Filib 1:27 - A SƐB-SÕW

²⁷ Alɛ saa ŋmɛ̃ ŋmɩŋmɩn a, nyɩ ɩ a nyɩ nyɔ-vʋʋrʋ tuur a Kɩrɩta Yel-nʋ̃ɔ̀, kɛ̀ mãa wa wa a nyɩ nyɛ́b bɩɩ mãa bɛ wa ka be a, mãa wone kɛ́ nyɩ lãw nɩ taa tɛr tɩɛr-been kpɛ̃w za, kɛ́ nyɩ lãw nɩ soci-been zɛbr a naaŋmɩn-sàwfʋ na yi a Yel-nʋ̃ɔ̀ pʋɔ a zɛbr,

Filib 1:27 ပူးပေါင်းရင်းမြစ်များ

1 Bibie za yel-manɩ 19:12

Ʋ tɩ yel'ɩ a ʋ yɛb: «A Siiri tẽw dem wa kpɛmɛ zuo mɛ̃ a, fʋ na wa na wa sõw mɛ̃, ɛ́ a Amɔ̃ tẽw dem wa nɛbɛ kpɛmɛ zuo fʋ a, mãa n'ʋ na wa wa sõw fʋ.

Sɛb-sõw yielu 122:3

Zerizalɛm, tẽ-kpɛ̃ɛ bɛ na ŋmãa vla, a yie nyɔw taa cen a.

Sɛb-sõw yielu 133:1

Zerizalɛm dob daar yielu. Daviir so ʋ. Nyɛ̃ a yɛbr lãw-kpɛb na vɩɛl ɛ́ nʋmɛ a!

Zʋkpaɩ 22:23

Bʋ̃ʋ n'ʋ vɛ̃, a Sore na ƴɛ̀r'a kpɛ bɛ. Ʋ na de nɩ a bɛlɩ dem za nãà wa fa a bɛ bʋ̃-tɛrɩ za a nyɔ-vʋʋrʋ.

Zeremi 32:39

Ɩ̃ na kʋ̀ bɛ nɩ soci-been nɩ ɩb na ɩ been a, bɛ tʋ̃ɔ́ ƴãwnɛ mɛ̃ kʋralɛ. A lɛ pʋɔ a, nʋ̃ɔ̀ na ɩrɛ bɛ na, a bɛl nɩ a bɛ bibiir a bɛ pùorí.

Matie 12:25

Ɛcɛ a Yeezu na tɩ bãw a bɛ tɩɛrʋ á ŋá a, ʋ tɩ yel'a: «Naalʋ tẽw za a nɩbɛ na bʋ́r zɛbr taa a kʋ̃ tʋ̃ɔ́ àr ɛ. Tẽw za bɩɩ yir za a nɩbɛ na bʋ́r zɛbr taa a kʋ̃ tʋ̃ɔ́ àr ɛ.

Nɩ-toni 2:46

Bibi-vɩɛrɩ za, bɛ mɩ́ tɩ lãw nɩ soci-been cere nɩ a Ŋmɩn-yir-kpɛ̃ɛ pʋɔ bɛ tɛr nawfʋ ɛ, bɛ mɩ́ tɩ lãw na ŋmarɛ a dipɛ̃ pone a yie pʋɔ, ɛ́ lãw dɩrɛ a bɛ bʋ̃-dɩrɩ nɩ nʋ̃ɔ̀ nɩ pʋ-pɩɛlʋ.

Nɩ-toni 24:24

Bibie à ŋá lɛ pùorí, a Felisɩ tɩ wa na, ʋlɛ nɩ ʋ pɔw Dirisil, na tɩ ɩ Zifʋ bʋʋrɛ a. A Felisɩ tɩ ƴãw na kɛ́ bɛ tɛr a Pol wa n ʋ wa ƴɛ̀r a Yeezu Kɩrɩta sàw-deb ƴɛ̀rʋ ʋ bɛr wõ.

Nɩ-toni 4:32

A nɩ-yaga bɛl za, na tɩ sàw de a Yeezu yele a, tɩ lãw nɩ soci-been nɩ tɩɛr-been. Kãw za bɛ mɩ́ tɩ yere kɛ́ ʋl yõ so a ʋ bʋ̃-tɛrɩ ɛ, ɛcɛ a bɛ bʋ̃-tɛrɩ za mɩ́ tɩ ɩ n a bɛ za dem.

Ʋrɔm 1:16

Ɩ̃ bɛ zɔrɛ vĩ a Yel-nʋ̃ɔ̀ hieru ƴãw ɛ: bʋ̃ʋ n'ʋ vɛ̃, ʋ ɩ n Naaŋmɩn kpɛnʋ na faarɛ nɩr za na sàw de a, a Zifʋ mɩnɛ n'ɩ a dãw-niwn dem, al pùorí a bɛl na bɛ ɩ Zifʋ mɩnɛ a.

