Filib 4:6 - A SƐB-SÕW

⁶ Nyɩ ɓãá ƴãw bɛr tɩɛrʋ, ɛ́ a yele za pʋɔ a, nyɩ mɩ́ puore zɛlɛ nɩ a Naaŋmɩn yãayãa ɛ́ lãwnɩ barka puoru, ʋ tʋ̃ɔ́ mɩ́ bãw a nyɩ bʋ̃-bɔbra.

Filib 4:6 ပူးပေါင်းရင်းမြစ်များ

1 Na-mɩnɛ 8:28

Ɛcɛ, Sore ɩ̃ Naaŋmɩn i, cɛlɛ be: a mãa fʋ tõ-tõ-bie, ɩ̃ puore na zɛlɛ nɩ fʋ yãayãa, bɛr wõ a puoru ɩ̃ na puore fʋ nɩ ɩ̃ pʋɔ za a dɩ̃a a.

2 Bibie za yel-manɩ 32:20

Lɛ n'a a nãà Ezekɩasɩ nɩ a naaŋmɩn-ƴɛ̀r-manɛ Ɩzayi na ɩ Amɔtɩsɩ bidɛb a, tɩ puori zɛlɩ a Naaŋmɩn sõwfʋ.

Sɛb-sõw yielu 51:15

Ɩ̃ na wul'ɩ a sãwna dem a fʋ sɛ́ɛ, ɛ́ a yel-bebe dem na lɛb'a wa a fʋ zie.

Sɛb-sõw yielu 55:17

Mãa a, a Naaŋmɩn n'ʋ ɩ̃ kone bʋɔlɛ, ɛ́ a Sore na faa mɛ̃ na.

Sɛb-sõw yielu 55:22

A ʋ nʋɔr ƴɛ̀rɛ nɩ nɔ-kãá, ɛ́ zɛbr tɩɛrʋ be a ʋ socir pʋɔ. A ʋ ƴɛ̀r-bie mɩ́ nʋmɛ na gãw sɩwr, ɛcɛ sɔ̀rʋ bɛ na vɔ̃ a n'a.

Sɛb-sõw yielu 62:8

A ɩ̃ faafʋ nɩ a ɩ̃ vɩɛlʋ yi n a Naaŋmɩn zie. A ɩ̃ pì-kpɛ̃w nɩ a ɩ̃ sɔwlʋ zie a, a Naaŋmɩn n'ʋ.

Zʋkpaɩ 15:8

A Sore bɛ nɔnɛ a nɩ-faar bagɛ towtow ɛ, ɛcɛ ʋ mɩ́ pɛlɩ nɩ pʋɔ de a nɩ-dẽdẽ mɩnɛ puoru.

Zʋkpaɩ 16:3

Manɩ a fʋ tome wul a Sore, ɛ́ a lɛ fʋ na tɩ́ɛrɩ bin a na maal'a.

A Yielu za pʋɔ yiel-vla vla 2:14

Ɩ̃ naŋmam ɩ, fʋ̃ʋ na be a pie bɔwrɩ pʋɔ a, fʋ̃ʋ na sɔwlɩ a fʋɔl-cũgbuli bɔwrɩ pʋɔ a, wul mɛ̃ a fʋ niwn. Ɩ ɩ̃ wõ a fʋ kɔkɔr, bʋ̃ʋ n'ʋ vɛ̃, a fʋ kɔkɔr vla tɔ! Ɛ́ a fʋ niwn mɩ̀ vla tɔ!»

Zeremi 32:16

Ɩ̃ na tɩ kʋ̀ a Neriya bidɛb, Barukɩ, a púo dab sɛbɛ baar'a, ɩ̃ tɩ puor'ɩ a Sore à ŋá:

Zeremi 33:3

Bʋɔlɩ mɛ̃, ɩ̃ɩ na sɔw fʋ na. Ɩ̃ɩ na ɩ na fʋ bãw yel-sɔwl-bɛrɛ fʋ na bɛ bãw a.

Matie 10:19

Bɛlɛ wa nyɔw nyɩ cere nɩ a ƴɛ̀rʋ-dɩb zie a, nyɩ ta dɩ tuo bɔbr a ƴɛ̀r-bie al nyɩ na na yel bɩɩ a lɛ nyɩ na na ƴɛ̀r a ɩ. A ƴɛ̀rʋ daar wa ta a, a ƴɛ̀r-bie al na wa n a nyɩ nʋɔrɩ́.

