Filib 4:9 - A SƐB-SÕW

⁹ Bom nɛ nyɩ na zànɩ ɛ́ páw a ɩ̃ zie a, bom nɛ nyɩ na nyɛ̃ a ɩ̃ zie ɛ́ wõ a, nyɩ tɛr a ɩrɛ, ɛ́ a ƴã-ɓaarʋ Naaŋmɩn na be n a nyɩ zie.

Filib 4:9 ပူးပေါင်းရင်းမြစ်များ

Ɩzayi 41:10

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ. Bʋ̃ʋ n'ʋ vɛ̃, a fʋ Naaŋmɩn a, mãa n'ʋ. Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ, ɩ̃ɩ gùre fʋ na nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.

Ɩzayi 8:10

Nyɩmɛ nɔ̃w nyɩ tɩɛrɩ yele bin, a na wɛl'a yaarɩ. Nyɩ ŋmɛ a nɔkpɛn bin a lɛ nyɩ na na ɩ a ƴãw, a kʋ̃ nyɔw ɛ. Bʋ̃ʋ n'ʋ vɛ̃, a Naaŋmɩn be n tɩ zie.

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Matie 7:21

«A bɛlɩ dem na mɩ́ yere a ɩ̃ zie: “Sore e, Sore e”, bɛlɛ bɛ nɛbɛ na kpɛ a tẽ-vla Naalʋ pʋɔ ɩ. A bɛl na maalɛ a ɩ̃ Sãà na be a tẽ-vla pʋɔ a pʋ-tɩɛrʋ a, bɛlɛ nɛbɛ na kpɛ a tẽ-vla Naalʋ pʋɔ.

Luka 6:46

«Bʋ̃ʋ ƴãw n'a nyɩ mɩ́ yere a ɩ̃ zie: “Sore e, Sore e”, ɛ́ bɛ mɩ́ tuur a lɛ ɩ̃ na yere a?

Luka 8:21

Ʋ tɩ sɔw na yel bɛ: «A bɛlɩ dem na bɛrɛ wone ɛ́ tuur a Naaŋmɩn ƴɛ̀rʋ a, bɛlɛ nɛbɛ ɩ a ɩ̃ mã nɩ a ɩ̃ yɛbr.»

Zã 13:17

Nyɩ na bãw à à ŋá a, zu-nʋ̃ɔ̀ dem n'ɩ nyɩ nyɩmɛ wa tuur a.

Zã 15:14

Nyɩ ɩ n a ɩ̃ bárɩ nyɩmɛ wa maalɛ a lɛ ɩ̃ na ƴãw a nʋɔr kʋ̀ nyɩ a.

Zã 2:5

A ʋ mã tɩ yel'ɩ a tõ-tõ-biir: «Bom nɛ za ʋ nãà wa yere kʋ̀rɛ nyɩ a, nyɩ maalɩ.»

Nɩ-toni 9:6

Ɛcɛ ìr kpɛ a tẽw pʋɔ, bɛ na tɩ yel'a kʋ̀ b a ʋlɩ bom nɛ a na fɛr kɛ́ fʋ ɩ a.»

Ʋrɔm 15:33

A Naaŋmɩn na ɩ a ƴã-ɓaarʋ sob a, ʋ be a nyɩ za zie. Amɛn.

Ʋrɔm 16:20

A Naaŋmɩn na ɩ a ƴã-ɓaarʋ sob a kʋ̃ yaa kɛ́ ƴɛ́r a Sɩtaana ŋmɛr bin a nyɩ gbɛ́ɛ pile ɩ. A tɩ Sore Yeezu maalʋ, ʋ be a nyɩ zie!

1 Korɛ̃tɩ 10:31

A na ɩ à ŋá a, dɩb'a nyɩ dɩrɛ bɩɩ nyub'a nyɩ nyúur a, bom nɛ za nyɩ na ɩrɛ a, nyɩ ɩrɛ a za a Naaŋmɩn yúor-vɩɛlʋ-danʋ ƴãw.

1 Korɛ̃tɩ 14:33

Bʋ̃ʋ n'ʋ vɛ̃, Naaŋmɩn bɛ ɩ bʋnɛ-ɩrɛ Naaŋmɩn ɛ, ʋ ɩ n ƴã-ɓaarʋ Naaŋmɩn. Mɛ̃ a lɛ a na ɩrɛ a kɩrɩta-nɩbɛ Lãw-yie za pʋɔ a,

1 Korɛ̃tɩ 4:16

Lɛ so ɩ̃ zɛlɛ nyɩ: nyɩ cɔwrɛ mɛ̃.

