Filib 2:12 - A SƐB-SÕW

¹² A na ɩ à ŋá a, ɩ̃ nɩ-nɔnɩ i, nyɩɩm na sàwr a ɩ̃ nʋɔr kʋralɛ a, nyɩ cãà ɩrɛ a lɛ ɩ̃ na mɩ́ wa be a nyɩ sɔgɔ a, ɛ́ mɩ̀ ɩrɛ gãw lɛ a ƴɛrɛŋa ɩ̃ na bɛ ka be a. Nyɩ tɛr zɔba nɩ mawfʋ tone nɩ a nyɩ faafʋ tome.

Filib 2:12 ပူးပေါင်းရင်းမြစ်များ

Ɛsɩdɩrasɩ 10:3

Tɩ na yel'ɩ a Naaŋmɩn niŋé kɛ́ tɩ na lɛb'a bɛr a nɩ-bʋʋr-yoru pɔwbɛ bɛ ŋa za, bɛlɛ nɩ a bɛ bibiir. À ŋá n'a tɩ na tu a lɛ fʋ̃ʋ nɩ a bɛlɩ dem za na tuur a tɩ Naaŋmɩn nɛ-ƴãwnɩ vla vla a, na yel kʋ̀ tɩ a. Tɩ tu a lɛ a wulu na yel a!

Sɛb-sõw yielu 119:120

Fʋ ɩrɛ mɛ̃ nɩ dɛ̃bɩ̃ɛ, ƴãw a ɩ̃ ƴã-gan za ʋ màwr, a lɛ fʋ na dɩ a ƴɛ̀rʋ yel a mɩ̀ ɩrɛ mɛ̃ nɩ dɛ̃bɩ̃ɛ.

Sɛb-sõw yielu 2:11

Nyɩ sàwr a Sore nʋɔr ɛ́ ƴãwnɛ ʋ, nyɩ cɩlɛ síwre nɩ nyɩ tʋɔra.

Zʋkpaɩ 10:16

A nɩ-mɩŋa sã-ya mɩ́ ɩ na ʋ vʋʋrɛ, ɛ́ a nɩ-faa naalʋ ƴãwnɛ ʋ yel-bier pʋɔ.

Zʋkpaɩ 13:4

Zawlalɛ n'a a ƴã-tuo sob mɩ́ nyɛ̃ a bom bɔbr, ɛcɛ a bɛlɩ dem na mɩ́ mʋ̃ɔ mimir a tome ƴãw a mɩ́ páw nɩ a alɩ bome nɛ za bɛ na bɔbr a.

Ɩzayi 66:2

A bome á ŋá za a, ɩ̃ nuru n'a maalɩ a, mãa so a, a mãa Sore, mãa n'ʋ yere. Ɛcɛ a ʋlɩ sob ɩ̃ na mɩ́ jɩ́rɛ a, ʋlɛ n'ɩ a bãbàal, a pʋ-sãwna sob, a sob nɛ ɩ̃ na mɩ́ ƴɛ̀r ʋ màwr a.

Ɩzayi 66:5

Nyɩ bɛrɛ wone a Sore ƴɛ̀rʋ, nyɩɩm ʋ na mɩ́ ƴɛ̀r nyɩ màwr a: A nyɩ yɛbr bɛ mɩnɛ hɩ̃ɛn nyɩ na, ɛ́ íre nyɩ bɛrɛ a bɛ pʋɔ a mãa ƴãw. Bɛ mɩ́ ɩrɛ nyɩ na laar yere nɩ: «A Sore, ʋ wul a ʋ yúor-vɩɛlʋ-danʋ tɩ tʋ̃ɔ́ nyɛ̃ a nyɩ cɩlʋ!» Ɛcɛ bɛlɛ nɛbɛ na nyɛ̃ vĩ.

Matie 11:12

A Zã-Bati daar za wa tɔ dɩ̃a a, gãdaalʋ n'a bɛ ɩrɛ nɩ a tẽ-vla Naalʋ, ɛ́ gãdaar nɛbɛ mɩ́ faa ʋ.

Matie 11:29

Nyɩ sàw de a ɩ̃ nɩ-kpɛ̃ɛnʋ a nyɩ zu, ɛ́ bɛr ɩ̃ wule nyɩ, ɩ̃ ɩ n soci-baalʋ sob nɩ su-siwra sob, ɛ́ nyɩ na nyɛ̃ nɩ a pɩ̃ɛnʋ.

