A naaŋmɩn-ƴèr-manɛ Oze sɛbɛ 10:5 - A SƐB-SÕW

⁵ Dɛ̃bɩ̃ɛ nyɔw nɩ a Samaari tẽw dem a Bɛtɩ-Awɛn tẽw nadele ƴãw, bɛ màwr bɛ za. Bʋ̃ʋ n'ʋ vɛ̃, a ʋ nɩbɛ nɩ a ʋ bàwr-maalbɛ maalɛ nɩ ko-kpɛ̃ɛ a ʋ ƴãw. Ƴɛrɛŋa bɛ na nyɔw ʋ cen nɩ zi-zãána a, bɛ na tʋ̃ɔ́ na cáarɛ a ʋ yúor na tɩ yi a.

A naaŋmɩn-ƴèr-manɛ Oze sɛbɛ 10:5 ပူးပေါင်းရင်းမြစ်များ

2 Na-mɩnɛ 10:29

Ɛcɛ ʋ bɛ tɩ bɛr a Nevatɩ bidɛb, Zerobowam, yel-bebe maalʋ ɛ. Bʋ̃ʋ n'ʋ vɛ̃, a Zerobowam n'ʋ tɩ ƴãw a Ɩsɩrayɛl nɩbɛ maalɩ a yel-bier, puori a Betɛl nɩ a Dan salm-zɩɛ náli.

2 Na-mɩnɛ 17:16

Bɛ zawr'ɩ a Sore bɛ Naaŋmɩn nɛ-ƴãwnɩ za bɛr, bɛ nyɩl'ɩ kure maal'ɩ náli ayi, bɛ bà n dà-bara, bɛ puor'ɩ a salom zu bʋ̃-nyɩwrɩ za, ɛ́ maalɩ a Báàl.

2 Na-mɩnɛ 23:5

A Zozɩasɩ tɩ diw nɩ a ŋmɩn-bɛlɛbɛlɛ bàwr-maalbɛ, a Zuda tẽw na-mɩnɛ na tɩ ír ƴãw bɛ nyɩwr a tɩ-suur-zɔ̃-na-nyùur-vla-vla-a, a maalʋ-ziir, a Zuda tẽ-bɛrɛ pʋɔ, nɩ a ziir na pɩɛlɩ a Zerizalɛm a. Ʋ mɩ̀ tɩ diw nɩ a bɛl na nyɩwr a tɩ-suur-zɔ̃-na-nyùur-vla-vla-a kʋ̀rɛ a Báàl, a mʋ̃tɔ̃w, a cuw, a ŋmar-bie nɩ bom za na nyɩwrɛ a salom zu a.

2 Bibie za yel-manɩ 11:15

A Zerobowam tɩ kaa na ír nɩbɛ bɛ ɩ bàwr-maalbɛ a ŋmɩn-bɛlɛbɛlɛ ƴãw, a ŋmɩn-bɛlɛbɛlɛ á ŋá na tɩ ɩ mɛ̃ bʋrali nɩ nadɛli a nɩbɛ puore a maalʋ-ziir a.

2 Bibie za yel-manɩ 13:8

Ɛ́ ƴɛrɛŋa nyɩ tɩɛr kɛ́ nyɩ ìr lo a naalʋ-dɩb a Sore na kʋ̀ a Daviir bidɛbr a zu! A nyɩ zɛbr-nɩbɛ bɛ dɩ vuo ɩ, ɛ́ nyɩ tɛr a salm-zɩɛ nadeli a Zerobowam na maalɩ kʋ̀ nyɩ a ɩ a nyɩ ŋmɩmɛ a.

Ɩzayi 46:2

A ŋmɩmɛ gũu na, a za lãw na lo. A bɛ tʋ̃ɔ́ faa a dasuli ɛ, bɛ ír'ɩ a al tɛɛ za cere nɩ tẽ-yũo.

A naaŋmɩn-ƴèr-manɛ Oze sɛbɛ 13:2

A ƴɛrɛŋa mɩ̀ a, bɛ cãà na maalɛ a yel-bier: bɛ nyɩlɛ nɩ salm-zɩɛ maalɛ nɩ bome, bɛ nyɩlɛ nɩ salm-zɩɛ maalɛ nɩ tɩbɛ, nɩ a bɛ bãwfʋ, nɩsaal bʋ̃-maalɩ n'ɩ à á ŋá za. Ɛcɛ a al ƴãw n'a bɛ mɩ́ yel: «A fɛr'a kɛ́ tɩ maalɩ bàwr kʋ̀ a!» Nɩsaalbɛ pãa mɩ́ wa nyɔw nadeli kɔ́rɛ mɔwrɛ, nyɩ maal'a ŋmɛ ɛ!

