A naaŋmɩn-ƴèr-manɛ Oze sɛbɛ 12:11 - A SƐB-SÕW

¹¹ Ɩ̃ na ƴɛ̀r'ɩ a ƴɛ̀r-manbɛ zie, ɩ̃ na ɩ na a bʋ̃-nyɛrɩ bɛ na mɩ́ nyɛ̃ a lɛb yãwmɛ dɔwlɩ, ɩ̃ɩ na ƴãw na bɛ mɩ́ lɔb zʋkpaɩ a ɩ̃ yúor ƴãw.

A naaŋmɩn-ƴèr-manɛ Oze sɛbɛ 12:11 ပူးပေါင်းရင်းမြစ်များ

1 Na-mɩnɛ 17:1

Eli na yi Galaadɩ tẽw tẽle kãw na dɩ Tisibe a, tɩ yel'ɩ a nãà Akab: «A Sore na vʋʋrɛ a ƴãw, a Ɩsɩrayɛl Naaŋmɩn ɩ̃ na tone a ƴãw, ɩ̃ yere nɩ à ŋá: “A yome á ŋá na waar a, ɓɩɛlʋ kʋ̃ lo ɩ, sa-bir kʋ̃ lo ɩ, mãa bɛ wa n'ʋ yel a.”»

2 Na-mɩnɛ 17:13

A Sore tɩ ƴãw na a naaŋmɩn-ƴɛ̀r-manbɛ za, nɩ a yel-nyɛrbɛ za kpaalɩ a Ɩsɩrayɛl nɩbɛ nɩ a Zuda nɩbɛ à ŋá: «Nyɩ bɛr a nyɩ ɩ-faar, nyɩ sàwr a ɩ̃ nɛ-ƴãwnɩ nɩ a lɛ ɩ̃ na yel a, mɛ̃ a lɛ a na be a wulu ɩ̃ na wul a nyɩ sãàkʋm-kore a pʋɔ a, ɛ́ ƴãw a ɩ̃ ƴɛ̀r-manbɛ, a ɩ̃ tõ-tõ-biir, ɩ nyɩ bãw a a.»

Zeremi 10:15

A bɛ tɛr pɛr ɛ, bome na ɩrɛ laarʋ a n'a. A lɛn daar a Sore wa ìr a ƴãw a, a na bɔr'a.

Zeremi 10:8

A nɩbɛ bɛ ŋa bol'ɩ bɛ za, been bɛ cɛ ɩ. A bɛ ŋmɩmɛ á ŋá kʋ̃ tʋ̃ɔ́ zanɩ nɩ bɛ bom ɛ, dàar ŋmɩmɛ n'a.

Zeremi 2:20

«Koro za n'a fʋ gáarɛ a ɩ̃ zu. Fʋ ɩ na a baarɩ mãa nɩ a fʋ̃ʋ cara pʋɔ, ɛ́ fʋ yel: “Ɩ̃ bɛ cãà bɔbr k'ɩ̃ɩ ɩ gbãgbaa ɩ.” Bʋ̃ʋ n'ʋ vɛ̃, tãle za zu, tɩ-zimpiri za pile, fʋ mɩ́ gã na mɛ̃ pɔw-yɛm a.

Zeremi 2:28

Ɛcɛ, ɩ̃ na sɔw nyɩ na: “A nyɩ ŋmɩmɛ nyɩ na maalɩ a wa?” A ìr, alɛ na na tʋ̃ɔ́ faa nyɩ a lɛn daar nyɩ nãà wa be a kpɩɛrʋ pʋɔ a! Bʋ̃ʋ n'ʋ vɛ̃, Zuda nɩbɛ ɛ, a nyɩ ŋmɩmɛ yãwmɛ na mɛ̃ a nyɩ tẽ-bɛrɛ a!”

Ezekɩɛl 17:2

«A fʋ̃ʋ nɩsaal bie, lɔb zʋkpar kʋ̀ a Ɩsɩrayɛl nɩbɛ, suoli suolu kʋ̀ bɛ.

A naaŋmɩn-ƴèr-manɛ Oze sɛbɛ 10:1

Divɛ̃ tɩɩr púo na vɩɛl, ɛ́ a tɩɩr wɔnɛ yaga a tɩ n'ɩ a Ɩsɩrayɛl. Ɛcɛ a lɛ a tɩɩr na tɩ wɔnɛ yaga a, lɛ n'a ʋ mɩ̀ tɩ mɩɛr a bàwr-maal-kube dɔwlɛ cere nɩ, lɛ n'a ʋ mɩ̀ tɩ wobr a kʋsɛbɛ tele nɩ pɔ̀lʋ.

