Filib 3:19 - A SƐB-SÕW

¹⁹ A bɛ kũu na ɩ n wɛb bɛ wɛ. A bɛ nyagɛ n'a ɩ a bɛ naaŋmɩn, ɛ́ a yele na sɛw k'aa mɩ́ ɩrɛ bɛ vĩ a, alɛ n'a ɩ a bɛ yúor bom, tẽw zu ka yele tɛwr ƴãw n'a bɛ ƴãw a bɛ tɩɛrʋ.

Filib 3:19 ပူးပေါင်းရင်းမြစ်များ

Sɛb-sõw yielu 17:14

A fʋ zɛbr-sɔ-kpɛ̃ɛ, ʋ baarɩ bɛ! Baa kʋ bɛ nɩ a fʋ nũu. A bɛ bom a nɩ-vʋʋrɩ pʋɔ a, ʋ ɩ bɛ na na kʋ̃ pʋɔ a nyɔ-vʋʋrʋ pʋɔ a. Ɩ kɛ̀ bɛ nyũ a kʋ̃ɔ-tuo fʋ na bin gùre nɩ bɛ a. A bɛ bibiir, bɛ nyũ a tɩ sɛw, ɛ́ bɛr a ŋmãa kʋ̀ a bɛ yan!

Sɛb-sõw yielu 52:1

Yiel-yielbɛ nɩ-kpɛ̃ɛ sɛbɛ pʋɔ yielu. Daviir yielu kãw na wule yã a.

Zeremi 44:17

Tɩ na ɩ n a lɛ za tɩ na yel a. Tɩ na nyɩw nɩ tɩ-suur-zɔ̃-na-nyùur-vla-vla-a, de nɩ divɛ̃ kʋ̀ a ŋmɩn-pɔw Asɩtarte, a salom pɔw-nãà, mɛ̃ a lɛ tɩ na ɩ wa tɔ a ka a, a tɩɩm tɛɛ za, a tɩ sãà mɩnɛ, a tɩ na-mɩnɛ nɩ a tõ-tõ-bi-bɛrɛ, a Zuda tẽ-bɛrɛ pʋɔ nɩ a Zerizalɛm sɛ́ɛ zu a. A lɛn daar a, tɩ tɩ tɛr'ɩ bʋ̃-dɩrɩ a man, ɛ́ tɩ vʋʋrɛ nʋ̃ɔ̀ pʋɔ bɛ bãw kpɩɛrʋ ɛ.

Ezekɩɛl 13:19

Nyɩ jewre mɛ̃ nɩ a ɩ̃ nɩ-bʋʋrɛ niŋé, nũ-kue ɔɔzʋ bɩɩ bʋ̃-dɩrɩ blã tɛwr ƴãw. Nyɩ ŋmarɛ nɩ ziri kʋ̀rɛ a ɩ̃ nɩ-bʋʋrɛ bɛ sàwr a nyɩ ziri. Lɛ n'a nyɩ mɩ́ ɩ a bɛl na bɛ sɛw kɛ́ bɛ kpi a, bɛ kpi, ɛ́ ƴãw a bɛl na bɛ sɛw kɛ́ bɛ vʋʋrɛ a, bɛ vʋʋrɛ!

Ezekɩɛl 34:3

Ɛcɛ a nyɩɩm a, nyɩ nyúur'ɩ a píir bʋ̀rʋ, nyɩ mɩ́ de nɩ a kɔblʋ a nyɩ bʋ̃-suuri maalʋ ƴãw, nyɩ mɩ́ kʋ n a dʋ̃-'wɔɩ 'wɔɩ. Ɛcɛ a píir a, nyɩ bɛ kaarɛ a zie ɩ.

A naaŋmɩn-ƴèr-manɛ Oze sɛbɛ 4:7

A bàwr-maalbɛ za cɔ̃cɔ̃ maal'ɩ yel-bier sãw mɛ̃. Ɩ̃ na ɩ n a bɛ yúor na yi a lɩɛbɩ vĩ.

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Mise 3:5

À ŋá n'a a Sore ƴɛ̀rɛ cáarɛ nɩ a naaŋmɩn-ƴɛ̀r-manbɛ bɛl na tule a ɩ̃ nɩ-bʋʋrɛ a: «A nʋɔr wa pɩ̃ɛ a, ƴã-ɓaarʋ ƴɛ̀rʋ n'a bɛ mɩ́ ƴɛ̀rɛ, ɛcɛ nɩr bɛ wa ƴãw bɛ bom nʋɔrɩ́ a, zɛbr mɩ́ n'a.

