Filib 2:1 - A SƐB-SÕW

¹ A na ɩ à ŋá a, nyɩmɛ wa sɩrɩ mɔwlɛ taa nyɩmɛ nɩ a Kɩrɩta na lãw taa a zũú a, nyɩmɛ wa kpaalɛ taa a nɔ̃wfʋ pʋɔ a, lãw-taa wa be be a Vʋʋrʋ Sõw pʋɔ a, nɔ̃wfʋ nɩ nɩbaal-zɔba wa be be a,

Filib 2:1 ပူးပေါင်းရင်းမြစ်များ

Sɛb-sõw yielu 133:1

Zerizalɛm dob daar yielu. Daviir so ʋ. Nyɛ̃ a yɛbr lãw-kpɛb na vɩɛl ɛ́ nʋmɛ a!

Ɩzayi 16:11

Alɛ so a ɩ̃ pʋsabɛ damnɛ a Mowab ƴãw mɛ̃ korijom fomie a, ɛ́ a ɩ̃ socir màwr a Kɩɩr-Hɛrɛsɩ ƴãw.

Luka 2:25

Zɩ̃ kɛ́ nɩr kãw tɩ be n a Zerizalɛm dɩ kɛ́ Sɩmɩ̃ɔ. Ʋ tɩ ɩ n nɩ-mɩŋa ɛ́ ƴãwnɛ a Naaŋmɩn. Ʋ tɩ gùre nɩ a mɔwlʋ a Ɩsɩrayɛl nãà wa nyɛ̃ a, ɛ́ a Vʋʋrʋ sõw tɩ be a ʋ zie.

Zã 14:18

Ɩ̃ kʋ̃ bɛr nyɩ nyɩ ɩ bi-kpebe ɩ, ɩ̃ na lɛb'a wa a nyɩ zie.

Zã 14:27

Ƴã-ɓaarʋ n'a ɩ̃ bɛrɛ kʋ̀rɛ nyɩ, a ɩ̃ ƴã-ɓaarʋ n'a ɩ̃ kʋ̀rɛ nyɩ. Ɩ̃ bɛ kʋ̀rɛ nyɩ mɛ̃ a lɛ a tẽ-daa na mɩ́ tɩr a ƴã-ɓaarʋ a ɩ. Nyɩ ta ɩ pʋl-vʋ̃ɔ nɩ dɛ̃bɩ̃ɛ tɛr nyɩ ɛ.

Zã 17:13

Ɛcɛ ƴɛrɛŋa a, ɩ̃ waar'ɩ a fʋ zie, ɛ́ yere a yele á ŋá a tẽ-daa zu ka ɩ̃ na cãà a, kɛ́ bɛ tɛr a ɩ̃ nʋ̃ɔ̀ ʋ paalɩ bɛ tɩ tɔ a ʋ tɔb zie.

Nɩ-toni 2:46

Bibi-vɩɛrɩ za, bɛ mɩ́ tɩ lãw nɩ soci-been cere nɩ a Ŋmɩn-yir-kpɛ̃ɛ pʋɔ bɛ tɛr nawfʋ ɛ, bɛ mɩ́ tɩ lãw na ŋmarɛ a dipɛ̃ pone a yie pʋɔ, ɛ́ lãw dɩrɛ a bɛ bʋ̃-dɩrɩ nɩ nʋ̃ɔ̀ nɩ pʋ-pɩɛlʋ.

Nɩ-toni 4:32

A nɩ-yaga bɛl za, na tɩ sàw de a Yeezu yele a, tɩ lãw nɩ soci-been nɩ tɩɛr-been. Kãw za bɛ mɩ́ tɩ yere kɛ́ ʋl yõ so a ʋ bʋ̃-tɛrɩ ɛ, ɛcɛ a bɛ bʋ̃-tɛrɩ za mɩ́ tɩ ɩ n a bɛ za dem.

