Filib 2:13 - A SƐB-SÕW

¹³ Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

Filib 2:13 ပူးပေါင်းရင်းမြစ်များ

1 Na-mɩnɛ 8:58

k'ʋʋ ɩ a tɩ tɩɛrʋ a lɩɛbɩ tu ʋ, kɛ̀ tɩ ɩrɛ mɛ̃ a lɛ ʋ na bɔbr a, sàwr a nɛ-ƴãwnɩ, a wulu nɩ a tub ʋ na kʋ̀ a tɩ sãàkʋm-kore a.

2 Bibie za yel-manɩ 30:12

A Zuda naalʋ-tẽw pʋɔ a, a Sore tɩ ɩ na a nɩbɛ lãw taa sàw tu a lɛ a nãà nɩ a ʋ tõ-tõ-bi-bɛrɛ na tɩ yel a.

Ɛsɩdɩrasɩ 1:1

A Pɛrsɩ tẽw nãà, Siirisɩ, naalʋ-dɩb yũon-dãw-niwn sob, a Sore tɩ yel'a k'ʋʋ na ɩ na a ƴɛ̀rʋ ʋ na tɩ ƴãw a ʋ ƴɛ̀r-manɛ Zeremi ƴɛ̀r a, a tu a tub. Ʋ tɩ ƴãw nɩ a tɩɛrʋ ŋa a Siirisɩ, k'ʋʋ ƴãw bɛ hieri yel, ɛ́ sɛb sɛbɛ yel a ʋ naalʋ-tẽw za pʋɔ à ŋá:

Ɛsɩdɩrasɩ 1:5

Lɛ n'a a Zuda nɩ a Bɛ̃zamɛ yie nɩ-bɛrɛ, a bàwr-maalbɛ nɩ a levitɩ mɩnɛ mɩnɛ nɩ a bɛlɩ dem za a Sore Naaŋmɩn na tɩ ƴãw a tɩɛrʋ kɛ́ bɛ cen tɩ lɛb mɛ a ʋ yir a Zerizalɛm a, bɛ tɩ cɔbrɩ a cenu.

Ɛsɩdɩrasɩ 7:27

Lɛ n'a a Ɛsɩdɩrasɩ tɩ yel: «A Sore, a tɩ sãàkʋm-kore Naaŋmɩn, ʋ tɛr'ɩ puoru. Ʋlɛ n'ʋ kʋ̀ a Zerizalɛm Ŋmɩn-yir-kpɛ̃ɛ ƴãwfʋ tɩɛrʋ a nãà.

Neemi 2:4

A nãà tɩ sowri mɛ̃ na: «Bʋ̃ʋ n'ʋ fʋ bɔbr a ɩ̃ zie?» Daadaalɛ, ɩ̃ tɩ puor'ɩ a Naaŋmɩn na be a salom zu a,

A Zɔb sɛbɛ 33:29

Nyɛ̃, à á ŋá za n'a a Naaŋmɩn ɩrɛ a nɩsaal ƴãw, mɩ́ ɩ gb'a ayi, gb'a ata,

Sɛb-sõw yielu 110:3

A bibir ʋl fʋ na mɩ́ bʋɔlɛ a fʋ zɛbr-nɩbɛ ɓanɛ taa a, a fʋ nɩbɛ mɩ́ waar'a, tʋlɛ bɛ za. A pɔlbili mɩ́ waar'ɩ a fʋ zie a tan-son zu, ɩ mɛ̃ a ɓɩɛlʋ a biɓaara a.

Sɛb-sõw yielu 119:36

Ɩ a ɩ̃ socir nɔ̃w a lɛ fʋ na mɩ́ yel a, ʋ ta nɔ̃w a tɔnɛ ɩ.

Sɛb-sõw yielu 141:4

Piw mɛ̃ tɛr, ɩ̃ ta lãw nɩ a yel-fa-maalbɛ ƴɛ̀rɛ ƴɛ̀r-faar bɩɩ maalɛ faa ɩ. Ɩ̃ bɛ bɔbr k'ɩ̃ɩ pʋɔ a bɛ nɔrʋ pʋɔ ɩ.

Zʋkpaɩ 21:1

A nãà socir ɩ na mɛ̃ kʋ̃ɔ na zɔrɛ a Sore nuru pʋɔ a. A Sore mɩ́ ɩ na ʋ cere be ʋ na bɔbr'a.

Ɩzayi 26:12

Sore e, fʋ kʋ̀rɛ tɩ nɩ a ƴã-ɓaarʋ, fʋ̃ʋ n'ʋ mɩ́ maalɩ a alɩ bome nɛ za tɩ na ɩrɛ a kʋ̀ tɩ.