Malasɩ 1:12

Ɛcɛ nyɩɩm sãwnɛ ʋ na, nyɩ na mɩ́ yel kɛ́: “A Sore bàwr-maal-kuur tɛr'ɩ dɛwr, ɛ́ a ʋ bʋ̃-dɩrɩ bɛ tɛr pɛr a.”

Matie 16:23

Ɛcɛ a Yeezu tɩ lɩɛb'a yel a Pɩɛr: «Cen taw zaa a ɩ̃ zie, Sɩtaana a! Fʋ piwr mɛ̃ nɩ sɔ́r. A fʋ tɩɛrʋ bɛ ɩ Naaŋmɩn dem ɛ, nɩsaalbɛ dem'a.»

Matie 25:41

Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a.

Luka 12:19

A lɛn daar'a ɩ̃ pãa na yel ɩ̃ tʋɔra: fʋ̃ʋ ʋ, fʋ tɛr'ɩ bome yome yaga ƴãw, ɓãá ƴãw pɩ̃ɛnɛ, ɛ́ dɩrɛ, ɛ́ nyúur, ɛ́ wone nʋ̃ɔ̀.”

Luka 16:19

«Nɩr kãw tɩ be n be kpɛ naalʋ yaga. Ʋ tɩ suur'ɩ fɔbr-vɩɛlɩ vɩɛlɩ, a dàarʋ na kpɛmɛ a, ɛ́ dɩrɛ cuw bʋ̃-dɩ-kãánɩ bibi-vɩɛrɩ za.

Luka 18:4

A ƴɛ̀r-maalɛ tɩ zawr'a, a tɩ cɛlɩ. Al pùorí, ʋ wa yel ʋ tʋɔra: “Mãa saa bɛ zɔrɛ Naaŋmɩn, ɩ̃ɩ tobr bɛ ka nɩr za ƴãw a,

Ʋrɔm 16:18

bʋ̃ʋ n'ʋ vɛ̃, a nɩbɛ bɛ ŋa taabɛ bɛ kaarɛ a Kɩrɩta tɩ Sore yele zie ɩ, bɛl nyagɛ zie n'a bɛ kaarɛ. Ƴɛ̀r-vɩɛlɩ nɩ nɔ-kãá n'a bɛ mɩ́ tɛr bɛ̀lɛ nɩ a nɩbɛ bɛl na bɛ tɛr a mɩnɛ kãw a.

Ʋrɔm 6:21

A ɩ-ɩrɩ á ŋá na ɩrɛ nyɩ vĩ a dɩ̃a a, bʋnʋ tɔnɛ n'a nyɩ tɩ nyɛ̃ a pʋɔ, a lɛn daar nyɩ na tɩ tɛr a ɩ-ɩrɩ á ŋá a? Kũu n'a a waar'ɩ.

1 Korɛ̃tɩ 3:3

nyɩ na cãà ɩ nɩsaalbɛ tɛwr a ƴãw. Nyuur nɩ taw-taa na be a nyɩ cará a ƴãw, nɩsaalʋ nɩbɛ bɛ n'ɩ nyɩ ɛ? Ɛ́ nɩsaalʋ ɩb tɛwr bɛ n'a nyɩ ɩrɛ ɩ?

1 Korɛ̃tɩ 5:2

A tɩ sɛw na k'aa ɩ kpɩɛrʋ a nyɩ zie, ɛ́ bɛ diw a nɩr ŋa tɔ bɛr a nyɩ sɔgɔ, nyɩɩm nɩ̃ɛ bɛr ɛ́ zɛwr nyɩ tʋɔra.

1 Korɛ̃tɩ 5:6

A bom nɛ ƴãw nyɩ na zɛwr nyɩ tʋɔra a bɛ vɩɛl ɛ. Nyɩ bɛ bãw kɛ́ dãbɩl blãlɛ n'a mɩ́ ɩ a zɔ̃ za ìr ɛ?