A naaŋmɩn-ƴèr-manɛ Oze sɛbɛ 10:2

Nɩsaal-libelibe nɛbɛ. Ƴɛrɛŋa a, bɛ na nyɛ̃ nɩ dɔwrʋ yáa a san. A Sore tɔr za n'ʋ na ŋmɛ a bɛ bàwr-maal-kube lɔb, ɛ́ ŋmɛr a kʋsɛbɛ bɛ na wob teli a bɛr.

A naaŋmɩn-ƴèr-manɛ Oze sɛbɛ 4:15

«Ɩsɩrayɛl ɩ, à ŋá n'a fʋ tone a pɔw-yɛm tome. A Zuda nãá nɩ̃ɛ mɩ̀ ta lo a sãwna been nɛ pʋɔ ɩ! Nyɩ ta mɩ́ cen a Gilgal ɛ, nyɩ ta mɩ́ do a Bɛtɩ-Awɛn ɛ, ɛ́ ta mɩ́ pɔ yel ɛ: “A Sore na vʋʋrɛ a...!''»

A naaŋmɩn-ƴèr-manɛ Oze sɛbɛ 6:8

Galaadɩ ɩ n yel-fa-maalbɛ tẽw, zɩ̃ɩ n'a be a ziir za.

A naaŋmɩn-ƴèr-manɛ Oze sɛbɛ 8:11

A Efarayim maal'ɩ a bàwr-maal-kube yaga yaga a yel-bier ír-bɛrʋ ƴãw, ɛcɛ a bàwr-maal-kube á ŋá nɩ̃ɛ na ɩ ʋ maalɛ a yel-bebe.

A naaŋmɩn-ƴèr-manɛ Oze sɛbɛ 9:15

A Sore yel'a ƴãw pʋɔ: «Gilgal'a a bɛ faalʋ za sãá. Be n'a ɩ̃ tɩ hɩ̃ɛn bɛ. A bɛ faalʋ zũú, ɩ̃ na diw bɛ na bɛr a ɩ̃ yir, ɩ̃ kʋ̃ cãà nɔnɛ bɛ ɩ, a bɛ niw-dierbɛ za gaarɩ na.

Amɔsɩ 4:4

«Ɩsɩrayɛl nɩbɛ ɛ, nyɩ gaarɛ a ɩ̃ zie cere a Betɛl, nyɩ gaarɛ zuo a lɛ cere a Gilgal. Nyɩ na ta gã dãw bio a, nyɩ maalɩ a nyɩ bagɛ, ɛ́ a deyere daar nyɩ tɩr a nyɩ bʋ̃-kʋ̀rɩ.

Amɔsɩ 5:5

Ɛcɛ nyɩ ta bɔbr mɛ̃ a Betɛl tẽw puoru yir pʋɔ ɩ, nyɩ taa kpɩɛr Gilgal tẽw puoru yir bɔbr mɛ̃ ɩ, nyɩ taa cere Bɛɛr-Seva a ɩ̃ ƴãw ɛ. Bʋ̃ʋ n'ʋ vɛ̃, bɛ na diw nɩ a Gilgal nɩbɛ cen nɩ tẽ-yũo, ɛ́ a Betɛl na ɩ a Naaŋmɩn yir a lɩɛbɩ faalʋ yir.»

Zonasɩ 2:8

A lɛn daar ɩ̃ na tɩ ŋmaar a vʋʋrʋ a, ɩ̃ tɩ lɛb'a tɩɛrɩ a fʋ yele, Sore e, ɛ́ a ɩ̃ puoru tɩ ta b'ɩ a fʋ yir-sõw pʋɔ.

Sɔr-nɛ́ɛ 12:6

A Sore yel bɛ à ŋá: «Nyɩ cɛlɛ vla a ɩ̃ ƴɛ̀rʋ ƴãw: naaŋmɩn-ƴɛ̀r-manɛ na mɩ́ wa be a nyɩ pʋɔ a, a mãa Sore, yel-nyɛrɩ pʋɔ n'a ɩ̃ mɩ́ ɩ ʋ bãw mɛ̃, zánʋ pʋɔ n'a ɩ̃ mɩ́ ƴɛ̀r a ʋ zie.