A naaŋmɩn-ƴèr-manɛ Oze sɛbɛ 4:15

«Ɩsɩrayɛl ɩ, à ŋá n'a fʋ tone a pɔw-yɛm tome. A Zuda nãá nɩ̃ɛ mɩ̀ ta lo a sãwna been nɛ pʋɔ ɩ! Nyɩ ta mɩ́ cen a Gilgal ɛ, nyɩ ta mɩ́ do a Bɛtɩ-Awɛn ɛ, ɛ́ ta mɩ́ pɔ yel ɛ: “A Sore na vʋʋrɛ a...!''»

A naaŋmɩn-ƴèr-manɛ Oze sɛbɛ 5:8

«Nyɩ pɛblɩ ɩɩl a Givea, nyɩ pɛblɩ wɩ́ɛ a Arama, nyɩ lɔb cɛl a Bɛtɩ-Awɛn. Bɛ̃zamɛ yir dɔwlʋ ʋ, gùre pùorí yoo!

A naaŋmɩn-ƴèr-manɛ Oze sɛbɛ 9:1

Ɩsɩrayɛl ɩ, ta dɩ tuo cɩlɛ laar hele nɩ mɛ̃ a nɩ-bʋʋr-yoru a ɩ. Bʋ̃ʋ n'ʋ vɛ̃, fʋ tõ n pɔw-yɛm tome a taw fʋ zãá nɩ a fʋ Naaŋmɩn, ɛ́ fʋ nɔ̃w nɩ a tome á ŋá sã-ya a ble vab gbãgbalɩ za pʋɔ.

A naaŋmɩn-ƴèr-manɛ Oze sɛbɛ 9:11

A Efarayim yúor na yi a na tɔl'a mɛ̃ lile na ƴaw cen a: bie kʋ̃ lɛb dɔw ɛ, pʋɔ kʋ̃ lɛb tɛr ɛ, sɩɛ kʋ̃ lɛb ŋmãa a ɩ.

Amɔsɩ 3:14

A ʋlɩ bibir ɩ̃ nãà wa ìr a Ɩsɩrayɛl nɩbɛ ƴãw a bɛ ɩ-faar zũú a, ɩ̃ na ìr'ɩ a Betɛl tẽw bàwr-maal-kube ƴãw. bɛ na kár'ɩ a bàwr-maal-kube ɩ́lɛ́ bɛr a lo gã tẽw.

Sofoni 1:4

«Ɩ̃ na ìr'ɩ a Zerizalɛm nɩbɛ ƴãw, nɩ a Zuda nɩbɛ za ƴãw. Ɩ̃ na ɩ na a Báàl puoru ɩ-ɩrɩ al na cãà be a, a bɔr a ka, tɩ lãw nɩ a ŋmɩn ŋa bàwr-maalbɛ yúor.

Nɩ-toni 19:27

A na ɩrɛ nɩ à ŋá, bɛ kʋ̃ʋ wa cãà ƴɛ̀rɛ vla a tɩ ton ŋa ƴãw ɛ. Ɛ́ lɛb waar, a tɩ ŋmɩn-pɔw-kpɛ̃ɛ Atemisɩ yir kʋ̃ cãà tɛr yúor ɛ. Ɛ́ alɛ wa ɩ à à ŋá a, a ŋmɩn-pɔw ŋa kʋ̃ cãà tɛr yúor ɛ, ʋl bɛ na puore ɛ́ ƴãwnɛ a Azi ka nɩ a tẽ-daa za zu a.»

Zozue 7:2

A Zozue tɩ be n a Zeriko ɛ́ tõ nɩbɛ Aɩ na be a Betɛl saa-pɛrɩ́, ɛ́ pɩɛlɩ a Bɛtɩ-Awɛn a. Ʋ tɩ yel bɛ na: «Nyɩ cen tɩ piwri a tẽw.» A nɩbɛ bɛl tɩ cen na tɩ piwri a Aɩ,

Ƴɛ̀r-dɩrbɛ 18:24

A Mɩka tɩ sɔw bɛ na: «Nyɩ faa nɩ a ɩ̃ ŋmɩmɛ ɩ̃ na maalɩ a, tɛr'ɩ a ɩ̃ bàwr-maalɛ cere nɩ. Bʋ̃ʋ n'a cɛ m? Ɛ́ nyɩ ŋmɛr kpʋr sowre mɛ̃ kɛ́ bʋ̃ʋ n'ʋ tɛr mɛ̃ ɛ?»