2 Korɛ̃tɩ 11:12

Ɩ̃ na cãà na ɩrɛ à à ŋá ɩ̃ na ɩrɛ a, k'ɩ̃ɩ ɩ a bɛlɩ dem na pɔrɛ kɛ́ bɛ zɛ̃ tɩ na a, ta cãà tɛr pɔb bom ɛ.

2 Korɛ̃tɩ 11:15

Lɛ so, a Sɩtaana tõ-tõ-biir mɩ̀ na bɛ̀lɩ ɩ yel-mɩŋa tõ-tõ-biir a, yel-pʋrɩ n'ʋ a bɛ zie. A bɛ baarʋ na tu n a lɛ a bɛ ɩ-ɩrɩ na ŋmɛ̃ a.

Galasi 6:13

Bʋ̃ʋ n'ʋ vɛ̃, a bɛl tɛɛ za na mɩ́ ƴãw bɛ ŋma bɛ a yɛɛ a, bɛ bɛ mɩ́ tuur a Naaŋmɩn wulu ɛ. Bɛ mɩ́ bɔbr'a kɛ́ nyɩ ŋma a yɛɛ bɛ tʋ̃ɔ́ zɛwr bɛ tʋɔra, bɛ na fɛr nyɩ ƴãw nyɩ tɛr a bãwfʋ ŋa a nyɩ ƴã-ganɩ́ a.

Filib 2:21

bɛ za tɩɛrɛ nɩ a bɛl tɛwr yele, ɛ́ bɛr a Yeezu Kɩrɩta dem.

Kɔlɔsɩ 3:2

Nyɩ bɔbr a saa-zu bome, nyɩ ta bɔbr tẽw zu ka dem ɛ.

2 Tesalonikɩ 1:9

A bɛ dɔwrʋ na ɩ n wɛb bɛ wɛ kʋralɛ, zãá nɩ a Sore niwn nɩ a ʋ kpɛnʋ yúor-vɩɛlʋ-danʋ,

2 Tesalonikɩ 2:12

k'aa bɛlɩ dem za nãà bɛ wa sàw de a yel-mɩŋa ɛ́ nɔ̃w a faalʋ a, bɛ nyɛ̃ dɔwrʋ.

2 Tesalonikɩ 2:8

Lɛ n'a a Faalʋ nɩr na sãá, a Sore Yeezu pɛbl'ʋ kʋ, ɛ́ ɩ ʋ bɔr nɩ a ʋ waa cãà.

1 Timote 6:5

a nɔkpɛn-faa na bɛ tɛr baarʋ daar a yã-faar dem zie na bɛ bãw a yel-mɩŋa, ɛ́ tɩɛr kɛ́ a Naaŋmɩn ƴãwfʋ ɩ n tɔnɛ bɔb zie a.

2 Timote 3:4

Bɛ na mɩlɛ nɩ taa, ɛ́ ɩ suur tɛwr, pɔ̀lʋ tɛwr nɩbɛ, ɛ́ nɔnɛ a ƴã-gan nʋ̃ɔ̀ ɛ́ nɩ̃ɛ bɛr a Naaŋmɩn.

Zakɩ 4:16

Ɛcɛ nyɩ mɩ́ bɛr'a ɛ́ zɛwr nyɩ tʋɔra pɔrɛ nɩ pɔb tɛwr. A pɔb á ŋá taabɛ bɛ vɩɛl ɛ.

2 Pɩɛr 2:1

Naaŋmɩn-ƴɛ̀r-man-bɛlɛbɛlɛ mɩnɛ mɩ̀ tɩ be n a Ɩsɩrayɛl bʋʋrɛ pʋɔ a koro za. Lɛ n'a wul-wul-bɛlɛbɛlɛ mɩnɛ mɩ̀ na be a nyɩ pʋɔ. Bɛ na wa n nɩ wulu na bɛ tu sɔ́r ɛ́ bɔrɛ a nɩbɛ a, mɔ̃ mɩ̀, bɛ na zawr'ɩ a Wul-wul-kara na ya de bɛ a bɛr. À ŋá n'a bɛ na ɩ ƴãw bɛ tʋɔra kũu na kʋ̃ yaa kɛ́ ta a pʋɔ.

