A naaŋmɩn-ƴɛ̀r-manɛ Aaze sɛbɛ 1:1 - A SƐB-SÕW

¹ A Daarisɩ naalʋ-dɩb yome ayi sob daar, a cuwr ayʋɔb sob bibir dãw-niwn sob, a Sore tɩ ƴɛ̀r'ɩ a ʋ ƴɛ̀r-manɛ Aze zie. Ʋ tɩ ƴãw na k'ʋʋ cen tɩ ƴɛ̀r a ʋ ƴɛ̀rʋ á ŋá kʋ̀ Saltɩɛl bidɛb, Zorobabɛl, na ɩ a na-kpɛ̃ɛ-lɩɛrɛ a Zuda tẽw a, nɩ a bàwr-maal-kara Zozue, na ɩ Yehosadakɩ bidɛb a.

A naaŋmɩn-ƴɛ̀r-manɛ Aaze sɛbɛ 1:1 ပူးပေါင်းရင်းမြစ်များ

1 Na-mɩnɛ 10:15

de nɩ a yar bʋʋrɛ bʋʋrɛ a nɩbɛ na mɩ́ ya a tẽ-yoru bome na kpɩɛr a tẽw pʋɔ a ƴãw, nɩ a yɛ̀rʋ́ ƴãw a, nɩ a zuru-yar a na-yoru nɩ a tẽw nãà-lɩɛrbɛ na mɩ́ tɩr a.

1 Na-mɩnɛ 14:18

Bɛ tɩ ũù ʋ na, ɛ́ a Ɩsɩrayɛl nɩbɛ za kõ a kuor, mɛ̃ a lɛ a Sore na tɩ ƴãw a naaŋmɩn-ƴɛ̀r-manɛ Ahiya yel a.

2 Na-mɩnɛ 14:25

Ʋ tɩ lɛb'a zɛb de a ziir al za a Ɩsɩrayɛl na tɩ dãw so a, a Lebo-Hamatɩ, na be a saa-pɛrɩ́-gʋba-lowr a, tɩ tɔ a kʋ̃ɔ-kpɛ̃ɛ-kũu na be a saa-pɛrɩ́-dʋrʋ-lowr a. À ŋá n'a a tu mɛ̃ a lɛ a Sore, a Ɩsɩrayɛl Naaŋmɩn, na tɩ ƴãw a ʋ ƴɛ̀r-manɛ, Amitaɩ bidɛb, Zonasɩ, na yi Gatɩ-Hefɛɛr a, ʋ yel a.

1 Bibie za yel-manɩ 3:17

A Yekonɩa bɛ na nyɔw cen nɩ a Babɩlɔn a bidɛbr'ɩ bɛ ŋa: Saltɩɛl,

1 Bibie za yel-manɩ 3:19

Pedaya bidɛbr: Zorobabɛl nɩ Simeyi. Zorobabɛl bidɛbr: Mesulam, Hananɩa nɩ a bɛ yeepuule Selomitɩ,

Ɛsɩdɩrasɩ 1:8

Ʋ tɩ yel'ɩ Mitɩredatɩ, a na-bome kaarɛ, k'ʋʋ de a kʋ̀ a Zuda tẽw niw-diere Sɛsɩbasaar.

Ɛsɩdɩrasɩ 10:18

A bàwr-maalbɛ pʋɔ a, a bɛl na tɩ kul a nɩ-bʋʋr-yoru pɔwbɛ a tɩ n'ɩ bɛ ŋa: Yosadakɩ bidɛb Zozue nɩ a ʋ yɛbr bʋ̃-dɔwrɩ pʋɔ: Maaseya, Eliezɛɛr, Yarivʋ nɩ Gedalɩa.

Ɛsɩdɩrasɩ 2:2

Bɛlɛ nɩ Zorobabɛl nɩ Zozue nɩ Neemɩa nɩ Seraya nɩ Erelaya nɩ Mɔrdokaɩ nɩ Bilsan nɩ Misɩpaar nɩ Bigɩwaɩ nɩ Erehum nɩ Baana nɛbɛ tɩ lɛb wa. A bɛ yée nɩ a Ɩsɩrayɛl nɩbɛ nʋɔr na sɛb tu taa a n'ɩ á ŋá:

Ɛsɩdɩrasɩ 2:63

A na-kpɛ̃ɛ-lɩɛrɛ tɔr za tɩ yel bɛ na kɛ́ bɛ taa dɩrɛ de-kʋ̀b bome Naaŋmɩn yõ na so a ɩ, ɛ́ gù bàwr-maalɛ kãw wa lɔb a kpan-bie bãw lɛ bɛ na na ɩ a.

