Filib 3:21 - A SƐB-SÕW

²¹ ʋl na na lɩɛbɩ a tɩ bãbàalʋ ƴã-gamɛ a ŋmɛ̃ taa nɩ a ʋ yúor-vɩɛlʋ-danʋ ƴã-gan, nɩ a fãw ʋ na tɛr na mɩ́ tʋ̃ɔ́ dɩ naalʋ bom za zu a.

Filib 3:21 ပူးပေါင်းရင်းမြစ်များ

A Yielu za pʋɔ yiel-vla vla 1:11

Tɩ na maal'ɩ salm-zɩɛ tokpã-gbɛ̃gbɛlɛ na ƴãw salm-pla kpãakpule a kʋ̀ b.

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Ɩzayi 26:19

Ɩ̃ nɩbɛ ɛ, a nyɩ kũuni na lɛb'a vʋʋrɛ, bɛ na lɛb a ìr àr. A bɛlɩ dem na gã a tanɛ pʋɔ a, na ìr'a ŋmɩɛr nʋ̃ɔ̀ cɛlsɩ. A Sore na ɩ na cãà ɓɩɛlʋ lo a nyɩ zu, ɛ́ a tẽsɔw ɩ a kũuni lɛb vʋʋrɛ.

A naaŋmɩn-ƴèr-manɛ Oze sɛbɛ 13:14

Ɩ̃ɩ pãa na faa bɛ a kpɩmɛ tẽw nuru pʋɔ ɔ? Ɩ̃ pãa na piw bɛ tɛr bɛ ta kpi e? Kũu u, a fʋ zɛbr bome ɩ n ŋmɩn? Kpɩmɛ tẽw i, a fʋ fãw na kʋrɛ a ɩ n ŋmɩn? Nɩbaalʋ zɔba kãw za bɛ cãà a ɩ̃ zie ɩ.

Matie 17:2

Ʋ tɩ lɩɛb'ɩ nɩ-yũo a bɛ niŋé: a ʋ niwn tɩ nyɩwrɛ na mɛ̃ mʋ̃tɔ̃w a, ɛ́ a ʋ bʋ̃-suuri pɛlɩ mɛ̃ cãà a.

Matie 22:29

A Yeezu tɩ sɔw bɛ na: «Nyɩ be n tulu pʋɔ, nyɩ na bɛ bãw a Sɛb-son nɩ a Naaŋmɩn fãw a ƴãw.

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Ʋrɔm 8:29

Bʋ̃ʋ n'ʋ vɛ̃, a bɛlɩ dem a Naaŋmɩn na tɩ dãw de niwn bãw a, ʋ mɩ̀ bãwnɩ bɛ na ƴãw bɛ ɩ a ʋ Bie ŋmɛ̃-ta-taabɛ, k'aa Bie ŋa tʋ̃ɔ́ ɩ yɛbr na yãwmɛ yaga a kpɛ̃ɛ.

Kɔlɔsɩ 3:4

A Kɩrɩta na ɩ a nyɩ nyɔ-vʋʋrʋ a, ʋlɛ wa sãá a lɛn daar a, nyɩ mɩ̀ na lãw nɩ ʋ na sãá a yúor-vɩɛlʋ-danʋ pʋɔ.

1 Zã 3:2

Ɩ̃ bá mɩnɛ ɛ, a ƴɛrɛŋa, tɩ ɩ n Naaŋmɩn bibiir, ɛcɛ a lɛ tɩ nãà ŋmɛ̃ a n'a bɛ sãá sɛr ɛ. Tɩ bãwnɩ a n'a k'aa Kɩrɩta wa sãá a lɛn daar a, tɩ na ŋmɛ̃ na taa nɩ ʋ, tɩ na na nyɛ̃ ʋ mɛ̃ a lɛ ʋ na ŋmɛ̃ a ƴãw.

Yel-wula 1:8

A Sore Naaŋmɩn yere na: «Mãa n'ɩ a Alfa nɩ a Omega, a sob nɛ na be, dãw be, ɛ́ waar a, a Kpɛnʋ-za-sob.»