2 Pɩɛr 2:13

À ŋá n'a bɛ na páw a bɛ ɩb na bɛ tu yel-mɩŋa a sã-ya. Cãàmɩlɛ n'a bɛ nɔnɛ a pɩ̃ɔ-yele maalʋ. Bɛlɛ wa lãw nɩ nyɩ dɩrɛ a lɛn daar, ɛ́ a bɛ nʋ̃ɔ̀ ɩ a bɛ ziri a, bɛ mɩ́ ɩ n nɩ-dɛgɛ nɩ nɩ-ɩ-laarɩ.

2 Pɩɛr 2:3

Ɛ́ bɛ na nɔnɛ kɛ́ bɛ tɛr a a, bɛ na tɛr'ɩ nɔ-kãá nɛbr'ɩ nyɩ. Ɛcɛ bɛ maal'ɩ bɛ nɩ a ƴɛ̀rʋ baarɩ koro za, ɛ́ a bɛ loba ɩ yɩ̃ɛlɛ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:10

Ɛcɛ a nɩbɛ bɛ ŋa bɛl tʋʋr'ɩ bom nɛ bɛ na bɛ bãw a, ɛ́ a al bɛ na mɩ́ bãw, a bãwfʋ ɩ mɛ̃ a wɛ-dʋn bãwfʋ a, a bɛ kũu ƴãw cãà n'a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:16

A nɩbɛ bɛ ŋa mɩ́ zɛbr'ɩ kʋralɛ, ɛ́ a bɛ suur bɛ nʋmɛ bɛ a bɛ nyɔ-vʋʋrʋ ƴãw ɛ. Bɛ mɩ́ tɩɛrɛ nɩ a bɛ bʋ̃-bɔbrɩ tɛwr. Pɔ̀l-ƴɛ̀rʋ n'a bɛ mɩ́ ƴɛ̀rɛ, ɛ́ bɛlɛ wa mʋʋrɛ nɩr a, bɛl mɩŋa tɔnɛ ƴãw n'a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:4

Bʋ̃ʋ n'ʋ vɛ̃, nɩ-faar kãw wa na wa sɔwlɩ kpɛ a nyɩ pʋɔ. Bɛ mɩ́ de nɩ a tɩ Naaŋmɩn-maalʋ tu n zi-yoru, bɔbr'ɩ kɛ́ bɛ wul kɛ́ bɛ tɛr'ɩ yel-mɩŋa a bɛ pɩ̃ɔ-ɩb pʋɔ, ɛ́ bɛ sàwr dier a tɩ Sore Yeezu Kɩrɩta na ɩ a tɩ Wul-wul-kara been yõ a ɩ. Koro za n'a a Sɛb-sõw manɛ a dɔwrʋ na na lo a bɛ zu a.

Yel-wula 18:7

Mɛ̃ a lɛ ʋ na nyɛ̃ a yúor ɛ́ dɩ a dɛpaalʋ a, nyɩ ɩ k'ʋ mɩ̀ nyɛ̃ a kpɩɛrʋ nɩ a wahala. Mɛ̃ ʋ taa tɩɛr'ɩ ʋ pʋɔ à ŋá: “Ɩ̃ zɩ̃ n a ka mɛ̃ pɔw-nãà a, ɩ̃ bɛ ɩ pɔw-kʋɔr ɛ, ɛ́ kʋ̃ bãw wahala towtow ɛ.”

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

Yel-wula 22:15

Ɛcɛ, a nɩ-faar na bɛ tɛr ŋmɛ̃a a, a tɩtɩlbɛ, a pɩ̃ɔ-yel-maalbɛ, a nɩ-kʋrbɛ, a bɛl na maalɛ a tɩbɛ a, a bɛlɩ dem na nɔnɛ a ziri ŋmab ŋmarɛ a ziri a, bɛ be yẽw!

1 Samɩɛl 2:29

Ɛ́ bʋ̃ʋ n'ʋ so nyɩ bɛ ƴãwnɛ a bàwr nɩ a de-kʋ̀b bome ɩ̃ na yel kɛ́ bɛ kʋ̀rɛ mɛ̃ a ɩ̃ kpɛb zie a? Bʋ̃ʋ n'ʋ so nyɩ 'wɔbr a ɩ̃ nɩ-bʋʋrɛ Ɩsɩrayɛl de-kʋ̀b bome nɛn-vɩɛlɩ 'wɔrɛ nɩ? Bʋ̃ʋ n'ʋ so fʋ ƴãwnɛ a fʋ bidɛbr zuo a mãa tɔr za?