A naaŋmɩn-ƴèr-manɛ Oze sɛbɛ 10:8 - A SƐB-SÕW

⁸ Bɛ sãw nɩ a bɛ maalʋ-ziir za bɛr. Alɛ tɩ n'ɩ a Ɩsɩrayɛl yel-bier. Karnyã nɩ gʋʋr na bul'a do a bàwr-maal-kube zu. Lɛ n'a bɛ na yel a tan: «Nyɩ pàw tɩ!», ɛ́ yel a tãli: «Nyɩ lo gùri pàw tɩ!»

A naaŋmɩn-ƴèr-manɛ Oze sɛbɛ 10:8 ပူးပေါင်းရင်းမြစ်များ

Yele-za-pɛr-tib 3:8

A Sore Naaŋmɩn na tɩ dɛnɛ a zaadɛ̃ pʋɔ a zaanʋɔra, sɛsɛble na tɩ fure a, a dɛb nɩ a pɔw tɩ wõ n a Sore Naaŋmɩn kɔkɔr, ɛ́ sɔwlɩ a ʋ niŋé a zaadɛ̃ tɩɩr pʋɔ.

1 Na-mɩnɛ 13:2

A Sore ƴɛ̀rʋ zũú, ʋ tɩ cɩɩr'a yel a bàwr-maal-kuur: «Bàwr-maal-kuur i! Bàwr-maal-kuur i! Bɛrɛ wone a lɛ a Sore na yere a! Dɛble na dɔw nɩ a Daviir yir pʋɔ. Ʋ na dɩ na kɛ́ Zozɩasɩ. Bàwr-maal-kuur i, ʋ na kʋ n a maalʋ-ziir bàwr-maalbɛ maal'ɩ a bàwr a fʋ zu, a be bɛ na tɩ nyɩwr a bàwr-maal-bome a koro za a. Bɛ na nyɩw nɩ nɩsaalbɛ kɔbɛ tɛɛ za a fʋ zu!»

1 Na-mɩnɛ 13:34

A ɩb ŋa n'ʋ tɩ ƴãw a Zerobowam yir za a yel-bier pʋɔ, ɛ́ alɛ n'a so a yir ŋa lo, ɛ́ a ʋ pɛr pàw a tẽw zu.

1 Na-mɩnɛ 14:16

A Sore na jɛ bɛ na bɛr, a Zerobowam na maalɩ a yel-bier, ɛ́ ƴãw a Ɩsɩrayɛl nɩbɛ mɩ̀ maalɩ a ƴãw.»

2 Na-mɩnɛ 23:15

A Zozɩasɩ mɩ̀ tɩ ƴãw na bɛ ŋmɛr a Betɛl bàwr-maal-kuur nɩ a maalʋ-zie bɛr, a al a Nevatɩ bidɛb, Zerobowam, na tɩ mɛ, ƴãw a Ɩsɩrayɛl nɩbɛ maalɩ a yel-bier a. Ʋ tɩ nyɩw nɩ a maalʋ-zie bɛr, ŋmɛr a bàwr-maal-kuur bɛr, lɔb a dà-bara ƴãw vũumí, ɛ́ ɩ a za lɩɛbɩ tãpɛlʋ.

2 Bibie za yel-manɩ 31:1

À á ŋá za na wa baarɩ a, a Ɩsɩrayɛl nɩbɛ za na tɩ be a be a tɩ cen nɩ a Zuda tẽ-bɛrɛ pʋɔ, tɩ ŋmɛr ŋmɛr a kʋsɛ-teli, cɛ cɛ a dà-barɩ lɔb, ɛ́ sãw sãw a maalʋ-ziir nɩ a bàwr-maal-kube bɛr, a Zuda naalʋ-tẽw za pʋɔ, a Bɛ̃zamɛ, a Efarayim nɩ a Manase dɔwlʋ pʋɔ. Al pùorí, ŋa za tɩ lɛb'a kul a ʋ tẽ-kpɛ̃ɛ pʋɔ a ʋ yir.

Ɩzayi 2:19

Nyɩ kpɛ a pìe bɔwrɩ pʋɔ nɩ a tẽw bɔwrɩ pʋɔ, a Sore na ɩrɛ dɛ̃bɩ̃ɛ a niŋé, nɩ a ʋ dɛpaalʋ vɩɛlʋ niŋé, ʋ nãà wa ìr k'ʋʋ ƴãw a tẽw pʋl-vʋ̃ɔ a.

Ɩzayi 2:21

Bɛ na cen nɩ a pìe bɔwrɩ pʋɔ nɩ a pìe haba, a Sore na ɩrɛ dɛ̃bɩ̃ɛ a niŋé, nɩ a ʋ dɛpaalʋ vɩɛlʋ niŋé, ʋ nãà wa ìr k'ʋʋ ƴãw a tẽw pʋl-vʋ̃ɔ a.

