Filib 1:23 - A SƐB-SÕW

²³ Ziir ayi n'a ɩ̃ àr'ɩ dɛ bɛ bãw ɛ: ɩ̃ bɔbr'a k'ɩ̃ɩ nãá kpi cen tɩ lãw nɩ a Kɩrɩta, lɛ n'a nãá vɩɛl tɩ zuo.

Filib 1:23 ပူးပေါင်းရင်းမြစ်များ

2 Samɩɛl 24:14

A Daviir tɩ sɔw nɩ a Gadɩ: «Pʋl-vʋ̃ɔ nyɔw mɛ̃ na bɛ dɩ vuo ɩ... Ɛcɛ mãa nɩ̃ɛ lo a Sore nuru pʋɔ a, alɛ sa ɩ̃ na na lo a nɩsaalbɛ nuru pʋɔ a, bʋ̃ʋ n'ʋ vɛ̃, a Sore bãw nɩ nɩbaalʋ zɔba.»

Sɛb-sõw yielu 17:15

Ɛcɛ mãa a, sɔ́r be n be, ɩ̃ na nyɛ̃ nɩ a fʋ niwn. A ɩ̃ ìru daar a, fʋ na sãá na ɩ̃ jɩ́r fʋ tɩ sɛw.

Sɛb-sõw yielu 49:15

Bɛ pàw bɛ na mɛ̃ píir a, a kpɩmɛ tẽw, a kũu n'ɩ a bɛ cɩ̃ɩnɛ. — A nɩ-mɩn na dɩrɛ nɩ naalʋ a bɛ zu. — A bɛ dasule na bɔr'ɩ fɔ̃w fɔ̃wlɛ, a kpɩmɛ tẽw n'ʋ na ɩ a bɛ kpɛb zie.

Luka 12:50

A fɛr'a k'ɩ̃ɩ de suob kãw, ɛcɛ pʋl-vʋ̃ɔ bɛ n'a tɛr mɛ̃ ɩ, ɛ́ gù ɩ̃ nãà wa de ʋ baarɩ a!

Luka 23:43

A Yeezu lɛb yel ʋ: «Yel-mɩŋa sɩza n'a ɩ̃ yere kʋ̀rɛ fʋ, a dɩ̃a, fʋ na lãwnɩ mɛ̃ na be a tẽ-vla pʋɔ.»

Luka 8:38

A dɛb ʋl a kɔ̃tɔ̃-faar na tɩ yi kɛ́ bɛr a, tɩ zɛlɛ nɩ a Yeezu k'ʋʋ sàw ʋ tuur ʋ. Ɛcɛ a Yeezu bɛ tɩ sàw ɛ, ɛ́ yel ʋ:

Zã 12:26

Nɩr wa bɔbr k'ʋʋ tone a ɩ̃ tome a, ʋ tuur mɛ̃, ɛ́ zie nɛ za ɩ̃ na be a, be n'a a ɩ̃ tõ-tone mɩ̀ na be. Nɩr wa tone a ɩ̃ tome a, a ɩ̃ Sãà na ƴãwnɛ ʋ na.»

Zã 13:1

A Tɔl-gãw cuw zãa daarɩ́ tɩ n'a. A Yeezu na tɩ bãw kɛ́ a daar ʋl, ʋ na na yi a tẽ-daa ŋa zu lɛb cen a ʋ Sãà zie a, ta na a, ʋ na tɩ nɔ̃w a ʋ nɩbɛ na be a tẽ-daa zu a, ʋ nɔ̃w bɛ na tɩ ɓɩɩlɩ.

Zã 14:3

Ɛ́ mãa wa cen tɩ cɔbrɩ a zie bɛr nyɩ baar'a, ɩ̃ na lɛb'a wa wa tɛr nyɩ, ɛ́ a be ɩ̃ na be a, be n'a nyɩ mɩ̀ na be.

Zã 17:24

Ɩ̃ Sãà a, a bɛlɩ dem fʋ na kʋ̀ m a, ɩ̃ bɔbr'a kɛ́ a be ɩ̃ na be a, bɛ mɩ̀ be a be lãwnɩ mɛ̃, ɛ́ nyɛ̃ a ɩ̃ yúor-vɩɛlʋ-danʋ, a yúor-vɩɛlʋ-danʋ ʋl fʋ na kʋ̀ m a, a fʋ na tɩ nɔ̃w mɛ̃ ɛ́ bɛ ír a tẽ-daa sɛr a ƴãw.

Nɩ-toni 7:59

Bɛ na tɩ lɔbr'ɩ ʋ a kʋsɛbɛ a, a Ɩtɩɛn tɩ puore nɩ à ŋá: «Sore Yeezu u, de a ɩ̃ vʋʋrʋ!»

2 Korɛ̃tɩ 5:8

Bʋnʋ kãw za bɛ ka a tɩ zie ɩ, ɛ́ tɩ nyɛ̃ a sa kɛ́ tɩ yi ɛ́ bɛr a ƴã-gan ŋa, ɛ́ cen tɩ be a Sore zie.

2 Korɛ̃tɩ 6:12

Tɩ nɔ̃w nyɩ na nɩ a tɩ pʋɔ za, ɛcɛ nyɩmɛ nɛbɛ bɛ nɔ̃w tɩ nɩ a nyɩ pʋɔ za ɩ.

Filib 1:24

Ɛcɛ a nyɩɩm ƴãw a, a cãà vʋʋrɛ a tẽw zu ka n'a fɛrɛ zuo.

1 Tesalonikɩ 2:1

Yɛbr i, nyɩɩm mɩŋa za bãwnɩ a na: tɩ bɛ wa a nyɩ zie zawlalɛ ɩ.

1 Tesalonikɩ 2:13

Lɛ so tɩ mɩ́ puore a Naaŋmɩn yãanɩ kʋralɛ. Nyɩ na tɩ wõ a Naaŋmɩn ƴɛ̀rʋ a tɩ nʋɔrɩ́ ɛ́ sàw de a, nyɩ bɛ sàw de ʋ mɛ̃ nɩsaalbɛ ƴɛ̀rʋ a ɩ, nyɩ sàw na de ʋ mɛ̃ a lɛ tɔr za ʋ na ɩ a, Naaŋmɩn ƴɛ̀rʋ na tone a nyɩɩm na sàw de a zie a.

1 Tesalonikɩ 4:17

Al pùorí, a tɩɩm na na cãà vʋʋrɛ a lɛn daar a, bɛ na ɓáw tɩ na lãwnɩ bɛ a zũzuge pʋɔ, tɩ tuori a Sore a salom zu, ɛ́ lɛ n'a tɩ na tɩ be a Sore zie kʋralɛ.

2 Timote 4:6

Mãa a, bɛ maal'ɩ mɛ̃ nɩ a bàwr baarɩ, a ɩ̃ kulu daar ta na.

Yel-wula 14:13

Al pùorí, ɩ̃ tɩ wõ n kɔkɔr a salom zu ʋ yere a ɩ̃ zie: «Sɛb yel: “Zu-nʋ̃ɔ̀ dem'ɩ a bɛl na tĩ kpiir a ƴɛrɛŋa ɛ́ lãw nɩ a Sore a!” A Naaŋmɩn Vʋʋrʋ yere na: “Sɩza n'a, bɛ na tʋ̃ɔ́ na pɩ̃ɛnɛ nɩ a bɛ bàlʋ bɛ na nyɛ̃ a, bʋ̃ʋ n'ʋ vɛ̃, a bɛ tome sã-ya tuur bɛ na.”»