Galasi 4:3 - A SƐB-SÕW

³ Lɛ n'a a mɩ̀ ŋmɛ̃ a tɩ zie. A lɛn daar tɩ na tɩ cãà ɩ mɛ̃ bibiir a, tɩ tɩ ɩ n a tẽ-daa bʋ̃-balɛ gbãgbaar.

Galasi 4:3 ပူးပေါင်းရင်းမြစ်များ

Matie 11:28

Nyɩ wa a ɩ̃ zie, nyɩɩm za na tuo to-tɩbrʋ bàl a, ɩ̃ɩ na kʋ̀ nyɩ nɩ a pɩ̃ɛnʋ.

Zã 8:31

A lɛ n'a a Yeezu tɩ yel a Zifʋ mɩnɛ bɛl na sàw de ʋ a: «Nyɩmɛ wa de a ɩ̃ ƴɛ̀rʋ bɛ lɛbr pùor a, nyɩ sɩrɩ na ɩ a ɩ̃ po-tuurbɛ,

Nɩ-toni 15:10

A na ɩ à ŋá a, bʋnʋ ƴãw n'a nyɩ yel kɛ́ nyɩ ɩ a Naaŋmɩn kaa? Nyɩ na de tuor, tɩɩm nɩ a tɩ sãàkʋm-kore na bɛ tʋ̃ɔ́ tuo a, bɔbr kɛ́ nyɩ tuo a po-tuurbɛ a?

Ʋrɔm 7:14

Tɩ bãw na k'aa Naaŋmɩn wulu bɛ yi nɩsaal zie ɩ. Ɛcɛ mãa ɩ n nɩsaal bɛ na kʋɔrɩ kʋ̀ a yel-bier ɩ̃ ɩ a ʋ gbãgbaa a.

Ʋrɔm 8:15

A Vʋʋrʋ nyɩ na páw a, ʋ bɛ ƴãwnɛ nyɩ gbãgbaar ɩb tɩɛrʋ nyɩ na lɛb maal zɔrɛ dɛ̃bɩ̃ɛ ɩ, Vʋʋrʋ Sõw na mɩ́ ɩ nyɩ lɩɛbɩ Naaŋmɩn bibiir a n'ʋ. Ʋlɛ n'ʋ tɩ mɩ́ lãw nɩ cɩɩrɛ bʋɔlɛ a Naaŋmɩn kɛ́: «Aba, ɩ̃ Sãà a!»

2 Korɛ̃tɩ 11:20

Nyɩ mɩ́ sàw na kɛ́ bɛ ɩrɛ nyɩ mɛ̃ gbãgbaar a, ɛ́ sàw bɛ nɛbr nyɩ, nyɩ mɩ́ sàw na bɛ farɛ a nyɩ bome za ɛ́ pɔrɛ a nyɩ zu, ɓarɛ nɩ nyɩ.

Galasi 2:4

yɛb-bɛlɛbɛlɛ bɛ mɩnɛ kãw na saa tɩ kpɛ jɛr a tɩ pʋɔ, ɛ́ bɔbr kɛ́ bɛ ŋmãa ʋ a yʋ̀ɔr a. A nɩbɛ bɛ ŋa tɩ sɔwl'a kpɛ a tɩ pʋɔ, kɛ́ bɛ piwre a só-tɩ-tʋɔra tɩ na páw a Yeezu Kɩrɩta zie a, ɛ́ lɛb tɛr tɩ tɩ ƴãw a Naaŋmɩn wulu sàwfʋ gbãgbaalʋ pʋɔ.

Galasi 3:19

A na ɩ à ŋá a, a Naaŋmɩn wulu yel-ɩra tɩ n'ɩ bo? Bɛ ƴãw ʋ na dɔwlɩ k'ʋʋ tʋ̃ɔ́ mɩ́ wul a nʋɔr-zawrʋ ɩ-ɩrɩ a sãá, gùre nɩ a Abraham bʋ̃-dɔwra ʋl bɛ na ƴãw a maalʋ nʋɔr kʋ̀ a. Malkɩ mɩnɛ nɛbɛ tu lɔ̃lʋɔrɛ ƴãw a Wulu ŋa.