Zeremi 31:33

A Sore cãà na yere: Nyɛ̃ a wõ-taa ʋl ɩ̃ na na maal'ɩ a Ɩsɩrayɛl nɩbɛ a lɛn daar a: Ɩ̃ na ƴãw nɩ a ɩ̃ wulu a bɛ pʋ̃ɔmɩ za, ɩ̃ na sɛb a na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Zeremi 32:38

Bɛ na lɛb'a ɩ a ɩ̃ nɩbɛ, ɩ̃ɩ ɩ a bɛ Naaŋmɩn.

Luka 12:32

«Nyɩ ta zɔrɛ dɛ̃bɩ̃ɛ ɩ, nyɩɩm na ɩ mɛ̃ zaw-pʋrɩ dʋn a. A pɛlɩ nɩ a nyɩ Sãà pʋɔ ʋ kʋ̀ nyɩ a tẽ-vla Naalʋ.

Luka 2:14

“Naaŋmɩn so danʋ a saa-zu za, ɛ́ a ʋ nɩ-nɔnɩ so ƴã-ɓaarʋ a tẽw zu ka”.»

Zã 3:27

A Zã tɩ sɔw bɛ na: «Nɩr kʋ̃ tʋ̃ɔ́ yel k'ʋʋ so nɩ bom Naaŋmɩn bɛ wa n'ʋ kʋ̀ ʋ a ɩ.

Zã 6:45

Bɛ sɛb'ɩ a naaŋmɩn-ƴɛ̀r-manbɛ sɛbɛ pʋɔ kɛ́: “A Naaŋmɩn mɩŋa n'ʋ na ɩ a bɛ za wule.” Nɩr za na bɛrɛ wone a Sãà ƴɛ̀rʋ ɛ́ dier a ʋ wulu a, ʋ waar'ɩ a ɩ̃ zie.

Zã 6:65

Ʋ tɩ yel'a ƴãw pʋɔ: «Alɛ n'a so, ɩ̃ tɩ yel kʋ̀ nyɩ kɛ́ nɩr za kʋ̃ tʋ̃ɔ́ wa a ɩ̃ zie, a Naaŋmɩn Sãà bɛ wa kʋ̀ ʋ a lɛ a ɩ.»

Nɩ-toni 11:21

A Sore tɩ tɩɛ bɛ na tɛr kpɛ̃w za a bɛ Yel-nʋ̃ɔ̀ hieru tome pʋɔ, lɛ so nɩ-yaga tɩ lɩɛbɩ a bɛ ɩb ɛ́ sàw de a Sore.

Ʋrɔm 12:3

A maalʋ a Naaŋmɩn na kʋ̀ m a zũú, ɩ̃ yere na kʋ̀rɛ nyɩ za: nyɩ ta mɩ́ tɩɛrɛ kɛ́ nyɩ zuo nɩ za ɩ, nyɩ nɩ̃ɛ mɩ́ vɛ̃ kɛ́ tɛr tʋɔra-siwru tɩɛrʋ, mɛ̃ a lɛ a Naaŋmɩn na põ a sàw-deb kʋ̀ ŋa za a.

Ʋrɔm 9:11

Ɛcɛ Naaŋmɩn mɩ́ kaa na ír a nɩbɛ tu n a lɛ ʋ na cɔbrɩ a yele bin a: a ʋ kaa-íru mɩ́ tu n a bʋɔlʋ ʋ na bʋɔlɛ bɛ a, ʋ bɛ mɩ́ tu a bɛ ɩ-ɩrɩ ɛ. A Naaŋmɩn na bɔbr k'ʋʋ wul k'aa lɛ ʋ na cɔbrɩ a yele bin a, a gã nɩ kʋralɛ a, ʋ tɩ yel'ɩ a Erebeka, a lɛn daar a ʋ yɩbr na bɛ tɩ dɔw sɛr, ɛ́ mɩ̀ bɛ tɩ maalɩ vla bɩɩ faa sɛr a: «A kpɛ̃ɛ na ɩ n a bile tõ-tone.»

Ʋrɔm 9:16

A na ɩ à ŋá a, a bɛ yi nɩsaal na bɔbr a zie, nɩ fãw ʋ na ƴãw a zie ɩ, Naaŋmɩn na zɔrɛ nɩbaalʋ a zie n'a a yi.

1 Korɛ̃tɩ 12:6

A yele na maalɛ a ɩ n tɛɛtɛɛ, ɛcɛ Naaŋmɩn-been n'ʋ maalɛ a za a nɩbɛ za zie.

