A naaŋmɩn-ƴèr-manɛ Oze sɛbɛ 11:3 - A SƐB-SÕW

³ Ɛcɛ mãa n'ʋ tɩ zanɩ nɩ a Efarayim a cenu, ɩ̃ mɩ́ tɩ nyɔw ʋ nɩ nũú. Ɛcɛ ʋ bɛ tɩ bãw kɛ́ ʋl zie n'a ɩ̃ tɩ kaarɛ ɩ.

A naaŋmɩn-ƴèr-manɛ Oze sɛbɛ 11:3 ပူးပေါင်းရင်းမြစ်များ

Sɛb-sõw yielu 107:20

Ʋ tõ n a ʋ ƴɛ̀rʋ a bɛ sanʋ ƴãw, ʋ faa bɛ nɩ a bɔw-zɩɛ nʋɔrɩ́.

Eziptɩ tẽw yib 15:26

Ʋ tɩ yel bɛ na: «Nyɩmɛ wa sɩrɩ sàwr a mãa Sore nyɩ Naaŋmɩn nʋɔr, maalɛ a lɛ ɩ̃ na mɩ́ nyɛ̃ a tu sɔ́r a, nyɩmɛ wa bɛrɛ wone a ɩ̃ nɛ-ƴãwnɩ, ɛ́ tuur a ɩ̃ wulu za a, a bàalʋ ɩ̃ na ƴãw a Eziptɩ tẽw nɩbɛ a, ɩ̃ bɛ ƴãwnɛ nyɩ a bàalʋ á ŋá been kãw za ɩ. Bʋ̃ʋ n'ʋ vɛ̃, mãa n'ɩ a Sore na sanɛ nyɩ a.»

Eziptɩ tẽw yib 19:4

“Nyɩɩm mɩŋa nyɛ̃ nɩ a lɛ ɩ̃ na ɩ a Eziptɩ tẽw nɩbɛ a. Nyɩ nyɛ̃ nɩ a lɛ ɩ̃ na tɛr nyɩ, mɛ̃ sɩla pɩgɛ zu a, wa n a ɩ̃ zie ka a.

Eziptɩ tẽw yib 23:25

A mãa yõ, a Sore nyɩ Naaŋmɩn, mãa n'ʋ nyɩ na maalɛ. A lɛn daar a, ɩ̃ na maal'ɩ a nyɩ bʋ̃-dɩra nɩ a nyɩ bʋ̃-nyúura, ɛ́ ɩ a bàalʋ a taw zãá nɩ nyɩ.

Ɩzayi 1:2

Bɛrɛ wone, salom i! Tẽw i, ƴãw tobr! A Sore n'ʋ ƴɛ̀rɛ: “Ɩ̃ guol'ɩ bibiir bɛ bàa ɩ nɩ-bɛrɛ, ɛcɛ bɛ gaarɩ nɩ a ɩ̃ zu.

Ɩzayi 30:26

A ʋlɩ bibir a Sore nãà wa 'lẽ a ʋ nɩ-bʋʋrɛ natɩɛ, ɛ́ sanɩ a bàalʋ bɛ na ŋmɛ bɛ ƴãw a, a cuw cãà na ɩ na mɛ̃ a mʋ̃tɔ̃w cãà a, ɛ́ a mʋ̃tɔ̃w cãà caalɩ gb'a ayopõi dɔwlɩ.

Ɩzayi 46:3

Nyɩ bɛrɛ wone a ɩ̃ ƴɛ̀rʋ, Ɩsɩrayɛl nɩbɛ ɛ, nyɩɩm Zakɔb bʋʋrɛ na cɛ a, nyɩɩm ɩ̃ na kaa a nyɩ dɔwfʋ daar za a, nyɩɩm na dɛ wa nyɛrɛ a cãà wa báarɛ ɩ̃ɩ tɛr a.

Ɩzayi 63:9

A bɛ kpɩɛrʋ za pʋɔ a, nɩ-tona kãw bɩɩ malkɩ kãw bɛ n'ʋ faa bɛ ɩ, a Sore mɩŋa n'ʋ. Ʋ ya na de bɛ a ʋ nɔ̃wfʋ nɩ a ʋ nɩbaal-zɔba pʋɔ. Ʋ tɛr bɛ na ɛ́ tɩ̀ɛ bɛ a bɛ yele pʋɔ a koro za.