Ʋrɔm 1:5

A ʋl ƴãw n'a ɩ̃ páw a maalʋ lɩɛbɩ nɩ-tona, k'ɩ̃ɩ tɛr a nɩ-bʋʋr-yoru nɩbɛ za wa n bɛ wa sàw de ʋ, ɛ́ sàwr a ʋ nʋɔr, a ʋ yúor zɛwfʋ ƴãw.

Ʋrɔm 1:9

Naaŋmɩn n'ɩ a ɩ̃ yel-mɩŋa sob, ʋl ɩ̃ na puore nɩ ɩ̃ pʋɔ za ɛ́ hiere a ʋ Bie Yel-nʋ̃ɔ̀ a. Ɩ̃ mɩ́ tɛr'ɩ a nyɩ tɩɛrʋ kʋralɛ,

Ʋrɔm 10:8

A na ɩ à ŋá a, a ƴɛ̀rʋ ƴɛ̀r'a kɛ́ bo? Kɛ́: «A ƴɛ̀rʋ pɩɛl'ɩ fʋ na, ʋ be n a fʋ nʋɔrɩ́ nɩ a fʋ socir pʋɔ.» A ƴɛ̀rʋ ŋa ɩ n a ƴɛ̀rʋ na càarɩ a sàw-deb a, a ƴɛ̀rʋ ŋa n'ʋ tɩ hiere.

Ʋrɔm 15:16

k'ɩ̃ɩ ɩ a Yeezu Kɩrɩta tõ-tõ-bie a nɩ-bʋʋr-yoru ƴãw. Tõ-sõw n'ʋ ɩ̃ tone hiere a Naaŋmɩn Yel-nʋ̃ɔ̀, k'aa nɩ-bʋʋr-yoru lɩɛbɩ bàwr-maal-bom na nʋmɛ a Naaŋmɩn zie a, bàwr-maal-bom Vʋʋrʋ Sõw na ɩ k'ʋ ɩ sõw a.

Ʋrɔm 15:29

Ɩ̃ɩ bãwnɩ a na kɛ́ mãa wa waar a nyɩ zie a, a Kɩrɩta maalʋ yaga za n'a ɩ̃ na wa n.

1 Korɛ̃tɩ 1:10

Yɛbr i, ɩ̃ zɛlɛ nyɩ nɩ yãayãa a tɩ Sore Yeezu Kɩrɩta yúor ƴãw, nyɩ za nyɩ lãw nʋɔr, nyɩ ta ɩ bʋ́r-taa be a nyɩ cara pʋɔ ɩ. Nyɩ lãw yã ɛ́ tɛr tɩɛr-been.

1 Korɛ̃tɩ 15:58

A na ɩ lɛ a, ɩ̃ yɛb-nɔnɩ i, nyɩ ƴãw fãw kpɛmɛ, ɛ́ taa bãwnɛ damnʋ ɛ. Nyɩ kɛrɛ kʋralɛ a Sore tome pʋɔ, ɛ́ bãwnɩ a kɛ́ nyɩ bɛ hanɛ lãwnɛ nɩ a Sore zawla ɩ.

2 Korɛ̃tɩ 13:11

Ƴɛrɛŋa a, yɛbr i, nyɩ cɩlɛ, nyɩ ƴãw fãw ɩrɛ kɛ́ nyɩ vɩɛl tɩ tɔ, nyɩ kpaalɛ taa, nyɩ lãw taa tɩɛrʋ, nyɩ tɛr a ƴã-ɓaarʋ, ɛ́ a nɔ̃wfʋ nɩ a ƴã-ɓaarʋ Naaŋmɩn na be n a nyɩ zie.

2 Korɛ̃tɩ 4:4

a naaŋmɩn-bɛ-sàw-dierbɛ, bɛl a tẽ-daa ŋa naaŋmɩn na zɔ̃w a bɛ tɩɛrʋ, kɛ́ bɛ ta nyɛ̃ a Kɩrɩta Yel-nʋ̃ɔ̀ yúor-vɩɛlʋ-danʋ cãà a, a Kɩrɩta ŋa na ɩ a Naaŋmɩn ŋmɛ̃-ta-tɔ tɔr za a.

2 Korɛ̃tɩ 9:13

Nɩ-yaga na na nyɛ̃ a nyɩ ton ŋa vɩɛl sɛw à ŋá a, bɛ na íre nɩ a Naaŋmɩn yúor-vɩɛlʋ-danʋ, nyɩ na sàw a nʋɔr a ƴãw. A nyɩ nʋɔr-sàwfʋ ŋa wul'a kɛ́ nyɩ de nɩ a Kɩrɩta Yel-nʋ̃ɔ̀. Bɛ mɩ̀ na íre nɩ a Naaŋmɩn yúor-vɩɛlʋ-danʋ, nyɩ na sàw de a nyɩ bʋ̃-tɛrɩ tɩr bɛ põ kʋ̀ bɛ, lãwnɩ a ŋmaarɛ bɛl za na cɛ a.

