Galasi 5:3 - A SƐB-SÕW

³ Ɩ̃ɩ lɛb'a maal yere kʋ̀rɛ nɩsaal za na ƴãw bɛ ŋmãa ʋ a yʋ̀ɔr a, k'aa fɛr'a k'ʋʋ sàwr a Wulu ʋ za.

Galasi 5:3 ပူးပေါင်းရင်းမြစ်များ

Neemi 9:34

A tɩ na-mɩnɛ nɩ a tɩ nɩ-bɛrɛ, a tɩ bàwr-maalbɛ nɩ a tɩ sãàkʋm-kore bɛ tɩ sàw a fʋ wulu ɛ. Bɛ bɛ cɛlɩ a fʋ nɛ-ƴãwnɩ zie, nɩ a kpaalʋ fʋ na kpaalɛ bɛ a ɩ.

Matie 23:16

Baw-bio dem'ɩ nyɩ, nyɩɩm na ɩ zɔn ɛ́ wule nɩbɛ sɔ́r a! Nyɩ mɩ́ yel'a: “Nɩr wa pɔ n a Ŋmɩn-yir-kpɛ̃ɛ a, a bɛ pʋɔ ɩ, ɛcɛ ʋlɛ wa pɔ n a Ŋmɩn-yir-kpɛ̃ɛ salm-zɩɛ a, a fɛr'a k'ʋʋ ír a ʋ pɔb.”

Matie 23:18

Nyɩ cãà na mɩ́ lɛb yel: “Nɩr wa pɔ n a bàwr-maal-kuur a, a bɛ pʋɔ ɩ, ɛcɛ nɩr wa pɔ n a bàwr-maal-bom na bin a bàwr-maal-kuur zu a, a fɛr'a k'ʋʋ ír a ʋ pɔb.”

Luka 16:28

Ɩ̃ tɛr'ɩ yɛbr anũu. Ʋ tɩ yel kʋ̀ bɛ kɛ́ bɛ maal ɩrɛ, taa wa nanɩ waar a tuo-wob zie ka ɩ.”

Nɩ-toni 15:1

Nɩbɛ bɛ mɩnɛ kãw na tɩ yi a Zude siw wa a Ãtɩɔsɩ a tɩ tĩ na kanɛ nɩ a yɛbr yere à ŋá: «Nyɩmɛ bɛ wa ƴãw bɛ ŋma nyɩ a yɛɛ, mɛ̃ a lɛ a Moyiir nʋɔr na ƴãw a, nyɩ kʋ̃ tʋ̃ɔ́ nyɛ̃ a faafʋ ɛ.»

Nɩ-toni 2:40

A Pɩɛr tɩ cãà na ƴɛ̀r ƴɛ̀r-bie a mɩnɛ dɩ n a Yeezu dãsɩɛ, ɛ́ tɩ kpaalɛ bɛ yere nɩ: «Nyɩ faa nyɩ tʋɔra yi zaa a dɩ̃a nɩbɛ bɛ ŋa na ɩ nɩ-faar a pʋɔ.»

Nɩ-toni 20:21

A dãsɩɛ ɩ̃ na dɩ a, tɩ bɔbr'a kɛ́ a Zifʋ mɩnɛ nɩ a Gɩrɛkɩ mɩnɛ lɛb wa a Naaŋmɩn zie, kɛ́ bɛ sàw de a tɩ Sore Yeezu.

Ʋrɔm 2:25

Fʋ̃ʋ wa dier a Naaŋmɩn wulu a, a yʋɔr-ŋmãafʋ tɛr'ɩ yel-ɩra a fʋ zie. Ɛcɛ fʋ̃ʋ wa zawrɛ a Naaŋmɩn wulu a, fʋ̃ʋ nɩ a fʋ yʋɔr-ŋmãafʋ za a, fʋ ɩ na mɛ̃ nɩr na bɛ ŋmãa yʋ̀ɔr a.

