Galasi 4:4 - A SƐB-SÕW

⁴ Ɛcɛ a daar ʋl a Naaŋmɩn na ƴãw a na wa ta a, ʋ tõ n a ʋ Bie, pɔw dɔw ʋ, ɛ́ a Naaŋmɩn wulu sàwfʋ fɛrɛ ʋ,

Galasi 4:4 ပူးပေါင်းရင်းမြစ်များ

Yele-za-pɛr-tib 3:15

Ɩ̃ na ƴãw nɩ dɔ̃ fʋ̃ʋ nɩ a pɔw cara pʋɔ, a fʋ bʋʋrɛ nɩ a ʋ bʋʋrɛ cara pʋɔ. A ʋ bʋʋrɛ na mɩ́ ƴɛ́r'ɩ a fʋ zu ŋmɛr, ɛ́ fʋ dʋ̃ a ʋ bʋʋrɛ gbɛnakɔr.»

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

Ɩzayi 48:16

Nyɩ taw pɩɛlɩ mɛ̃ bɛr wõ: a pɛr-tib daar za a, ɩ̃ bɛ dãw sɔwlɩ ƴɛ̀r ɛ. A daar ʋl a yele á ŋá na ɩ a, ɩ̃ tɩ be n be. — Ɛ́ ƴɛrɛŋa a, a Sore Naaŋmɩn n'ʋ tone mɛ̃ ɛ́ kʋ̀rɛ mɛ̃ a ʋ Vʋʋrʋ.

Ɩzayi 7:14

A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”.

Zeremi 31:22

Pɔwli-gaara a, debor'a fʋ na cere a ziir za tɩ ta? Bʋ̃ʋ n'ʋ vɛ̃, a Sore ír'ɩ yel-sãw a tẽw zu: a pɔw n'ʋ na bɔ a dɛb.

Zakari 6:12

ɛ́ yel ʋ: “À ŋá n'a a Sore, a Kpɛnʋ-za-sob, yere: Nɩr be n a ka, a yúor dɩ kɛ́ “Bʋ̃-bul”, a nyɔ-vʋʋrʋ na búle nɩ a ʋ gbɛ́ɛ bɔwrɩ pʋɔ, ɛ́ ʋlɛ n'ʋ na lɛb mɛ a ɩ̃ yir-kpɛ̃ɛ,

Malasɩ 3:1

«À ŋá n'a a Sore, a kpɛnʋ-za-sob, sɔwr nyɩ: “Ɩ̃ tone nɩ a ɩ̃ nɩ-tona k'ʋʋ tɩ puo a sɔ́r bɛr mɛ̃. Bɛ nãà wa bere na, a Sore nyɩ na bɔbr a, kpɛ a ʋ yir-kpɛ̃ɛ pʋɔ. A wõ-taa nɩ-tona nyɩ na gùre a, ʋlɛ n'ɩ ŋan waar.”

Sɔr-nɛ́ɛ 28:22

Nyɩ mɩ̀ na mɩ́ kʋ n bʋra, ʋ ɩ yel-bier-ír-bɛrʋ bàwr: a lɛn daar a, bɛ na mɩ́ tu n a suur-dɩ-kʋ̀b tub a nyɩ ƴãw.

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Matie 3:15

Ɛcɛ, a Yeezu tɩ sɔw ʋ na: «Bɛr a tu à à ŋá sɛr. À ŋá n'a a fɛr kɛ́ tɩ tu a lɛ a Naaŋmɩn na bɔbr a.» A Zã tɩ sàw na.

Matie 5:17

«Nyɩ taa tɩɛrɛ k'ɩ̃ɩ wa na k'ɩ̃ɩ wa ír a Moyiir wulu nɩ a naaŋmɩn-ƴɛ̀r-manbɛ wulu bɛr ɛ. Ɩ̃ bɛ wa k'ɩ̃ɩ wa ír a bɛr ɛ, ɩ̃ nɩ̃ɛ na wa k'ɩ̃ɩ wa ɩ a za tu tɩ ɓɩɩlɩ.