Matie 13:22

A gʋʋr pʋɔ a bʋ̃-bie na lo a, ɩ n a bɛlɩ dem na mɩ́ wõ a Naaŋmɩn ƴɛ̀rʋ, ɛ́ a tẽw zu ka yele tɩɛrʋ nɩ a naalʋ bɛlʋ fɩɩrɩ a ƴɛ̀rʋ kʋ, ʋ bɛ wɔ̃ bom za a.

Matie 6:34

A na ɩ lɛ a, nyɩ ta zɔrɛ dɛ̃bɩ̃ɛ a bio ƴãw ɛ, a bio na tɛr'ɩ a ʋ mɩŋa tɩɛrʋ. Bibir za nɩ ʋ bàlʋ.»

Matie 6:8

A na ɩ lɛ a, nyɩ ta ɩrɛ mɛ̃ a bɛl a ɩ, a nyɩ Sãà Naaŋmɩn mɩ́ bãw nɩ a nyɩ bʋ̃-bɔbra ɛ́ nyɩ bɛ zɛlɩ ʋ sɛr ɛ.

Luka 10:41

A Sore tɩ sɔw ʋ na yel: «Marta a, Marta a, fʋ bàlɛ nɩ fʋ tʋɔra yel-yaga ƴãw,

Luka 12:22

Al pùorí, a Yeezu tɩ yel'ɩ a ʋ po-tuurbɛ: «Alɛ n'a so ɩ̃ yere kʋ̀rɛ nyɩ: nyɩ ta bàlɛ nyɩ tʋɔra a bʋ̃-dɩrɩ nɩ a bʋ̃-suuri ƴãw ɛ.

Luka 12:29

A na ɩ lɛ a, nyɩ ta bàlɛ nyɩ tʋɔra bɔbr kʋralɛ a ʋlɩ bom nɛ nyɩ na na dɩ, nɩ a ʋlɩ bom nɛ nyɩ na na nyũ a ɩ.

Luka 18:1

A Yeezu tɩ lɔb'ɩ zʋkpar ŋa, k'ʋʋ wul a ʋ po-tuurbɛ a na fɛr kɛ́ bɛ puore kʋralɛ ɛ́ taa bɛrɛ towtow a.

Luka 18:7

Ɛ́ a Naaŋmɩn ʋl kʋ̃ wul a ʋ nɩ-kaa-íri yel-mɩŋa ɩ, bɛl na kone cɔwr ʋ mʋ̃tɔ̃w nɩ tɩ̃ɩsɔw za a? Ʋ na cɛlɩ nɩ a bɛ sõwfʋ ƴãw bɩɩ?

1 Korɛ̃tɩ 7:21

Fʋ tɩ ɩ n gbãgbaa a lɛn daar a Naaŋmɩn na bʋɔlɩ fʋ a bɩɩ? A ta ƴãwnɛ fʋ tɩɛrʋ ɛ. Ɛcɛ fʋ̃ʋ wa na na tʋ̃ɔ́ lɩɛbɩ nɩr na so ʋ tʋɔra a, taa bɛrɛ a tɔlɛ ɩ.

1 Korɛ̃tɩ 7:32

Ɩ̃ bɔbr'a kɛ́ nyɩ nãá ta tɛr niw-sʋba kãw za ɩ. Dɛb na bɛ kul pɔw a, a Sore yele tɩɛrʋ n'a ʋ mɩ́ tɛr, ʋ mɩ́ bɔbr'a k'ʋʋ ɩrɛ a pɛlɩ a Sore pʋɔ.

2 Korɛ̃tɩ 1:11

Ɛ́ a nyɩɩm tɛɛ za mɩ̀ sõwne tɩ na nɩ a nyɩ puoru, k'aa maalʋ tɩ na na páw a nɩ-yaga puoru zũú a, ɩ nɩ-yaga puore a Naaŋmɩn yãanɩ a tɩ ƴãw.

Efɛɛzɩ 5:20

Nyɩ puore a Naaŋmɩn Sãà yãanɩ kʋralɛ bom za ƴãw, a tɩ Sore Yeezu Kɩrɩta yúor ƴãw.

