Filib 1:6 - A SƐB-SÕW

⁶ Ɩ̃ bɛ bʋ́nɛ nɩ a yel ŋa ɩ: a Naaŋmɩn na tĩ a tõ-vla ʋl a nyɩ zie a, ʋ na cãà na cow ʋ tɩ baarɩ a Yeezu Kɩrɩta lɛb-waa bibir.

Filib 1:6 ပူးပေါင်းရင်းမြစ်များ

Sɛb-sõw yielu 138:8

Sore e, a bom nɛ fʋ na tĩ a ɩ̃ ƴãw a, fʋ na maal'ʋ na tɩ baarɩ. Sore e, a fʋ nɔ̃wfʋ be n kʋralɛ, taa zawrɛ a fʋ nuru tome bɛrɛ ɩ.

Zã 6:29

A Yeezu yel bɛ: «A Naaŋmɩn tome n'ɩ kɛ́ nyɩ sàw de a sob nɛ ʋ na tõ a.»

Nɩ-toni 11:18

Bɛ na tɩ wõ a ƴɛ̀r-bie á ŋá a, bɛ tɩ lɛb'a nyɔw bɛ tʋɔra ɛ́ danɛ a Naaŋmɩn yere nɩ: «A na ɩ à ŋá a, a Naaŋmɩn mɩ̀ sɩrɩ na kʋ̀ a nɩ-bʋʋr-yoru a fãw kɛ́ bɛ mɩ̀ lɩɛbɩ a bɛ ɩb páw a nyɔ-vʋʋrʋ.»

Nɩ-toni 16:14

A bɛ ƴen sob kãw, na dɩ kɛ́ Lidi a, tɩ ɩ n yɛ-yɛrɛ na kʋɔrɛ pɛn-zɩɩr, pɛn-vɩɛlɩ vɩɛlɩ a. Tɩatɩɩr'a ʋ tɩ yi, ɛ́ tu a Naaŋmɩn puoru sɔ́r. Ʋ tɩ ƴãw nɩ tobr a ƴɛ̀rʋ ƴãw, a Sore tɩ sɩrɩ na ɩ ʋ cɛlɛ a Pol ƴɛ̀rʋ zie vla.

1 Korɛ̃tɩ 1:8

Ʋlɛ n'ʋ mɩ̀ na ɩ nyɩ kpɛmɛ tɩ ta n a baarʋ daar, kɛ́ nɩr ta nyɛ̃ sãwna kãw za yere a nyɩ zie a tɩ Sore Yeezu Kɩrɩta waa bibir ɛ.

2 Korɛ̃tɩ 1:15

A tɩɛrʋ ŋa na bɛ bʋ́nɛ a zũú n'a, ɩ̃ tɩ de niwn yel k'ɩ̃ɩ na wa n a nyɩ zie wa ɩ nyɩ páw maalʋ gb'a ayi dɔwlɩ,

2 Korɛ̃tɩ 2:3

Alɛ so ɩ̃ sɛb nyɩ à à ŋá, k'aa bɛlɩ dem nãá tɩ ƴãw mɛ̃ nʋ̃ɔ̀ a, bɛ ta ɩ pʋ-sãwna tɛr mɛ̃ a lɛn daar ɩ̃ nãà ta a nyɩ zie a ɩ. A nyɩɩm ƴãw a, ɩ̃ bɛ bʋ́nɛ ɩ, a ɩ̃ nʋ̃ɔ̀ mɩ̀ na ɩ n a nyɩ za dem.

2 Korɛ̃tɩ 7:16

Ɩ̃ cɩlɛ na ɩ̃ na na tʋ̃ɔ́ bɛr tɩɛrʋ a nyɩ ƴãw a yele za pʋɔ a.

2 Korɛ̃tɩ 9:4

Alɛ bɛ ɩ lɛ, a Masedʋan tẽw nɩbɛ wa páw mɛ̃ wa, wa nyɛ̃ nyɩ bɛ cɔbrɩ baarɩ a, a tɩɛrʋ tɩ na ƴãw a nyɩ ƴãw bɛ bʋ́nɛ a, nãà ɩ tɩ nɩ vĩ bɛ dɩ vuo ɩ, ɩ̃ɩ bɛ sàw yere k'aa tɩ vĩ ŋa na ɩ n a nyɩ vĩ ɛ.

Galasi 5:10

Mãa a, a Sore ɩ na ɩ̃ bɛr tɩɛrʋ a nyɩ ƴãw: ɩ̃ bãwnɩ a na nyɩ na kʋ̃ tɩɛrɛ bʋ̃-yoru a. Ɛcɛ a sob nɛ na ƴãwnɛ a damnʋ a nyɩ pʋɔ a na páw nɩ dɔwrʋ, ʋlɛ saa ŋmɛ̃ ŋmɩŋmɩn a.