Markɩ 1:15

«A daar ʋl a Naaŋmɩn na ƴãw a ta na, a Naaŋmɩn Naalʋ dɩb pɩɛl'a: nyɩ lɩɛbɩ a nyɩ ɩb ɛ́ sàw de a Yel-nʋ̃ɔ̀.»

Luka 1:31

Nyɛ̃, fʋ na tɛr'ɩ pʋɔ dɔw dɛble, por a ʋ yúor kɛ́ Yeezu.

Luka 1:35

A malkɩ tɩ sɔw ʋ na: «Vʋʋrʋ Sõw na siw nɩ a fʋ zu, ɛ́ a Naaŋmɩn-na-do-saa-bɛ-pɩɛl-a fãw na piw fʋ na nɩ a ʋ ɓaarʋ. Lɛ so a bie na na dɔw a, na ɩ sõw, ɛ́ bɛ bʋɔlɛ ʋ Naaŋmɩn Bie.

Luka 2:7

A Marya tɩ dɔw nɩ a ʋ pɔwsɩ-bie, dɛble, de pɛnɛ pili nɩ ʋ gaalɩ dʋ̃-laa pʋɔ, bɛ na tɩ bɔ gaa zie gù a sãanbɛ dĩó a ƴãw.

Luka 20:44

A Daviir bʋɔlɛ ʋ nɩ ʋ Sore, ŋmɩŋmɩn n'a ʋ na ɩ a Daviir bʋ̃-dɔwra?»

Zã 1:14

A Ƴɛ̀rʋ lɩɛb'ɩ nɩsaal, ʋ wa na wa kpɛ a tɩ sɔgɔ, ɛ́ tɩ nyɛ̃ nɩ a ʋ yúor-vɩɛlʋ-danʋ, a Sãà Bi-been yõ yúor-vɩɛlʋ-danʋ na yi a Sãà zie a, ʋ paal'ɩ nɔ̃wfʋ nɩ yel-mɩŋa.

Zã 10:36

Ɛ́ a sob nɛ a Sãà na maalɩ ʋ ɩ sõw, ʋʋ tõ ʋ a tẽ-daa zu a, nyɩ yel ʋ na: “Fʋ tʋʋr'ɩ Naaŋmɩn”, ɩ̃ na háa nʋɔr yel k'ɩ̃ɩ ɩ n Naaŋmɩn Bie a ƴãw.

Zã 3:16

Naaŋmɩn sɩrɩ na nɔ̃w a tẽ-daa yaga za, tɩ de a ʋ Bie, ʋ Bi-been kʋ̀ ʋ, kɛ́ nɩr za na sàw de ʋ a, ta kpi ɛ, ɛ́ páw a nyɔ-vʋʋrʋ na be kʋralɛ a.

Zã 6:38

Bʋ̃ʋ n'ʋ so, ɩ̃ bɛ yi a tẽ-vla pʋɔ siw wa k'ɩ̃ɩ wa maalɛ a ɩ̃ mɩŋa pʋ-tɩɛrʋ ɛ, ɩ̃ wa na k'ɩ̃ɩ wa ɩrɛ a ʋlɩ sob na tõ m a yã-nɔn ɩb za.

Zã 8:42

A Yeezu lɛb yel bɛ: «A Naaŋmɩn tɩ ɩ a nyɩ sãà a, nyɩ nãá nɔnɛ mɛ̃ na, ɩ̃ na yi a Naaŋmɩn zie wa a ƴãw. Ɩ̃ bɛ nyɛ̃ ɩ̃ tʋɔra wa ɩ, ʋlɛ n'ʋ tõ m.

Nɩ-toni 1:7

Ʋ tɩ yel bɛ na: «A daar al, nɩ a bibie al a Naaŋmɩn Sãà na nɔ̃w ƴãw a, nyɩmɛ bɛ so a bãwfʋ ɛ.

Ʋrɔm 1:3

Ʋ càar'ɩ a ʋ Bie, a tɩ Sore Yeezu Kɩrɩta: Daviir bʋʋrɛ nɩr tɩ n'ʋ a ʋ nɩsaalɛ dɔwlʋ pʋɔ,

Ʋrɔm 15:8

Bʋ̃ʋ n'ʋ vɛ̃, ɩ̃ yere na kʋ̀rɛ nyɩ, a Naaŋmɩn na ŋmɛ̃ ʋ ŋmɛ̃a a zũú n'a, a Kɩrɩta lɩɛbɩ a Zifʋ mɩnɛ tõ-tone, k'ʋʋ tu a nɛ́ɛ a Naaŋmɩn na ƴãw kʋ̀ a bɛ sãàkʋm-kore a.

