A naaŋmɩn-ƴèr-manɛ Oze sɛbɛ 11:4 - A SƐB-SÕW

⁴ Ɩ̃ tɩ kaarɛ nɩ ʋ zie nɩ nɩsaalʋ, ɩ̃ na tɩ nɔnɛ ʋ a ƴãw. A ʋ zie a, ɩ̃ tɩ ɩ na mɛ̃ mã na ɓáw bi-pɩɩla dɔwlɩ nyãa zu mɔwrɛ a ʋ kɔ́r a. Ɩ̃ mɩ́ tɩ gũu na cɔw ʋ ɛ́ kʋ̀rɛ ʋ a bʋ̃-dɩrɩ.

A naaŋmɩn-ƴèr-manɛ Oze sɛbɛ 11:4 ပူးပေါင်းရင်းမြစ်များ

2 Samɩɛl 7:14

Ɩ̃ na ɩ n sãà a ʋ zie, ʋʋ ɩ a ɩ̃ bidɛb. Ʋlɛ wa sãw a, ɩ̃ na kpãa ʋ na mɛ̃ a lɛ a nɩsaalbɛ na mɩ́ kpãa a, mɛ̃ sãà na mɩ́ kpãa bie a.

Sɛb-sõw yielu 105:40

Bɛ tɩ zɛlɩ nɩ bʋ̃-dɩrɩ, ʋ ɩ caparapɩɩr ƴaw wa lo, ɛ́ ʋ kʋ̀ bɛ salom zu dipɛ̃ bɛ 'wɔb tɩw.

Eziptɩ tẽw yib 16:32

A Moyiir tɩ yel'a: «Nyɛ̃ a lɛ a Sore na yel a: “Nyɩ de bom, ɩ a mãan paalɩ bin a nyɩ bʋʋrɛ ƴãw, bɛ tʋ̃ɔ́ nyɛ̃ a dipɛ̃ ʋl ɩ̃ na guol'ɩ nyɩ a wɛja-kpalɛ pʋɔ, a lɛn daar ɩ̃ na ɩ nyɩ yi a Eziptɩ a.”»

A Yielu za pʋɔ yiel-vla vla 1:4

Nyɔw mɛ̃ nũú, vɩrɛ mɛ̃ tɩ lãw zɔrɛ. Ɩ̃ nãà a, tɛr mɛ̃ kpɛ n a fʋ di-gana pʋɔ. Ɩ kɛ̀ nʋ̃ɔ̀ nɩ cɩlʋ tɛr tɩ za ayi yaga za. Tɩ yiele a fʋ gbaalʋ na nʋmɛ zuo divɛ̃ a. A pɔwsɩrali tɛr'ɩ yel-mɩŋa bɛ na kpiir lore a fʋ ƴãw a.

Ɩzayi 63:9

A bɛ kpɩɛrʋ za pʋɔ a, nɩ-tona kãw bɩɩ malkɩ kãw bɛ n'ʋ faa bɛ ɩ, a Sore mɩŋa n'ʋ. Ʋ ya na de bɛ a ʋ nɔ̃wfʋ nɩ a ʋ nɩbaal-zɔba pʋɔ. Ʋ tɛr bɛ na ɛ́ tɩ̀ɛ bɛ a bɛ yele pʋɔ a koro za.

A naaŋmɩn-ƴèr-manɛ Oze sɛbɛ 2:8

Lɛ so, a mãa Sore, ɩ̃ na fur'ɩ a ʋ sɔ́r nɩ gʋʋr, ɩ̃ na de nɩ bom gàr pàw nɩ ʋ, ɛ́ ʋ kʋ̃ lɛb nyɛ̃ a ʋ sɛ́ɛ ɩ.

Levitɩ mɩnɛ 26:13

Mãa n'ɩ a Sore nyɩ Naaŋmɩn na ɩ kɛ̀ nyɩ yi zaa a Eziptɩ nɩbɛ tẽw pʋɔ, kɛ́ nyɩ ta cãà ɩ a bɛ gbãgbaar a. Ɩ̃ ɩ na a Eziptɩ tẽw dem gãdaalʋ baarɩ a nyɩ zu, ɛ́ ɩ nyɩ bɛr vĩ ɛ́ cere.»

Zã 12:32

Ɛ́ a mãa a, bɛlɛ wa bà m a tẽsɔw k'ɩ̃ zɛw do a, ɩ̃ na taw nɩ a nɩsaalbɛ za wa n a ɩ̃ zie.»

2 Korɛ̃tɩ 5:14

Bʋ̃ʋ n'ʋ vɛ̃, a Kɩrɩta nɔ̃wfʋ fɩɩrɩ tɩ na tɛr, tɩɩm na bãw kɛ́ nɩ-been yõ kpi n a nɩbɛ za ƴãw a, ɛ́ k'aa na ɩ lɛ a, bɛ za lãw nɩ ʋ na kpi a.

Wulu-ayi-sob 32:12

A Sore yõ n'ʋ tɛr a ʋ nɩ-bʋʋrɛ, ŋmɩn-yoru kãw za bɛ pʋɔ a ʋ ƴãw ɛ.

Wulu-ayi-sob 32:14

A nĩi nɩ a píir tɩ kʋ̀rɛ bɛ nɩ bʋ̀rʋ, a peli, a pʋr-'wɔɛ nɩ a bʋrɩ tɩ kʋ̀rɛ bɛ nɩ nɛn. Ble na ɩ ble a n'a bɛ tɩ dɩrɛ, ɛ́ nyúur a bɛ divɛ̃ tɩɩr divɛ̃.