Filib 2:8 - A SƐB-SÕW

⁸ Ʋ siwr'ɩ ʋ tʋɔra lɩɛbɩ nɔ-sàwrɛ tɩ kpi n, tɩ kpi n a da-gara zu kũu.

Filib 2:8 ပူးပေါင်းရင်းမြစ်များ

Sɛb-sõw yielu 22:16

A ɩ̃ kɔkɔr ko n ʋ za, a ɩ̃ zɛl mɛr'ɩ a lán. Fʋ bin mɛ̃ nɩ a yàa-bɔw nʋɔr.

Zʋkpaɩ 15:33

A Sore zɔba ɩ n yã-bãwfʋ nakoli kpɛb. A tʋɔra-siwru mɩ́ de nɩ niwn a yúor ƴãw.

Matie 17:2

Ʋ tɩ lɩɛb'ɩ nɩ-yũo a bɛ niŋé: a ʋ niwn tɩ nyɩwrɛ na mɛ̃ mʋ̃tɔ̃w a, ɛ́ a ʋ bʋ̃-suuri pɛlɩ mɛ̃ cãà a.

Matie 26:39

Ʋ tɩ taw na tɔl blã ɛ́ lo vɔblɩ muru ɛ́ puore yere nɩ: «Ɩ̃ Sãà a, alɛ na na tʋ̃ɔ́ a, fʋ̃ʋ ɩ a tuo koli-nyúura ŋa zãá nɩ mɛ̃! Ɛcɛ a ta ɩ a lɛ mãa na bɔbr a ɩ, a ɩ a lɛ fʋ̃ʋ na bɔbr a.»

Matie 26:42

Ʋ tɩ lɛb'a cen a gb'a ayi sob ƴãw tɩ puore yere nɩ: «Ɩ̃ Sãà a, alɛ wa ɩ fɛrʋ k'ɩ̃ɩ nyũ a tuo koli-nyúura ŋa a, a fʋ pʋ-tɩɛrʋ ʋ maalɩ.»

Luka 9:29

Ʋ na tɩ puore a, a ʋ niwn tɩ lɩɛb'a, bɛ cãà ŋmɛ̃ ʋ ŋmɛ̃a a ɩ, ɛ́ a ʋ kparɩ pɛlɩ nyɩwrɛ bɛ dɩ vuo ɩ.

Zã 10:18

Nɩr za bɛ n'ʋ íre a ɩ̃ nyɔ-vʋʋrʋ ɛ, mãa mɩŋa n'ʋ dier a ɩ̃ nyɔ-vʋʋrʋ tɩrɛ. Ɩ̃ tɛr'ɩ fãw na tʋ̃ɔ́ de a ɩ̃ nyɔ-vʋʋrʋ tɩr, ɛ́ tɛr fãw na tʋ̃ɔ́ lɛb páw ʋ: a nʋɔr'ɩ à ŋà a ɩ̃ Sãà na ƴãw kʋ̀ m a.»

Zã 14:31

ɛcɛ à ŋá n'a a tẽ-daa na bãw k'ɩ̃ɩ nɔnɛ nɩ a Sãà ɛ́ ɩrɛ a lɛn tɔr za a Sãà na ƴãw nʋɔr kʋ̀ m a. Nyɩ ìr tɩ cen!»

Zã 15:10

Nyɩmɛ wa sàwr a ɩ̃ nɛ-ƴãwnɩ a, nyɩ na be n a ɩ̃ nɔ̃wfʋ pʋɔ, mɛ̃ a lɛ ɩ̃ na sàw a ɩ̃ Sãà nɛ-ƴãwnɩ ɛ́ be a ʋ nɔ̃wfʋ pʋɔ a.»

Zã 4:34

A Yeezu yel bɛ: «A sob nɛ na tõ m a pʋ-tɩɛrʋ maalʋ nɩ a ʋ tome tob'a ɩ a ɩ̃ bʋ̃-dɩrɩ.

Nɩ-toni 8:33

Bɛ siwr'ʋ na, ɛ́ bɛ dɩ a ƴɛ̀rʋ nɩ mɩnʋ kʋ̀ ʋ ɛ. Ãa n'ʋ ƴɛ̀r a ʋ bʋʋrɛ ƴɛ̀rʋ? Bʋ̃ʋ n'ʋ vɛ̃, bɛ ír'ɩ a ʋ nyɔ-vʋʋrʋ a tẽw zu.”

Ʋrɔm 5:19

Mɛ̃ a lɛ nɩ-yaga yaga na lɩɛbɩ yel-bebe dem nɩ-been yõ na zawrɩ a nʋɔr a ƴãw a, lɛ mɩ̀ n'a nɩ-yaga yaga na lɩɛbɩ nɩ-mɩn nɩ-been yõ na sàw a nʋɔr a ƴãw.

2 Korɛ̃tɩ 8:9

Nyɩ bãw nɩ a lɛ a tɩ Sore Yeezu Kɩrɩta na maalɩ tɩ a, ʋl na tɩ kpɛ bom za naalʋ a, ʋ lɩɛb'ɩ nã́w sob a nyɩɩm ƴãw, k'ʋʋ ɩ nyɩ kpɛ naalʋ nɩ a ʋ nã́w.

Galasi 3:13

A Kɩrɩta ya na ír tɩ bɛr a Naaŋmɩn wulu ŋmɛ-ƴãw pʋɔ, ʋl mɩŋa na lɩɛbɩ nɩ-ŋmɛ-ƴãwna a tɩ ƴãw a. Bʋ̃ʋ n'ʋ vɛ̃, a Sɛb-sõw yel'ɩ à ŋá: «Nɩr za na yawlɩ dàa zu a ɩ n nɩ-ŋmɛ-ƴãwna.»

Wulu-ayi-sob 21:23

A ʋ ƴã-gan bɛ ganɛ a tɩɛ zu a tɩ̃ɩsɔw ɛ. A fɛr'a kɛ́ nyɩ ũù ʋ a ʋlɩ bibir nɛ tɔr za. Bʋ̃ʋ n'ʋ vɛ̃, kũu na yawlɩ tɩɛ zu à ŋá a, ʋ bʋɔlɛ nɩ Naaŋmɩn ŋmɛ-ƴãw ƴãwn a tẽw. A na ɩ à ŋá a, nyɩ gù vla taa dɛwr a tẽw a Sore nyɩ Naaŋmɩn na kʋ̀rɛ nyɩ kɛ́ nyɩ so a bɛrɛ ɩ.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Ebre 12:4

A zɛbr nyɩ na zɛbr'ɩ a yel-bier a, nyɩ cãà bɛ zɛb tɩ kpi n sɛr ɛ,

1 Pɩɛr 2:24

ʋl na tuo a tɩ yel-bebe a ʋ ƴã-gan pʋɔ a da-gara zu, kɛ́ tɩ kpi ta cãà pʋɔ yel-bier pʋɔ, ɛ́ vʋʋrɛ vʋʋrʋ na tu yel-mɩnʋ a, a ʋl natɩɛ na sanɩ nyɩ a.

1 Pɩɛr 3:18

A Kɩrɩta tɔr za wõ n tuo daƴen daadaa a yel-bebe ƴãw, ʋl na ɩ nɩ-mɩŋa a. Ʋ wõ n tuo a nɩ-faar ƴãw, k'ʋʋ tɛr nyɩ cen nɩ a Naaŋmɩn zie. Bɛ kʋ ʋ na, ʋ kpi a ƴã-gan kũu, ɛ́ a Vʋʋrʋ Sõw ɩ ʋ lɛb vʋʋrɛ.