Ʋrɔm 5:6

Tɩ na bɛ tɩ tɛr fãw na ɩ bom za a, lɛ n'a a Naaŋmɩn daar na wa ta a, a Kɩrɩta kpi yel-bebe dem ƴãw.

Ʋrɔm 8:3

A ʋlɩ bom nɛ, a Moyiir wulu na tɩ bɛ tʋɔr ɩrɛ a, a nɩsaal bãbàalʋ na tɩ ɩ ʋ bɛ tɛr fãw a ƴãw a, Naaŋmɩn ʋl ɩ ʋ na: a yel-bier-ír-bɛrʋ ƴãw a, ʋ dɔwr'ɩ a ʋ Bie a nɩsaal yel-bier ƴãw, ʋ na tõ a ʋl mɩŋa Bie ʋ wa ɩ nɩsaal, ŋmɛ̃ taa nɩ a nɩsaal na ɩ yel-bier sob a.

Ʋrɔm 9:5

Bɛ ɩ n a sãàkʋm-kore bʋʋrɛ, ɛ́ a bɛ bʋʋrɛ pʋɔ n'a a Kɩrɩta yi ɩ nɩsaal, ʋl na zuo bom za, ɩ Naaŋmɩn na tɛr danʋ kʋralɛ a. Amɛn.

Efɛɛzɩ 1:10

a tɩ faafʋ tome daar nãà wa ta a. Ʋ tɩ tɩɛrɛ na k'ʋʋ ɓã bom za na be a salom zu nɩ a tẽw zu a taa, ʋ ɓã a za taa na-kpɛ̃ɛ been pile na ɩ a Kɩrɩta a.

Kɔlɔsɩ 2:14

A san-sɛbɛ ʋl na tɩ fɛrɛ tɩ a lɛ a nɛ-ƴãwnɩ na tɩ dĩ tɩ a, a Naaŋmɩn sãw nɩ a ʋlɩ san-sɛbɛ bɛr: ʋ ɩ na ʋ bɔr, ʋ kpa ʋ nɩ a da-gara zu.

1 Timote 2:6

ʋlɛ n'ʋ de ʋ tʋɔra tɩr k'ʋʋ ya de a nɩsaalbɛ za. A daar na wa ta a, ʋ dɩ n a dãsɩɛ ŋa

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

Ebre 2:14

A na ɩ à ŋá a bibiir bɛ ŋa ɩ nɩsaalbɛ a, a Yeezu mɩ̀ ɩ na mɛ̃ a bɛl a, ʋ pʋɔ nɩ a bɛ nɩsaalʋ pʋɔ, k'aa ʋ kũu zũú, ʋ tʋ̃ɔ́ a sob nɛ na tɛr a kũu fãw a, a pɛr lɛ k'aa Gɛgɛra,

Ebre 9:10

Nɩsaalbɛ tub tɛwr'a, na càarɩ bʋ̃-dɩrɩ, bʋ̃-nyúuri nɩ dɛwr-so-bɛrʋ bʋʋrɛ a, alɛ n'a be be na tɩ ta a lɛn a Naaŋmɩn na na lɛb maalɩ a yele za ƴãw a.

1 Zã 4:14

Tɩ nyɛ̃ na ɛ́ dɩrɛ a dãsɩɛ k'aa Sãà tõ n a ʋ Bie k'ʋʋ wa ɩ a tẽ-daa faarɛ.

1 Zã 4:2

À ŋá n'a nyɩ na mɩ́ bãw Naaŋmɩn Vʋʋrʋ wa n'ʋ a: sob nɛ za na yere kɛ́ a Yeezu Kɩrɩta sɩrɩ na lɩɛbɩ nɩsaal a, ʋ tɛr'ɩ a Vʋʋrʋ na yi a Naaŋmɩn zie a.