Filib 4:3 - A SƐB-SÕW

³ Ɛ́ a fʋ̃ʋ na ɩ a ɩ̃ lãw-tõ-tɔ mɩŋa a, ɩ̃ zɛlɛ fʋ na: sõw bɛ, bʋ̃ʋ n'ʋ vɛ̃, bɛ lãw nɩ mɛ̃ na tɩ zɛb a Yel-nʋ̃ɔ̀ ƴãw, lãwnɩ a Kilimã nɩ a ɩ̃ lãw-tõ-taabɛ bɛl za na cɛ a. A bɛ yée sɛb'a ƴãw a nyɔ-vʋʋrʋ sɛbɛ pʋɔ.

Filib 4:3 ပူးပေါင်းရင်းမြစ်များ

Sɛb-sõw yielu 69:28

Dier a bɛ sãwna za ɓanɛ taa, ɛ̀ bɛ taa wa sãanɛ nɩ-mɩn a fʋ niŋé ɩ.

Eziptɩ tẽw yib 32:32

Ɩ̃ zɛlɛ fʋ nɩ yãayãa, dɩ suur kʋ̀ bɛ! Alɛ bɛ ɩ lɛ, fʋ̃ʋ sãw a ɩ̃ yúor fʋ na sɛb a nyɔ-vʋʋrʋ sɛbɛ pʋɔ a bɛr.»

Ɩzayi 4:3

Lɛ n'a a bɛlɩ dem na na cãà be a Zerizalɛm a, a bɛl na na cãà vʋʋrɛ a Sɩyɔ̃ a, bɛ na bʋɔlɛ bɛ “Sore nɩ-sori”. A bɛlɩ dem za, a Zerizalɛm, a Sore na sɛb ƴãw a ʋ sɛbɛ pʋɔ kɛ́ bɛ vʋʋrɛ a nɛbɛ.

Ezekɩɛl 13:9

Ɩ̃ na wul'ɩ a ɩ̃ fãw a naaŋmɩn-ƴɛ̀r-manbɛ bɛl na mɩ́ tɩɛrɩ a bɛ bʋ̃-nyɛrɩ yel, ɛ́ mɩ́ yel bome na bɛ ɩ sɩza a. Bɛ kʋ̃ pʋɔ a ɩ̃ nɩ-bʋʋrɛ lãw pʋɔ ɩ. A bɛ yée kʋ̃ be a Ɩsɩrayɛl bʋʋrɛ yée sɛbɛ pʋɔ ɩ, ɛ́ bɛ kʋ̃ lɛb wa a bɛ tẽw pʋɔ ɩ. À ŋá n'a bɛ na bãw kɛ́ mãa n'ɩ a Sore Naaŋmɩn.

Luka 10:20

Ɛcɛ nyɩ ta cɩlɛ nyɩ na dɩrɛ naalʋ kɔ̃tɔ̃-faar zu a ɩ, nyɩ cɩlɛ bɛ na sɛb a nyɩ yée ƴãw a tẽ-vla pʋɔ a.»

Ʋrɔm 12:1

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

Ʋrɔm 16:12

Nyɩ puori Tɩrɩfɛn nɩ Tɩrɩfozi na hanɩ a Sore ƴãw a, ɛ́ mɩ̀ puori a ɩ̃ sɛn Pɛrsisɩ na hanɩ yaga za a Sore ƴãw a.

Ʋrɔm 16:9

Nyɩ puori Irbɛ̃, tɩ lãw-tõ-tɔ a Kɩrɩta tome pʋɔ, nɩ a ɩ̃ bá Sɩtakɩsɩ.

Filib 1:12

Yɛbr i, ɩ̃ bɔbr'a kɛ́ nyɩ bãwnɩ a: a yele za na ta m a nɩ̃ɛ na ɩ a Yel-nʋ̃ɔ̀ hieri tɔl nidaa.

Filib 1:16

A bɛ ŋa tone na nɩ nɔ̃wfʋ, bɛ bãw na k'ɩ̃ɩ be n a ka k'ɩ̃ɩ zɛb faa a Yel-nʋ̃ɔ̀.

Filib 1:27

Alɛ saa ŋmɛ̃ ŋmɩŋmɩn a, nyɩ ɩ a nyɩ nyɔ-vʋʋrʋ tuur a Kɩrɩta Yel-nʋ̃ɔ̀, kɛ̀ mãa wa wa a nyɩ nyɛ́b bɩɩ mãa bɛ wa ka be a, mãa wone kɛ́ nyɩ lãw nɩ taa tɛr tɩɛr-been kpɛ̃w za, kɛ́ nyɩ lãw nɩ soci-been zɛbr a naaŋmɩn-sàwfʋ na yi a Yel-nʋ̃ɔ̀ pʋɔ a zɛbr,

Filib 1:5

nyɩ na lãw nɩ mɛ̃ a Yel-nʋ̃ɔ̀ hieru ƴãw a zũú, a pɛr-tib daar za wa tɩ tɔ a dɩ̃a a.

