A naaŋmɩn-ƴɛ̀r-manɛ Aaze sɛbɛ 2:9 - A SƐB-SÕW

⁹ A na ɩ à ŋá a, a yir-kpɛ̃ɛ ŋa vɩɛlʋ na gãw nɩ a dãwdãw yir-kpɛ̃ɛ vɩɛlʋ, ɛ́ a zie ŋa pʋɔ n'a ɩ̃ na ƴãw a ƴã-ɓaarʋ, a mãa Sore, a Kpɛnʋ-za-sob, mãa n'ʋ yere.»

A naaŋmɩn-ƴɛ̀r-manɛ Aaze sɛbɛ 2:9 ပူးပေါင်းရင်းမြစ်များ

Ɩzayi 60:7

A Sore yere na: «A Kedaar tẽw bʋʋr nɩ píir na ɓã n taa a fʋ zie. Fʋ̃ʋ na so a Nebayɔtɩ tẽw pʋ́rɩ a fʋ bagɛ maalʋ ƴãw. Bɛ na mɩ́ de a na tɩr a ɩ̃ bàwr-maal-kuur zu, ɛ́ a na mɩ́ ɩ n bàwr na pɛlɩ a ɩ̃ pʋɔ a. À ŋá n'a ɩ̃ na wul a ɩ̃ yir vɩɛlʋ-danʋ.

Ɩzayi 66:12

Bʋ̃ʋ n'ʋ vɛ̃, à ŋá n'a a Sore yere: «Ɩ̃ na ɩ n a ƴã-ɓaarʋ gbɔlɛ cere a Zerizalɛm mɛ̃ man kʋ̃ɔ a, ɛ́ a nɩ-bʋʋrɛ na-bome gbɔlɛ cere mɛ̃ bàa na paalɩ yi nɛ́ɛ a. Ɩ̃ na kaa nɩ a nyɩ zie mɛ̃ a lɛ mã na mɩ́ ɩrɛ bie ʋ na ƴɛnɛ a, ʋ na mɩ́ pɛ̀w ɛ́ ƴãw gbɛ́ɛ zu dɩ̃ɛnɛ nɩ a.

Ezekɩɛl 43:5

A vʋʋrʋ tɩ zɛw mɛ̃ na ìr'ɩ a tẽw ɛ́ tɩ tɛr mɛ̃ cen nɩ a sɔwlɩsɔw davʋra pʋɔ. Ɩ̃ tɩ nyɛ̃ na k'aa Sore yúor-vɩɛlʋ-danʋ paal'ɩ a Ŋmɩn-yir-kpɛ̃ɛ.

Mise 5:5

Bɛ na dɩ n naalʋ a Asiiri tẽw nɩ a Nemirodi tẽw zu nɩ a bɛ zɛbr bome. A nãà na na wa a na faa tɩ nɩ a Asiiri nɩbɛ nuru pʋɔ, bɛlɛ wa gãw a tɩ tʋr-bɔw, ɛ́ kpɛ paalɩ a tɩ tẽw a.»

A naaŋmɩn-ƴɛ̀r-manɛ Aaze sɛbɛ 1:8

Nyɩ do tãw zu tɩ bɔ dàar wa lɛb mɛ n a ɩ̃ yir-kpɛ̃ɛ, lɛ n'a a ɩ̃ pʋɔ na pɛlɩ, ɩ̃ɩ wul a ɩ̃ yúor-vɩɛlʋ-danʋ, a mãa Sore n'ʋ yere.

A naaŋmɩn-ƴɛ̀r-manɛ Aaze sɛbɛ 2:3

«Ãa n'ʋ cãà a nyɩ pʋɔ, ɛ́ tɩ nyɛ̃ a yir ŋa dãwdãw vɩɛlʋ? Ɛ́ ŋmɩŋmɩn n'a nyɩ nyɛ̃ ʋ a ƴɛrɛŋa? Ʋ bɛ mɩ́ sãá a nyɩ zie mɛ̃ ʋ bɛ ɩ bom za ɩ?

Zakari 2:5

Ɩ̃ tɩ zɛw nɩ zu nyɛ̃ bʋ̃-nyɛra kãw: nɩr na tɛr miw-máná a.

Luka 2:14

“Naaŋmɩn so danʋ a saa-zu za, ɛ́ a ʋ nɩ-nɔnɩ so ƴã-ɓaarʋ a tẽw zu ka”.»

Zã 1:14

A Ƴɛ̀rʋ lɩɛb'ɩ nɩsaal, ʋ wa na wa kpɛ a tɩ sɔgɔ, ɛ́ tɩ nyɛ̃ nɩ a ʋ yúor-vɩɛlʋ-danʋ, a Sãà Bi-been yõ yúor-vɩɛlʋ-danʋ na yi a Sãà zie a, ʋ paal'ɩ nɔ̃wfʋ nɩ yel-mɩŋa.

Zã 14:27

Ƴã-ɓaarʋ n'a ɩ̃ bɛrɛ kʋ̀rɛ nyɩ, a ɩ̃ ƴã-ɓaarʋ n'a ɩ̃ kʋ̀rɛ nyɩ. Ɩ̃ bɛ kʋ̀rɛ nyɩ mɛ̃ a lɛ a tẽ-daa na mɩ́ tɩr a ƴã-ɓaarʋ a ɩ. Nyɩ ta ɩ pʋl-vʋ̃ɔ nɩ dɛ̃bɩ̃ɛ tɛr nyɩ ɛ.

Nɩ-toni 10:36

Ʋ tɩr'ɩ a ʋ ƴɛ̀rʋ kʋ̀ a Ɩsɩrayɛl bibiir, kɛ́ a Yeezu Kɩrɩta wa yel a ƴã-ɓaarʋ Yel-nʋ̃ɔ̀ kʋ̀ bɛ: a Yeezu na ɩ a nɩsaalbɛ za Sore a.

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

Zakɩ 2:1

Ɩ̃ yɛbr i, nyɩɩm na sàw de a tɩ Sore Yeezu Kɩrɩta na tɛr danʋ a, nyɩ ta owre taa ɩ.