Ɛsɩdɩrasɩ 3:2

A bàwr-maalɛ Zozue na ɩ Yosadakɩ bidɛb a, nɩ a ʋ yɛbr bàwr-maalbɛ, de nɩ Saltɩɛl bidɛb Zorobabɛl nɩ a ʋ yir dem, tɩ ír'a nyɔw a Ɩsɩrayɛl Naaŋmɩn bàwr-maal-kuur lɛb-mɛb, kɛ́ bɛ tʋ̃ɔ́ mɩ́ maalɩ nyɩw-a-za-bagɛ, mɛ̃ a lɛ bɛ na sɛb a Naaŋmɩn nɩr Moyiir wulu pʋɔ a.

Ɛsɩdɩrasɩ 3:8

A yũon ʋl na tu a bɛ lɛb-waa yũon a Naaŋmɩn yir tẽ-kpɛ̃ɛ pʋɔ a Zerizalɛm a, a cuwr ayi sob daar, a Saltɩɛl bidɛb Zorobabɛl, a Yosadakɩ bidɛb Zozue, a bɛ yɛbr bàwr-maalbɛ, a levitɩ mɩnɛ nɩ a bɛlɩ dem za na tɩ yi a diw-cenu zie lɛb wa a, bɛ tɩ nyɔw nɩ a tome. Bɛ tɩ kaa na ír a levitɩ mɩnɛ bɛl na tɛr yome lɩzɛr'ɩ dɔwlɛ a, ƴãw kɛ̀ bɛ kaarɛ a Sore yir-kpɛ̃ɛ mɛb tome zie.

Ɛsɩdɩrasɩ 4:2

Bɛ tɩ wa na wa páw a Zorobabɛl nɩ a yie nɩ-bɛrɛ yel bɛ à ŋá: «Tɩ bɔbr'a kɛ́ tɩ sõw nyɩ, nyɩ ŋmãa a Ŋmɩn-yir-kpɛ̃ɛ ŋa, bʋ̃ʋ n'ʋ vɛ̃, a Naaŋmɩn-been n'ʋ tɩ puore mɛ̃ a nyɩɩm a, ɛ́ maalɛ bagɛ kʋ̀rɛ ʋ, a lɛn daar za a Asiiri tẽw nãà Asaradɔ̃ na diw tɩ wa n a ka a.»

Ɛsɩdɩrasɩ 4:24

A Zerizalɛm a, a Ŋmɩn-yir-kpɛ̃ɛ lɛb-mɛb tome tɩ tɛw na. A tɩ tɛw na tɩ ta a Pɛrsɩ tẽw nãà Daarisɩ naalʋ-dɩb yome ayi sob daar.

Ɛsɩdɩrasɩ 5:1

Ɛcɛ bibir kãw, a naaŋmɩn-ƴɛ̀r-manbɛ Aze nɩ Zakari na ɩ Ido bidɛb a, tɩ ƴɛ̀r'ɩ a Zerizalɛm nɩ a Zuda tẽw Zifʋ mɩnɛ zie, a bɛ Naaŋmɩn, a Ɩsɩrayɛl Naaŋmɩn yúor ƴãw.

Ɛsɩdɩrasɩ 5:3

Daadaalɛ, Tatɩnaɩ na ɩ a Efaratɩ gãwn na be a mʋ̃tɔ̃w-kpɛb-lowr a na-kpɛ̃ɛ-lɩɛrɛ a, Setaar-Bozɩnaɩ nɩ a bɛ taabɛ tɩ wa na wa páw bɛ sowri bɛ: «Ãa n'ʋ kʋ̀ nyɩ a sɔ́r kɛ́ nyɩ lɛb mɛ a Ŋmɩn-yir-kpɛ̃ɛ ŋa ɛ́ lɛb maalɩ a dacine ƴãw?

Ɛsɩdɩrasɩ 6:14

A naaŋmɩn-ƴɛ̀r-manbɛ Aze de nɩ Zakari na ɩ Ido bidɛb a ƴɛ̀rʋ tɩ sõwne nɩ a Zifʋ mɩnɛ nɩ-bɛrɛ bɛ cãà mɩɛr a yir ɛ́ a tome cere vla. Bɛ tɩ baar'ɩ a mɛb mɛ̃ a lɛ a Ɩsɩrayɛl Naaŋmɩn na yel a, nɩ a lɛ a Pɛrsɩ tẽw na-mɩnɛ Siirisɩ, Daarisɩ nɩ Artazɛrsɛsɩ na yel a.