Efɛɛzɩ 6:18

Nyɩ puore zɛlɛ à á ŋá za a Naaŋmɩn zie. A Vʋʋrʋ Sõw, ʋ sõwne nyɩ nyɩ puore kʋralɛ. A lɛ ƴãw a, nyɩ bɛr gʋ̃ɔ ɛ́ taa lɛbr pùor ɛ. Nyɩ puore kʋ̀rɛ a Naaŋmɩn nɩ-bʋʋrɛ za.

Kɔlɔsɩ 3:15

A Kɩrɩta ƴã-ɓaarʋ, ʋ dɩ naalʋ a nyɩ socie pʋɔ, a ƴã-ɓaarʋ ŋa pʋɔ n'a ʋ bʋɔlɩ nyɩ kɛ́ nyɩ wa lãw taa mɛ̃ ƴãw-been a. Nyɩ tɛr barka puoru tɩɛrʋ a nyɩ nyɔ-vʋʋrʋ pʋɔ.

Kɔlɔsɩ 3:17

Bom nɛ za nyɩ na ɩrɛ a, a nyɩ nʋɔr ƴɛ̀rʋ pʋɔ n'a bɩɩ a nyɩ ɩ-ɩrɩ pʋɔ n'a a, a mɩ́ ɩ a Sore Yeezu yúor ƴãw n'a nyɩ ɩrɛ a lɛ, puore nɩ a Naaŋmɩn Sãà barka a Sore Yeezu zũú.

Kɔlɔsɩ 4:2

Nyɩ su zu a puoru ƴãw, a ɩ nyɩ bɛr gʋ̃ɔ ɛ́ puore a Naaŋmɩn barka.

1 Timote 2:1

A yele za pʋɔ a, ɩ̃ zɛlɛ na kɛ́ bɛ mɩ́ de niwn tɛr zɛlʋ puoru, yãayãa zɛlʋ nɩ barka puoru a nɩsaalbɛ za ƴãw,

1 Timote 5:5

Ɛ́ a pɔw-kʋɔr ʋl na sɩrɩ ɩ a pɔw-kʋɔr a, a ʋl na cɛ be ʋ yõ tẽtẽ a, ʋ ƴãw nɩ a ʋ tɩɛrʋ za a Naaŋmɩn ƴãw, ɛ́ ƴãw fãw lɔbr nuru puore zɛlɩ nɩ a ʋ sõwfʋ mʋ̃tɔ̃w nɩ tɩ̃ɩsɔw za.

1 Pɩɛr 4:7

A yele za baarʋ pɩɛl'a, lɛ so nyɩ mɩ́ nyɔw nyɩ tʋɔra a dɩb nɩ a nyub ƴãw, mɩ́ tʋ̃ɔ́ puori.

1 Pɩɛr 5:7

A yele al za na ƴãwnɛ nyɩ tɩɛrʋ a, nyɩ de a kʋ̀ ʋ, bʋ̃ʋ n'ʋ vɛ̃ ʋ kaarɛ nɩ nyɩ zie.

1 Samɩɛl 1:15

A Ana tɩ sɔw ʋ na: «Pɔw-zu-kpɛ̃w sob bɛ nɛ m ɛ, ɩ̃ bɛ nyũ divɛ̃ bɩɩ dã-kpɛ̃w kãw za na kuole a ɩ, a Sore n'ʋ ɩ̃ kone a ɩ̃ kpɩɛrʋ kʋ̀rɛ.

1 Samɩɛl 30:6

Kpɩɛrʋ kpɛ̃ɛ tɩ nyɔw nɩ a Daviir, bʋ̃ʋ n'ʋ vɛ̃, a nɩbɛ tɩ bɔbr'a kɛ́ bɛ lɔb'ɩ ʋ kʋsɛbɛ. Ŋa za pʋɔ tɩ sãw nɩ yaga, a ʋ bidɛbr nɩ a ʋ pɔwyaar ƴãw. Ɛcɛ a Sore ʋ Naaŋmɩn tɩ ɩ na ʋ lɛb tɛr kanyir.

1 Samɩɛl 7:12

A Samɩɛl tɩ yel'a: «A Sore sõw tɩ na wa ta n a ka». Lɛ n'a ʋ tɩ de kʋsɩɛr teli a Misɩpa nɩ a Nyɩ́ɩm cara pʋɔ, ɛ́ por ʋ kɛ́ “Evɛn-Ezɛɛr”, a pɛr lɛ kɛ́ “Sõwfʋ-Kʋsɩɛr”.