Galasi 1:7

A bɛ kaar mɛ̃ Yel-nʋ̃ɔ̀ kãw lɛb'a be be ɩ, ɛcɛ nɩbɛ bɛ mɩnɛ kãw nɛbɛ be be damnɛ nyɩ, ɛ́ bɔbr kɛ́ bɛ lɩɛbɩ a Kɩrɩta Yel-nʋ̃ɔ̀.

Efɛɛzɩ 1:13

A Kɩrɩta nyɩ na lãw nɩ a ƴãw n'a nyɩ wõ a yel-mɩŋa ƴɛ̀rʋ, a Yel-nʋ̃ɔ̀ na faarɛ nyɩ a. A ʋl nyɩ na lãw nɩ a ƴãw mɩ̀ cãà n'a nyɩ sàw de, ɛ́ bɛ ŋmãa a Vʋʋrʋ a Naaŋmɩn na tɩr a bãwfʋ ƴãw nyɩ, a Vʋʋrʋ Sõw na ɩ

Efɛɛzɩ 1:15

Alɛ n'a so, a mãa mɩ̀ na wõ kɛ́ nyɩ sàw na de a Sore Yeezu ɛ́ nɔnɛ a kɩrɩta-biir za a,

Efɛɛzɩ 4:1

A mãa na be a gaso pʋɔ a Sore yúor ƴãw a, ɩ̃ zɛlɛ nyɩ na, nyɩɩm a Naaŋmɩn na bʋɔlɩ a, kɛ́ nyɩ vʋʋrɛ nyɔ-vʋʋrʋ na sɛw taa nɩ a bʋɔlʋ ŋa nyɩ na wõ a.

Filib 1:5

nyɩ na lãw nɩ mɛ̃ a Yel-nʋ̃ɔ̀ hieru ƴãw a zũú, a pɛr-tib daar za wa tɩ tɔ a dɩ̃a a.

Filib 2:12

A na ɩ à ŋá a, ɩ̃ nɩ-nɔnɩ i, nyɩɩm na sàwr a ɩ̃ nʋɔr kʋralɛ a, nyɩ cãà ɩrɛ a lɛ ɩ̃ na mɩ́ wa be a nyɩ sɔgɔ a, ɛ́ mɩ̀ ɩrɛ gãw lɛ a ƴɛrɛŋa ɩ̃ na bɛ ka be a. Nyɩ tɛr zɔba nɩ mawfʋ tone nɩ a nyɩ faafʋ tome.

Filib 2:24

Mɔ̃ mɩ̀, ɩ̃ bãwnɩ a na, a Sore wa sàw a, ka nɩ blã a, ɩ̃ mɩŋa na wa n a nyɩ zie.

Filib 3:18

Ɩ̃ tɩ yel'a kʋ̀ nyɩ gb'aa ŋmɩn za, ɛ́ lɛb yere kʋ̀rɛ nyɩ a dɩ̃a kone nɩ: nɩbɛ yaga be n be ɩrɛ mɛ̃ a Kɩrɩta da-gara dɔ̃ dem a.

Filib 3:20

Ɛ́ a tɩɩm a, a tɩ tẽ-kpɩɛra n'ɩ a tẽ-vla, be n'a tɩ gùre k'aa Sore Yeezu Kɩrɩta yi wa mɛ̃ a faarɛ a,

Filib 4:1

A na ŋmɛ̃ à ŋá a, ɩ̃ yɛb-nɔnɩ ɩ̃ na bɔbr k'ɩ̃ɩ lɛb nyɛ̃ tuo tuo a, nyɩɩm na ɩ a ɩ̃ nʋ̃ɔ̀ nɩ a ɩ̃ dɛpaal-bom a, nyɩ ƴãw fãw tɛr nyɩ tʋɔra vla à à ŋá lãwnɩ a Sore, ɩ̃ nɩ-nɔnɩ i.

Kɔlɔsɩ 1:10

À ŋá n'a nyɩ na maalɛ a Naaŋmɩn yã-nɔn za, ɛ́ vʋʋrɛ nyɔ-vʋʋrʋ na sɛw taa nɩ ʋ a. Nyɩ na maalɛ nɩ ɩ-vɩɛlɩ bʋʋrɛ bʋʋrɛ za, ɛ́ lɛb bãwnɛ a Naaŋmɩn dɔwlɛ.

