Filib 2:9 - A SƐB-SÕW

⁹ Al zũú n'a Naaŋmɩn zɛw ʋ yaga za, ɛ́ por ʋ yúor na yi zuo a yée za a,

Filib 2:9 ပူးပေါင်းရင်းမြစ်များ

Yele-za-pɛr-tib 3:15

Ɩ̃ na ƴãw nɩ dɔ̃ fʋ̃ʋ nɩ a pɔw cara pʋɔ, a fʋ bʋʋrɛ nɩ a ʋ bʋʋrɛ cara pʋɔ. A ʋ bʋʋrɛ na mɩ́ ƴɛ́r'ɩ a fʋ zu ŋmɛr, ɛ́ fʋ dʋ̃ a ʋ bʋʋrɛ gbɛnakɔr.»

Sɛb-sõw yielu 110:1

Daviir yielu. Sɛb-sõw yielu. A Sore Naaŋmɩn yel'ɩ a nãà ɩ̃ sore: «Wa zɩ̃ a ɩ̃ dʋrʋ lowr, ɛ́ gù ɩ̃ tɩ ɩ a fʋ dɔ̃ dem bɛ lɩɛbɩ a fʋ gbɛ́ɛ dɔwlʋ zie.»

Sɛb-sõw yielu 110:5

A Sore be n a fʋ dʋrʋ lowr. Ʋ mɩ́ taal'ɩ na-mɩnɛ kʋ a ʋ suur bibir.

Sɛb-sõw yielu 89:27

Ʋ na mɩ́ yel mɛ̃ na: “Fʋ ɩ n ɩ̃ Sãà, fʋ ɩ n ɩ̃ Naaŋmɩn, a pì-kpɛ̃w na faarɛ mɛ̃ a!”

Sɛb-sõw yielu 91:14

A Naaŋmɩn yere na: «Ʋ na tu m a, ɩ̃ na faa ʋ na. Ɩ̃ na gùre ʋ na, ʋ na bãw a ɩ̃ yúor a ƴãw.

Ɩzayi 52:13

A Sore yere na: «A ɩ̃ tõ-tõ-bie na ɩ n nɩr. Ʋ na ìr'a àr, bɛ na zɛw ʋ na, ʋʋ na nyɛ̃ nɩ ƴãwfʋ yaga za.

Ɩzayi 53:12

Alɛ n'a so ɩ̃ ƴãwnɛ ʋ a nɩbɛ na ɩ bɛrɛ zuo bɛ za a pʋɔ. Ʋlɛ nɩ a gãdaar nɛbɛ na lãw põ a zɛbr na-bome bɛ na fa a. Bʋ̃ʋ n'ʋ vɛ̃, ʋ nyɛ̃ nɩ ʋ tʋɔra sàw a kũu, ɛ́ bɛ sɔ́r ʋ ƴãw a nɩ-faar pʋɔ, ʋ tuo nɩ nɩ-yaga yaga faalʋ, ɛ́ ɩ a yel-bebe dem tãpɛlʋ sob.»

Ɩzayi 9:7

A Sore ƴɛ̀r'ɩ ƴɛ̀rʋ a Zakɔb bʋʋrɛ ƴãw, a ƴɛ̀rʋ lo n a Ɩsɩrayɛl naalʋ-tẽw zu.

Matie 11:27

A ɩ̃ Sãà de nɩ bom za kʋ̀ m. Nɩr za bɛ bãw a Bie a bɛ ɩ a Sãà n'ʋ ɛ, ɛ́ nɩr za bɛ bãw a Sãà a bɛ ɩ a Bie n'ʋ ɛ, nɩ ʋlɩ sob a Bie na bɔbr wul ʋ bãw a.

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Luka 10:22

«A ɩ̃ Sãà de nɩ bom za ƴãw a ɩ̃ nũú, ɛ́ nɩr za bɛ bãw ãa n'ɩ a Bie a bɛ ɩ a Sãà n'ʋ ɛ, mɛ̃ nɩr za na bɛ bãw ãa n'ɩ a Sãà a bɛ ɩ a Bie n'ʋ a, nɩ sob nɛ a Bie na sàw wul a.»

Zã 13:3

ɛ́ a Yeezu mɩ̀ tɩ bãw kɛ́ a ʋ Sãà de nɩ bom za ƴãw a ʋ nuru pʋɔ a, k'ʋʋ yi n a Naaŋmɩn zie wa ɛ́ lɛb cere a Naaŋmɩn zie a,

Zã 17:11

Ɩ̃ bɛ cãà a tẽ-daa zu ɛ, ɛcɛ bɛl cãà nɩ a tẽ-daa zu, ɛ́ mãa waar a fʋ zie. Ɩ̃ Sãà sõw i, a bɛlɩ dem fʋ na kʋ̀ m a, gùre bɛ a fʋ yúor ƴãw, kɛ̀ bɛ ɩ been mɛ̃ a tɩɩm a.

Zã 17:12

Ɩ̃ na tɩ be a bɛ zie a, ɩ̃ tɩ gùre bɛ nɩ a fʋ yúor ƴãw, a fʋ yúor fʋ na kʋ̀ m a. Ɩ̃ gù bɛ nɩ vla, ɛ́ a bɛ been kãw za bɛ bɔr ɛ, a bɛ ɩ a ʋlɩ sob nɛ a na tɩ fɛr k'ʋʋ bɔr, a Sɛb-sõw ƴɛ̀r-bie tʋ̃ɔ́ tu a ɩ.