Nɩ-toni 16:29

A gaso-gùre tɩ ƴãw na bɛ kʋ̀ ʋ vũu, ʋ caalɩ zɔ tɩ kpɛ n a gaso pʋ̃ɔmɩ, tɩ lo gbĩ dume a Pol nɩ a Sɩlasɩ pile ɛ́ màwr ʋ za.

Nɩ-toni 9:6

Ɛcɛ ìr kpɛ a tẽw pʋɔ, bɛ na tɩ yel'a kʋ̀ b a ʋlɩ bom nɛ a na fɛr kɛ́ fʋ ɩ a.»

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

1 Korɛ̃tɩ 15:58

A na ɩ lɛ a, ɩ̃ yɛb-nɔnɩ i, nyɩ ƴãw fãw kpɛmɛ, ɛ́ taa bãwnɛ damnʋ ɛ. Nyɩ kɛrɛ kʋralɛ a Sore tome pʋɔ, ɛ́ bãwnɩ a kɛ́ nyɩ bɛ hanɛ lãwnɛ nɩ a Sore zawla ɩ.

1 Korɛ̃tɩ 2:3

Alɛ so ɩ̃ wa a nyɩ zie ɩ bãbàal, ɛ́ dɛ̃bɩ̃ɛ ɩ ɩ̃ màwr ɩ̃ za.

1 Korɛ̃tɩ 4:14

Ɩ̃ bɛ sɛbr nyɩ à ŋá k'ɩ̃ɩ ƴãw nyɩ vĩ ɛ, ɩ̃ bɔbr'a k'ɩ̃ɩ kpaalɩ nyɩ mɛ̃ ɩ̃ bi-nɔnɩ a.

2 Korɛ̃tɩ 7:15

A nɔ̃wfʋ ʋ na nɔ̃w nyɩ a mɩ́ lɛb'a ɩ kpɛ̃ɛ dɔwlɩ, ʋ na mɩ́ lɛb tɩɛrɩ a lɛ nyɩ za na sàw a ʋ nʋɔr nɩ a lɛ nyɩ na tuori nyɔw ʋ nɩ ƴãwfʋ lãwnɩ zɔba a.

Efɛɛzɩ 6:5

Gbãgbaar i, nyɩ sàwr a nyɩ tẽw zu ka nɩbɛ na so nyɩ a nʋɔr, nɩ ƴãwfʋ nɩ zɔba, nɩ nyɩ pʋɔ za mɛ̃ a Kɩrɩta nʋɔr'ʋ nyɩ sàwr a.

Filib 1:27

Alɛ saa ŋmɛ̃ ŋmɩŋmɩn a, nyɩ ɩ a nyɩ nyɔ-vʋʋrʋ tuur a Kɩrɩta Yel-nʋ̃ɔ̀, kɛ̀ mãa wa wa a nyɩ nyɛ́b bɩɩ mãa bɛ wa ka be a, mãa wone kɛ́ nyɩ lãw nɩ taa tɛr tɩɛr-been kpɛ̃w za, kɛ́ nyɩ lãw nɩ soci-been zɛbr a naaŋmɩn-sàwfʋ na yi a Yel-nʋ̃ɔ̀ pʋɔ a zɛbr,

Filib 1:29

Bʋ̃ʋ n'ʋ vɛ̃, ʋ kʋ̀ nyɩ nɩ a maalʋ ŋa kɛ́ nyɩ tone a Kɩrɩta tome na bɛ ɩ a ʋ sàw-deb tɛwr a, ɛ́ mɩ̀ cãà ɩ a tuo nyɩ na wone a ʋ ƴãw,

Filib 1:5

nyɩ na lãw nɩ mɛ̃ a Yel-nʋ̃ɔ̀ hieru ƴãw a zũú, a pɛr-tib daar za wa tɩ tɔ a dɩ̃a a.

Filib 1:6

Ɩ̃ bɛ bʋ́nɛ nɩ a yel ŋa ɩ: a Naaŋmɩn na tĩ a tõ-vla ʋl a nyɩ zie a, ʋ na cãà na cow ʋ tɩ baarɩ a Yeezu Kɩrɩta lɛb-waa bibir.

