Filib 2:30 - A SƐB-SÕW

³⁰ ʋ na tɩ cɛ blã na kpi a Kɩrɩta tome ƴãw a. Ʋ sàw nɩ a kũu, k'ʋʋ lɩɛrɩ nyɩ tõ a tome nyɩɩm mɩŋa nãá kʋ̃ʋ tʋ̃ɔ́ tõ a ɩ̃ ƴãw a.

Filib 2:30 ပူးပေါင်းရင်းမြစ်များ

Nɩ-toni 20:24

Mãa zie a, a ɩ̃ nyɔ-vʋʋrʋ bɛ ɩ bʋ̃-sɩza kãw ɛ. Bom nɛ ɩ̃ na bɔbr tuo tuo a, ʋlɛ n'ɩ k'ɩ̃ɩ tʋ̃ɔ́ tõ a ɩ̃ tõ-nʋɔr tɩ ɓɩɩlɩ, lãwnɩ a ton a Sore Yeezu na kʋ̀ m a: a Naaŋmɩn maalʋ Yel-nʋ̃ɔ̀ hieru.»

Ʋrɔm 16:4

Bɛ tɩ cɛ nɩ blã na kpi a ɩ̃ faafʋ ƴãw. Mãa yõ bɛ n'ʋ tɛr a bɛ maalʋ ŋa tɩɛrʋ ɛ, a nɩ-bʋʋr-yoru Lãw-yie za mɩ̀ tɛr'ɩ a ʋ tɩɛrʋ.

1 Korɛ̃tɩ 15:53

Bʋ̃ʋ n'ʋ vɛ̃, a fɛr'a kɛ́ a nɩr ʋl na na wɛ a, su a nɩr ʋl na bɛ wɛrɛ a. A nɩr ʋl na na kpi a, su a nɩr ʋl na bɛ kpiir a.

1 Korɛ̃tɩ 16:10

A Timote wa wa a, nyɩ ƴãw fãw tɛr ʋ vla, ʋ ta kpɩɛr a nyɩ zie nɩ dɛ̃bɩ̃ɛ ɩ, ʋ na tone a Sore tome mɛ̃ a mãa a ƴãw.

1 Korɛ̃tɩ 16:17

A Sɩtefanasɩ, nɩ a Fɔrtinatisɩ nɩ a Akayikisɩ waa ɩrɛ mɛ̃ nɩ nʋ̃ɔ̀ yaga. Bɛ lɩɛrɩ nyɩ nɩ a ɩ̃ zie ka.

2 Korɛ̃tɩ 12:15

Ɛ́ mãa a, mãa saa na sãw a ɩ̃ bʋ̃-tɛrɩ za bɛr a nyɩ ƴãw, ɛ́ de ɩ̃ tʋɔra za tɩr a nyɩ ƴãw a, nʋ̃ɔ̀ na kpɩɛr mɛ̃ na. Mãa wa nɔnɛ nyɩ sɛw à ŋá a, nyɩ na sàw na bɛ nɔ̃w mɛ̃ man a lɛ bɩɩ?

2 Korɛ̃tɩ 4:12

A na ŋmɛ̃ à ŋá a, a kũu tone nɩ a tɩ zie, ɛ́ a nyɔ-vʋʋrʋ tone a nyɩ zie.

Filib 2:17

Ɛ́ alɛ mɩ̀ saa na fɛr a ɩ̃ zɩ̃ɩ cir mɛ̃ de-kʋ̀b-bom, ƴãw pʋɔ a bàwr a nyɩ naaŋmɩn-sàw-deb na maalɛ kʋ̀rɛ a Naaŋmɩn a ƴãw a, ɩ̃ cɩlɛ na, ɛ́ cɩlɛ lãwnɩ a nyɩ za.

Filib 2:27

Sɩza n'a, ʋ tɩ ɩ n bàal cɛ blã na kpi. Ɛcɛ Naaŋmɩn zɔ n a ʋ nɩbaalʋ, ɛ́ a bɛ ɩ ʋl yõ n'ʋ ɛ, ʋ mɩ̀ zɔ n a ɩ̃ nɩbaalʋ, k'ɩ̃ɩ ta páw pʋ-sãwna dɔwlɩ pʋ-sãwna zu ɛ.

Filib 4:10

A ɩ m'ɩ nʋ̃ɔ̀ yaga za ɩ̃ na lãw nɩ a Sore a. Bʋ̃ʋ n'ʋ vɛ̃, nyɩ ɩ n a tɩɛrʋ nyɩ na tɛr a ɩ̃ ƴãw a ʋ pãa lɛb sãá. Sɩza, nyɩ tɛr'ɩ a ɩ̃ tɩɛrʋ, ɛcɛ vuo n'ʋ nyɩ bɛ tɩ nyɛ̃ na ɩ ʋ sãá ɩ.

Filib 4:18

Mɔ̃ mɩ̀, ɩ̃ tɛr'ɩ bom za a na sɛw k'ɩ̃ɩ tɛr a, ɛ́ tɛr dɔwlɩ mɩ̀. Bom bɛ cɛ m ɛ, ɩ̃ na páw a bom ʋl nyɩ na kʋ̀ a Epafoditɩ k'ʋʋ wa kʋ̀ m a. A ɩ na mɛ̃ parfɛ̃ na nyùur vla vla a, ɛ́ ɩ bàwr na nʋmɛ a Naaŋmɩn zie ʋ sàw de a.

Filemɔ̃ 1:13

Ɩ̃ nãá tɩ tɛr ʋ nɩ a ɩ̃ zie ka, ʋ lɩɛrɩ fʋ sõwne mɛ̃ a gaso pʋɔ ka ɩ̃ na be a Yel-nʋ̃ɔ̀ ƴãw a.

Yel-wula 12:11

A tɩ yɛbr zɛb'a tʋ̃ɔ́ ʋ a Pele zɩ̃ɩ ƴãw, nɩ a ƴɛ̀rʋ dãsɩɛ bɛ na dɩ a ƴãw. Bɛ bɛ tɩ nɔ̃w a bɛ nyɔ-vʋʋrʋ tɩ zɔ n a kũu dɛ̃bɩ̃ɛ ɩ.