Filib 4:18 - A SƐB-SÕW

¹⁸ Mɔ̃ mɩ̀, ɩ̃ tɛr'ɩ bom za a na sɛw k'ɩ̃ɩ tɛr a, ɛ́ tɛr dɔwlɩ mɩ̀. Bom bɛ cɛ m ɛ, ɩ̃ na páw a bom ʋl nyɩ na kʋ̀ a Epafoditɩ k'ʋʋ wa kʋ̀ m a. A ɩ na mɛ̃ parfɛ̃ na nyùur vla vla a, ɛ́ ɩ bàwr na nʋmɛ a Naaŋmɩn zie ʋ sàw de a.

Filib 4:18 ပူးပေါင်းရင်းမြစ်များ

Eziptɩ tẽw yib 29:18

Fʋ na nyɩw nɩ a pʋ́ra za bɛr a bàwr-maal-kuur zu. Ʋ na ɩ n nyɩw-a-za-bàwr nyɩ maalɩ kʋ̀ m, bàwr a mãa Sore na nɔnɛ a zʋ̀ʋ́r nyũu a.

Sɔr-nɛ́ɛ 15:3

nyɩ na mɩ́ de nɩ bome kʋ̀ m. Nyɩ na mɩ́ maal'ɩ nyɩw-a-za-bàwr bɩɩ lãw-taa bàwr kʋ̀ m. Nyɩ na mɩ́ de a na kʋ̀ m nʋɔr nyɩ na kõ a íru ƴãw bɩɩ nyɩ na nɔnɛ a ƴãw bɩɩ cuwr nyɩ na maalɛ a ƴãw. A bagɛ á ŋá taabɛ ƴãw a, nyɩ na mɩ́ kaa na ír náab, pɛ́rʋ bɩɩ bʋɔ, ɛ́ a zʋ̀ʋ́r nyũu na mɩ́ pɛlɩ nɩ a ɩ̃ pʋɔ.

Nɩ-toni 10:4

A Kɔrnɛɩ tɩ jɩ́r ʋ nɩ gbẽgbẽ, ɛ́ dɛ̃bɩ̃ɛ nyɔw ʋ, ʋ sɔw: «Ɛ́ bʋnʋ, Sore e?» A malkɩ tɩ lɛb yel ʋ: «Naaŋmɩn nyɛ̃ nɩ a lɛ fʋ na sõwne a nɩbɛ a, ʋ sàw na de a fʋ puoru, ʋ bɛ yiiri fʋ bɛr ɛ.

Ʋrɔm 12:1

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

2 Korɛ̃tɩ 11:8

Lãw-yie a mɩnɛ n'a ɩ̃ kpow, ɩ̃ sàw na bɛ kaarɛ a ɩ̃ zie k'ɩ̃ɩ tone a nyɩɩm.

2 Korɛ̃tɩ 9:12

Bʋ̃ʋ n'ʋ vɛ̃, a cɩɛrʋ ton ŋa a, a kɩrɩta-nɩbɛ yel-fɛrɩ tɛwr sõwfʋ ƴãw bɛ n'a ɩ, a fɛr'a k'aa ɩ nɩ-yaga puore a Naaŋmɩn barka.

Efɛɛzɩ 5:2

Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

Filib 4:12

Ɩ̃ bãw nɩ ɩ̃ tʋɔra tɛrʋ a nã́w pʋɔ nɩ a tɛra pʋɔ. A yele za pʋɔ nɩ ziir za, ɩ̃ bãw nɩ a tɩwr nɩ a kɔ̃ tɛrʋ, a bʋ̃-dɩrɩ na ʋr a, nɩ a na bɛ nyɛrɛ a.

2 Tesalonikɩ 1:3

Yɛbr i, a fɛr'a kɛ́ tɩ mɩ́ puore a Naaŋmɩn yãanɩ kʋralɛ a nyɩ ƴãw. Ɛ́ a mɩ̀ sɛw na kɛ́ tɩ ɩrɛ a lɛ, bʋ̃ʋ n'ʋ vɛ̃, a nyɩ naaŋmɩn-sàw-deb kɛrɛ na dɔwlɛ bɛ dɩ vuo ɩ, ɛ́ a nɔ̃wfʋ nyɩ na nɔnɛ taa a kɛrɛ dɔwlɛ a nyɩ za been been zie.

Ebre 13:16

Nyɩ taa yiire a nɩbɛ maalʋ nɩ a sõw-taa bɛrɛ ɩ, a bàwr á ŋá taabɛ n'a mɩ́ nʋmɛ a Naaŋmɩn zie.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.