Galasi 6:3 - A SƐB-SÕW

³ Bʋ̃ʋ n'ʋ vɛ̃, nɩr na tɩɛr k'ʋʋ ɩ n nɩr, ɛ́ nɩ̃ɛ bɛ ɩ nɩr a, ʋ bɛlɛ nɩ ʋ tʋɔra.

Galasi 6:3 ပူးပေါင်းရင်းမြစ်များ

Zʋkpaɩ 25:14

Zũzuge nɩ sɛsɛb na bɛ waar'ɩ saa a, lɛ n'a a nɩr na pɔrɛ k'ʋʋ na kʋ̀ n nɩr bom ɛ́ kʋ̃ tɩr a ŋmɛ̃.

Zʋkpaɩ 26:12

Fʋ̃ʋ wa nyɛ̃ nɩr ʋ yel k'ʋʋ ɩ n yã-bãwnɛ a, fʋ̃ʋ bãwnɩ a: fʋ na gùre bom dãbol sob zie a sa fʋ na na gùre bom a nɩr ŋa tɔ zie a.

Luka 18:11

A Faarizɩ̃ɛ tɩ àr'ɩ saaƴẽwn, ɛ́ puore à ŋá a ʋ socir pʋɔ: “Naaŋmɩn i, ɩ̃ puore fʋ nɩ yãanɩ, ɩ̃ na bɛ ŋmɛ̃ mɛ̃ a nɩbɛ za a ƴãw, na ɩ nyãnyuwr, yel-fa-maalbɛ, nɩ pɩ̃ɔ-yel-bier-maalbɛ a. Ɩ̃ mɩ̀ cãà na puore fʋ yãanɩ, ɩ̃ na bɛ ŋmɛ̃ mɛ̃ a zuru-yar-diere ŋa a.

Nɩ-toni 5:36

Daar daar ŋa, Tedasɩ nɛ kãw tɩ ìr'a, yel kɛ́ ʋlɛ mɩ̀ n'ʋ. Nɩbɛ kɔbr anaar (400) tɩ ìr'a tu a ʋ pùor. Ɛcɛ bɛ tɩ kʋ ʋ na. A bɛlɩ dem na tɩ tu a ʋ pùor a, tɩ zɔ na yaarɩ, a ʋ dem baarɩ.

Ʋrɔm 12:16

Nyɩ ƴãw fãw wone taa vla. Nyɩ ta bɔbr a yúor ɛ, ɛcɛ nyɩ tuur a yele al na waar'ɩ tʋɔra-siwru a pùor. Nyɩ ta mɩ́ de nyɩ tʋɔra bʋɔlɛ yã-bãwnbɛ ɩ.

Ʋrɔm 12:3

A maalʋ a Naaŋmɩn na kʋ̀ m a zũú, ɩ̃ yere na kʋ̀rɛ nyɩ za: nyɩ ta mɩ́ tɩɛrɛ kɛ́ nyɩ zuo nɩ za ɩ, nyɩ nɩ̃ɛ mɩ́ vɛ̃ kɛ́ tɛr tʋɔra-siwru tɩɛrʋ, mɛ̃ a lɛ a Naaŋmɩn na põ a sàw-deb kʋ̀ ŋa za a.

1 Korɛ̃tɩ 13:2

Mãa saa páw a naaŋmɩn-ƴɛ̀r-manɛ maalʋ, bãw a Naaŋmɩn yel-sɔwlɩ za, ɛ́ mɩ́ zànɩ bom za bãw a, mãa saa tɛr a naaŋmɩn-sàw-deb ʋ za, a ʋl na na tʋ̃ɔ́ ɓáw a tan tɩ bin zi-yoru a, mãa bɛ wa tɛr a nɔ̃wfʋ a, ɩ̃ bɛ ɩ bom za ɩ.

