Filib 2:29 - A SƐB-SÕW

²⁹ A na ɩ à ŋá a, nyɩ tuori nyɔw ʋ nɩ nʋ̃ɔ̀ a Sore ƴãw, ɛ́ nɔnɛ a nɩbɛ bɛ ŋa taabɛ,

Filib 2:29 ပူးပေါင်းရင်းမြစ်များ

Ɩzayi 52:7

A yel-nʋ̃ɔ̀ yere bɛ na nyɛ̃ ʋ be a tan zu waar a, nyɛ̃ nʋ̃ɔ̀ na ɩrɛ a! Ʋ yere nɩ a ƴã-ɓaarʋ, a nʋ̃ɔ̀ nɩ a faafʋ. Ʋ yere na kʋ̀rɛ a Zerizalɛm: «A fʋ Naaŋmɩn ɩ n nãà».

Luka 9:5

Zie nɛ za a nɩbɛ nãà bɛ wa de nyɩ a, nyɩ yi a bɛ tẽw pʋɔ ɛ́ tɛb tɛb a nyɩ gbɛ́ɛ uuru bɛr, wul bɛ kɛ́ bɛ sãw na.»

Zã 13:20

Yel-mɩŋa sɩza sɩza n'a ɩ̃ yere kʋ̀rɛ nyɩ, nɩr na sàwr dier a sob nɛ ɩ̃ na tõ a, mãa tɔr za n'ʋ ʋ sàwr dier, ɛ́ nɩr na dier mɛ̃ a, ʋ mɩ̀ sàw na dier a sob nɛ na tõ m a.»

Nɩ-toni 2:46

Bibi-vɩɛrɩ za, bɛ mɩ́ tɩ lãw nɩ soci-been cere nɩ a Ŋmɩn-yir-kpɛ̃ɛ pʋɔ bɛ tɛr nawfʋ ɛ, bɛ mɩ́ tɩ lãw na ŋmarɛ a dipɛ̃ pone a yie pʋɔ, ɛ́ lãw dɩrɛ a bɛ bʋ̃-dɩrɩ nɩ nʋ̃ɔ̀ nɩ pʋ-pɩɛlʋ.

Nɩ-toni 28:10

Bɛ tɩ wul'ɩ ƴãwfʋ bɛ tɛr vuo ɩ, a tɩ zie. Ɛ́ tɩ na wa yi lɛb kpɩɛr a gbor a, bɛ kʋ̀ tɩ nɩ bom za a tɩ sɔ́r ƴãw.

Nɩ-toni 8:8

Nʋ̃ɔ̀-kpɛ̃ɛ tɩ paal'ɩ a tẽw nɛ.

Ʋrɔm 10:15

Ɛ́ ŋmɩŋmɩn n'a bɛ na ɩ hiere a ʋ yele, bɛlɛ bɛ wa tõ nɩbɛ a al ƴãw a? Mɛ̃ a lɛ a Sɛb-sõw na yel a: «Nyɛ̃ a yel-vɩɛlɩ yerbɛ waa na vɩɛl a!»

Ʋrɔm 16:2

Nyɩ sàw de ʋ vla a Sore yúor ƴãw, mɛ̃ a lɛ a na sɛw taa nɩ kɩrɩta-nɩbɛ zie a, ɛ́ nyɩ sõw ʋ yel za ƴãw, ʋ nãà wa tɛr a nyɩ yel-ɩra a. Bʋ̃ʋ n'ʋ vɛ̃, ʋ sõw nɩ nɩ-yaga nɩ a mãa mɩŋa.

1 Korɛ̃tɩ 16:10

A Timote wa wa a, nyɩ ƴãw fãw tɛr ʋ vla, ʋ ta kpɩɛr a nyɩ zie nɩ dɛ̃bɩ̃ɛ ɩ, ʋ na tone a Sore tome mɛ̃ a mãa a ƴãw.

