Filib 3:20 - A SƐB-SÕW

²⁰ Ɛ́ a tɩɩm a, a tɩ tẽ-kpɩɛra n'ɩ a tẽ-vla, be n'a tɩ gùre k'aa Sore Yeezu Kɩrɩta yi wa mɛ̃ a faarɛ a,

Filib 3:20 ပူးပေါင်းရင်းမြစ်များ

Sɛb-sõw yielu 16:11

Fʋ na ɩ na ɩ̃ bãw a nyɔ-vʋʋrʋ sɔ́r. Nʋ̃ɔ̀ na bɛ dɩ vuo a n'a bɛ mɩ́ nyɛ̃ a fʋ niŋé, nʋ̃ɔ̀-togoko kʋralɛ, a fʋ dʋrʋ lowr.

Sɛb-sõw yielu 17:15

Ɛcɛ mãa a, sɔ́r be n be, ɩ̃ na nyɛ̃ nɩ a fʋ niwn. A ɩ̃ ìru daar a, fʋ na sãá na ɩ̃ jɩ́r fʋ tɩ sɛw.

Zʋkpaɩ 15:24

Nɩr na bãw yã a mɩ́ tuur'ɩ a sɔ́r ʋl na dúor a nyɔ-vʋʋrʋ zie a. Ʋ mɩ́ dɛ n a ʋl na siwr a kũu zie a.

Matie 19:21

A Yeezu yel ʋ: «Fʋ̃ʋ wa bɔbr kɛ́ fʋ vɩɛl fʋ za a, cen tɩ de a fʋ bʋ̃-tɛrɩ za kʋɔrɩ, de a libie kʋ̀ nan dem, ɛ́ fʋ na páw nɩ na-bome a tẽ-vla pʋɔ, al pùorí, wa, wa tuur mɛ̃.»

Luka 12:21

A Yeezu tɩ yel a ƴãw pʋɔ: «À ŋá n'a a mɩ́ ŋmɛ̃ a ʋlɩ sob nɛ zie na bɔbr a naalʋ ʋl yõ ƴãw a, ɛ́ bɛ bɔbr k'ʋʋ kpɛ naalʋ a Naaŋmɩn ƴãw a.»

Luka 14:14

Ɛcɛ nʋ̃ɔ̀ na kpɩɛr fʋ na, bɛ na kʋ̃ tʋ̃ɔ́ kʋ̀ b bom za yáa a san a. A nɩ-mɩn kũu-pʋɔ-lɛb-yibu daar a, fʋ na páw nɩ a sã-ya.»

Nɩ-toni 1:11

ɛ́ sowri bɛ: «Galile tẽw dem i, bʋnʋ ƴãw n'a nyɩ àr úore a salom à à ŋá? A Yeezu ŋa bɛ na ír a nyɩ sɔgɔ do n a salom zu a, ʋ nãà lɛb'a wa, mɛ̃ à à ŋá nyɩ na nyɛ̃ ʋ k'ʋ dúor a salom zu a.»

1 Korɛ̃tɩ 1:7

kɛ̀ Naaŋmɩn maalʋ kãw za bɛ cɛ nyɩ ɛ, nyɩɩm na gùre kɛ́ a tɩ Sore Yeezu Kɩrɩta wa sãá a.

1 Korɛ̃tɩ 15:48

A tẽsɔw bome ŋmɛ̃ na taa nɩ a ʋl bɛ na tɩ maal'ɩ tẽsɔw tanɛ a, ɛcɛ a salom zu bome mɩ̀ ŋmɛ̃ taa nɩ a ʋl na yi a salom zu a.

2 Korɛ̃tɩ 4:18

A bom nɛ tɩ na bɔbr kɛ́ tɩ páw a, ʋ bɛ ɩ bom bɛ na mɩ́ nyɛ̃ a ɩ, bom bɛ na bɛ mɩ́ nyɛ̃ a n'ʋ. Bom bɛ na mɩ́ nyɛ̃ a be n be sɛr, ɛcɛ a bom bɛ na bɛ mɩ́ nyɛ̃ a be kʋralɛ.

2 Korɛ̃tɩ 5:8

Bʋnʋ kãw za bɛ ka a tɩ zie ɩ, ɛ́ tɩ nyɛ̃ a sa kɛ́ tɩ yi ɛ́ bɛr a ƴã-gan ŋa, ɛ́ cen tɩ be a Sore zie.

Galasi 4:26

Ɛcɛ a Zerizalɛm na be a saa-zu a bɛ ɩ gbãgbaa ɩ, ɛ́ ʋlɛ n'ɩ a tɩ mã.

Efɛɛzɩ 2:19

A na ɩ à ŋá a, a nyɩɩm nɩ-bʋʋr-yoru bɛ cãà ɩ nɩ-sãanbɛ nɩ nʋʋrɩ ɛ, nyɩ ɩ n a Naaŋmɩn nɩ-bʋʋrɛ tẽ-bi-taabɛ, nyɩ pʋɔ nɩ a ʋ yir nɩbɛ pʋɔ.