Galasi 3:10

Ɛcɛ a bɛlɩ dem na ɩrɛ ƴãwn a Naaŋmɩn wulu sàwfʋ ƴãw tɛwr'a, ŋmɛ-ƴãw tuur bɛ na. Mɛ̃ a Sɛb-sõw taa yel à ŋá: «Sob nɛ za na bɛ tuur a al za na sɛb a Wulu sɛbɛ pʋɔ kʋralɛ a, ŋmɛ-ƴãw a páw ʋ!»

Galasi 5:2

Nyɩ nyɛ̃, a mãa Pol, ɩ̃ yere na kʋ̀rɛ nyɩ: nyɩmɛ wa ƴãw bɛ ŋma nyɩ a yɛɛ a, a Kɩrɩta kʋ̃ cãà tɛr yel-ɩra kãw za a nyɩ zie ɩ.

Galasi 5:6

Bʋ̃ʋ n'ʋ vɛ̃, sob nɛ na lãw nɩ a Yeezu Kɩrɩta a, a yʋɔr-ŋmãafʋ bɩɩ a bɛ-ŋmãafʋ bɛ ɩ bom za ɩ, a bom'ɩ a naaŋmɩn-sàw-deb na tɛr nɔ̃wfʋ ɩ-ɩrɩ a.

Efɛɛzɩ 4:17

A na ɩ à ŋá a, bom ŋa n'ʋ ɩ̃ yere kʋ̀rɛ nyɩ lãwnɩ kpaalʋ a Sore yúor ƴãw: nyɩ ta cãà ɩrɛ mɛ̃ a nɩ-bʋʋr-yoru na tuur a bɛ tɩɛr-zawlɛ a ɩ.

Wulu-ayi-sob 27:26

«Ŋmɛ-ƴãw, a páw sob nɛ na bɛ ŋmɛlɛ kaar a Naaŋmɩn wulu nɛ-ƴãwnɩ, ɛ́ bɛ sàwr a a.» Ɛ́ a nɩbɛ za na sɔw na: «Amɛn!»

Wulu-ayi-sob 31:21

A kpɩɛrʋ nɩ a wʋ̀ʋr wa páw bɛ a lɛn daar a, a yielu ŋa na dɩ n a bɛ sãwna dãsɩɛ, bʋ̃ʋ n'ʋ vɛ̃, a bɛ bʋʋrɛ tɛɛ za kʋ̃ bɛr a ʋ yielu towtow ɛ. A dɩ̃a a, ɩ̃ bɛ tɛr bɛ kpɛ n a tẽw ɩ̃ na pɔ yel k'ɩ̃ɩ na kʋ̀ bɛ na a pʋɔ sɛr ɛ, ɛ́ bãw a lɛ bɛ na tɩɛrɛ a.»

Wulu-ayi-sob 8:19

Nyɩmɛ wa yiiri a Sore nyɩ Naaŋmɩn bɛr a, nyɩmɛ wa tuur ŋmɩn-yoru pùor, tone a, ɛ́ lore gbine a niŋé a, mãa n'ʋ yere kʋ̀rɛ nyɩ a dɩ̃a, nyɩ na baar'ɩ cɔ̃cɔ̃.

1 Tesalonikɩ 4:6

A yel ŋa ƴãw a, nɩr za taa wa sãwnɛ a ʋ yɛb bɩɩ nɛbr ʋ ɛ, bʋ̃ʋ n'ʋ vɛ̃, mɛ̃ a lɛ tɩ na yel kʋ̀ nyɩ ɛ́ kpãa nyɩ a, a Sore na dɔwr'ɩ a bɛlɩ dem na ɩrɛ a ɩ-faar á ŋá taabɛ a.

1 Zã 4:14

Tɩ nyɛ̃ na ɛ́ dɩrɛ a dãsɩɛ k'aa Sãà tõ n a ʋ Bie k'ʋʋ wa ɩ a tẽ-daa faarɛ.