Zeremi 30:17

Bɛ bʋɔlɛ fʋ nɩ “pɔw-diw-bɛra”, “Sɩyɔ̃ nɩr za na bɛ ŋmɛlɛ kaar a”. Ɛcɛ a mãa, a Sore, ɩ̃ yere na: ɩ̃ na sanɩ nɩ a fʋ natɩɛ, ɩ̃ na ɩ na a ɓãá.»

Zeremi 8:22

Kãá na mɩ́ ɩ a 'wɔbrʋ siwri a bɛ cãà a Galaadɩ tẽw pʋɔ bɩɩ? Tɩ̃ɩ-ɩrɛ bɛ cãà a be bɩɩ? Bʋ̃ʋ n'ʋ so a ɩ̃ nɩbɛ wʋ̀ʋr kʋ̃ tʋ̃ɔ́ baarɩ mɔ̃?

A naaŋmɩn-ƴèr-manɛ Oze sɛbɛ 14:4

A Asiiri kʋ̃ tʋ̃ɔ́ faa tɩ ɛ, tɩ kʋ̃ do zɔm wur zɛbr ƴãw ɛ, ɛ́ tɩ kʋ̃ lɛb yel a tɩ nuru bʋ̃-maala, k'ʋʋ ɩ n tɩ Naaŋmɩn ɛ. Bʋ̃ʋ n'ʋ vɛ̃, fʋ̃ʋ yõ n'ʋ mɩ́ zɔ a bi-kpieb nɩbaalʋ.»

A naaŋmɩn-ƴèr-manɛ Oze sɛbɛ 2:8

Lɛ so, a mãa Sore, ɩ̃ na fur'ɩ a ʋ sɔ́r nɩ gʋʋr, ɩ̃ na de nɩ bom gàr pàw nɩ ʋ, ɛ́ ʋ kʋ̃ lɛb nyɛ̃ a ʋ sɛ́ɛ ɩ.

A naaŋmɩn-ƴèr-manɛ Oze sɛbɛ 7:1

A lɛn daar ɩ̃ na mɩ́ bɔbr k'ɩ̃ɩ sanɩ a Ɩsɩrayɛl a, a lɛn daar'a ɩ̃ mɩ́ nyɛ̃ a Efarayim sãwna nɩ a Samaari nɩ-kʋ yele. Ziri n'a bɛ ŋmarɛ a ziir za, nyãnyuwr kpɩɛr'ɩ a yie pʋɔ, a yẽw a, nyãnyu-nɩ-kʋrbɛ bɛ bɛrɛ a nɩbɛ ɩ.

A naaŋmɩn-ƴèr-manɛ Oze sɛbɛ 7:15

Ɛcɛ mãa n'ʋ tɩ kaa a bɛ zie, mãa n'ʋ tɩ kʋ̀ bɛ a fãw! Zɩ̃ kɛ́ tɩɛr-faar tɛwr'a bɛ tɩ tɛr a ɩ̃ ƴãw.

Nɩ-toni 13:18

Ʋ tɩ guoli bɛ nɩ a wɛja-kpalɛ pʋɔ tɩ ta mɛ̃ yome lɩz'a ayi a.

Wulu-ayi-sob 1:31

nɩ a wɛja-kpalɛ pʋɔ a. Nyɩ nyɛ̃ a nɩ a be: ʋ tɛr nyɩ na mɛ̃ sãà na mɩ́ tɛr ʋ bie a, a sɔr-wogo ŋa za zu nyɩ na lo wa ta a ka a.»

Wulu-ayi-sob 33:27

A koro kãw za wa tɔ a dɩ̃a a, ʋlɛ n'ɩ a fʋ sɔwlʋ zie. A koro kãw za wa tɔ a dɩ̃a a, a ʋ fãw ɩ n kpɛ̃ɛ a tẽw zu. Ʋlɛ n'ʋ diw a fʋ dɔ̃ dem a fʋ niŋé, ɛ́ yel kɛ́ fʋ kʋ bɛ pàw pɛr.

Wulu-ayi-sob 8:2

Nyɩ lɛb tɩɛrɩ a sɔ́r ʋl za a Sore nyɩ Naaŋmɩn na ƴãw nyɩ cen a wɛja-kpalɛ pʋɔ, yome lɩz'a ayi a. Ʋ ɩ na nyɩ nyɛ̃ kpɩɛrʋ, k'ʋʋ ɩ nyɩ kaa, bãw ʋlɩ bom nɛ na be a nyɩ pʋ̃ɔmɩ a, ɛ́ mɩ̀ bãw, nyɩ na sàwr'ɩ a ʋ nɛ-ƴãwnɩ bɩɩ nyɩ kʋ̃ sàwr.