1 Korɛ̃tɩ 15:10

Naaŋmɩn maalʋ n'a so ɩ̃ ŋmɛ̃ à à ŋá ɩ̃ na ŋmɛ̃ a, ɛ́ a ʋ maalʋ a ɩ̃ zie bɛ ɩ zawla ɩ. Ɩ̃ nɩ̃ɛ na tõ zuo bɛ za: mãa bɛ n'ʋ ɛ, a Naaŋmɩn maalʋ na be a ɩ̃ zie a n'ʋ.

2 Korɛ̃tɩ 3:5

A bɛ kaar mɛ̃ tɩ na tʋ̃ɔ́ na tõ a ton ŋa tɔ nɩ a tɩɩm mɩŋa fãw, a ɩ mɛ̃ tɩɩm zie n'a a yi ɛ. Tɩmɛ wa tɛr fãw a, a tɩ fãw yi n Naaŋmɩn zie.

Efɛɛzɩ 1:11

Tɩ na lãw nɩ a Kɩrɩta a, tɩ páw nɩ a bom ʋl a Naaŋmɩn na ƴãw nʋɔr k'ʋʋ na kʋ̀ tɩ na a: bʋ̃ʋ n'ʋ vɛ̃, ʋ tɩ de nɩ niwn kaa ír tɩ a tu a lɛ ʋ na cɔbrɩ a yele bin a. Ɛ́ a Naaŋmɩn mɩ́ maal'ɩ a yele za mɛ̃ a lɛ ʋ na yel ɛ́ bɔbr a.

Efɛɛzɩ 1:5

Ʋ tɩ de nɩ niwn bãwnɩ tɩ, k'ʋʋ wa de tɩ tɩ ɩ a ʋ bibiir a Yeezu Kɩrɩta ƴãw. À ŋá n'a ʋ tɩ nɔnɛ ɛ́ bɔbr.

Efɛɛzɩ 1:9

ʋ ɩ na tɩ bãw a ʋ yel-sɔwla za ʋ na tɩ dãw nɔnɛ cɔbrɩ, k'aa Kɩrɩta wa tu

Efɛɛzɩ 2:8

Sɩza, a Naaŋmɩn maalʋ ƴãw n'a nyɩ nyɛ̃ a faafʋ, nyɩ na sàw de ʋ a zũú. A faafʋ ŋa bɛ yi nyɩ zie ɩ, Naaŋmɩn maalʋ n'ʋ ʋ kʋ̀ nyɩ zawlalɛ.

2 Tesalonikɩ 1:11

Alɛ so tɩ puore kʋ̀rɛ nyɩ kʋralɛ, k'aa tɩ Naaŋmɩn ɩ nyɩ sɛw taa nɩ a nyɔ-vʋʋrʋ ʋl ƴãw ʋ na bʋɔlɩ nyɩ a, k'ʋʋ sõwne nyɩ nɩ a ʋ fãw, nyɩ mɩ́ maalɩ a vla za nyɩ na bɔbr a, ʋʋ ɩ a nyɩ sàw-deb tone vla vla za.

2 Timote 1:9

A Naaŋmɩn faa tɩ na, ɛ́ bʋɔlɩ tɩ nɩ bʋɔl-sõw. Ɛcɛ a bɛ kaar mɛ̃ a tɩ ɩ-vɩɛlɩ n'a so ɩ, a ʋ pʋ-tɩɛrʋ nɩ a ʋ maalʋ na tu a lɛ a n'a so. A maalʋ ŋa a, a Kɩrɩta Yeezu n'ʋ ʋ kʋ̀ n tɩ, ɛ́ a dɩta-pɛ-yome za wa bãw be.

Ebre 13:21

A Naaŋmɩn ŋa a, ʋ ɩ kɛ̀ nyɩ mɩ́ tʋ̃ɔ́ yel-vla za maalɩ, tʋ̃ɔ́ maalɛ a ʋ pʋ-tɩɛrʋ. Ʋ mɩ́ maalɩ a lɛ na pɛlɩ a ʋ pʋɔ a, a tɩ zie, a Yeezu Kɩrɩta ƴãw, ʋl na so danʋ a yome yome za a. Amɛn.

1 Pɩɛr 1:3

A Naaŋmɩn tɩ Sore Yeezu Kɩrɩta Sãà tɛr'ɩ puoru. A ʋ su-ɓaarʋ na ɩ kpɛ̃ɛ a ƴãw n'a ʋ ɩ tɩ lɛb dɔw, ɛ́ ƴãw a tɩ tɩɛrʋ a nyɔ-vʋʋrʋ tɩ na páw a ƴãw, a Yeezu Kɩrɩta kũu-pʋɔ-lɛb-yibu zũú.