A naaŋmɩn-ƴɛ̀r-manɛ Aaze sɛbɛ 1:8 - A SƐB-SÕW

⁸ Nyɩ do tãw zu tɩ bɔ dàar wa lɛb mɛ n a ɩ̃ yir-kpɛ̃ɛ, lɛ n'a a ɩ̃ pʋɔ na pɛlɩ, ɩ̃ɩ wul a ɩ̃ yúor-vɩɛlʋ-danʋ, a mãa Sore n'ʋ yere.

A naaŋmɩn-ƴɛ̀r-manɛ Aaze sɛbɛ 1:8 ပူးပေါင်းရင်းမြစ်များ

1 Na-mɩnɛ 6:1

A Ɩsɩrayɛl nɩbɛ na yi a Eziptɩ tẽw a maalɩ yome kɔbr anaar dɔwlɩ lɩz'a anaar (480) a n'a, a Salomɔ̃ tĩ a Sore Ŋmɩn-yir-kpɛ̃ɛ ŋmãafʋ. A tome tɩ tĩ nɩ a Salomɔ̃ naalʋ-dɩb yome anaar sob, Zivʋ cuw pʋɔ, a pɛr lɛ k'aa yũon cuwr ayi sob.

1 Na-mɩnɛ 9:3

A Sore tɩ yel'ɩ a Salomɔ̃ à ŋá: «Ɩ̃ wõ n a puoru fʋ na puori, ɛ́ zɛlɩ mɛ̃ a yãayãa a: a Ŋmɩn-yir-kpɛ̃ɛ ŋa fʋ na ŋmãa a, ɩ̃ maal'ʋ na, k'ɩ̃ɩ tʋ̃ɔ́ mɩ́ be a nyɩ sɔgɔ kʋralɛ a zie ŋa. Ɩ̃ na gùre ʋ nɩ vla vla kʋralɛ.

1 Bibie za yel-manɩ 22:19

A na ɩ à ŋá a, nyɩ ƴãw fãw bɔbr a Sore nyɩ Naaŋmɩn nɩ a nyɩ pʋɔ za nɩ a nyɩ nɩɩlʋ za. Nyɩ ìr ŋmãa a Sore Naaŋmɩn zi-sõw tʋ̃ɔ́ de a Sore wõ-taa daga nɩ a Naaŋmɩn bʋ̃-son wa n a yir nyɩ na na ŋmãa a ʋ ƴãwfʋ ƴãw a pʋɔ.»

2 Bibie za yel-manɩ 7:16

Ƴɛrɛŋa a, ɩ̃ kaa na ír a zie ŋa, ɩ̃ de ʋ na so ʋ k'ɩ̃ɩ mɩ́ wul kʋralɛ k'ɩ̃ɩ be n a nyɩ sɔgɔ. Ɩ̃ na kaarɛ nɩ ʋ zie nɩ nɔ̃wfʋ.

Ɛsɩdɩrasɩ 3:7

Al pùorí, bɛ tɩ ya n tõ-tõ-biir kɛ́ bɛ pɛnɩ kʋsɛbɛ nɩ wɛwr. Bɛ mɩ̀ tɩ kʋ̀ n bʋ̃-dɩrɩ, bʋ̃-nyúuri nɩ kãá a Sɩdɔ̃ tẽw dem nɩ a Tɩ́ɩ̀r tẽw dem, kɛ́ bɛ tʋ̃ɔ́ tɩr Libã sɛɛdɩr dàar kʋ̀ bɛ, a tu a kʋ̃ɔ-kpɛ̃ɛ wa ta Zafa. Bɛ tɩ ɩ n à à ŋá za a Pɛrsɩ tẽw nãà Siirisɩ na tɩ tɩr a sɔ́r a ƴãw.

Ɛsɩdɩrasɩ 6:4

Bɛ na mɩ́ ƴãw nɩ kʋsɛ-pɛnɩ gbɛlɛ atarɩ nɩ dàar wɛwr gbɛl-beƴeni lɩɛrɩ taa. A nãà daga libie so a san na ya.

Eziptɩ tẽw yib 29:43

Be n'a ɩ̃ na mɩ́ tuori a Ɩsɩrayɛl nɩbɛ, ɛ́ a ɩ̃ beba a be nɩ a ɩ̃ yúor-vɩɛlʋ-danʋ na mɩ́ ɩ n a zie ʋl ʋ ɩ sõw.

Ɩzayi 60:13

A tɩ-vɩɛlɩ na ɩ a Libã tẽw dɛpaalʋ a, a sɩpɩrɛ tɩɩr, a pɛ̃ tɩɩr nɩ a biwi tɩɩr dàar na ta n a fʋ zie, k'aa wa ɩ a ɩ̃ zi-sõw ʋ vɩɛl. À ŋá n'a ɩ̃ na ɩ, a zie ʋl ɩ̃ na be a tɛr yúor.

Ɩzayi 60:7

A Sore yere na: «A Kedaar tẽw bʋʋr nɩ píir na ɓã n taa a fʋ zie. Fʋ̃ʋ na so a Nebayɔtɩ tẽw pʋ́rɩ a fʋ bagɛ maalʋ ƴãw. Bɛ na mɩ́ de a na tɩr a ɩ̃ bàwr-maal-kuur zu, ɛ́ a na mɩ́ ɩ n bàwr na pɛlɩ a ɩ̃ pʋɔ a. À ŋá n'a ɩ̃ na wul a ɩ̃ yir vɩɛlʋ-danʋ.

Ɩzayi 66:11

Lɛ n'a ʋ na lɛb ƴãw nyɩ kanyir. Nyɩ na tɩw na mɛ̃ bi-pɩɩlɛ na ƴɛnɛ a bɛ mã bɩrɛ na paalɩ bʋ̀r-kʋ̃ɔ wone nɩ nʋ̃ɔ̀ a.

A naaŋmɩn-ƴɛ̀r-manɛ Aaze sɛbɛ 1:7

A mãa Sore, a kpɛnʋ-za-sob, yere na kɛ́ nyɩ tɩɛrɩ nyɛ̃ a bom nɛ na ta nyɩ a.

A naaŋmɩn-ƴɛ̀r-manɛ Aaze sɛbɛ 2:7

Ɩ̃ na dam'ɩ a nɩ-bʋʋr-yoru za, ɛ́ a bɛ na-bome na wa n yaga a ka, ɩ̃ɩ na kʋ̀ n vɩɛlʋ yaga a yir-kpɛ̃ɛ ŋa. A mãa Sore, a Kpɛnʋ-za-sob'ʋ yere.

A naaŋmɩn-ƴɛ̀r-manɛ Aaze sɛbɛ 2:9

A na ɩ à ŋá a, a yir-kpɛ̃ɛ ŋa vɩɛlʋ na gãw nɩ a dãwdãw yir-kpɛ̃ɛ vɩɛlʋ, ɛ́ a zie ŋa pʋɔ n'a ɩ̃ na ƴãw a ƴã-ɓaarʋ, a mãa Sore, a Kpɛnʋ-za-sob, mãa n'ʋ yere.»