Galasi 1:8 - A SƐB-SÕW

⁸ Ɛcɛ nɩr wa ɩ mɛ̃ ʋ manɛ nɩ Yel-nʋ̃ɔ̀ kʋ̀rɛ nyɩ, na bɛ ɩ a ʋl tɩ na manɩ kʋ̀ nyɩ a, tɩmɛ saa nɛbɛ bɩɩ malkɩ na yi salom zu a saa n'ʋ a, a Naaŋmɩn ŋmɛ-ƴãw, a tuur ʋ!

Galasi 1:8 ပူးပေါင်းရင်းမြစ်များ

Yele-za-pɛr-tib 9:25

Lɛ n'a ʋ tɩ yel: «Ŋmɛ-ƴãw, a tuur a Kanãa! Ʋ ɩ a ʋ yɛbr za gbãgbaar za gbãgbaa!»

1 Na-mɩnɛ 13:18

Ɛcɛ a naaŋmɩn-ƴɛ̀r-manɛ tɩ yel ʋ na: «A mãa mɩ̀ a, naaŋmɩn-ƴɛ̀r-manɛ nɛ m, mɛ̃ a fʋ̃ʋ a. Ɛcɛ malkɩ kãw ƴɛ̀r'ɩ a Sore yúor ƴãw, yel k'ɩ̃ɩ tɛr fʋ lɛb wa n a ɩ̃ yir, fʋ wa dɩ kɛ́ nyũ.» Ziri n'a ʋ tɩ ŋmãa kʋ̀ ʋ.

Neemi 13:25

Ɩ̃ tɩ yere bɛ na, ɛ́ ŋmɛ ƴãw bɛ. Ɩ̃ mɔ̃ mɩ̀ tɩ pɔb'ɩ a dɛbr bɛ mɩnɛ ɛ́ taw a bɛ zukɔbɛ vɔ̃. Al pùorí, ɩ̃ ƴãw bɛ pɔ n a Naaŋmɩn yúor kɛ́ bɛ kʋ̃ lɛb kʋ̀ a bɛ pɔwyaar nɩ-bʋʋr-yoru nɩbɛ bɛ kul ɛ, ɛ́ mɩ̀ kʋ̃ lɛb de nɩ-bʋʋr-yoru pɔwyaar a bɛ bidɛbr ƴãw bɩɩ a bɛl mɩŋa ƴãw ɛ.

Zeremi 23:16

À ŋá n'a a Sore, a kpɛnʋ-za-sob yere: «Nyɩ ta bɛrɛ wone a naaŋmɩn-ƴɛ̀r-manbɛ bɛ ŋa ƴɛ̀rʋ ɛ, bɛ bɛlɛ nyɩ na. A yele bɛ na yere kʋ̀rɛ nyɩ a ɩ n a bɛl mɩŋa pʋ-tɩɛrʋ, a bɛ yi a mãa zie ɩ.

Zeremi 23:36

Ɛcɛ nyɩ kʋ̃ lɛb ƴɛ̀r “tuor Sore na tuo nɩr a” ƴɛ̀rʋ towtow ɛ. Ŋa za ƴɛ̀rʋ n'ʋ na mɩ́ ɩ a tuor, bʋ̃ʋ n'ʋ vɛ̃, nyɩ mɩ́ sãw nɩ a Naaŋmɩn na vʋʋrɛ a, a Sore kpɛnʋ-za-sob, a tɩ Naaŋmɩn ƴɛ̀rʋ bɛr.

Matie 25:41

Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a.

Markɩ 14:71

Lɛ n'a a Pɩɛr tɩ ŋmɩɛr Naaŋmɩn ƴãwn ʋ tʋɔra yere nɩ: «Ɩ̃ bɛ bãw a nɩr ŋa nyɩ na yere a ɩ.»

Nɩ-toni 23:14

Lɛ n'a bɛ tɩ cen tɩ páw a bàwr-maal-nɩ-bɛrɛ nɩ a Zifʋ mɩnɛ nɩ-kore yel: «Tɩ pɔ na kɛ́ tɩɩm bɛ wa kʋ a Pol a, bom bɛ kpɩɛr a tɩ nʋɔrɩ́ ɛ.

Ʋrɔm 16:17

Yɛbr i, ɩ̃ kpaalɛ nyɩ na kɛ́ nyɩ gùre nyɩ tʋɔra a bɛlɩ dem na bɛ dier a wulu bɛ na kʋ̀ nyɩ a ƴãw, ɛ́ mɩ́ ƴãwnɛ bʋ́r-taa a kɩrɩta-nɩbɛ sɔgɔ, ɛ́ ɩrɛ bɛ bɔrɛ a. Nyɩ taw zãá nɩ bɛ,

Ʋrɔm 9:3

Yel-mɩŋa, a ɩ na mɛ̃ ɩ̃ nãá ɩ nɩr bɛ na ŋmɛ ƴãw a, ɛ́ mãa nɩ a Kɩrɩta bʋ́r taa ɩ̃ lɩɛrɩ a ɩ̃ yɛbr a, a bɛl na ɩ a ɩ̃ bʋʋrɛ a.

