tɩ nɛb nɛb bɛ mɛ̃ sɛ́ɛ zu mɛ̃mɛrɛ a.

Ɩzayi 24:21

A ʋlɩ bibir nɛ a, a Sore na ìr'ɩ a salom zu bʋ̃-nyɩwrɩ ƴãw a saa-zu, nɩ a tẽw na-mɩnɛ ƴãw a pile ka.

Ɩzayi 3:11

Ɛcɛ a nɩ-faa ƴãw a, nyɛ̃ baw-bio a! Bʋ̃ʋ n'ʋ vɛ̃, bɛ na ɩ ʋ na tu n a ʋ ɩ-ɩrɩ.

Ɩzayi 30:6

Dʋn na tuo tuor a tɔlɛ nɩ a Negɛɛvʋ wɛja-kpalɛ pʋɔ. Kpɩɛrʋ zie na ɩrɛ dɛ̃bɩ̃ɛ nɩ pʋl-vʋ̃ɔ a n'ʋ, wɛ-narʋ, bʋ̃-daar nɩ bʋ̃-pɔwbɛ, dɔpamɛ nɩ wa-bɩɩr na ƴawr a kpɛb zie n'a. Nɩbɛ tuo nɩ a bɛ na-bome nɩ a bɛ na-bʋ̃-tuor bòn zu nɩ nyɔ̃wmɩ zɩgɛ zu. Nɩ-bʋʋrɛ kãw, na kʋ̃ tɛr yel-ɩra kãw za a bɛ zie a, so a.

Ɩzayi 59:18

Ʋ na ya n a nɩbɛ man nɩ a bɛ ɩb. A ʋ suur a, a ʋ dɔ̃ dem ƴãw n'a, a dɔwrɩ yáa a san a, a nɩbɛ na zɛbr'ɩ ʋ a ƴãw n'a, tɩ lãwnɩ a tẽ-zãánɩ dem.

Zeremi 25:31

A gɔmɛ ʋ na ɩrɛ a ta n a tẽw baarʋ zie. A Sore dɩrɛ nɩ nɩ a nɩ-bʋʋrɛ ƴɛ̀rʋ, ʋ bʋɔlɛ nɩ a nɩsaalbɛ za a ʋ ƴɛ̀rʋ-dɩb zie. A sãwna dem a, ʋ bɛrɛ bɛ na kʋ̀rɛ a zɛbr-sɔ-kpɛ̃ɛ, ʋlɛ n'ʋ yere.»

A naaŋmɩn-ƴèr-manɛ Oze sɛbɛ 2:13

Ɩ̃ na ɩ n a ʋ nʋ̃ɔ̀ za baarɩ, a ʋ cuwr, a ʋ cuw-paalɛ, nɩ a ʋ pɩ̃ɛnʋ-bibie, nɩ a ʋ cuw-bɛrɛ za.

A naaŋmɩn-ƴèr-manɛ Oze sɛbɛ 4:1

A Sore dɩrɛ nɩ nɩ a tẽw dem ƴɛ̀rʋ. Ɩsɩrayɛl nɩbɛ ɛ, nyɩ bɛr wõ a lɛ a Sore na yere a: «Yel-mɩŋa nɩ tɔ-nɔ̃wfʋ bɛ cãà a tẽw pʋɔ ɩ. Nɩr za bɛ cãà bãw a mãa Naaŋmɩn ɛ.

A naaŋmɩn-ƴèr-manɛ Oze sɛbɛ 4:9

A bom nɛ na na ɩ a ɩ̃ nɩ-bʋʋrɛ a, ʋl tɔr za n'ʋ na ɩ a bàwr-maalbɛ. Ɩ̃ na dɔwrɩ bɛ na a bɛ cenu na bɛ vɩɛl a ƴãw, ɩ̃ na yáa nɩ a bɛ ɩ-faar san.

A naaŋmɩn-ƴèr-manɛ Oze sɛbɛ 7:1

A lɛn daar ɩ̃ na mɩ́ bɔbr k'ɩ̃ɩ sanɩ a Ɩsɩrayɛl a, a lɛn daar'a ɩ̃ mɩ́ nyɛ̃ a Efarayim sãwna nɩ a Samaari nɩ-kʋ yele. Ziri n'a bɛ ŋmarɛ a ziir za, nyãnyuwr kpɩɛr'ɩ a yie pʋɔ, a yẽw a, nyãnyu-nɩ-kʋrbɛ bɛ bɛrɛ a nɩbɛ ɩ.

