A naaŋmɩn-ƴèr-manɛ Oze sɛbɛ 10:2 - A SƐB-SÕW

² Nɩsaal-libelibe nɛbɛ. Ƴɛrɛŋa a, bɛ na nyɛ̃ nɩ dɔwrʋ yáa a san. A Sore tɔr za n'ʋ na ŋmɛ a bɛ bàwr-maal-kube lɔb, ɛ́ ŋmɛr a kʋsɛbɛ bɛ na wob teli a bɛr.

A naaŋmɩn-ƴèr-manɛ Oze sɛbɛ 10:2 ပူးပေါင်းရင်းမြစ်များ

1 Na-mɩnɛ 18:21

A Eli tɩ taw na ta a nɩbɛ za niŋé ɛ́ yel à ŋá: «Debor daar'a nyɩ na mɩ́ ƴaw gol gbɛ́r ŋa zu, ɛ́ lɛb ƴaw gol gbɛ́r ŋa zu tɩ ta? A Sore wa n'ɩ a Naaŋmɩn a, nyɩ puore ʋ! Báàl wa n'ɩ a Naaŋmɩn a, nyɩ puore ʋ!» Ɛcɛ a nɩbɛ pʋɔ a, nɩr za bɛ tɩ sɔw ʋ ɛ.

Eziptɩ tẽw yib 23:24

A lɛn daar a, nyɩ taa gbine dume gũune tɩ tʋɔr tẽw puore a bɛ ŋmɩmɛ ɩ, nyɩ taa cɔwrɛ a lɛ bɛ na mɩ́ maalɩ a a ɩ. Nyɩ nɩ̃ɛ ŋmɛ a ŋmɩmɛ á ŋá dasuli ŋmɛr, ɛ́ ŋmɛ a kʋsɛ-teli kar.

Zʋkpaɩ 11:18

A nɩ-faa sã-ya bɛ mɩ́ tɛr pɛr ɛ, ɛcɛ sob nɛ na ɩrɛ a mɩnʋ bere be a na nyɛ̃ nɩ maalʋ, bʋnʋ bɛ ka be ɩ.

Ɩzayi 44:18

A nɩbɛ bɛ ŋa bɛ bãw bom za ɩ, bɛ bɛ bãw bom za pɛr ɛ. Bʋ̃ʋ n'ʋ vɛ̃, dɛwr paal'ɩ a bɛ mimie bɛ bɛ cãà nyɛrɛ ɩ, a bɛ tɩɛrʋ ɩ n ŋmãa zuo bɛ kʋ̃ tʋ̃ɔ́ bãw bom pɛr ɛ.

Zeremi 43:13

A Eziptɩ tẽw a, ʋ na ŋmɛ n a Heliopolisɩ kʋsɛbɛ kpul-teli kar, ɛ́ nyɩw a Eziptɩ tẽw ŋmɩmɛ yie bɛr.”»

Ezekɩɛl 14:5

A ɩ̃ sɔwfʋ na dam'ɩ a Ɩsɩrayɛl nɩbɛ yaga, bɛl na jɛ m bɛr a bɛ ŋmɩn-bɛlɛbɛlɛ nɔ̃wfʋ zũú a.

A naaŋmɩn-ƴèr-manɛ Oze sɛbɛ 12:11

Ɩ̃ na ƴɛ̀r'ɩ a ƴɛ̀r-manbɛ zie, ɩ̃ na ɩ na a bʋ̃-nyɛrɩ bɛ na mɩ́ nyɛ̃ a lɛb yãwmɛ dɔwlɩ, ɩ̃ɩ na ƴãw na bɛ mɩ́ lɔb zʋkpaɩ a ɩ̃ yúor ƴãw.

A naaŋmɩn-ƴèr-manɛ Oze sɛbɛ 3:4

À ŋá n'a a na ŋmɛ̃ a Ɩsɩrayɛl bibiir zie: bɛ na kɔwr'a, ɛ́ kʋ̃ nyɛ̃ nãà ɩ, kʋ̃ tɛr niw-diere ɩ, kʋ̃ tʋ̃ɔ́ bàwr maalɩ ɛ, kʋ̃ tɛr kʋsɛ-teli ɛ. Bɛ kʋ̃ tɛr efɔdɩ nɩ terafim ɛ.

A naaŋmɩn-ƴèr-manɛ Oze sɛbɛ 7:8

A Efarayim kpɩɛr'a jɛr a nɩ-bʋʋr-yoru. Ʋ ɩ na mɛ̃ sɛ̃sɛ̃ bɛ na bɛ lɩɛbɩ a.