Neemi 12:1

A bàwr-maalbɛ nɩ a levitɩ mɩnɛ na yi a diw-cenu zie lɛb wa nɩ Salatɩɛl bidɛb Zorobabɛl nɩ Zozue a, a bɛ yée na sɛb tu taa a n'ɩ á ŋá: Seraya, Yirmeya, Ɛzɩra,

Neemi 12:10

Zozue tɩ dɔw nɩ Yoyakim, Yoyakim dɔw Ɛlyasivʋ, Ɛlyasivʋ dɔw Yehoyada,

Neemi 5:14

A Artazɛrsɛsɩ na tɩ dɩrɛ a naalʋ a lɛn daar a n'a bɛ tɩ kaa ír mɛ̃, ɩ̃ ɩ a Zuda tẽ-ŋmãa-kʋ̀ra na-kpɛ̃ɛ-lɩɛrɛ. Ɩ̃ tɩ ɩ ʋ nɩ a ʋ naalʋ-dɩb yome lɩzɛr sob tɩ tɔ a lɩzɛr'ɩ pie nɩ ayi sob. A yome pie nɩ ayi á ŋá pʋɔ a, mãa nɩ a ɩ̃ yir dem bɛ tɩ dɩ a zuru-yar libie bɛ na mɩ́ ya kʋ̀ a na-kpɛ̃ɛ-lɩɛrɛ a ɩ.

Neemi 7:7

Bɛlɛ n'ɩ bɛ ŋa: Zorobabɛl, Zozue, Neemɩa, Azarɩa, Aramɩa, Nahamani, Mɔrdokaɩ, Bilsan, Misɩperɛtɩ, Bigɩwaɩ, Nehum, nɩ Baana. A bɛ ŋa nɛbɛ tɩ lɛb wa. Nyɛ̃ a lɛ a Ɩsɩrayɛl nɩbɛ nɩ a bɛ nʋɔr na sɛb tu taa a:

Neemi 8:9

A lãw nɩbɛ za na tɩ wõ a Naaŋmɩn wulu ƴɛ̀rʋ a, bɛ tɩ kone na. Alɛ n'a so a na-kpɛ̃ɛ-lɩɛrɛ Neemi, a bàwr-maalɛ Ɛsɩdɩrasɩ na ɩ a Naaŋmɩn wulu bãw-bãw-kara a, nɩ a levitɩ mɩnɛ na tɩ íre a kanʋ pɛr a, tɩ yel bɛ za à ŋá: «A Sore nyɩ Naaŋmɩn so a bibir ŋa! Pʋ-sãwna nɩ kon bibir bɛ n'ʋ ɛ.»

Eziptɩ tẽw yib 4:13

A Moyiir yel: «Fʋ gaafara, Sore e, tõ nɩ-yũo!»

A naaŋmɩn-ƴɛ̀r-manɛ Aaze sɛbɛ 1:12

A Saltɩɛl bidɛb Zorobabɛl, nɩ a Yehosadakɩ bidɛb Zozue, na tɩ ɩ a bàwr-maal-kara a, nɩ a nɩbɛ na cɛ lɛb wa a, tɩ bɛr'a wõ a Sore bɛ Naaŋmɩn ƴɛ̀rʋ, ʋ na tɩ ƴãw a ʋ ƴɛ̀r-manɛ Aze ƴɛ̀r a. À à ŋá n'a a Aze tɩ tõ a ton a Sore na kʋ̀ ʋ a, ɛ́ a nɩbɛ tɩ zɔrɛ a Sore.

A naaŋmɩn-ƴɛ̀r-manɛ Aaze sɛbɛ 1:14

A Sore tɩ sɩ̃w nɩ a Saltɩɛl bidɛb, Zorobabɛl, na ɩ a na-kpɛ̃ɛ-lɩɛrɛ a Zuda tẽw a tɩɛrʋ, ɛ́ sɩ̃w a Yehosadakɩ bidɛb, Zozue, tɩɛrʋ, ʋl na ɩ a bàwr-maal-kara a, ɛ́ sɩ̃w a Naaŋmɩn nɩ-bʋʋrɛ bɛl na cɛ lɛb wa a tɩɛrʋ. Bɛ tɩ nyɔw nɩ a Sore kpɛnʋ-za-sob bɛ Naaŋmɩn, yir-kpɛ̃ɛ lɛb-mɛb tome

A naaŋmɩn-ƴɛ̀r-manɛ Aaze sɛbɛ 1:15

a ʋlɩ yũon nɛ, a cuwr ayʋɔb sob bibie lɩzɛr'ɩ anaar sob daar.