Ɩzayi 32:13

Nyɩ kone ƴãwn a ɩ̃ nɩ-bʋʋrɛ tẽsɔw gɔ-tuwr na bule pàwr a, nyɩ kone ƴãwn a tẽ-kpɛ̃ɛ na maalɛ cuw a, yie za na be nʋ̃ɔ̀ pʋɔ a.

Ɩzayi 34:13

Gɔ-tuwr na bul'ɩ a yir-vɩɛlɩ vɩɛlɩ pʋɔ, kàrnyã nɩ gʋʋr na bul'a pàw a zɛbr-yir-kpɛn. A na ɩ n gbõgbo-cili sɔwlʋ zie, kʋlãdisowli dɛnʋ zie.

A naaŋmɩn-ƴèr-manɛ Oze sɛbɛ 10:2

Nɩsaal-libelibe nɛbɛ. Ƴɛrɛŋa a, bɛ na nyɛ̃ nɩ dɔwrʋ yáa a san. A Sore tɔr za n'ʋ na ŋmɛ a bɛ bàwr-maal-kube lɔb, ɛ́ ŋmɛr a kʋsɛbɛ bɛ na wob teli a bɛr.

A naaŋmɩn-ƴèr-manɛ Oze sɛbɛ 10:5

Dɛ̃bɩ̃ɛ nyɔw nɩ a Samaari tẽw dem a Bɛtɩ-Awɛn tẽw nadele ƴãw, bɛ màwr bɛ za. Bʋ̃ʋ n'ʋ vɛ̃, a ʋ nɩbɛ nɩ a ʋ bàwr-maalbɛ maalɛ nɩ ko-kpɛ̃ɛ a ʋ ƴãw. Ƴɛrɛŋa bɛ na nyɔw ʋ cen nɩ zi-zãána a, bɛ na tʋ̃ɔ́ na cáarɛ a ʋ yúor na tɩ yi a.

A naaŋmɩn-ƴèr-manɛ Oze sɛbɛ 10:9

A Givea tẽw yele daar za n'a a Ɩsɩrayɛl maalɩ a yel-bier. Ʋ bɛ lɩɛbɩ a ʋ ɩb ɛ! Lɛ so, a Givea tɛɛ za bɛ n'a a sɛw k'aa zɛbr ta a nɩ-kʋrbɛ bɛ ŋa ɩ?

A naaŋmɩn-ƴèr-manɛ Oze sɛbɛ 2:6

«Ɩ̃ kʋ̃ nɔnɛ a ʋ bibiir ɛ: pɔw-yɛm bibiir na nɛbɛ a ƴãw.

A naaŋmɩn-ƴèr-manɛ Oze sɛbɛ 4:13

Tan zu n'a bɛ mɩ́ do tɩ maalɩ a bàwr. Tãli zu n'a bɛ nyɩwr a tɩ-suur-zɔ̃-na-nyùur-vla-vla-a. Sɛn, pepilie nɩ terebɛ̃tɩ tɩɩr ɓaarʋ na maalɩ a al ƴãw a pile n'a bɛ mɩ́ be. Lɛ so a nyɩ pɔwyaar na ɩrɛ mɛ̃ pɔw-yɛmɛ a, ɛ́ a nyɩ biir-pɔwbɛ tone pɩ̃ɔ yel-bier tome.

A naaŋmɩn-ƴèr-manɛ Oze sɛbɛ 4:15

«Ɩsɩrayɛl ɩ, à ŋá n'a fʋ tone a pɔw-yɛm tome. A Zuda nãá nɩ̃ɛ mɩ̀ ta lo a sãwna been nɛ pʋɔ ɩ! Nyɩ ta mɩ́ cen a Gilgal ɛ, nyɩ ta mɩ́ do a Bɛtɩ-Awɛn ɛ, ɛ́ ta mɩ́ pɔ yel ɛ: “A Sore na vʋʋrɛ a...!''»

A naaŋmɩn-ƴèr-manɛ Oze sɛbɛ 5:8

«Nyɩ pɛblɩ ɩɩl a Givea, nyɩ pɛblɩ wɩ́ɛ a Arama, nyɩ lɔb cɛl a Bɛtɩ-Awɛn. Bɛ̃zamɛ yir dɔwlʋ ʋ, gùre pùorí yoo!

A naaŋmɩn-ƴèr-manɛ Oze sɛbɛ 8:5

Samaari tẽw dem i, a nyɩ nadele ɩrɛ mɛ̃ nɩ kɔkɔrʋ. Nyɩ ɩ na a ɩ̃ suur ìr. Debor'a a na tɩ ta, nyɩ na kʋ̃ tʋ̃ɔ́ bɛ tɛr a sãwna a?