Levitɩ mɩnɛ 26:30

Ɩ̃ na sãw nɩ a nyɩ maalʋ-ziir bɛr, ɩ̃ na ŋmɛr'ɩ a nyɩ bàwr-maal-kube al zu nyɩ na mɩ́ nyɩw a parfɛ̃ a bɛr, ɩ̃ na gbõ n a nyɩ kũuni taa a tɩbɛ na ŋmɛr ŋmɛr ɛ́ kar kar a zu. A ɩ̃ pʋɔ kʋ̃ nɔ̃w nyɩ towtow ɛ.

Mise 5:13

Ɩ̃ na vɔ̃ n a nyɩ dà-barɩ bɛr, ɛ́ ŋmɛr a nyɩ tẽ-bɛrɛ bɛr.

Sofoni 1:5

Ɩ̃ na kʋ n a bɛlɩ dem na mɩ́ do a garʋ́ tɩ lo vɔblɩ muru ŋmar-bie niŋé a, a bɛlɩ dem na ƴãwnɛ a, ɛ́ mɩ́ pɔ n a ɩ̃ yúor ɛ́ lɛb pɔ n a ŋmɩn Mɩlkɔm yúor a.

Zakari 13:2

A Sore, a Kpɛnʋ-za-sob, yere na: «A lɛn daar a, ɩ̃ na ír'ɩ a tɩbɛ za bɛr ɛ́ nɩr kʋ̃ cãà pore a yúor ɛ. Ɩ̃ mɩ̀ na diw nɩ a naaŋmɩn-ƴɛ̀r-man-ziri dem bɛr a tẽw pʋɔ, ɛ́ ɩ nyɩ bɛ cãà nɔnɛ a tɩbɛ maalʋ ɛ.

Matie 6:24

«Nɩr za kʋ̃ tʋ̃ɔ́ ɩ na-mɩnɛ ayi tõ-tõ-bie ɩ: ʋ na hɩ̃ɛn nɩ a dãw-niwn sob, ɛ́ nɔnɛ a ayi sob, bɩɩ ʋ na tu n a kãw pùor, ɛ́ bɛr a kãw. Nyɩ kʋ̃ tʋ̃ɔ́ lãw ɩ a Naaŋmɩn nɩ a libir tõ-tõ-biir ɛ.»

Luka 16:13

«Tõ-tõ-bie kãw za kʋ̃ tʋ̃ɔ́ nɩ-bɛrɛ ayi tome tõ ɩ: alɛ bɛ ɩ lɛ, ʋ na hɩ̃ɛn nɩ a dãw-niwn sob ɛ́ nɔnɛ a ayi sob, bɩɩ a dãw-niwn sob'ʋ ʋ na tu, ɛ́ bɛ ŋmɛlɛ kaar a ayi sob ɛ. Nyɩ kʋ̃ tʋ̃ɔ́ lãw ɩ a Naaŋmɩn nɩ a libir tõ-tõ-biir ɛ.»

Zakɩ 1:8

ʋl a tɩɛrʋ na mɩ́ põ, ɛ́ a ʋ yele za pʋɔ ʋ bɛ mɩ́ bãw bʋ̃ʋ n'ʋ ʋ bɔbr a ɩ.

Zakɩ 4:4

Naaŋmɩn bɛlbɛlbɛ bɛ ŋa! Nyɩ bɛ bãw kɛ́ nɩr wa ɩ a tẽ-daa bá a, ʋ mɩ́ lɩɛb'ɩ a Naaŋmɩn dɔ̃ sob ɛ? Lɛ so, ʋlɩ sob wa bɔbr k'ʋʋ ɩ a tẽ-daa bá a, ʋ mɩ́ lɩɛb'ɩ Naaŋmɩn dɔ̃ sob.

1 Zã 2:15

Nyɩ ta nɔnɛ a tẽ-daa nɩ a tẽ-daa zu bome ɩ, nɩr wa nɔnɛ a tẽ-daa a, ʋ bɛ mɩ́ tɛr a Naaŋmɩn Sãà nɔ̃wfʋ ɛ.

1 Samɩɛl 5:4

A bio daarɩ́ biɓaar-pipi, bɛ tɩ lɛb'a ìr nyɛ̃ a Dagon ʋ lɛb lo gã a tẽw, a Sore wõ-taa daga niŋé. A Dagon ƴã-gan yõ n'ʋ tɩ be be, a zu nɩ a nuru tɩ ŋma na gã a ʋ yir dɩ̃dɔr zu.