Ʋrɔm 5:5

A tɩɛrʋ ŋa bɛ bɛ̀lɛ ɩ, bʋ̃ʋ n'ʋ vɛ̃, Naaŋmɩn ƴãw nɩ a ʋ nɔ̃wfʋ a tɩ socie pʋɔ, a Vʋʋrʋ Sõw ʋ na kʋ̀ tɩ a zũú.

Ʋrɔm 8:26

Lɛ mɩ̀ n'a, a Vʋʋrʋ Sõw mɩ́ wa na wa sõw a tɩ bãbàalʋ. Bʋ̃ʋ n'ʋ vɛ̃, tɩ bɛ bãw a puoru vla k'a sɛw ɛ, a Vʋʋrʋ Sõw mɩŋa n'ʋ mɩ́ puore kʋ̀rɛ tɩ nɩ zɛlʋ puoru na bɛ tɛr manʋ a.

1 Korɛ̃tɩ 12:13

Bʋ̃ʋ n'ʋ vɛ̃, Vʋʋrʋ been pʋɔ n'a tɩ za de a suob kɛ́ tɩ tʋ̃ɔ́ ɩ ƴã-gã-been, tɩmɛ saa ɩ Zifʋ bɩɩ bɛ ɩ a Zifʋ a, gbãgbaar bɩɩ nɩbɛ na so bɛ tʋɔra a. Ɛ́ a tɩ za a, a Vʋʋrʋ Sõw been yõ n'ʋ ɓãá a tɩ kʋ̃ɔ-nyúur.

1 Korɛ̃tɩ 15:31

Yɛbr i, bibir za n'a ɩ̃ kpiir, a yel ŋa ɩ n sɩza, mɛ̃ a lɛ nyɩ na sɩrɩ ɩ a ɩ̃ dɛpaal-bom, mãa nɩ a tɩ Sore Yeezu Kɩrɩta na lãw taa a ƴãw a.

1 Korɛ̃tɩ 3:16

Nyɩ bɛ bãw kɛ́ nyɩ ɩ n a Naaŋmɩn yir, nɩ k'aa Naaŋmɩn Vʋʋrʋ kpɩɛr'ɩ a nyɩ pʋɔ ɩ?

2 Korɛ̃tɩ 2:14

Naaŋmɩn so yãanɩ! A Kɩrɩta ƴãw a, ʋ mɩ́ ƴãw na tɩ pʋɔ a ʋ zɛb-tʋ̃ɔ́fʋ nɩbɛ pʋɔ kʋralɛ, ɛ́ a tɩɩm zũú, ʋ ɩ bɛ bãw a Kɩrɩta ziir za mɛ̃ parfɛ̃ a nyũu na yi pàw a ziir za a.

Galasi 4:6

A Naaŋmɩn na bɔbr k'ʋʋ wul kɛ́ nyɩ sɩrɩ na ɩ a ʋ bibiir a, ʋ tõ n a ʋ Bie Vʋʋrʋ a tɩ socie pʋɔ, ʋ mɩ́ cɩɩrɛ yere: «Aba, ɩ̃ Sãà a!»

Galasi 5:22

Ɛcɛ a Vʋʋrʋ Sõw bom'ɩ: nɔ̃wfʋ, nʋ̃ɔ̀, ƴã-ɓaarʋ, su-nyɔwra, vɩɛlʋ, nɩ-vla-ɩb, naaŋmɩn-sàw-deb,

Efɛɛzɩ 4:4

Mɛ̃ a lɛ a nyɩ bʋɔlʋ na bʋɔlɩ nyɩ tɩɛr-been páwfʋ ƴãw a, lɛ n'a ƴã-gã-been yõ be, Vʋʋrʋ been yõ mɩ̀ be.

Filib 1:8

Naaŋmɩn dɩ n a ɩ̃ dãsɩɛ k'ɩ̃ɩ nɔnɛ nyɩ na nɩ a Yeezu Kɩrɩta nɔ̃wfʋ tɔr za.