Efɛɛzɩ 4:12

k'ʋʋ tʋ̃ɔ́ cɔbrɩ a kɩrɩta-biir vla a bɛ tome ƴãw: a Kɩrɩta ƴã-gan mɛb ƴãw,

Filib 1:10

nyɩ tʋ̃ɔ́ mɩ́ bãw bom nɛ na vɩɛl a. Lɛ n'a nyɩ na vɩɛl nyɩ za, ɛ́ bɛ tɛr sãwna a Kɩrɩta waa bibir ɛ.

Filib 1:29

Bʋ̃ʋ n'ʋ vɛ̃, ʋ kʋ̀ nyɩ nɩ a maalʋ ŋa kɛ́ nyɩ tone a Kɩrɩta tome na bɛ ɩ a ʋ sàw-deb tɛwr a, ɛ́ mɩ̀ cãà ɩ a tuo nyɩ na wone a ʋ ƴãw,

Filib 2:12

A na ɩ à ŋá a, ɩ̃ nɩ-nɔnɩ i, nyɩɩm na sàwr a ɩ̃ nʋɔr kʋralɛ a, nyɩ cãà ɩrɛ a lɛ ɩ̃ na mɩ́ wa be a nyɩ sɔgɔ a, ɛ́ mɩ̀ ɩrɛ gãw lɛ a ƴɛrɛŋa ɩ̃ na bɛ ka be a. Nyɩ tɛr zɔba nɩ mawfʋ tone nɩ a nyɩ faafʋ tome.

Filib 2:13

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

Filib 2:16

nyɩɩm na tɛr a nyɔ-vʋʋrʋ ƴɛ̀rʋ a: à ŋá n'a nyɩ na zɛw a ɩ̃ yúor a Kɩrɩta waa bibir, bʋ̃ʋ n'ʋ vɛ̃, a ɩ̃ tome nɩ a ɩ̃ hanʋ kʋ̃ ɩ zawla ɩ.

Kɔlɔsɩ 2:12

Nyɩ na de a suob a, bɛ ũù nyɩ na lãwnɩ a Kɩrɩta a bɔw pʋɔ. Bɛ mɩ̀ ɩ na nyɩ lãw nɩ ʋ lɛb yi, a nyɩ na sàw kɛ́ a Naaŋmɩn tɛr'ɩ fãw a zũú, a fãw ŋa na ɩ a Kɩrɩta ʋ lɛb yi a kũuni pʋɔ a.

1 Tesalonikɩ 1:3

Bʋ̃ʋ n'ʋ vɛ̃, a Naaŋmɩn tɩ Sãà niŋé a, tɩ mɩ́ lɛb'a bãwnɩ a nyɩ naaŋmɩn-sàw-deb tome, a nyɩ nɔ̃wfʋ na nyɛrɛ bàlʋ a, nɩ a tɩɛrʋ nyɩ na ƴãw kpɛ̃w za a tɩ Sore Yeezu Kɩrɩta ƴãw a.

2 Tesalonikɩ 1:11

Alɛ so tɩ puore kʋ̀rɛ nyɩ kʋralɛ, k'aa tɩ Naaŋmɩn ɩ nyɩ sɛw taa nɩ a nyɔ-vʋʋrʋ ʋl ƴãw ʋ na bʋɔlɩ nyɩ a, k'ʋʋ sõwne nyɩ nɩ a ʋ fãw, nyɩ mɩ́ maalɩ a vla za nyɩ na bɔbr a, ʋʋ ɩ a nyɩ sàw-deb tone vla vla za.

2 Tesalonikɩ 3:4

A nyɩɩm ƴãw a, tɩ ɓãá nɩ ƴãw bɛr tɩɛrʋ a Sore zie: bom nɛ za tɩ na mɩ́ yel kɛ́ nyɩ maalɩ a, nyɩ mɩ́ maal'a, ɛ́ na cãà maalɛ.

Filemɔ̃ 1:21

Ɩ̃ na bãwnɩ a fʋ nʋɔr-sàwfʋ a n'a ɩ̃ sɛbr fʋ, ɩ̃ɩ mɩ̀ bãwnɩ a na fʋ na na maalɩ zuo a lɛ ɩ̃ na yere a.

Ebre 10:35

A na ɩ lɛ a, nyɩ cãà ɓãá ƴãw bɛr tɩɛrʋ, a waar'ɩ nɩ maalʋ.

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

2 Pɩɛr 3:10

A Sore waa bibir na vɩɛ na mɛ̃ nyãnyuge a. A ʋlɩ bibir nɛ a, a salom na dam'a ɩ gɔmɛ tɛwr ɛ́ bɔr. A salom zu bʋ̃-íri na nyɔw nɩ vũu dɩ nyɩl, a tẽw nɩ a bome al za na be a ʋ zu a kʋ̃ cãà ɩ.