Zã 17:5

Ƴɛrɛŋa a, pãa ɩ ɩ̃ nyɛ̃ yúor-vɩɛlʋ-danʋ a fʋ zie, ɩ̃ Sãà a, a yúor-vɩɛlʋ-danʋ ʋl ɩ̃ na tɩ tɛr a fʋ zie, ɛ́ fʋ bɛ ír a tẽ-daa sɛr a.

Nɩ-toni 5:31

Ʋlɛ n'ʋ a Naaŋmɩn zɛw nɩ a ʋ dʋrʋ nũu, ɩ k'ʋ ɩ nɩ-kpɛ̃ɛ nɩ faarɛ, k'ʋʋ tʋ̃ɔ́ ɩ a Ɩsɩrayɛl bibiir lɩɛbɩ a bɛ ɩb ɛ́ páw a bɛ yel-bebe suur.

Efɛɛzɩ 1:10

a tɩ faafʋ tome daar nãà wa ta a. Ʋ tɩ tɩɛrɛ na k'ʋʋ ɓã bom za na be a salom zu nɩ a tẽw zu a taa, ʋ ɓã a za taa na-kpɛ̃ɛ been pile na ɩ a Kɩrɩta a.

Kɔlɔsɩ 1:18

Ʋlɛ n'ʋ ɩ a ʋ Lãw-yir ƴã-gan zu, ʋlɛ n'ɩ a bome za pɛr-tib zie, a bi-dãw-dɔwra na de niwn lɛb yi a kũuni pʋɔ, k'ʋʋ tʋ̃ɔ́ ɩ a niw-diere a yele za pʋɔ a.

2 Tesalonikɩ 1:12

À ŋá n'a nyɩ na íre a tɩ Sore Yeezu yúor, ɛ́ mɩ̀ nyɛrɛ yúor a ʋ zie, a tu a tɩ Naaŋmɩn nɩ a tɩ Sore Yeezu Kɩrɩta maalʋ.

Ebre 1:4

A Bie wa ɩ n kpɛ̃ɛ zuo a malkɩ mɩnɛ, a Naaŋmɩn kʋ̀ ʋ yúor na zuo a bɛ dem a.

Ebre 1:9

Fʋ nɔnɛ nɩ a mɩnʋ ɛ́ hɩ̃ɛn a faalʋ, alɛ so a Naaŋmɩn, a fʋ Naaŋmɩn, cir a cɩlʋ kãá ƴãw a fʋ zũú kaa ír'ɩ fʋ a ʋ ƴãw, ɛ́ bɛr a fʋ taabɛ.»

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Ebre 2:9

Yel ŋa n'ʋ tɩ nyɛ̃: bɛ siwr'ɩ a Yeezu blãlɛ ƴãw, ʋ bɛ ta a malkɩ mɩnɛ ɩ, k'aa Naaŋmɩn maalʋ zũú, ʋ́ kpi nɩsaal za ƴãw, ɛ́ tɩ nyɛ̃ ʋ nɩ ƴɛrɛŋa ʋ tɛr yúor ɛ́ nyɛrɛ ƴãwfʋ, a kũu kpɩɛrʋ ʋ na nyɛ̃ a ƴãw.

1 Pɩɛr 3:22

ʋl na do a tẽ-vla pʋɔ tɩ be a Naaŋmɩn dʋrʋ lowr dɩrɛ naalʋ a malkɩ mɩnɛ zu, a salom zu kpɛnʋ dem nɩ a fãw dem zu a.

2 Pɩɛr 1:17

Ʋ tɩ sɩrɩ na nyɛ̃ ƴãwfʋ nɩ yúor-vɩɛlʋ-danʋ a Naaŋmɩn Sãà zie, a lɛn daar kɔkɔr na tɩ yi a Naaŋmɩn vɩɛlʋ za zie yere a: «A ɩ̃ bi-nɔna n'ɩ à ŋà, ɩ̃ pʋɔ za pɛlɩ nɩ a ʋ ƴãw.»

3 Zã 1:7

Bʋ̃ʋ n'ʋ vɛ̃, a Kɩrɩta yúor ƴãw n'a bɛ lo a sɔ́r, ɛ́ bɛ sàw de tɩbɛ dem sõwfʋ kãw za ɩ.

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»

Yel-wula 19:16

Yúor ŋa n'ʋ tɩ sɛb a ʋ kpar-kpɛ̃ɛ zu nɩ a ʋ gbɛkpɛ̃ɛ zu: «Na-mɩnɛ za Nãà nɩ sorbɛ za Sore.»

Yel-wula 3:21

Sob nɛ na na zɛb tʋ̃ɔ́ a, ɩ̃ na ɩ na ʋ lãw nɩ mɛ̃ zɩ̃ a ɩ̃ naalʋ-dà-kɔw zu, mɛ̃ a lɛ a mãa mɩ̀ na zɛb tʋ̃ɔ́ ɛ́ cen tɩ lãw nɩ a ɩ̃ Sãà zɩ̃ a ʋ naalʋ-dà-kɔw zu a.

Yel-wula 5:12

Bɛ tɩ yere na nɩ kɔkɔr-kpɛ̃w: «A Pele bɛ na ŋmaarɩ a kɔkɛɛ a, ʋ sɛwnɩ nɩ kpɛnʋ, naalʋ, yã-bãwfʋ, fãw, ƴãwfʋ, yúor-zɛwfʋ nɩ danʋ!»