Galasi 4:9 - A SƐB-SÕW

⁹ Ɛcɛ ƴɛrɛŋa nyɩ na bãw a Naaŋmɩn a, bɩɩ a Naaŋmɩn na nɩ̃ɛ n'ʋ bãw nyɩ a, ŋmɩŋmɩn za n'a nyɩ lɛb cere a bome á ŋá na bɛ tɛr fãw, bɛ tɛr bom za a zie, bɔbr kɛ́ nyɩ ɩ a gbãgbaar?

Galasi 4:9 ပူးပေါင်းရင်းမြစ်များ

1 Na-mɩnɛ 8:43

a fʋ̃ʋ a, Sore e, be a salom zu fʋ na kpɩɛr a, ɛ́ bɛr wõ a sãan ŋa puoru, ɛ́ kʋ̀ ʋ a ʋlɩ bom nɛ ʋ na zɛlɛ a. À ŋá n'a a tẽw zu nɩ-bʋʋrɛ za na bãw fʋ. Bɛ na zɔrɛ fʋ na, mɛ̃ a lɛ a fʋ nɩ-bʋʋrɛ Ɩsɩrayɛl na zɔrɛ fʋ a. Bɛ mɩ̀ na bãw na kɛ́ fʋ̃ʋ sɩrɩ so a Ŋmɩn-yir-kpɛ̃ɛ ŋa ɩ̃ na ŋmãa a.»

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

Sɛb-sõw yielu 1:6

A Sore bãw nɩ a nɩ-mɩn sɔ́r, ɛcɛ a nɩ-faar sɔ́r wɩɛr'ɩ bɛ nɩ kũu zie.

Sɛb-sõw yielu 9:10

A Sore n'ɩ a sob nɛ bɛ na dɔwrɛ a sɔwlʋ zie, a sɔwlʋ zie a kpɩɛrʋ daar.

Eziptɩ tẽw yib 33:17

A Sore tɩ sɔw nɩ a Moyiir: «Ɩ̃ na ɩ n a lɛ fʋ na yel a ƴɛrɛŋa a, bʋ̃ʋ n'ʋ vɛ̃, ɩ̃ pʋɔ pɛlɩ nɩ a fʋ ƴãw, ɩ̃ɩ bãw fʋ pɩɩrɩ.»

Zʋkpaɩ 2:5

Lɛ n'a fʋ na bãw a Sore zɔba, lɛ n'a fʋ na tʋ̃ɔ́ bãw a Naaŋmɩn.

Zeremi 31:34

A Sore yere na: Nɩr za kʋ̃ mɩ́ lɛb wule a ʋ tɔ sob bɩɩ a ʋ yɛb yere nɩ: “Nyɩ bãw a Sore!” ɩ. Bʋ̃ʋ n'ʋ vɛ̃, bɛ za na bãw mɛ̃ na, a pʋrɩ za zie tɩ tɔ a kpɛ̃ɛ za zie. Ɩ̃ na dɩ n a bɛ sãwna suur kʋ̀ bɛ, ɩ̃ kʋ̃ cãà bãwnɩ a bɛ yel-bebe ɩ.»

Habakukɩ 2:14

Yel-mɩŋa, a Sore yúor-vɩɛlʋ-danʋ a nɩbɛ na na bãw a, na paal'ɩ a tẽw, mɛ̃ a lɛ a kʋ̃ɔnɩ na paalɩ pàw a kʋ̃ɔ-kpɛ̃ɛ a.

Matie 11:27

A ɩ̃ Sãà de nɩ bom za kʋ̀ m. Nɩr za bɛ bãw a Bie a bɛ ɩ a Sãà n'ʋ ɛ, ɛ́ nɩr za bɛ bãw a Sãà a bɛ ɩ a Bie n'ʋ ɛ, nɩ ʋlɩ sob a Bie na bɔbr wul ʋ bãw a.

Luka 5:38

Bɛ mɩ́ ƴãw nɩ divɛ̃-paala wɔ-gbã-paalɛ pʋɔ.

Zã 10:14

Mãa n'ɩ a pi-cɩ̃ɩn-vla. Ɩ̃ bãw nɩ a ɩ̃ píir ɛ́ a ɩ̃ píir bãw mɛ̃,

Zã 10:27

A ɩ̃ píir bɛrɛ na wone a ɩ̃ ƴɛ̀rʋ, ɩ̃ bãw a na ɛ́ a tuur mɛ̃.

Zã 17:3

Ɛ́ a nyɔ-vʋʋrʋ na be kʋralɛ a n'ɩ kɛ́ bɛ bãw fʋ, fʋ̃ʋ yõ na ɩ a Naaŋmɩn-sɩza a, ɛ́ mɩ̀ bãw a sob nɛ fʋ na tõ a, a Yeezu Kɩrɩta.