Filib 2:19

A Sore Yeezu wa sàw a, ɩ̃ tɩɛrɛ na kɛ́ ka nɩ blã blã a, ɩ̃ na tõ n a Timote a nyɩ zie, kɛ́ ʋlɛ wa lɛb wa n a nyɩ yele wa manɩ kʋ̀ m a, mãa mɩ̀ tʋ̃ɔ́ nyɛ̃ mɔwlʋ a pʋɔ.

Filib 4:1

A na ŋmɛ̃ à ŋá a, ɩ̃ yɛb-nɔnɩ ɩ̃ na bɔbr k'ɩ̃ɩ lɛb nyɛ̃ tuo tuo a, nyɩɩm na ɩ a ɩ̃ nʋ̃ɔ̀ nɩ a ɩ̃ dɛpaal-bom a, nyɩ ƴãw fãw tɛr nyɩ tʋɔra vla à à ŋá lãwnɩ a Sore, ɩ̃ nɩ-nɔnɩ i.

Filib 4:15

A nyɩɩm Filib tẽw kɩrɩta-biir, nyɩ mɩŋa za bãwnɩ a na, a Yel-nʋ̃ɔ̀ hieru tib daar, a lɛn daar ɩ̃ na tɩ bɛr a Masedʋan tẽw a, Lãw-yir kãw za bɛ tɩ sõw a ɩ̃ wʋɔ ʋ kpɛ bɩɩ ʋ bɛ kpɛ, a bɛ ɩ a nyɩɩm tɛwr ɛ.

1 Tesalonikɩ 1:3

Bʋ̃ʋ n'ʋ vɛ̃, a Naaŋmɩn tɩ Sãà niŋé a, tɩ mɩ́ lɛb'a bãwnɩ a nyɩ naaŋmɩn-sàw-deb tome, a nyɩ nɔ̃wfʋ na nyɛrɛ bàlʋ a, nɩ a tɩɛrʋ nyɩ na ƴãw kpɛ̃w za a tɩ Sore Yeezu Kɩrɩta ƴãw a.

2 Timote 2:10

Alɛ n'a so ɩ̃ sàw de a tuo za, a bɛlɩ dem a Naaŋmɩn na kaa ír a ƴãw, kɛ́ a bɛl mɩ̀, bɛ tʋ̃ɔ́ páw a faafʋ a Kɩrɩta Yeezu ƴãw, lãwnɩ a yúor-vɩɛlʋ-danʋ na be kʋralɛ a.

Ebre 12:1

A na ɩ à ŋá a, a tɩɩm mɩ̀ na tɛr yel-mɩn dem bɛ jil koli tɩ sɛw à ŋá za a, nyɩ ɩ tɩ lɔb tuor za na gbine a tɩ cenu a bɛr, nɩ a yel-bier na bɛ mɩ́ yaa kɛ́ nyɔw tɩ a, ɛ́ dɩ kanyir zɔrɛ nɩ a dãw-taa zɔba bɛ na yel kɛ́ tɩ zɔrɛ a.

Ebre 4:1

A Naaŋmɩn nʋɔr na cãà ƴãw gã, kɛ́ tɩ na tʋ̃ɔ́ na ta a ʋ pɩ̃ɛnʋ zie a, nyɩ ɩ tɩ gù vla bɛ taa wa nyɛ̃ k'aa nyɩ kãw bɛ tʋ̃ɔ́ ta ɩ.

Ebre 4:11

A na ɩ à ŋá a, nyɩ ɩ tɩ ƴãw fãw ta a pɩ̃ɛnʋ ŋa zie, a tɩ sãàkʋm-kore bɛ-wonu taa ɩrɛ tɩ kãw za ʋ lore ɩ.

Ebre 5:9

Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw.

1 Pɩɛr 2:11

Ɩ̃ nɩ-nɔnɩ za na ɩ mɛ̃ nɩ-tɔlɩ nɩ nɩ-sãanbɛ a, ɩ̃ zɛlɛ nyɩ na, nyɩ ciir a ƴã-gan nʋ̃ɔ̀-faar vʋla na mɩ́ zɛbr'ɩ nyɩ a.

2 Pɩɛr 3:18

Ɛcɛ nyɩ kɛrɛ a tɩ Sore nɩ a tɩ Faarɛ Yeezu Kɩrɩta maalʋ nɩ a ʋ bãwfʋ pʋɔ. Ʋlɛ so yúor-vɩɛlʋ-danʋ ƴɛrɛŋa nɩ kʋralɛ. Amɛn.