Galasi 6:9 - A SƐB-SÕW

⁹ Nyɩ ɩ tɩ taa bàlɛ a vla maalʋ ƴãw ɛ, bʋ̃ʋ n'ʋ vɛ̃, tɩmɛ bɛ wa bàl tɩɛ bɛr a, ɛ́ a daar wa ta a, tɩ na cɛ na.

Galasi 6:9 ပူးပေါင်းရင်းမြစ်များ

1 Korɛ̃tɩ 15:58

A na ɩ lɛ a, ɩ̃ yɛb-nɔnɩ i, nyɩ ƴãw fãw kpɛmɛ, ɛ́ taa bãwnɛ damnʋ ɛ. Nyɩ kɛrɛ kʋralɛ a Sore tome pʋɔ, ɛ́ bãwnɩ a kɛ́ nyɩ bɛ hanɛ lãwnɛ nɩ a Sore zawla ɩ.

2 Tesalonikɩ 3:13

Ɛ́ a nyɩɩm, yɛbr i, nyɩ taa wa bàlɛ a vla maalʋ ƴãw ɛ.

Ebre 12:3

Nyɩ lɛb tɩɛrɩ a ʋ yele, a lɛ a yel-bebe dem na bɛ tɩ de a ʋ yele towtow, ʋʋ dɩ kanyir a. Lɛ n'a nyɩ kʋ̃ sàw a bàlʋ tʋ̃ɔ́ nyɩ ɛ.

1 Pɩɛr 2:15

A Naaŋmɩn bɔbr'a kɛ́ nyɩ ɩrɛ ɩ-vɩɛlɩ, k'aa bɛlɩ nɩbɛ nɛ na bɛ bãw bom, ɛ́ bɛ bãw yã a, ta mɩ́ nyɛ̃ ƴɛ̀rʋ ƴɛ̀r ɛ.

Zakɩ 5:7

A na ɩ lɛ a, yɛbr i, nyɩ nyɔw nyɩ tʋɔra tɩ ta n a Sore waa daar. Nyɩ nyɛ̃ a kʋ́ɔra a, ʋ mɩ́ nyɔw nɩ ʋ tʋɔra ɛ́ gùre a tẽsɔw bʋ̃-kʋ́ɔrɩ wɔmɛ na ɩ bʋ̃-sɩza a, a bʋ̃-dan lãwnɩ a bɩɛrɩ.

1 Pɩɛr 3:17

Bʋ̃ʋ n'ʋ vɛ̃, fʋ̃ʋ ɩrɛ vla ɛ́ wone tuo, a Naaŋmɩn pʋ-tɩɛrʋ wa n'ʋ bɔbr a lɛ a, alɛ sa fʋ na na ɩrɛ a faa a.

2 Korɛ̃tɩ 4:16

Alɛ so tɩ bɛ be za nãà bàl bɛr ɛ. A tɩ nɩsaal ʋl na sãá a saa sãwnɛ cere a, a tɩ nɩsaal ʋl na be a pʋ̃ɔmɩ a, lɩɛbɛ nɩ paala bibir za.

Yel-wula 2:3

Fʋ tɛr'ɩ kanyir, fʋ wõ n tuo a ɩ̃ ƴãw ɛ́ bɛ bàl tɩɛ bɛr ɛ.

1 Pɩɛr 4:19

A na ɩ à ŋá a, a bɛlɩ dem na wone tuo mɛ̃ a lɛ a Naaŋmɩn na bɔbr a, bɛ de a bɛ mɩŋa za ƴãw a bɛ Íre na ŋmɛ̃ ʋ ŋmɛ̃a a nuru pʋɔ, ɛ́ cãà ɩrɛ a vla.

Luka 18:1

A Yeezu tɩ lɔb'ɩ zʋkpar ŋa, k'ʋʋ wul a ʋ po-tuurbɛ a na fɛr kɛ́ bɛ puore kʋralɛ ɛ́ taa bɛrɛ towtow a.

