A naaŋmɩn-ƴɛ̀r-manɛ Aaze sɛbɛ 1:11 - A SƐB-SÕW

¹¹ Ɩ̃ ɩ na a wɛr nyɔw a tẽw: a tan zu, a ble póru nɩ a divɛ̃ tɩɩr póru pʋɔ, a olivʋ tɩɩr póru nɩ a bʋ̃-kʋ́ɔrɩ a mɩnɛ póru pʋɔ. A nɩbɛ nɩ a dʋn wõ n tuo, ɛ́ a nyɩ tome za sãw.”»

A naaŋmɩn-ƴɛ̀r-manɛ Aaze sɛbɛ 1:11 ပူးပေါင်းရင်းမြစ်များ

1 Na-mɩnɛ 17:1

Eli na yi Galaadɩ tẽw tẽle kãw na dɩ Tisibe a, tɩ yel'ɩ a nãà Akab: «A Sore na vʋʋrɛ a ƴãw, a Ɩsɩrayɛl Naaŋmɩn ɩ̃ na tone a ƴãw, ɩ̃ yere nɩ à ŋá: “A yome á ŋá na waar a, ɓɩɛlʋ kʋ̃ lo ɩ, sa-bir kʋ̃ lo ɩ, mãa bɛ wa n'ʋ yel a.”»

2 Na-mɩnɛ 8:1

Bibir kãw, a Elize tɩ ƴɛ̀r'ɩ a pɔw ʋl ʋ na tɩ ɩ a bidɛb ʋ lɛb vʋʋrɛ a zie. Ʋ tɩ yel ʋ na: «Nyɩ yi a ka, fʋ̃ʋ nɩ a fʋ nɩbɛ, cen tɩ kpɩɛr be nyɩ na na tʋ̃ɔ́ a. Bʋ̃ʋ n'ʋ vɛ̃, a Sore na ɩ na kɔ̃ lo a Ɩsɩrayɛl tẽw yome ayopõi.»

A Zɔb sɛbɛ 34:29

Ɛcɛ ʋlɛ saa ɩ gbili a, ãa n'ʋ na yel k'ʋʋ sãw na? Ʋlɛ wa sɔwlɛ a, ãa n'ʋ na tʋ̃ɔ́ cãà nyɛ̃ ʋ? Ɛcɛ ʋ gùre nɩ a ten nɩ a nɩbɛ,

Zeremi 14:2

«A Zuda nɩbɛ be n wahala pʋɔ, a ʋ tẽ-bɛrɛ fãw siwre na. Bɛ be n pʋ-sãwna kpɛ̃ɛ pʋɔ, bɛ zɩ̃ n tẽw, a Zerizalɛm cɛlsɩ dúor'ɩ saa.

A Lãw-mʋɔlɛ 1:21

A nɩbɛ wone na ɩ̃ na kone a, ɛcɛ, nɩr bɛ mɔwlɛ mɛ̃ ɩ. A ɩ̃ dɔ̃ dem za wõ n a ɩ̃ kpɩɛrʋ, a ɩrɛ bɛ nɩ nʋ̃ɔ̀ a lɛ fʋ na ɩ m a: fʋ ƴãw nɩ a bibir ʋl fʋ na tɩ yel a ʋ ta. A mɩ̀ ŋmɛ̃ bɛ mɛ̃ a mãa a!

Amɔsɩ 5:8

A sob nɛ na ír a kɔ̃wmɛ nɩ a baa-nɩ-ŋmãam-nɩ-pɔw-nyãw a, a ʋl na mɩ́ ɩ a lige lɩɛbɩ biɓaara cãà a, a ʋl na mɩ́ ɩ a mʋ̃tɔ̃w lɩɛbɩ tɩ̃ɩsɔw lige a, a ʋl na mɩ́ bʋɔlɩ a man kʋ̃ɔnɩ wa cir waarɩ a tẽw a, a ʋ yúor'ɩ a Sore.

Amɔsɩ 7:4

Bom ŋa n'ʋ a Sore ɩ̃ Naaŋmɩn tɩ ɩ ɩ̃ nyɛ̃: vũu n'a a Sore ɩ̃ Naaŋmɩn tɩ dɩrɛ nɩ a ƴɛ̀rʋ. A vũu tɩ ɩ n a tẽsɔw pile kʋ̃ɔnɩ sɩr, ɛ́ a vũu do dɩrɛ a tẽw.

Amɔsɩ 9:6

A sob nɛ na mɛ a ʋ bɔwpɩɛ a salom zu a, a ʋl na ŋmãa a ʋ nãà yir a tẽw saa-zu a, a ʋl na mɩ́ bʋɔlɩ a kʋ̃ɔnɩ ɓãá taa ɛ́ cir a waarɩ a tẽw a, a ʋ yúor'ɩ a Sore.

A naaŋmɩn-ƴɛ̀r-manɛ Aaze sɛbɛ 2:17

A alɩ bome nɛ za nyɩ na tõ páw a, ɩ̃ sãw a na bɛr: ɩ̃ ɩ n a nyɩ bʋ̃-bie ko bɩɩ pɔ̃ a dàar zu, ɩ̃ ɩ na sa-bi-kube lo, ɛ́ nyɩ bɛ lɛb wa a mãa Sore zie ɩ.

A naaŋmɩn-ƴɛ̀r-manɛ Aaze sɛbɛ 2:19

Bʋ̃-bir cãà nɩ a bowrí i? A divɛ̃ tɩɩr tɛɛ za, a kãkã-tɩɩr, nɩ a girenadɩ tɩɩr, nɩ a olivʋ tɩɩr bɛ wɔ̃ wɔm za ɩ. Ɛcɛ a na dɛ tĩ a dɩ̃a bibir a, ɩ̃ na maalɩ nyɩ na.»

Malasɩ 3:11

Ɩ̃ na tanɩ nɩ a sãsowe bɛr, a ta lɛ 'wɔb a nyɩ bʋ̃-kʋ́ɔrɩ ɛ, a ta ɩ a nyɩ divɛ̃ tɩɩr a bɛ wɔnɛ ɩ. Mãa n'ʋ yere à à ŋá kʋ̀rɛ nyɩ, mãa, a Sore kpɛnʋ-za-sob.

Malasɩ 3:9

Ŋmɛ-ƴãw tuur nyɩ na, nyɩ na bɛlɛ mɛ̃ a ƴãw, nyɩɩm ɩ̃ nɩ-bʋʋrɛ za a.

Wulu-ayi-sob 28:22

A Sore na ɩ na a nyɩ ƴã-gamɛ sɩrɛ, zi-ɓori ɓore nyɩ, ƴã-tʋlɛ tɛr nyɩ. Ʋ na ɩ na wɛr nyɔw. Ʋ na ɩ na a bʋ̃-kʋ́ɔrɩ al na mɩ́ tɛr bie a, a ko a dàar zu bɩɩ pɔ̃. A bʋ̃-faar á ŋá na tɛr'ɩ lɛɛɛ tɩ baarɩ nyɩ.