Efɛɛzɩ 2:6

A Yeezu Kɩrɩta tɩ na lãw nɩ a, ʋl pʋɔ n'a a Naaŋmɩn ɩ tɩ lɛb yi a kũu pʋɔ lãw nɩ ʋ, ʋʋ ɩ tɩ lãwnɩ ʋ zɩ̃ a tẽ-vla pʋɔ.

Filib 1:10

nyɩ tʋ̃ɔ́ mɩ́ bãw bom nɛ na vɩɛl a. Lɛ n'a nyɩ na vɩɛl nyɩ za, ɛ́ bɛ tɛr sãwna a Kɩrɩta waa bibir ɛ.

Filib 1:27

Alɛ saa ŋmɛ̃ ŋmɩŋmɩn a, nyɩ ɩ a nyɩ nyɔ-vʋʋrʋ tuur a Kɩrɩta Yel-nʋ̃ɔ̀, kɛ̀ mãa wa wa a nyɩ nyɛ́b bɩɩ mãa bɛ wa ka be a, mãa wone kɛ́ nyɩ lãw nɩ taa tɛr tɩɛr-been kpɛ̃w za, kɛ́ nyɩ lãw nɩ soci-been zɛbr a naaŋmɩn-sàwfʋ na yi a Yel-nʋ̃ɔ̀ pʋɔ a zɛbr,

Kɔlɔsɩ 1:5

ɛ́ a ɩ nyɩ na tɩɛrɛ a ʋlɩ bom nɛ na gùre nyɩ a tẽ-vla pʋɔ a ƴãw n'a a. A Yel-nʋ̃ɔ̀ na ɩ yel-mɩŋa ƴɛ̀rʋ a, ʋl na lʋɔrɩ wa ta nyɩ a, ʋl pʋɔ n'a nyɩ páw a tɩɛrʋ ŋa.

1 Tesalonikɩ 1:10

Nyɩ gùre nɩ a Yeezu, a ʋ Bie, na na yi a tẽ-vla pʋɔ lɛb wa a, ʋl ʋ na ɩ k'ʋ lɛb yi a kũuni pʋɔ a, ʋl na faarɛ tɩ a Naaŋmɩn ƴɛ̀rʋ maalʋ bibir na pɩɛl'a ƴãw a.

1 Tesalonikɩ 4:16

Bʋ̃ʋ n'ʋ vɛ̃, a cɛl wa ŋmɛ a, a malkɩ-kpɛ̃ɛ kɔkɔr wa yi a, a Naaŋmɩn wɩ́ɛ wa pɛblɩ a, a Sore mɩŋa na yi n a salom zu siw. Lɛ n'a a kũuni bɛl na lãw nɩ a Kɩrɩta a na de niwn lɛb yi a kũu pʋɔ.

2 Timote 4:8

Ƴɛrɛŋa a, a mɩnʋ sã-ya gùre mɛ̃ na. A ƴɛ̀rʋ-maalʋ bibir wa vɩɛ a, a Sore na ɩ ƴɛ̀r-maalɛ na tuur yel-mɩŋa a na de ʋ na kʋ̀ m. Ɛcɛ mãa yõ kʋ̃ n'ʋ ɛ, ʋ mɩ̀ na de ʋ na kʋ̀ a bɛlɩ dem za na gùre nɩ nɔ̃wfʋ a daar ʋl ʋ nãà wa sãá a.

Títɩ̀ 2:13

gùre nɩ a bibi-vla tɩ na tɩɛrɛ a. A bibi-vla ʋl a tɩ Naaŋmɩn-kpɛ̃ɛ nɩ a tɩ Faarɛ Yeezu Kɩrɩta yúor-vɩɛlʋ-danʋ nãà wa sãá a.

Ebre 12:22

Sɩyɔ̃ tãw n'ʋ nyɩ taw pɩɛlɩ, nɩ a Naaŋmɩn na vʋʋrɛ a tẽ-kpɛ̃ɛ, a tẽ-vla pʋɔ Zerizalɛm nɩ a ʋ malkɩ tu-tu-túr.

Ebre 9:28

lɛ n'a a Kɩrɩta, mɩ̀ na de ʋ tʋɔra maal'ɩ bàwr gb'a been daadaa k'ʋʋ ír nɩ-yaga yaga yel-bebe bɛr a, nãá wa sãá a gb'a ayi sob ƴãw, ɛ́ a kʋ̃ ɩ yel-bier ír-bɛrʋ ƴãw ɛ, ɛ́ ɩ a bɛlɩ dem na gùre ʋ a faafʋ ƴãw.

Yel-wula 1:7

Nyɛ̃, ʋ be n a zũzuge pʋɔ waar, nɩsaal za na nyɛ̃ ʋ na, lãwnɩ a bɛlɩ dem na cɔ̀r ʋ col a. A tẽw zu yie dɔwlʋ za na kone nɩ a ʋ kuor. Sɩza n'a. Amɛn.