Matie 10:22

Nɩbɛ za na hɩ̃ɛn nyɩ na a ɩ̃ ƴãw. Ɛcɛ sob nɛ wa ƴãw fãw tɩ ta a baarʋ daar a, ʋ na nyɛ̃ nɩ a faafʋ.

2 Korɛ̃tɩ 4:1

Su-ɓaarʋ zũú na n'a a Naaŋmɩn kʋ̀ tɩ a tõ-nʋɔr ŋa a, alɛ so tɩ bɛ be na bàl bɛr ɛ.

Matie 24:13

Ɛcɛ sob nɛ na na ƴãw fãw tɩ ta a baarʋ daar a, na nyɛ̃ nɩ a faafʋ.

Levitɩ mɩnɛ 26:4

ɩ̃ na mɩ́ kʋ̀ nyɩ nɩ a saa a ʋ daar. A tẽsɔw bʋ̃-kʋ́ɔrɩ na mɩ́ maal'a, ɛ́ a tɩɩr wɔ̃ a wɔmɛ.

Yel-wula 2:7

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ a nyɔ-vʋʋrʋ tɩɛ wɔmɛ ʋ dɩ, a nyɔ-vʋʋrʋ tɩɛ na àr a Naaŋmɩn zaadɛ̃ pʋɔ a.»

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

Wulu-ayi-sob 11:14

ʋ na mɩ́ ɩ na a saa wa a ʋ daar ƴãw a nyɩ tẽsɔw, a kpãcãan nɩ a sɩ̃ɛ-kpɛ-paala saa. A lɛn daar a, a nyɩ bʋ̃-dieri na mɩ́ vɩɛl a, a ble, a divɛ̃ nɩ a kãá.

Yel-wula 2:17

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ mãan-sɔwla. Ɩ̃ mɩ̀ na kʋ̀ ʋ nɩ kʋsɛ-pla, ɛ́ yo-paala sɛb a kʋsɩɛr zu, yo-paala nɩr za na bɛ bãw, a bɛ ɩ a sob nɛ na páw ʋ a ɩ.»

Sɛb-sõw yielu 145:15

Bɛ za úore fʋ na ɛ́ tɩɛrɛ fʋ, fʋ mɩ́ kʋ̀ bɛ nɩ a bɛ bʋ̃-dɩrɩ a daar na mɩ́ wa ta a.

Ebre 3:6

Ɛcɛ a Kɩrɩta ʋl a, Naaŋmɩn de nɩ a ʋ yele mɛ̃ Bie na ɩ a Naaŋmɩn yir sob a. Ɛ́ tɩmɛ n'ɩ a yir dem, tɩmɛ wa ɓãá ƴãw bɛr tɩɛrʋ, ɛ́ a tɩ nyʋ̀ʋ́r ɩ a tɩɛrʋ tɩ na ƴãw a Naaŋmɩn ƴãw a.

Sofoni 3:16

A ʋlɩ bibir nɛ a, bɛ na yel'ɩ a Zerizalɛm à ŋá: «Sɩyɔ̃ tẽw i, ta zɔrɛ dɛ̃bɩ̃ɛ ɩ, taa bàlɛ tɩɛrɛ bɛrɛ ɩ!

Ebre 3:14

Bʋ̃ʋ n'ʋ vɛ̃, tɩ lɩɛb'ɩ a Kɩrɩta taabɛ, tɩmɛ wa tɛr a tɩ tɩɛrʋ kpɛ̃w za tɩ ta n a baarʋ daar a.

Efɛɛzɩ 3:13

A na ɩ à ŋá a, ɩ̃ zɛlɛ nyɩ na, nyɩ ta sàw a kpɩɛrʋ ɩ̃ na sàwr dier a nyɩ ƴãw a tʋ̃ɔ́ nyɩ ɛ, a ɩ n a nyɩ yúor-vɩɛlʋ-danʋ.