Kɔlɔsɩ 1:4

Tɩ wõ n a lɛ nyɩ na sàw de a Yeezu Kɩrɩta a, nɩ a nɔ̃wfʋ nyɩ na tɛr a kɩrɩta-biir za ƴãw a,

1 Tesalonikɩ 3:6

Ƴɛrɛŋa a, a Timote yi n a nyɩ zie be lɛb wa ta a tɩ zie ka, ɛ́ yel a nyɩ naaŋmɩn-sàw-deb nɩ a nyɩ nɔ̃wfʋ na vɩɛl a yele kʋ̀ tɩ. Ʋ yel'a kʋ̀ tɩ kɛ́ nyɩ cãà na tɩɛrɛ a tɩ yele vla, ɛ́ bɔbr kɛ́ nyɩ lɛb nyɛ̃ tɩ, mɛ̃ a lɛ tɩ mɩ̀ na bɔbr kɛ́ tɩ lɛb nyɛ̃ nyɩ a.

1 Tesalonikɩ 4:1

Lɛb waar mɩ̀, yɛbr i, tɩ zie n'a nyɩ wõ a lɛ a na fɛr kɛ́ nyɩ ɩrɛ pɛlɩ a Naaŋmɩn pʋɔ a, ɛ́ lɛ n'a nyɩ ɩrɛ. Ɛcɛ a ƴɛrɛŋa a, tɩ zɛlɛ nyɩ na ɛ́ kpaalɛ nyɩ a Sore Yeezu yúor ƴãw: nyɩ cãà ɩrɛ vla dɔwlɛ.

1 Timote 1:11

A wulu ŋa be n a Yel-nʋ̃ɔ̀ bɛ na kʋ̀ m a pʋɔ. A Yel-nʋ̃ɔ̀ ŋa yi n a yúor-vɩɛlʋ-danʋ Naaŋmɩn zie, ʋl na ɩ a nʋ̃ɔ̀ yib zie a.

1 Timote 1:19

nɩ naaŋmɩn-sàw-deb nɩ tɩɛr-vla. Bɛ mɩnɛ zawr'ɩ a bɛ tɩɛr-vla ŋa tub, a bɛ naaŋmɩn-sàw-deb tu kʋ̃ɔ.

2 Timote 4:7

Ɩ̃ zɛb'ɩ a zɛb-vla, ɩ̃ zɔ na ta a dãw-taa zɔ-tab zie, ɩ̃ maal'a tɛr a naaŋmɩn-sàw-deb.

Títɩ̀ 2:10

bɛ ta zure bɛ bom kãw za ɩ. Bɛ ɩrɛ vla kʋralɛ taa lɛbr pùor towtow ɛ, lɛ n'a bɛ na tɛr ƴãwfʋ a Naaŋmɩn tɩ Faarɛ wulu ƴãw a yele za pʋɔ.

Filemɔ̃ 1:5

Bʋ̃ʋ n'ʋ vɛ̃, ɩ̃ wone na bɛ na manɛ a lɛ fʋ na nɔ̃w a kɩrɩta-nɩbɛ za a, nɩ a lɛ fʋ na sàw de a Sore Yeezu a.

Zakɩ 3:18

Bɛlɩ dem na mɩ́ ɩrɛ a ƴã-ɓaarʋ ɩb a, a ƴã-ɓaarʋ pʋɔ n'a bɛ mɩ́ bʋ̀r, ɛ́ a wɔmɛ bɛ na mɩ́ wa de a, alɛ n'ɩ a mɩnʋ.

2 Pɩɛr 3:11

A bome á ŋá na na sãw à ŋá a, nyɩ bãw lɛ a na fɛr kɛ́ nyɩ ɩrɛ a. A fɛr'a kɛ́ a nyɩ cenu vɩɛl, ɛ́ nyɩ tu a Naaŋmɩn pùor,

2 Pɩɛr 3:14

Alɛ so, ɩ̃ bá mɩnɛ ɛ, nyɩ ƴãw fãw vɩɛl ɛ́ ta tɛr dɛwr a Naaŋmɩn zie ɩ, gùre nɩ a bibir ŋa, ɛ́ ƴã-ɓaarʋ be nyɩɩm nɩ a Naaŋmɩn cara pʋɔ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:3

Ɩ̃ bá mɩnɛ ɛ, ɩ̃ tɩ bɔbr'a nɩ ɩ̃ pʋɔ za, k'ɩ̃ɩ sɛb nyɩ manɩ a faafʋ tɩ za na lãw a yele kʋ̀ nyɩ. Ɛcɛ a wa ɩ fɛrʋ k'ɩ̃ɩ tɩr a sɛbɛ ŋa kʋ̀ nyɩ, yel kʋ̀ nyɩ kɛ́ nyɩ ƴãw fãw mʋɔr a sàw-deb a Naaŋmɩn na kʋ̀ a ʋ nɩbɛ daƴen daadaa a ƴãw.