A naaŋmɩn-ƴèr-manɛ Oze sɛbɛ 9:6

Nyɩmɛ wa ìre ɛ́ bɛrɛ a nyɩ tẽw na sãw a, a Eziptɩ tẽw na de nyɩ na, ɛcɛ a tẽw ʋl na dɩ Mɛmfisɩ a na ɩ n a nyɩ yàa. A nyɩ bʋ̃-vɩɛlɩ vɩɛlɩ na lɩɛb'ɩ karnyã bʋ̃-sori ɛ́ gʋʋr bul paalɩ a nyɩ kpɛb ziir.

Amɔsɩ 1:5

A dàar na jɩ̀r a Damasɩ tẽ-kpɛ̃ɛ dɩ̃dɛɛ a, ɩ̃ na kar a na bɛr, a nãà ʋl na be a faalʋ bà-fʋɔla pʋɔ a, ɩ̃ na ír ʋ na, ɩ̃ na diw nɩ a nãà ʋl na dɩrɛ naalʋ a nʋ̃ɔ̀ tẽw a. Lɛ n'a bɛ na diw a Aram tẽw dem cen nɩ Kɩ́ɩ̀r tẽw.» A Sore n'ʋ yel.

Amɔsɩ 3:14

A ʋlɩ bibir ɩ̃ nãà wa ìr a Ɩsɩrayɛl nɩbɛ ƴãw a bɛ ɩ-faar zũú a, ɩ̃ na ìr'ɩ a Betɛl tẽw bàwr-maal-kube ƴãw. bɛ na kár'ɩ a bàwr-maal-kube ɩ́lɛ́ bɛr a lo gã tẽw.

Amɔsɩ 7:9

Ɩ̃ na sãw nɩ a Ɩzaakɩ bʋʋrɛ maalʋ-ziir bɛr, ɩ̃ na ŋmɛ n a Ɩsɩrayɛl zi-son lɔb, ɛ́ ìr'ɩ zɛbr a Zerobowam yir dem.»

Amɔsɩ 8:14

Ɛ́ a bɛlɩ dem za na kõ nʋɔr a Samaari ŋmɩn-bɛlɛbɛlɛ zie a, bɛ na lo na. A bɛlɩ dem na mɩ́ pɔ yel: “Ɩ̃ pɔ n nɩ a fʋ ŋmɩn, Dan i!” Bɩɩ a bɛl na mɩ́ pɔ yel: “Ɩ̃ pɔ n nɩ a sɔr-sõw na cere a Bɛɛr-Seva a!” Bɛ za na lo na, ɛ́ kʋ̃ lɛb ìr ɛ.»

Mise 1:13

Lakisɩ tẽw dem i, nyɩ caw a wie a torkori, nyɩ cɔwr'ɩ a Ɩsɩrayɛl nɩbɛ sãwna, taw a Zerizalɛm ƴãw a yel-bier pʋɔ.

Mise 1:5

A Zakɔb bʋʋrɛ bɛ-wonu, a Ɩsɩrayɛl yir dem yel-bebe n'a so à á ŋá za. Ãa n'ʋ so a Zakɔb bʋʋrɛ bɛ-wonu? A Samaari tẽw bɛ n'ʋ ɛ? Ãa n'ʋ so a Zuda nɩbɛ na ƴãwnɛ a tɩbɛ a? A Zerizalɛm tẽw bɛ n'ʋ ɛ?

Nahum 3:11

Nɩnɩɩvʋ ʋ, a kpɩɛrʋ mɩ̀ na kpɛ b'a tɩ sɩw, fʋ na lim'ɩ fʋ za a kpɩɛrʋ pʋɔ, fʋ mɩ̀ na bɔ n sɔwlʋ zie, k'aa fʋ dɔ̃ dem ta páw fʋ ɛ.

Luka 23:30

A lɛn daar a, bɛ na yere nɩ a tan: “Nyɩ lo gùri tɩ!” ɛ́ yere a tãli: “Nyɩ sɔwlɩ tɩ!”

Wulu-ayi-sob 9:21

Ɩ̃ tɩ ɓáw nɩ a nále nyɩ na tɩ maalɩ a, a nyɩ yel-bier bom, lɔb ƴãw vũumí. Al pùorí, ɩ̃ ŋmɛ ŋmɛ ʋ ŋmɛr, ƴɛ́r ʋ bàalɛ ɩ̃ lɔb ƴãw a fʋɔla na yi a tãw zu siwr a pʋɔ.

Yel-wula 6:16

Bɛ tɩ yere nɩ a tan nɩ a pie: «Nyɩ lo gùri pàw tɩ, sɔwlɩ tɩ zãá nɩ a sob nɛ na zɩ̃ a naalʋ-dà-kɔw zu a niŋé, zãá nɩ a Pele suur.

Yel-wula 9:6

A alɩ bibie nɛ a, a nɩsaalbɛ na bɔbr'ɩ a kũu ɛ́ kʋ̃ nyɛ̃ ʋ ɛ, bɛ na bɔbr'a kɛ́ bɛ nãá kpi, ɛ́ a kũu mɩ́ zɔ kɛ́ bɛr bɛ.