A naaŋmɩn-ƴɛ̀r-manɛ Aaze sɛbɛ 1:2

Ɛcɛ a Sore tɩ ƴãw na a ʋ ƴɛ̀r-manɛ Aze ƴɛ̀r a bɛ zie à ŋá: «À ŋá n'a a Sore, a kpɛnʋ-za-sob, yere: “A nɩbɛ bɛ ŋa yere na k'aa ɩ̃ yir-kpɛ̃ɛ lɛb-mɛb bɛ ta sɛr ɛ.

A naaŋmɩn-ƴɛ̀r-manɛ Aaze sɛbɛ 2:10

A Daarisɩ naalʋ-dɩb yome ayi sob, a cuwr piwaɩ sob bibie lɩzɛr'ɩ anaar sob daar, a Sore tɩ ƴɛ̀r'ɩ a ʋ ƴɛ̀r-manɛ Aze zie à ŋá:

A naaŋmɩn-ƴɛ̀r-manɛ Aaze sɛbɛ 2:20

A Sore tɩ lɛb'a ƴɛ̀r a Aze zie a gb'a ayi sob ƴãw, a cuw bibie lɩzɛr'ɩ anaar sob daar.

A naaŋmɩn-ƴɛ̀r-manɛ Aaze sɛbɛ 2:21

Ʋ tɩ yel ʋ na: Ƴɛ̀r a Zuda tẽw na-kpɛ̃ɛ-lɩɛrɛ Zorobabɛl zie, yel ʋ: «Ɩ̃ na dam'ɩ a salom nɩ a tẽw.

A naaŋmɩn-ƴɛ̀r-manɛ Aaze sɛbɛ 2:4

Alɛ n'a so, a mãa, a Sore, ɩ̃ yere na kʋ̀rɛ nyɩ: Zorobabɛl ɩ, ƴãw fãw! Yehosadakɩ bidɛb Zozue e, fʋ̃ʋ na ɩ a bàwr-maal-kara a, ƴãw fãw! Nyɩɩm, a tẽw nɩbɛ za, nyɩ mɩ̀ ƴãw fãw! Nyɩ nyɔw a tome, ɩ̃ na be n a nyɩ zie, a mãa, a Sore, a Kpɛnʋ-za-sob.

Zakari 1:1

A Daarisɩ naalʋ-dɩb yome ayi sob, a cuwr ani sob, a Sore tɩ ƴɛ̀r'ɩ a naaŋmɩn-ƴɛ̀r-manɛ Zakari na ɩ Berekɩa bidɛb nɩ Ido yãw a zie.

Zakari 3:1

A Sore tɩ ɩ na ɩ̃ nyɛ̃ a bàwr-maal-kara Zozue, ʋ àr a Sore malkɩ niŋé. A Sɩtaana tɩ àr'ɩ a Zozue dʋrʋ lowr, k'ʋʋ yel a ʋ sãwna.

Malasɩ 1:8

A dʋ̃-zɔ̃w nyɩ na mɩ́ nyɔw maal'ɩ a bàwr kʋ̀ m a, a vɩɛl'a a? Nyɩ na mɩ́ wa wa n a kãw ʋ cɛwrɛ bɩɩ ɩ bàal a, a mɩ́ vɩɛl'a a? Nyɩ cen nɩ a dʋ̃w ŋa tɔ tɩ kʋ̀ a nyɩ na-kpɛ̃ɛ-lɩɛrɛ kɛ́ nyɛ̃! Nʋ̃ɔ̀ na kpɩɛr ʋ na a? Ʋ na jɩ́r nyɩ na kaa a? Mãa n'ʋ sowre nyɩ, mãa, a Sore Kpɛnʋ-za-sob.

Luka 3:27

Yoda ɩ Yoanan bidɛb, Yoanan ɩ Ereza bidɛb, Ereza ɩ Zorobabɛl bidɛb, Zorobabɛl ɩ Salatɩɛl bidɛb, Salatɩɛl ɩ Neeri bidɛb,