Sɛb-sõw yielu 104:27

A bʋ̃-vʋʋrɩ á ŋá za tɩɛrɛ fʋ na, kɛ́ fʋ mɩ́ kʋ̀ a a bʋ̃-dɩrɩ a daar.

Ebre 12:5

ɛ́ yiiri a kpaalʋ ŋa a Naaŋmɩn na kpaalɛ nyɩ mɛ̃ a ʋ bibiir a bɛr: «Ɩ̃ bie e, ta de a Sore kpãàfʋ ʋ ɩ bʋ̃-zaalɛ ɩ, fʋ̃ʋ wa sãw ʋ yere fʋ a, ta tɛr pʋ-sãwna ɩ.

Malasɩ 1:13

Nyɩ mɩ̀ mɩ́ yere na: “Nyɛ̃ niw-sʋba a!” Nyɩ bɛ bʋɔlɛ mɛ̃ nɩr ɛ, a mãa, a Sore Kpɛnʋ-za-sob! Nyɩ mɩ́ wa n nɩ dʋ̃-zuri, dʋn na cɛwrɛ a, bɩɩ dʋ̃-bàalbɛ kɛ́ nyɩ wa kʋ̀ m. Ŋmɩŋmɩn n'a ɩ̃ na tʋ̃ɔ́ sàw de a de-kʋ̀b bome á ŋá taabɛ a nyɩ nũú? Nyɩmɛ nɛbɛ ɩ̃ sowre.

Sɛb-sõw yielu 126:5

A bɛlɩ dem na mɩ́ bʋ̀rɛ kone nɩ a, bɛ mɩ́ wa cɩɛr'a cɩlɛ nɩ.

Zʋkpaɩ 11:18

A nɩ-faa sã-ya bɛ mɩ́ tɛr pɛr ɛ, ɛcɛ sob nɛ na ɩrɛ a mɩnʋ bere be a na nyɛ̃ nɩ maalʋ, bʋnʋ bɛ ka be ɩ.

Ekilezɩasɩ 11:1

Ta bʋ́nɛ nɩ a kũu-pire cɛb ɛ, fʋ nãà vɩrɩ na páw tɔnɛ bibir kãw.

Zeremi 45:3

Fʋ yel'a: “Nyɛ̃ kpɩɛrʋ na páw mɛ̃ a! Mãa n'ɩ ŋan tɩ wone tuo baarɩ, ɛ́ a Sore ɩ a ɩ̃ pʋ̃-sãwna kɛrɛ dɔwlɛ. Ɩ̃ bàl'a nɩ a kon, ɛ́ bɛ nyɛrɛ pɩ̃ɛnʋ ɛ.”

2 Korɛ̃tɩ 9:6

Nyɩ lɛb tɩɛrɩ a yel ŋa: Sob nɛ na bʋ̀r zaa pʋrɩ a, zaa pʋrɩlɛ n'a ʋ na cɛ, ɛ́ sob nɛ na bʋ̀r yaga a, yaga n'a ʋ na cɛ.

Yele-za-pɛr-tib 29:7

A Zakɔb lɛb yel: «A zie cãà na ɩ cãà zuo, a dʋn diw-ɓã-taa bɛ ta sɛr ɛ. Nyɩ ƴãw a nyũ a kʋ̃ɔ, ɛ́ nyɩ lɛb kpa a cen nɩ a tɩ 'wɔb a mʋ̃ɔ.»

Matie 9:19

A Yeezu tɩ ìr'a tuur ʋ, ʋlɛ nɩ a ʋ po-tuurbɛ.

Matie 25:17

A salm-zɩɛ libie kɔbr ayi (200) sob mɩ̀ tɩ ɩ n a lɛ, páw kɔbr ayi (200) dɔwlɩ.

Markɩ 3:3

A Yeezu tɩ yel'ɩ a nũ-kũu sob: «Ìr wa a sɔwlɩsɔw ka.»