1 Korɛ̃tɩ 3:18

Nɩr kãw za taa wa nanɩ bɛ̀lɛ ʋ tʋɔra ɩ: nɩr wa be a nyɩ pʋɔ tɩɛrɛ k'ʋʋ ɩ n yã-bãwnɛ a tẽw ŋa zu a, ʋ lɩɛbɩ gẽgemi sob, tʋ̃ɔ́ ɩ yã-bãwnɛ,

1 Korɛ̃tɩ 8:2

Nɩr wa tɩɛrɛ k'ʋʋ bãw nɩ bom kãw a, ʋ cãà bɛ bãw mɛ̃ a lɛ a na sɛw k'ʋʋ bãw a ɩ.

2 Korɛ̃tɩ 12:11

Mãa n'ɩ ŋan ƴɛ̀rɛ yãya-ƴɛ̀rʋ, ɛcɛ nyɩmɛ nɛbɛ fɛr mɛ̃ ƴãw. Nyɩmɛ nɛbɛ a tɩ sɛw kɛ́ nyɩ manɛ a ɩ̃ ɩ-vɩɛlɩ. Bʋ̃ʋ n'ʋ vɛ̃, ɩ̃ na saa bɛ ɩ nɩr a, a nɩ-ton-gãdaar bɛ ŋa kãw za bɛ zuo mɛ̃ bom kãw za ƴãw ɛ.

2 Korɛ̃tɩ 3:5

A bɛ kaar mɛ̃ tɩ na tʋ̃ɔ́ na tõ a ton ŋa tɔ nɩ a tɩɩm mɩŋa fãw, a ɩ mɛ̃ tɩɩm zie n'a a yi ɛ. Tɩmɛ wa tɛr fãw a, a tɩ fãw yi n Naaŋmɩn zie.

Galasi 2:6

Ɛcɛ a nɩ-bɛrɛ ƴãw a, — bɛlɩ nɩbɛ nɛ bʋʋrɛ bɛ na tɩ ɩ a lɛn daar a, ɩ̃ bɛ cɛlɛ a ɩ, bʋ̃ʋ n'ʋ vɛ̃, Naaŋmɩn bɛ jɩ́rɛ nɩr niwn ɛ — a nɩ-bɛrɛ bɛ ŋa bɛ tɩ ƴãw mɛ̃ fɛrʋ kãw dɔwlɩ ɛ.

Galasi 2:9

Zakɩ, Pɩɛr, nɩ Zã, bɛl a nɩbɛ na tɩ nyɛ̃ bɛ ɩ mɛ̃ a Lãw-yir kpule a, tɩ nyɔw tɩ nɩ nũú puori, mãa nɩ a Banabasɩ, a wul kɛ́ tɩɩm nɩ bɛl lãw nɩ taa. À ŋá n'a tɩ za lãw wõ taa, kɛ́ tɩɩm na cen nɩ a nɩ-bʋʋr-yoru zie, ɛ́ bɛl cen a Zifʋ mɩnɛ zie.

2 Timote 3:13

Ɛ́ a nɩ-faar nɩ a nɩ-bɛlbɛ a, ɩ-faar'a bɛ na ɩrɛ dɔwlɛ cere nɩ, tule nɩ a bɛ taabɛ ɛ́ tule a bɛl tɛɛ za.

Zakɩ 1:22

Nyɩ taa wa bɛlɛ nyɩ tʋɔra ɩ a Naaŋmɩn ƴɛ̀rʋ bɛr-wonbɛ tɛwr ɛ, nyɩ mɩ́ sɩrɩ tu a ƴɛ̀rʋ pùor a nyɩ ɩ-ɩrɩ pʋɔ.

Zakɩ 1:26

Nɩr wa yel k'ʋʋ puore na, ɛ́ bɛ mɩ́ maal tɛr a ʋ nʋɔr a, ʋ bɛlɛ nɩ ʋ tʋɔra: a ʋ Naaŋmɩn puoru bɛ tɛr pɛr ɛ.

1 Zã 1:8

Tɩmɛ wa yel kɛ́ tɩ bɛ tɛr yel-bier a, tɩ tule nɩ tɩ tʋɔra, ɛ́ a yel-mɩŋa bɛ be a tɩ zie ɩ.