A naaŋmɩn-ƴɛ̀r-manɛ Aaze sɛbɛ 2:23 - A SƐB-SÕW

²³ Ɛcɛ a ʋlɩ bibir nɛ a, ɩ̃ na kʋ̀ b'ɩ tõ-nʋɔr, Saltɩɛl bidɛb Zorobabɛl ɩ, fʋ̃ʋ na ɩ a ɩ̃ tõ-tone a, ɩ̃ na ɩ na fʋ ɩ mɛ̃ a nũ-tʋʋr bɛ na mɩ́ ƴãw nɩ bãwfʋ a, a fʋ̃ʋ na n'ʋ ɩ̃ kaa ír a ƴãw. À à ŋá n'a a mãa Sore, a kpɛnʋ-za-sob, yere.»

A naaŋmɩn-ƴɛ̀r-manɛ Aaze sɛbɛ 2:23 ပူးပေါင်းရင်းမြစ်များ

Sɛb-sõw yielu 65:5

Zu-nʋ̃ɔ̀ dem'ɩ a bɛl fʋ na kaa ír, ɛ́ ɩ kɛ̀ bɛ taw pɩɛlɩ a, bɛ na kpɩɛr'ɩ a fʋ davʋrɩ pʋɔ. Tɩ na dɩ n a fʋ yir bome tɩw, a bʋ̃-son na be a fʋ yir pʋɔ a.

A Yielu za pʋɔ yiel-vla vla 8:6

Dɔwlɩ mɛ̃ a fʋ socir zu mɛ̃ ŋmaarʋ-bʋ̃-ƴãwna a, mɛ̃ ŋmaarʋ-bʋ̃-ƴãwna a fʋ kpãkpãw zu a. Bʋ̃ʋ n'ʋ vɛ̃, a nɔ̃wfʋ kpɛmɛ na mɛ̃ a kũu a, a nɔ̃wfʋ-nyuur bɛ tɛr tʋ̃ɔ́fʋ mɛ̃ a kpɩmɛ tẽw a ɩ, ʋ ɩ n vũu-zɛl na dɩrɛ a, ʋ mɩ́ siw na mɛ̃ a saa a.

Ɩzayi 42:1

A Sore yere na: Nyɛ̃ a ɩ̃ tõ-tõ-bie ɩ̃ na tɩ̀ɛ a, a ɩ̃ nɩ-kaa-íra na pɛlɩ a ɩ̃ pʋɔ a. Ɩ̃ ƴãw nɩ a ɩ̃ Vʋʋrʋ a ʋ zu, k'ʋʋ ɩ a nɩ-bʋʋrɛ bãw a lɛ-na-tu-sɔr-a.

Ɩzayi 43:10

A Sore yere na: A ɩ̃ dãsɩɛ dem a, nyɩmɛ nɛbɛ, nyɩɩm ɩ̃ nɩ-bʋʋrɛ ɛ. Nyɩmɛ n'ɩ a tõ-tõ-bie ɩ̃ na kaa ír a. Ɩ̃ bɔbr'a kɛ́ nyɩ tʋ̃ɔ́ bãw a pɛr, kɛ́ nyɩ sàw de m ɛ́ sɩrɩ bãw kɛ́ mãa n'ʋ. Ŋmɩn bɛ de niwn be a ɩ̃ ƴãw ɛ, ɛ́ kʋ̃ be be a ɩ̃ pùorí ɛ.

Ɩzayi 49:16

Nyɛ̃, ɩ̃ wi fʋ na ƴãw a ɩ̃ nũsalɛ̃pʋʋr pʋɔ, a fʋ dacĩ-bɛrɛ be n a ɩ̃ niŋé kʋralɛ.

Zeremi 22:24

«Nyɛ̃ a ʋlɩ bom fʋ na na tɩ yel kʋ̀ a Yoyakim bidɛb nɩ a Zuda tẽw nãà Konɩahu a: “A Sore yere na: Ɩ̃ pɔrɛ nɩ nɩ a ɩ̃ nyɔ-vʋʋrʋ à ŋá: Fʋ̃ʋ mɩ̀ saa tɩ ɩ ŋmaarʋ-bʋ̃-ƴãwna a ɩ̃ dʋrʋ nũú a, ɩ̃ nãà for fʋ nɩ a ɩ̃ nobirí.

Matie 12:18

«A ɩ̃ tõ-tõ-bie n'ɩ à ŋà ɩ̃ na kaa ír a, a ɩ̃ nɩ-nɔna za, ɩ̃ pʋɔ za pɛlɩ nɩ a ʋ ƴãw. Ɩ̃ na ɩ na a ɩ̃ Vʋʋrʋ siw a ʋ zu, ʋʋ na yel'ɩ a lɛ na tu sɔ́r a kʋ̀ a nɩ-bʋʋr-yoru.

Zã 6:27

Nyɩ ta tone bɔbr'ɩ dɩb na na tʋ̃ɔ́ wɛ a ɩ, nyɩ ƴãw fãw tone bɔbr'ɩ dɩb na be be a nyɔ-vʋʋrʋ na be kʋralɛ a ƴãw a, a dɩb ŋa n'ʋ a Nɩsaal Bie na kʋ̀ nyɩ, ʋl a Sãà, na ɩ Naaŋmɩn a, na ƴãw a ʋ bãwfʋ a.»

2 Timote 2:19

Ɛcɛ yir pɛr na kpɛmɛ ɛ́ Naaŋmɩn bin a, cãà nɩ be. Ƴɛ̀r-bie á ŋá n'a bɛ wi ƴãw a ʋ zu: «A Sore bãw nɩ a ʋ nɩbɛ», lɛ nɩ: «Sob nɛ za na bʋɔlɛ a Sore yúor a, ʋ taw zãá nɩ a ɩ-faar.»

1 Pɩɛr 2:4

Nyɩ taw pɩɛlɩ a Sore: ʋlɛ n'ɩ a kʋsɛ-mimir ʋl a nɩsaalbɛ na jɛ bɛr, ɛ́ a Naaŋmɩn zie ʋ ɩ kʋsɛ-kaa-íra nɩ kʋsɛ-yúor a.