Galasi 4:2

Ɛcɛ nɩbɛ na kaarɛ a ʋ zie ɛ́ kaarɛ a ʋ bome zie a mɩ́ so ʋ tɩ ta n a daar ʋl a ʋ sãà na ƴãw a.

Galasi 4:24

Zʋkpar'ɩ à ŋà bɛ na lɔb a: a pɔwbɛ bɛ ŋa ayi ɩ n wõ-taar ayi: a kãw a Agaar na wule a ɩ n a Sinayi tãw zu wõ-taa, gbãgbaar'a ʋ dɔwr.

Galasi 4:25

A Agaar ɩ n a Sinayi tãw na be Arabi a, ʋ ŋmɛ̃ na taa nɩ a ƴɛrɛŋa Zerizalɛm na ɩ gbãgbaa, ʋlɛ nɩ a ʋ bibiir za a.

Galasi 4:31

Yɛbr i, a na ɩ à ŋá a, tɩ bɛ ɩ pɔw gbãgbaa bibiir ɛ, tɩ ɩ n pɔw na bɛ ɩ gbãgbaa a bibiir.

Galasi 4:8

A dãwdãw nyɩ na bɛ tɩ bãw a Naaŋmɩn a, nyɩ tɩ ɩ n ŋmɩmɛ na bɛ ɩ ŋmɩmɛ a gbãgbaar.

Galasi 4:9

Ɛcɛ ƴɛrɛŋa nyɩ na bãw a Naaŋmɩn a, bɩɩ a Naaŋmɩn na nɩ̃ɛ n'ʋ bãw nyɩ a, ŋmɩŋmɩn za n'a nyɩ lɛb cere a bome á ŋá na bɛ tɛr fãw, bɛ tɛr bom za a zie, bɔbr kɛ́ nyɩ ɩ a gbãgbaar?

Kɔlɔsɩ 2:20

A na ɩ lɛ nyɩ lãw nɩ a Kɩrɩta kpi yi zaa a tẽ-daa bʋ̃-balɛ pʋɔ a, bʋ̃ʋ ƴãw n'a nyɩ fɛrɛ nyɩ tʋɔra tuur a nɛ́ɛ á ŋá taabɛ, mɛ̃ a tẽ-daa n'ʋ cãà so a nyɩ nyɔ-vʋʋrʋ a:

Kɔlɔsɩ 2:8

Nyɩ gù vla nɩr za taa bɛlɛ nyɩ nyɔwr nɩ a nɩsaalbɛ yã-bãwfʋ nɩ a bɛ bãw-voru na mɩ́ tu sãàkʋm-kore yele nɩ a tẽ-daa bʋ̃-balɛ, ɛ́ bɛ tu a Kɩrɩta a ɩ.

Ebre 5:12

A lɛn daar za wa tɔ ka a, a tɩ sɛw na kɛ́ nyɩ ɩ wul-wulbɛ, ɛcɛ nyɩ cãà na bɔbr kɛ́ nɩr wule nyɩ a Naaŋmɩn ƴɛ̀rʋ yele al bɛ na mɩ́ zànɩ a pɛr-tib daar a. Nyɩ ɩ n lɛɛɛ wa tɩ cãà bɔbr bʋ̀rʋ, ɛ́ bɛ bɔbr saab ɛ.

Ebre 7:16

Ʋ bɛ lɩɛbɩ a bàwr-maalɛ a tu nʋɔr na tu nɩsaalbɛ dɔwfʋ a ɩ, ɛ́ lɩɛbɩ a bàwr-maalɛ nyɔ-vʋʋrʋ na bɛ tɛr sãwfʋ a fãw zũú.