Filib 1:7

A sɛw na k'ɩ̃ɩ tɛr a tɩɛrʋ á ŋá taabɛ a nyɩ za ƴãw. Ɩ̃ tɛr'ɩ a nyɩ za tɩɛrʋ a ɩ̃ socir pʋɔ, bʋ̃ʋ n'ʋ vɛ̃, nyɩ za pʋɔ nɩ a maalʋ a Naaŋmɩn na kʋ̀ m a pʋɔ, a ƴɛrɛŋa ɩ̃ na be a gaso pʋɔ a, nɩ a lɛn daar ɩ̃ na mɩ́ zɛbr a Yel-nʋ̃ɔ̀ yel-mɩŋa zɛbr a.

Filib 4:2

Ɩ̃ zɛlɛ nɩ a Evodi nɩ a Sɛ̃tisi yãayãa, kɛ́ bɛ tɛr wõ-taa lãwnɩ a Sore.

Kɔlɔsɩ 1:7

A tɩ bá Epafarasɩ, na ɩ a tɩ lãw-tõ-tɔ a, ʋlɛ n'ʋ wul nyɩ à á ŋá. Ʋ lɩɛrɩ tɩ na tone a nyɩ ƴãw, mɛ̃ Kɩrɩta tõ-tone na bɛ lɛbr pùor towtow a.

Yel-wula 13:8

A tẽw zu nɩbɛ za na gbĩ n dume puor'ʋ, bɛlɩ dem za a yée na bɛ sɛb ƴãw a Pele bɛ na kʋ a nyɔ-vʋʋrʋ sɛbɛ pʋɔ a tẽ-daa íru daar za a.

Yel-wula 17:8

A wɛ-dʋ̃w fʋ na nyɛ̃ a, tɩ be na, ɛcɛ ʋ bɛ cãà ɩ. Ʋ na yi n a kɔ̃tɔmɛ dɔwrʋ bɔw-zulu pʋɔ do wa wa wɩɛr a ʋ kũu zie. A tẽw zu nɩbɛ bɛl a yée na bɛ sɛb a nyɔ-vʋʋrʋ sɛbɛ pʋɔ a tẽ-daa íru daar za a na nyɛ̃ nɩ a wɛ-dʋ̃w a nʋɔr ɓãá bɛ, bʋ̃ʋ n'ʋ vɛ̃, ʋ tɩ dãw na be, ɛ́ bɛ cãà ɩ, ɛ́ na lɛb wa.

Yel-wula 20:12

Al pùorí, ɩ̃ tɩ nyɛ̃ nɩ a kũuni, a bɛrɛ nɩ a pʋrmɛ, bɛ àr a naalʋ-dà-kɔw niŋé, ɛ́ sɛbr yuori. Bɛ tɩ lɛb'a yuo sɛbɛ ƴen sob, a nyɔ-vʋʋrʋ sɛbɛ, ɛ́ maal'ɩ a kũuni a ƴɛ̀rʋ tu n a bɛ ɩ-ɩrɩ na sɛb ƴãw a sɛbr pʋɔ a.

Yel-wula 20:15

Sob nɛ za a yúor na bɛ tɩ sɛb a nyɔ-vʋʋrʋ sɛbɛ pʋɔ a, bɛ tɩ lɔb ʋ na ƴãw a gbãtar-kpɛ̃ɛ vũumí.

Yel-wula 21:27

Ɛcɛ, dɛwr za bɛ kpɩɛr a tẽw pʋɔ ɩ, nɩr za na ɩrɛ ɩ-faar na bɛ maal'ɩ wob a, ɛ́ ŋmarɛ ziri a mɩ̀ bɛ kpɩɛr a ʋ pʋɔ ɩ. Bɛlɩ dem a yée na sɛb ƴãw a Pele nyɔ-vʋʋrʋ sɛbɛ pʋɔ a, bɛl tɛwr nɛbɛ na kpɛ a ʋ pʋɔ.

Yel-wula 3:5

À ŋá n'a a sob nɛ na na zɛb tʋ̃ɔ́ a na su kpar-pɛlɛ. Ɩ̃ kʋ̃ sãw a ʋ yúor bɛr a nyɔ-vʋʋrʋ sɛbɛ pʋɔ ɩ, ɩ̃ɩ na yel'ɩ a ɩ̃ Sãà nɩ a ʋ malkɩ mɩnɛ niŋé k'ɩ̃ɩ nɩr'ʋ.