1 Korɛ̃tɩ 16:18

Bʋ̃ʋ n'ʋ vɛ̃, bɛ ɩ na mãa nɩ a nyɩɩm za bɛr tɩɛrʋ. Lɛ so, nyɩ mɩ́ nɔnɛ a nɩbɛ bɛ ŋa taabɛ yele.

2 Korɛ̃tɩ 10:18

A sob nɛ na nyɛ̃ ʋ tʋɔra ʋ ɩ nɩ-vla a, a ʋ yele bɛ n'a bɛ mɩ́ de ɩ, sob nɛ a Sore na yel k'ʋʋ ɩ n nɩ-vla a n'ʋ.

2 Korɛ̃tɩ 7:2

Nyɩ tɛr a tɩ tɩɛrʋ a nyɩ socie pʋɔ. Tɩ bɛ sãw nɩr kãw za ɩ, bɛ dɩ nɩr kãw za lɔb ɛ, bɛ nɛb nɩr za ɩ.

Filib 2:28

Alɛ n'a so ɩ̃ páw lɛb bɛrɛ ʋ kʋ̀rɛ nyɩ, kɛ́ nyɩ tʋ̃ɔ́ nyɛ̃ ʋ cɩlɛ a ʋ ƴãw, ɛ́ a ɩ̃ pʋ-sãwna siwri blã.

Kɔlɔsɩ 4:10

Arɩsɩtakɩ, mãa nɩ ʋl na be a gaso pʋɔ a, puore nyɩ na lãwnɩ a Banabasɩ yɛb Markɩ. Bɛ yel'a kʋ̀ nyɩ a lɛ nyɩ na na ɩrɛ a Markɩ ƴãw a: ʋlɛ wa wa a nyɩ zie a, nyɩ de ʋ vla.

1 Tesalonikɩ 5:12

Yɛbr i, tɩ zɛlɛ nyɩ na, nyɩ ƴãwnɛ a bɛlɩ dem na hanɛ a nyɩ sɔgɔ, ɛ́ a Sore mɩ́ ƴãw bɛ kaarɛ a nyɩ zie ɛ́ kpãanɛ nyɩ a.

1 Timote 5:17

A nɩ-kore na tone a nɩ-kpɛ̃ɛnʋ tome vla a sɛwnɩ nɩ ƴãwfʋ gb'a ayi, baa zuo a za a bɛl na hanɛ a Naaŋmɩn ƴɛ̀rʋ ƴãw nɩ a wulu ƴãw a.

Ebre 13:17

Nyɩ sàwr a nyɩ niw-dierbɛ nʋɔr ɛ́ siwre nyɩ tʋɔra a bɛ zie. Bʋ̃ʋ n'ʋ vɛ̃, bɛ kaarɛ nɩ a nyɩ zie kʋralɛ, mɛ̃ Naaŋmɩn nãà wa sowri bɛ na a. Nyɩ ɩrɛ bɛ tʋ̃ɔ́ tone a bɛ tome nɩ nʋ̃ɔ̀, ɛ́ ta tone zɛbr'ɩ ɛ, a kʋ̃ wa n tɔnɛ za a nyɩ zie ɩ.

3 Zã 1:10

Lɛ so mãa wa tɩ wa a lɛn daar a, ɩ̃ na wo n a ʋ ɩ-faar za, ʋl na mɩ́ bul ƴɛ̀r-faar tɛwr ƴɛ̀rɛ cáarɛ nɩ tɩ a. Ɛcɛ a za cãà bɛ n'a ɩ, a ʋl tɔr za bɛ mɩ́ sàw de a yɛbr a sãanʋ ɛ, ɛ́ a bɛlɩ dem na mɩ́ bɔbr kɛ́ bɛ nãá de bɛ a sãanʋ a, ʋ bɛ mɩ́ sàwr ɛ, ɛ́ diwr bɛ bɛrɛ a Lãw-yir pʋɔ.