A naaŋmɩn-ƴèr-manɛ Oze sɛbɛ 7:11

A Efarayim ŋmɛ̃ na mɛ̃ naŋmam na bɛ tɛr yã bɛ mɩ́ bɛlɩ nyɔw mɔlɛ lɛ a: ʋ mɩ́ bʋɔl'ɩ a Eziptɩ tẽw k'ʋʋ wa sõw ʋ, ɛ́ mɩ́ zɔ cen Asiiri tẽw.

A naaŋmɩn-ƴèr-manɛ Oze sɛbɛ 7:2

Bɛ bɛ mɩ́ tɩɛr'ɩ bɛ pʋɔ ɩ̃ na bɛ yiire a bɛ ɩ-faar kãw za bɛrɛ a ɩ. Ƴɛrɛŋa a, a bɛ ɩ-faar pili na pàw bɛ. Alɛ n'ɩ a ŋan gã a ɩ̃ niŋé.

A naaŋmɩn-ƴèr-manɛ Oze sɛbɛ 8:10

Bɛ na saa kʋ̀rɛ bʋ̃-kʋ̀rɩ a nɩ-bʋʋr-yoru a, a daar ʋl ɩ̃ na na ɓã bɛ taa a ta na. Ɛ́ ka nɩ blã blã a, bɛ na nyɛ̃ nɩ a wʋ̀ʋr a na-mɩnɛ za nãà na na ƴãw bɛ a.

A naaŋmɩn-ƴèr-manɛ Oze sɛbɛ 8:13

Nɛnɛ n'a bɛ kʋrɛ 'wɔbr ɛ́ yel kɛ́ bàwr'a bɛ maalɛ. A bɛ pɛlɛ a mãa Sore pʋɔ towtow ɛ, ɩ̃ bɛ yiire a bɛ sãwna bɛrɛ ɩ, ɩ̃ sɔrɛ nɩ a bɛ yel-bebe. Bɛ na lɛb'a cen a Eziptɩ tẽw.

A naaŋmɩn-ƴèr-manɛ Oze sɛbɛ 8:9

Ʋ nyɛ̃ nɩ ʋ tʋɔra cen Asiiri. Bõw-gaara mɩ́ so nɩ ʋ tʋɔra, ɛcɛ a Efarayim nɩbɛ dàar'ɩ sɛnbɛ.

A naaŋmɩn-ƴèr-manɛ Oze sɛbɛ 9:15

A Sore yel'a ƴãw pʋɔ: «Gilgal'a a bɛ faalʋ za sãá. Be n'a ɩ̃ tɩ hɩ̃ɛn bɛ. A bɛ faalʋ zũú, ɩ̃ na diw bɛ na bɛr a ɩ̃ yir, ɩ̃ kʋ̃ cãà nɔnɛ bɛ ɩ, a bɛ niw-dierbɛ za gaarɩ na.

A naaŋmɩn-ƴèr-manɛ Oze sɛbɛ 9:9

Nyɩ maal'ɩ a faa tɩ tɔ, mɛ̃ a lɛ nyɩ na tɩ ɩ a Givea tẽw a. Naaŋmɩn na lɛb'a bãwnɩ a nyɩ ɩ-faar, ʋ na dɔwrɩ nyɩ nɩ a nyɩ yel-bebe ƴãw.

Amɔsɩ 2:4

À ŋá n'a a Sore yere: «A Zuda tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na zawrɩ a ɩ̃ wulu bɛr, ɛ́ bɛ sàw de a ɩ̃ nɛ-ƴãwnɩ a, bɛ na ɩ a ŋmɩn-bɛlɛbɛlɛ a bɛ sãàkʋm mɩnɛ na tɩ tuur a bɔr bɛ bɛr a,

Mise 6:2

Nyɩɩm tan ɩ, nyɩ bɛrɛ wone, nɩ nyɩɩm tẽsɔw pɛ́ɛ na bɛ be na dam a: a Sore tɛr'ɩ nɩ a ʋ nɩbɛ ƴɛ̀rʋ, ʋ sowre nɩ yele a Ɩsɩrayɛl nɩbɛ.

Matie 16:27

A Nɩsaal Bie na sɩrɩ na wa a ʋ Sãà yúor-vɩɛlʋ-danʋ pʋɔ, ʋlɛ nɩ a ʋ malkɩ mɩnɛ, lɛ n'a ʋ na mɩ́ ya ŋa za man nɩ a ʋ ɩb.

Ʋrɔm 2:6

a bibir ʋl ʋ na na kʋ̀ ŋa za man nɩ a ʋ ɩb a.

Galasi 6:7

Nyɩ ta bɛ̀lɛ nyɩ tʋɔra ɩ: Naaŋmɩn bɛ sàwr bɛ ɩrɛ ʋ laar ɛ. Ʋlɩ bom nɛ a nɩsaal na bʋ̀r a, ʋlɛ n'ʋ ʋ na cɛ.