2 Korɛ̃tɩ 13:11

Ƴɛrɛŋa a, yɛbr i, nyɩ cɩlɛ, nyɩ ƴãw fãw ɩrɛ kɛ́ nyɩ vɩɛl tɩ tɔ, nyɩ kpaalɛ taa, nyɩ lãw taa tɩɛrʋ, nyɩ tɛr a ƴã-ɓaarʋ, ɛ́ a nɔ̃wfʋ nɩ a ƴã-ɓaarʋ Naaŋmɩn na be n a nyɩ zie.

Wulu-ayi-sob 5:1

A Moyiir tɩ bʋɔl'ɩ a Ɩsɩrayɛl nɩbɛ za wa yel bɛ à ŋá: «Ɩsɩrayɛl nɩbɛ ɛ, nyɩ wone a wulu nɩ a tub ɩ̃ na kʋ̀rɛ nyɩ a dɩ̃a a. Nyɩ zanɩ a ɛ́ ƴãw fãw tuur a.

Filib 3:17

Yɛbr i, nyɩ za nyɩ cɔwrɛ mɛ̃, ɛ́ tori niwn jɩ́rɛ a bɛlɩ dem na ɩrɛ mɛ̃ a lɛ tɩ na ɩ wul nyɩ a.

Filib 4:7

Lɛ n'a a Naaŋmɩn ƴã-ɓaarʋ na zuo a nɩsaal yã a, na gù a nyɩ socie nɩ a nyɩ tɩɛrʋ a lãw nɩ a Yeezu Kɩrɩta.

1 Tesalonikɩ 1:6

Ɛ́ a nyɩɩm a, nyɩ cɔwrɩ tɩ na, tɩɩm nɩ a Sore. Nyɩ tɩ be n kpɩɛrʋ na bɛ dɩ vuo a pʋɔ, ɛ́ sàw de a Naaŋmɩn ƴɛ̀rʋ nɩ nʋ̃ɔ̀ na yi a Vʋʋrʋ Sõw zie a.

1 Tesalonikɩ 2:14

Sɩza, yɛbr i, nyɩ cɔwr'ɩ a Naaŋmɩn Lãw-yie na be a Zude tẽw ɛ́ sàw de a Kɩrɩta Yeezu a. Bʋ̃ʋ n'ʋ vɛ̃, a dɔwrʋ a na nyɛ̃ a Zifʋ mɩnɛ zie a, nyɩ mɩ̀ nyɛ̃ a nɩ a nyɩ tẽ-bi-taabɛ tɛɛ za zie.

1 Tesalonikɩ 5:23

A ƴã-ɓaarʋ Naaŋmɩn tɔr za, ʋ ɩ nyɩ ɩ son nyɩ za, ʋ gù a nyɩ nɩɩlʋ za, a tɩɛrʋ, a sɩ́ɛ nɩ a ƴã-gan, ʋ taa wa tɛr sãwna bɛ yere a tɩ Sore Yeezu Kɩrɩta waa daar ɛ.

2 Tesalonikɩ 3:4

A nyɩɩm ƴãw a, tɩ ɓãá nɩ ƴãw bɛr tɩɛrʋ a Sore zie: bom nɛ za tɩ na mɩ́ yel kɛ́ nyɩ maalɩ a, nyɩ mɩ́ maal'a, ɛ́ na cãà maalɛ.

2 Timote 4:22

A Sore ʋ be a fʋ zie. A Naaŋmɩn maalʋ, ʋ be a nyɩ zie.

Zakɩ 1:22

Nyɩ taa wa bɛlɛ nyɩ tʋɔra ɩ a Naaŋmɩn ƴɛ̀rʋ bɛr-wonbɛ tɛwr ɛ, nyɩ mɩ́ sɩrɩ tu a ƴɛ̀rʋ pùor a nyɩ ɩ-ɩrɩ pʋɔ.

2 Pɩɛr 1:10

Alɛ n'a so, yɛbr i, nyɩ lɛb bãw ƴãw fãw ɩ a bʋɔlʋ a Naaŋmɩn na bʋɔlɩ nyɩ, ɛ́ kaa ír nyɩ a, ʋ kpɛmɛ dɔwlɩ, lɛ n'a nyɩ bɛ be za nãà faa lo ɩ.

1 Zã 3:22

Ɛ́ bom za tɩ na zɛlɛ a, tɩ mɩ́ páw ʋ nɩ a ʋ zie, tɩ na sàwr a ʋ nɛ-ƴãwnɩ ɛ́ ɩrɛ a lɛ na pɛlɩ a ʋ pʋɔ a ƴãw.