1 Korɛ̃tɩ 12:3

Alɛ n'a so ɩ̃ bɔbr kɛ́ nyɩ bãw a yel ŋa: nɩr za Naaŋmɩn Vʋʋrʋ na ƴãw ʋ ƴɛ̀rɛ a, ʋ bɛ yere: «A Yeezu, ʋ ɩ nɩ-ŋmɛ-ƴãwna ɩ!», ɛ́ alɛ bɛ ɩ a Vʋʋrʋ Sõw zũú a, nɩr kʋ̃ tʋ̃ɔ́ yel: «A Yeezu ɩ n Sore ɩ!»

1 Korɛ̃tɩ 16:22

Nɩr bɛ wa nɔnɛ a Sore a, ʋ ɩ nɩ-ŋmɛ-ƴãwna. Marana ta (Tɩ Sore e, wa!)

Galasi 1:9

Tɩ tɩ dãw na yel kʋ̀ nyɩ, ɩ̃ɩ lɛb yere kʋ̀rɛ nyɩ a ƴɛrɛŋa: nɩr wa manɛ Yel-nʋ̃ɔ̀ kʋ̀rɛ nyɩ na bɛ ɩ a ʋl nyɩ na wõ a, a Naaŋmɩn ŋmɛ-ƴãw, a tuur ʋ!

Galasi 3:10

Ɛcɛ a bɛlɩ dem na ɩrɛ ƴãwn a Naaŋmɩn wulu sàwfʋ ƴãw tɛwr'a, ŋmɛ-ƴãw tuur bɛ na. Mɛ̃ a Sɛb-sõw taa yel à ŋá: «Sob nɛ za na bɛ tuur a al za na sɛb a Wulu sɛbɛ pʋɔ kʋralɛ a, ŋmɛ-ƴãw a páw ʋ!»

Galasi 3:13

A Kɩrɩta ya na ír tɩ bɛr a Naaŋmɩn wulu ŋmɛ-ƴãw pʋɔ, ʋl mɩŋa na lɩɛbɩ nɩ-ŋmɛ-ƴãwna a tɩ ƴãw a. Bʋ̃ʋ n'ʋ vɛ̃, a Sɛb-sõw yel'ɩ à ŋá: «Nɩr za na yawlɩ dàa zu a ɩ n nɩ-ŋmɛ-ƴãwna.»

Títɩ̀ 3:10

A sob nɛ na tɛr wulu na bʋ́rɛ a nɩbɛ a, kpaal'ʋ gb'a-been, ɛ́ lɛb kpaal'ʋ gb'a ayi, ɛ́ a pùorí fʋ ow ʋ bɛr.

Zozue 9:23

Dɩ̃a na ta a, nyɩ ɩ n nɩ-ŋmɛ-ƴãwnɩ, ɛ́ nyɩ kãw za bɛ be za kʋ̃ ɩ gbãgbaa ɩ, nyɩ na cɩɛr'ɩ dàar 'wɔ̃wnɛ nɩ kʋ̃ɔ a ɩ̃ Naaŋmɩn yir ƴãw.»

2 Pɩɛr 2:14

Pɔw-gaa yele jɩ́rʋ n'a a bɛ mimie nɔnɛ yaga za, ɛ́ bɛ bɛ dãw sɛw a yel-bier maalʋ ɛ. Lɛ n'a bɛ ɩrɛ bɛ̀lɛ nyɔwr a bɛlɩ dem na bɛ tɛr fãw a. Nɩr bɛ nɔ̃w a tɛra man bɛ ɩ, nɩ-ŋmɛ-ƴãwnɩ nɛbɛ.

1 Samɩɛl 26:19

Ƴɛrɛŋa a, ɩ̃ zɛlɛ na k'aa nãà, ɩ̃ sore, sàw bɛr wõ a ɩ̃ ƴɛ̀rʋ: a Sore wa n'ʋ ƴãw fʋ ìr a ɩ̃ ƴãw a, ʋ sàw de-kʋ̀b bom na nyuur vla vla a. Ɛ́ alɛ wa ɩ nɩbɛ nɛbɛ a, a Sore ʋ ŋmɛ ƴãw bɛ, bɛ na diw mɛ̃ a dɩ̃a, ɛ́ ír mɛ̃ bɛr a tẽw a Sore na kʋ̀ a ʋ nɩ-bʋʋrɛ a pʋɔ a. A ɩ na mɛ̃ bɛ yel mɛ̃ na: “Cen tɩ maalɛ ŋmɩn-yoru!” a