Filib 3:3

Tɩmɛ nɛbɛ sɩrɩ ŋma a yɛɛ, tɩɩm a Vʋʋrʋ Sõw na ƴãw tɩ puore a Naaŋmɩn a, tɩɩm na zɛwr tɩ tʋɔra tɩ na lãw nɩ a Yeezu Kɩrɩta, ɛ́ bɛ de a tɩ tɩɛrʋ ƴãw a tɩɩm tɛɛ za ƴãw a.

Kɔlɔsɩ 2:2

Ɩ̃ bɔbr'a k'ɩ̃ɩ ɩ à ŋá bɛ kpɛ socir yaga za, bɛ lãw taa nɔnɛ taa tʋ̃ɔ́ páw a yã za naalʋ kpɛ, tʋ̃ɔ́ bãw a Naaŋmɩn yel-sɔwla na ɩ a Kɩrɩta a.

Kɔlɔsɩ 3:12

Nyɩ na ɩ a Naaŋmɩn nɩ-kaa-íri, ʋʋ ɩ nyɩ ɩ son, ʋʋ nɔ̃w nyɩ a zũú, nyɩ ɩ su-ɓaarʋ nɩbɛ, nɩsaal-pɔwlbɛ, nyɩ siwre nyɩ tʋɔra, nyɩ ɩ su-nʋ̃ɔ̀ nɩ su-zãánɩ nɩbɛ.

Ebre 6:18

A na ɩ à ŋá a, yele ayi na bɛ tɛr lɩɛbʋ a pʋɔ, Naaŋmɩn na kʋ̃ tʋ̃ɔ́ ŋmãa ziri a, alɛ n'a kʋ̀rɛ tɩ sõwfʋ kpɛ̃ɛ a tɩɩm na zɔ sɔwlɩ a ʋ zie a. Lɛ n'a tɩ na tʋ̃ɔ́ nyɔw a tɩɛrʋ tɩ na ƴãw a Naaŋmɩn ƴãw a kpɛ̃w za, a tɩɛrʋ ŋa bɛ na kʋ̀rɛ tɩ a.

1 Pɩɛr 1:2

A Naaŋmɩn Sãà n'ʋ kaa ír nyɩ a tu a lɛ ʋ na tɩ dãw tɩɛrɩ a yele bin a koro za a. Ʋlɛ n'ʋ ƴãw a Vʋʋrʋ Sõw maalɩ nyɩ nyɩ ɩ son kɛ́ nyɩ wa sàwr a Yeezu Kɩrɩta nʋɔr ɛ́ páw a vɩɛlʋ a ʋ zɩ̃ɩ ƴãw. A Naaŋmɩn, ʋ kʋ̀ nyɩ a maalʋ nɩ a ƴã-ɓaarʋ yaga za.

1 Zã 3:24

Sob nɛ na sàwr a Naaŋmɩn nɛ-ƴãwnɩ a, ʋ lãw nɩ nɩ a Naaŋmɩn ɛ́ a Naaŋmɩn mɩ̀ lãw nɩ ʋ. À ŋá n'a tɩ bãw k'aa Naaŋmɩn lãw nɩ tɩ na, a Vʋʋrʋ Sõw ʋ na kʋ̀ tɩ a.

1 Zã 4:12

Nɩr za bɛ dãw nyɛ̃ a Naaŋmɩn ɛ. Tɩmɛ wa nɔnɛ taa a, Naaŋmɩn lãw nɩ tɩ na, ɛ́ a ʋ nɔ̃wfʋ a tɩ zie vɩɛl'ɩ ʋ za.

1 Zã 4:16

A tɩɩm a, tɩ bãw na ɛ́ sàw de a nɔ̃wfʋ a Naaŋmɩn na tɛr a tɩ ƴãw a. Naaŋmɩn ɩ n nɔ̃wfʋ. Sob nɛ na tɛr a nɔ̃wfʋ a, ʋ lãw nɩ nɩ a Naaŋmɩn, ɛ́ a Naaŋmɩn mɩ̀ lãw nɩ ʋ.