Ʋrɔm 8:29

Bʋ̃ʋ n'ʋ vɛ̃, a bɛlɩ dem a Naaŋmɩn na tɩ dãw de niwn bãw a, ʋ mɩ̀ bãwnɩ bɛ na ƴãw bɛ ɩ a ʋ Bie ŋmɛ̃-ta-taabɛ, k'aa Bie ŋa tʋ̃ɔ́ ɩ yɛbr na yãwmɛ yaga a kpɛ̃ɛ.

Ʋrɔm 8:3

A ʋlɩ bom nɛ, a Moyiir wulu na tɩ bɛ tʋɔr ɩrɛ a, a nɩsaal bãbàalʋ na tɩ ɩ ʋ bɛ tɛr fãw a ƴãw a, Naaŋmɩn ʋl ɩ ʋ na: a yel-bier-ír-bɛrʋ ƴãw a, ʋ dɔwr'ɩ a ʋ Bie a nɩsaal yel-bier ƴãw, ʋ na tõ a ʋl mɩŋa Bie ʋ wa ɩ nɩsaal, ŋmɛ̃ taa nɩ a nɩsaal na ɩ yel-bier sob a.

1 Korɛ̃tɩ 13:12

Ƴɛrɛŋa a, caala pʋɔ n'a tɩ jɩ́rɛ mɩ́ nyɛ̃ a bom ʋ bɛ maal sãá ɩ, ɛcɛ a nɩdaar a, tɩ na mɩ́ càar'a nyɛ̃. A ƴɛrɛŋa a, a ɩ̃ bãwfʋ tɛr'ɩ tɛwfʋ zie, nɩdaar a, ɩ̃ na bãw nɩ a Naaŋmɩn vla mɛ̃ a lɛ ʋ na bãw mɛ̃ a.

1 Korɛ̃tɩ 15:34

Nyɩ ƴãw fãw lɛb bãw yã ɛ́ bɛr a yel-bier maalʋ. Ɩ̃ yel ƴãw nyɩ vĩ: nyɩ mɩnɛ bɛ bãw a Naaŋmɩn ɛ.

1 Korɛ̃tɩ 8:3

Ɛcɛ nɩr wa nɔnɛ Naaŋmɩn a, a Naaŋmɩn mɩ́ bãw ʋ na.

2 Korɛ̃tɩ 11:20

Nyɩ mɩ́ sàw na kɛ́ bɛ ɩrɛ nyɩ mɛ̃ gbãgbaar a, ɛ́ sàw bɛ nɛbr nyɩ, nyɩ mɩ́ sàw na bɛ farɛ a nyɩ bome za ɛ́ pɔrɛ a nyɩ zu, ɓarɛ nɩ nyɩ.

2 Korɛ̃tɩ 4:6

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

Galasi 3:3

À ŋá n'a nyɩ bol sɛw ɩ? A yel nyɩ na tĩ nɩ a Naaŋmɩn Vʋʋrʋ a, ƴɛrɛŋa nyɩ bɔbr'a kɛ́ nyɩ baar'ʋ nɩ nyɩ mɩŋa fãw ʋ?

Galasi 4:3

Lɛ n'a a mɩ̀ ŋmɛ̃ a tɩ zie. A lɛn daar tɩ na tɩ cãà ɩ mɛ̃ bibiir a, tɩ tɩ ɩ n a tẽ-daa bʋ̃-balɛ gbãgbaar.

Efɛɛzɩ 1:17

A tɩ Sore Yeezu Kɩrɩta Naaŋmɩn, ʋl na ɩ Sãà so yúor-vɩɛlʋ-danʋ za a, ʋ kʋ̀ nyɩ yã-bãwfʋ nɩ yel-sɔwlɩ bãwfʋ yã, kɛ̀ nyɩ tʋ̃ɔ́ bãw ʋ sɩza.

2 Timote 2:19

Ɛcɛ yir pɛr na kpɛmɛ ɛ́ Naaŋmɩn bin a, cãà nɩ be. Ƴɛ̀r-bie á ŋá n'a bɛ wi ƴãw a ʋ zu: «A Sore bãw nɩ a ʋ nɩbɛ», lɛ nɩ: «Sob nɛ za na bʋɔlɛ a Sore yúor a, ʋ taw zãá nɩ a ɩ-faar.»

Ebre 7:18

A na ɩ à ŋá a, bɛ ír'ɩ a koro za tub na bɛ tɛr yel-ɩra, ɛ́ bɛ tɛr fãw na ɩ bom a bɛr.

2 Pɩɛr 2:20

Yel-mɩŋa n'a, a bɛlɩ dem na faa bɛ tʋɔra a tẽ-daa dɛwr ƴãw, a tɩ Sore nɩ a tɩ Faarɛ Yeezu Kɩrɩta bãwfʋ zũú a, bɛlɛ wa lɛb bɛr a dɛwr á ŋá lɛb páw bɛ ɛ́ tʋ̃ɔ́ bɛ a, bɛ nɩ̃ɛ na mɩ́ lɛb kpɛ faa zuo a dãwdãw.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.