Filib 1:30 - A SƐB-SÕW

³⁰ zɛbr'ɩ a zɛb-been nɛ nyɩ na nyɛ̃ ɩ̃ zɛb, ɛ́ nyɩ bãwnɩ ɩ̃ cãà zɛbr a.

Filib 1:30 ပူးပေါင်းရင်းမြစ်များ

Zã 16:33

Ɩ̃ yel'ɩ à á ŋá kʋ̀ nyɩ kɛ́ nyɩ lãw nɩ mɛ̃ tɛr a ƴã-ɓaarʋ. Pʋ-sãwna pʋɔ n'a nyɩ be a tẽ-daa ŋa zu, ɛcɛ nyɩ ƴãw fãw, ɩ̃ zɛb'a tʋ̃ɔ́ a tẽ-daa.»

Filib 1:13

A Ʋrɔm tẽw na-kpɛ̃ɛ-lɩɛrɛ yir za pʋɔ nɩ a ziir za a, nɩr za bãwnɩ a nɩ ƴɛrɛŋa, kɛ́ a Kɩrɩta ƴãw n'a ɩ̃ be a gaso pʋɔ.

Kɔlɔsɩ 1:29

À á ŋá ƴãw n'a ɩ̃ tone ɛ́ mʋɔr nɩ a fãw ɩ̃ na páw a Yeezu Kɩrɩta zie, ɛ́ a fãw ŋa tone a ɩ̃ pʋɔ kpɛ̃w kpɛ̃w za a.

Kɔlɔsɩ 2:1

Sɩza n'a, ɩ̃ bɔbr'a kɛ́ nyɩ bãwnɩ a k'ɩ̃ɩ mʋɔr'ɩ mɔb na ɩ mɔb a, a nyɩ ƴãw, a Lawdise tẽw dem ƴãw, nɩ a ŋmaarɛ yaga bɛl za na bɛ dãw nyɛ̃ m towtow a ƴãw.

1 Tesalonikɩ 2:2

Nyɩ mɩ̀ bãwnɩ a na a daar yɩ̃ɛ ŋa bɛ na tʋ tɩ ɛ́ dɔwrɩ tɩ a Filib tẽw a. Ɛcɛ Naaŋmɩn tɩ kʋ̀ tɩ nɩ fãw tɩ manɩ a ʋ Yel-nʋ̃ɔ̀ kʋ̀ nyɩ, a na saa tɩ ɩ mɔb yaga a.

1 Timote 6:12

Zɛbr a naaŋmɩn-sàw-deb zɛb-vla. Ƴãw fãw páw a nyɔ-vʋʋrʋ na be kʋralɛ a, a ʋ páwfʋ ƴãw n'a a Naaŋmɩn bʋɔlɩ fʋ, a lɛn daar fʋ na hieri a fʋ naaŋmɩn-sàw-deb vla, yel-mɩn dem yaga niŋé a.

2 Timote 4:7

Ɩ̃ zɛb'ɩ a zɛb-vla, ɩ̃ zɔ na ta a dãw-taa zɔ-tab zie, ɩ̃ maal'a tɛr a naaŋmɩn-sàw-deb.

Ebre 12:1

A na ɩ à ŋá a, a tɩɩm mɩ̀ na tɛr yel-mɩn dem bɛ jil koli tɩ sɛw à ŋá za a, nyɩ ɩ tɩ lɔb tuor za na gbine a tɩ cenu a bɛr, nɩ a yel-bier na bɛ mɩ́ yaa kɛ́ nyɔw tɩ a, ɛ́ dɩ kanyir zɔrɛ nɩ a dãw-taa zɔba bɛ na yel kɛ́ tɩ zɔrɛ a.

Ebre 12:4

A zɛbr nyɩ na zɛbr'ɩ a yel-bier a, nyɩ cãà bɛ zɛb tɩ kpi n sɛr ɛ,

Yel-wula 12:11

A tɩ yɛbr zɛb'a tʋ̃ɔ́ ʋ a Pele zɩ̃ɩ ƴãw, nɩ a ƴɛ̀rʋ dãsɩɛ bɛ na dɩ a ƴãw. Bɛ bɛ tɩ nɔ̃w a bɛ nyɔ-vʋʋrʋ tɩ zɔ n a kũu dɛ̃bɩ̃ɛ ɩ.